ѕведите на гранд – Вистина.мк

Врвот на регионалната естрада му дојде на промоција на новиот спот: Александар Јосифовски дефинитивно е роден да биде голема ѕвезда (ФОТО)

Антонио Димитриевски — Tue, 04 Apr 2023 07:34:42 +0000

Во моментов веројатно најблескавата македонска „Ѕвезда на Гранд“, охридскиот рокер Александар Јосифовски ја промовирашае новата песна „Пусти ноќи“, а гала промоцијата се одржа во еден елитен ресторан во српската престолнина - Белград. Многубројните колеги и пријатели дојдоа да му дадат поддршка на младиот пејач кој воодушеви со своите настапи во силната конкуренцијата во последната сезона на „Ѕвездите на Гранд“, а меѓу првите кои дојдоа беа и оние кои беа во жирито на популарниот музички натпреварување, предводени од менторот на Александар, колегата рокер Ѓорѓе Давид, кој беше најгорд на својот ученик таа вечер. Меѓу оние кои го испочитувааАлександар беа и балканската фолк дива Цеца Ражнатовиќ, Ана Бекута, Александар Милиќ Мили, Вики Миљковиќ и секако шефот Саша Поповиќ. Гест што досега ниту е виден, ниту се памети дека се случил на една промоција на млад македонски изведувач, кој допрва зачекорува на естрадната сцена на патот кон сериозниот успех. А кога врвот на регионалната естрада ќе ви дојде на промоција на новиот спот, како што му се случи на младиот Македонец, тоа кажува само едно: Александар Јосифовски дефинитивно е роден да биде голема ѕвезда! За поддршка дојдоа и дел од колегите пејачи со кои Александар ја „делеше натпреварувачката сцена“. Меѓу нив беа победникот на „Ѕвездите на Гранд“, Нермин Ханџиќ, потоа Сандра Младеновиќ, Исак Шабановиќ, Жарко Маџиќ, поранешниот победник Милан Топаловиќ Топалко, како и многу други. Јосифовски неодамна зборуваше за за својата нова песна, дека во пишувањето на текстот му помогнала водителката на Гранд, Сања Ќулибрк, која се појавува и во спотот за за „Пусти ноќи“. „Подготвувам нешто ново, песна од македонското музичко поднебје напишана од Григор Копров. Текстот е делумно мој, а дел од текстот го напиша мојата драга Сања Ќулибрк, која се потруди да и даде личен шмек на новата песна“ - изјави тогаш Александар, откривајќи во таа прилика за што пее во новата песна: „Песната ќе покаже како може да изгледа секоја љубов кон жената“ - изјави неодамна Александар.

View this post on Instagram

A post shared by Djordje David - FAN PAGE (@djordje.david_fp)

Александар Јосифовски по повод промоцијта добил и многу подароци, а потоа дружењето меѓу гостите продолжило до раните утрински часови. Како звучи песната на Копров во изведба на Александар Јосифовски и како изгледа спотот за „Пусти ноќи“, кој го потпишуваат исто така двајца Македонци: Кристијан Љушев и Даниел Јовески, проследете од видеото во продолжение (КЛИКНИ ТУКА): Фото: Инстаграм принтскрин/Grand/djordje.david_fp/alexandarjosifovski Видео: You Tube

Оваа “брзозборка“ беше првата водителка на „Ѕвездите на Гранд“: Се сеќавате ли на „мис лапсус“? (ФОТО)

Антонио Димитриевски — Thu, 01 Dec 2022 12:19:36 +0000

Поранешната водителка Инес Гавриловиќ своевремено беше една од најпопуларните во регионот. Таа долго време беше водителка на „Неделното попладне“, по што беше и прва водителка на музичкиот натпревар „Ѕвездите на Гранд“. Тогашните учесници се сеќаваат на Инес, дури и две децении подоцна. Инес беше позната како некоја која многу брза зборува, така што нејзините лапсуси се случуваа често и беа раскажувани додека таа никогаш не се грижеше за тоа. Всушност, тоа стана нејзин заштитен знак од кој не можеше или не сакаше да избега. И додека се занимаваше со ТВ водителство, Инес не сакаше многу да се експонира во медиумите, особено откако реши да се повлече од јавноста. Таа и денес одбива да комуницира со медиумите или да се рекламира заради која било причина, зашто и е преку глава од јавната работа, која очигледно била само една фаза од нејзиниот професионален живот. Решила да води мирен семеен живот, се реализирала како мајка и се посветила на сосема различни работи кои се далеку од очите на јавноста. Сепак, и по толку години, Инес изгледа феноменално, младешко и свежо и весело, што се гледа и од фотографијата на која е сликана со својот пес. Фото: Јутјуб принтскрин

Учесничката во „Ѕвездите на Гранд“ признава: „Ѓорѓе Давид не бара во два наутро“

Слободанка Илиева — Tue, 15 Mar 2022 10:35:51 +0000

Учесничката на „Ѕвездите на Гранд“, Маја Ѓорѓевиќ привлече големо внимание и кај публиката и кај жирито, а своите настапи вредно ги подготвува со својот ментор Ѓорѓе Давид. Маја сега откри дека нејзиниот ментор е многу посветен на кандидатите, а водителот Воја Недељковиќ во емисијата „Ѕвезде Гранда Специјал“ ја праша дали е вистина дека Ѓорѓе Давид им се јавува дури во 2 часот по полноќ да им каже некоја идеја, а Маја потврди. - Ако треба, да (смеа). Апсолутно е посветен на сите нас, како и на часовите за менторство - изјави натпреварувачот во споменатата емисија. Маја додаде дека сака да биде иновативна и секој пат да им се претставува на гледачите во различно светло. - Не се занимавам со тоа, но сакам да експериментирам, секој пат да изгледам поинаку и луѓето со нетрпение да го чекаат моето следно појавување на натпреварот - изјави младата пејачка. фото:принтскрин јутјуб

„Се врати Јелена Карлеуша во „Ѕвездите на Гранд“: Марија Шерифовиќ направи хаос во музичкото шоу

Христина Ѓоргиевска — Thu, 10 Feb 2022 09:38:19 +0000

Maрија Шерифовиќ направи хаос во „Ѕвездите на Гранд“ откако ја изнервираа членовите на жирито околу гласањето на кандидатите, па Саша Поповиќ ја спомна Јелена Карлеуша. -Леле Боже ќе се по*очам од смеа. Дали вие сте нормални? Сите вие кои му дадовте глас на човекот кој не состави во двете песни, изјави Марија. Повеќето членови на жирито не се трудеа да се одбранат од Марија, но затоа Вики стана да каже нешто во своја одбрана. -Обрати се на тој кој е луд, директно во главата, алудираше Вики на Мили. -Повторно да се гласа, Поповиќ ме слушаш ли?, а Ана Бекута се согласи со неа. -Леле види се врати Јелена Карлеуша во жирито, изјави Поповиќ, а Марија му одговори: -Да, влезе. За потсетување, Јелена Карлеуша оваа сезона ги напушти „Ѕвездите на Гранд“, а на нејзино место дојде Цеца Ражнатовиќ. фото: принтскрин/јутуб/звезде гранда

Додека Цеца денес снима прво издание од „Ѕвездите на Гранд“, Карлеуша ја напушти Србија, а еве и зошто (ФОТО)

Антонио Димитриевски — Tue, 07 Sep 2021 12:19:06 +0000

Новата сезона на „Ѕвездите на Гранд“ започнува со емитување на 18 септември, а учесниците и гледачите ќе имаат големо изненадување на самиот старт - нов член на жирито ќе биде Светлана Цеца Ражнатовиќ. Денес, вторник 07.09.2021 г. се одвива и првото снимање од новата сезона на шоуто, во кое Цеца за првпат ќе се појави. Гранд издаде соопштение во кое и се заблагодарува на Јелена Карлеуша за соработката и го поздравува новиот член на жирито: „Сигурни сме дека одличната музичка кариера, искуство и знаење на Цеца ќе бидат ветер во грбот на новите учесници во оваа натпреварувачка шоу програма. Нејзиното присуство во жирито ќе донесе нова енергија во која ќе уживаат и гледачите и учесниците, а шоуто „Ѕвездите на Гранд“ ќе биде гледано повеќе од било кога. Благодарни сме и на досегашната членка на жирито, Јелена Карлеуша, за нејзината долгогодишна соработка на овој проект и се' што направи за учесниците, а Гранд продукција останува куќа во која Јелена е секогаш добредојдена“ -соопштија, меѓу другото, од Гранд. И додека Цеца снима, Карлеуша денеска го слави роденденот на своите ќерки Атина и Ника, кои се родени на ист датум, но со разлика од една година. Јелена за подарок им подготви изненадување - патување во Париз. „Денес е прекрасен ден за нас. Моите бебиња имаат 12 и 13 години. Мама ги носи во Париз“ - напиша Карлеуша и објави фотографија од аеродромот, што значи дека тие веќе се упатиле кон Франција. Пред тоа и таткото на Атина и Ника, фудбалерот Душко Тошиќ, им го честиташе роденденот на своите ќерки преку Инстаграм. Веруваме дека ова ќе биде незаборавен роденден за нејзините ќерки, а како Карлеуша ќе ја искоментира Цеца, која сега е на нејзино место, останува да видиме?! Фото: Јутјуб и Инстаграм ринтскрин /zvezdegranda/karleusastar/duskotosic

Марија Шерифовиќ вака му честиташе на победникот на “Ѕвездите на Гранд“: „Денес е тешко да сретнеш личност што има срце како тебе“ (ФОТО)

Антонио Димитриевски — Mon, 28 Jun 2021 10:11:27 +0000

Напорната сезона на „Ѕвездите на Гранд“ заврши со успех за Марија Шерифовиќ и кандидатите во нејзиниот тим. Махир Мулалиќ, чиј ментор беше Марија Шерифовиќ, победи оваа сезона во музичкото натпреварување „Звезда Гранда“. Таа работеше со фантастични кандидати и многу од нив имаа навистина тешки моменти. Публиката знаеше за некои од нив и будно ги следеше, како кога станува збор за Крстиња Тодоровиќ кој тргна на патот на голема физичка трансформација или Махир Мулалиќ кој привремено го напушти натпреварувањето поради смртта на неговата мајка. Другите останаа нешто помалку познати за пошироката јавност, или беа критикувани со непријатните коментари какви што доби Валентина Кузмановиќ. Марија сакаше да ги собере сите како тим, па на Инстаграм направи хаштаг #serifovicteam. Колку и беше важен овој натпревар, се гледаше и во реакциите на секој круг на гласање, се радуваше и тагуваше за секој што ќе оди понатаму или ќе го заврши натпреварот. Додека сите финалисти, како и жирито, сè уште ги собираа впечатоци по големата и возбудлива вечер, Марија Шерифовиќ беше меѓу првите што се огласијаа на Инстаграм, испраќајќи јавна честитка до нејзиниот кандидат. Младиот Мулалиќ од Грачаница освои автомобил, две песни и комплетен маркетинг од продукцијата, а во своето прво интервју по победата истакна дека победата ја посветил на неговата покојна мајка која почина во текот на неговото учество во натпреварувањето. Махир беше подготвен да го напушти шоуто, а единствено на Марија Шерифовиќ, која му беше и менторка, ѝ успеа да го наговори да остане, а сега тој откри и детали од неговиот приватен живот. Марија истакна колку е горда на Махир, но им честиташе на сите финалисти за пласманот. “Па, драги луѓе, стигнавме до крајот. Победник на Звезда Гранда за оваа сезона е Махир Мулалиќ! Махире, јас сум горда на тебе. Во денешно време, тешко е да сретнете личност која има такво срце како тебе. Браво момче! Им благодарам на сите оние што гласаа за моите кандидати“ - напиша Шерифовиќ, па им се обрати на другите учесници: „Сакам да им честитам на сите финалисти, особено на оние во мојот тим кои, без оглед на нивниот резултат, покажавте што е колегијалност, што е поддршка и последно, и воредно најважно – искрено се радувавте и на туѓиот успех за што сум искрено горда на вас!“ - напишала Марија во свое то јавно обраќање на Инстаграм. Фото:Инстаграм принтскрин/serifovic

Александар Милиќ – Мили: „Саша Поповиќ ужасно ме нервира… ама и јас него“

Антонио Димитриевски — Wed, 23 Jun 2021 10:58:48 +0000

Александар Милиќ - Мили е композитор и музички продуцент, кој цела сезона е во жирито на популарното шоу „Ѕвездите на Гранд“ и заедно со останатите добро познати членови на жирито одлучуваат за судбината на младите пејачи. Мили зборуваше за за неговиот однос со Саша Поповиќ, кој, како што вели, е пред се од деловен карактер. „Што да кажам освен дека Саша многу ме нервира... ама и јас него го нервирам, но во суштина сите ние таму се сакаме и сме многу посветени на нашата работа. Никој не е опуштен по тоа прашање и буквално е мртва трка кој од нас е поупорен во својата работа“ - вели Мили. „Уживам во „Ѕвездите на Гранд“ бидејќи никогаш не сум имал можност да работам со млади и неетаблирани луѓе. Работев на првите албуми само за Ана Николиќ и Маја Беровиќ, сите други мои соработници беа познати sвезди кога почнаа да работат со мене. За да им дадам хит песни за што подобар старт на музичката сцена“ - заклучи Александар Милиќ Мили за Ало! Фото: Јутјуб принтскрин

Плукната Вики Миљковиќ: Пејачката и членка на жирито на „Ѕвездите на Гранд“ има своја двојничка во српската министерка за трговија, туризам и телекомуникации? (ФОТО)

Антонио Димитриевски — Thu, 01 Apr 2021 09:14:46 +0000

Не е невообичаено да има случаи на неверојатна сличност меѓу две познати личности кои не се во никакво сродство или роднинска врска. Еден таков пример е случајот со фолк пејачката и членка на ѓирито на шоуто „Ѕвездите на Гранд“, Виолета Вики Миљковиќ и сегашната министерка за трговија, туризам и телекомуникации на Србија, Татјана Матиќ. Сличноста меѓу двете е толку впечатлива што некои „неупатени“ корисници на социјалните мрежи се прашуваа дали можеби се близначки? Освен што физички се многу слични една на друга, нивниот стил на облекување и фризура е скоро идентичен на некои фотографии, па многумина веруваат дека министерката и пејачката може да се заменет на некое време, и дека веројатно тоа никој не би го забележал. Оваа љубопитност ги заскокотка некои корисници на Твитер заедницата, чии коментари сепак беа на страната на политичарката. „Вики Миљковиќ оригинал! Дали Вики знае дека има сестра близначка која е министер во Владата на Србија? Нема разлика! Фризурата на министеркатат и стајлингот - истата Вики! Би било кул министерката да биде неколку дена во жирито на Звездите на Гранд, а Вики да оди во Немањина 11! Сепак, може да се види дека Вики е од селото близу Ниш, а министерката е родена во Белград!“ - се само дел од коментарите на Твитерџиите. Фото: Инстаграм принтскрин/viki_miljkovic/tatjanamatic.official

Милица Павловиќ денес е една од најсексапилните естрадни фолк ѕвезди, а на почетокот на кариерата „секси сењорита“ изгледаше вака (ФОТО)

Антонио Димитриевски — Sat, 28 Nov 2020 07:20:41 +0000

Денес таа важи за една од најубавите пејачки на домашната естрада. Атрактивна, сексапилна згодна, пожелна, постојано е во фокусот и на публиката сои на медиумите сокако со своите песни и видеа, така и со својот неодолив изглед. Провокативна до болка, со се' природно на неа кога се нејзините атрибути во прашање, па не случајно го носи прекарот „секси сењорита“. Со своите извајани пропорции, српската фолкерка Милица Павловиќ жари и пали не само на српската, туку полека ја освојува и регионалната сцена. Сепак, многумина или не знаат или не се сеќаваат како изгледала пејачката на почетокот на нејзината кариера. Имено, Милица својата кариера ја започна пред речиси десет години. Тогаш младата талентирана девојка се пријави на аудицијата за музичкиот натпревар „Ѕвездите на Гранд“ додека уште беше девојче. Вака изгледаше некогаш, а вака денес, пејачката по која копнеат најголемите белградски фраери:

Пред да стане „Гранд ѕвезда“: Александра Пријовиќ уште на 14 години пробала да се пробие под уметничко име Ани, но тогаш не успеала… (ФОТО)

Антонио Димитриевски — Wed, 08 Apr 2020 08:46:19 +0000

Александра Пријовиќ денес е една од најпопуларните млади пејачки, но нејзиното патување кон ѕвездите воопшто не било лесно. Таа уште од малечка се е занимава музика, а скоро десеттина години, е позната, иако е исклучително млада. Прија уште како 14-годишно девојче снимила песни кои не предизвикале речиси никаква реакција кај публиката, на која тогаш и се претставила под нејзиното уметничко име - Ани. Откако така не успеала да се пробие, таа се пријавила во регионалното музичко талент шоу „Ѕвездите на Гранд“. Иако таму не освои ниту едно од првите три места во конкуренцијата, сепак го сними мега-хитот „За нас е предоцна“ и... Останатото е историја.