џунгла – Вистина.мк

За првпат во историјата член на кралското семејство влегува во реално шоу (фото)

Слободанка Илиева — Mon, 31 Oct 2022 12:08:06 +0000

Неодамна се појавија шпекулации дека Мајк Тиндал ќе учествува во реално шоу „I'm A Celebrity... Get Me Out Of Here!“ кое ќе се одржи во Австралија и потсетува на „Survivor“ за познати личности. Инаку, Мајк е сопруг на Зара Тиндал, ќерката на принцезата Ана, а ова ќе биде првпат некој кој е поврзан со кралското семејство, иако не е по крвна врска, да биде дел од таков формат. Како што пишуваат странските медиуми, Тиндал за своето учество ќе добива по 150.000 фунти дневно. Инаку, по пристигнувањето во Австралија, тој ја опиша таа земја како многу значајна и полна со спомени, со оглед на тоа што токму таму ја запознал сопругата Зара.

View this post on Instagram

A post shared by Mike Tindall (@mike_tindall12)

Мајк и Зара се венчаа во 2011 година, а ова реално шоу ќе биде првиот најдолг прекин во комуникацијата меѓу нив, што му падна многу тешко. Некои веруваат дека ова ќе биде добра промоција за брендот Тиндал, додека други тврдат дека Велика Британија има два крала, од кои едниот е кралот на џунглата. Мајк истакна дека гладта е она што најмногу го плаши, а што се однесува до сонот, навикнат е да не спие бидејќи има три деца. Останува да се види како кралското семејство ќе се справи со новите информации, и со неговото учество во реалното шоу, со оглед на тоа што се работи за апсолутен преседан.

Сузана Гавазова како бразилски топ модел во џунгла: Пејачката со „мачји од“ како на модна писта, раскошна, расна, разголена, неодлива… (ВИДЕО)

Антонио Димитриевски — Tue, 22 Jun 2021 07:22:01 +0000

Сузана Гавазова е една од оние дами кои не само што секогаш се скоцкани од глава до петици, туку кога и каде да ја видите, на ТВ, на сцена или на улица - „ви паѓа вилица“! А како и не би кога расната струмичанка на себе своето тело, изглед и стајлинг веројатно им посветува исто толку време и внимание, колку и на музиката и своите песни. Сузето добро знае дека гласот и вокалните можности се едно, ама музиката оддамна се гледа и со очи, па изгледот и имиџот се подеднакво важни за успех и напредок во кариерите на естрадните ѕвезди. Затоа сексапилната фолкерка нема проблеми да ги урива бариерите, неретко и „одејќи по жица“, кога треба да го распостеле сиот свој телесен раскош за да ја привлече публиката кон себе и својата песна, а таа задача нималку не е лесна. Но, Гавазова очигледно знае како да ја најде формулата постојано да биде привлечна, примамлива, магнет, особено за машките очи. За тоа не само песната, туку обилно ги користи и социјалните мрежи. А на нив, уште една нејзина обајава која ќе ве наежи, особено ако сте еден од оние, вистинските мажи... И тоа по цело тело! Зашто Сузето и овој пат мошне смело споделила видео кое е микс на телесна естетика, егзотика и еротика, во кое расната струмичка фолкерка наликува на бразилски топ модел во џунглата... Пејачката со „мачји од“ се шета како на модна писта, а Гавазова каква што ја знаеме - онаа иста: Раскошна, расна, разголена, неодлива... Секси „до болка“, пожелна „до коска“! Амбиентот иако студиски, налик на џунгла... Веројатно парче „of the record“ од снимањето на нејзиниот хит „Џунгла“ од почетокот на 2020 година, кога заради експанзијата на коронапандемијата песната и спотот можеби не го достигнаа посакуваниот зенит и ефект кај публиката. Но, не очајувајте, не сте ниту последен, ни прв... Погледнете ја Гавазова, таа и овој пат е... врв!

View this post on Instagram

A post shared by Suzana (@suzanagavazova)

Видео и Фото: Инстаграм принтскрин/suzanagavazova

Сузана Гавазова мами на грев: Македонската фолкерка од естрадната „Џунгла“ директно влета во 2020 со високо кренати нозе! (ВИДЕО)

Антонио Димитриевски — Thu, 02 Jan 2020 09:24:33 +0000

Сузана Гавазова уште еднаш покажа дека е „ретка ѕверка“ во естрадната „Џунгла“. Една од ретките што точно знае кога е време да ви го крене адреналинот, ама и како тоа најдобро се прави. А како поинаку една пејачка би можела, ако не со своите песни и атрактивен изглед. Но, со оглед на тоа дека во естрадната „Џунгла“ конкуренцијата е навистина жестока и безмилосна, за да не те прегазат посилните или да те проголта времето на заборавот, мора постојано да си во фокусот. Повеќе од јасно е дека попусто добро пееш, ако добро не изгледаш... И тоа ѕверски добро, животински привлечно и атрактивно, зашто само згодна и сексапилна естрадна „ѕверка“ може да ги намами своите „жртви“... на грев! И тоа доброволно! Зашто нивниот грев всушност е аудиовизуелно задоволство за кое се подготвени да платат, а нивната омилена естрадна „ѕверка“ да им го овозможи и исполни со песна! А расната струмичанка е токму таква! Особено тогаш кога најмногу треба, па затоа Гавазова во вистински момент, околу новогодишните празници, кога расположението е наголемо и највесело, влета со високо кренати нозе во 2020 година директно од естрадната „Џунгла“... Со новата истоимена песна, каде преку новото видео, од својата постела мами на грев! Всушност, така некако се пее во стиховите, а таква е и визуелната содржина на новото видео на македонската фолкерка, која овој пат направила нешто што е музички ултрамодерно, многу поблиску до современиот поп отколку до класичен фолк, а визуелно апсолутно примамливо. Разголени долги нозе, танга боди со животински принт или распослана на постела во црна садо-мазо комбинација, пејачката зрачи со еротски набој и неодолива привличност и елеганција. Зашто кога Гавазова ќе го распостеле сиот свој телесен раскош, тешко дека некое машко може да одолее и само да не влета во нејзината „Џунгла“, во која таа е „главната ѕверка“, која својот плен лесно го мами на „грев“. Патем, ова е добра можност, ако не со поинаква, барем со исполенета музичка желба, Гавазова да ви ја честита Новата 2020 година... Се разбира како најзгодната распеана „дива мачка“ во естрадната „Џунгла“.

Сузана Гавазова е „ретка ѕверка“ во естрадната „Џунгла“: Просто, да посакаш да те зграпчи! (ФОТО+ВИДЕО)

Антонио Димитриевски — Mon, 30 Dec 2019 08:39:14 +0000

Иако неодамна гламурозно го прослави својот 40-ти роденден, македонската фолкерка никако не им се дава на годините... Напротив, со својот атрактивен изглед покажува дека може да се носи и со двојно помладите колешки од неа, а од останатите повеќето без проблем да ги засени! https://arhiva.vistina.com.mk/radio-mileva/gavazova-napravi-golema-zabava-za-40-ot-rodenden-i-beshe-ultra-zeshka-vo-crveno-foto/ Во која и да е прилика, приватна и работна Сузана Гавазова знае како да го истакне својот изглед, да го потенцира својот сексапил, така што понежниот пол и љубомори, а оние од посилниот, најчесто остануваат без зборови... или поточно, без здив! Ако на роденденската забава расната струмичанка покажа дека може да биде „ем секси до болка ем добра домаќинка до коска“, на снимањето на видеоспотот за нејзиното ново музичко оставарување потврди и уште нешто: Дека Сузана Гавазова е „ретка ѕверка“ во естрадната „Џунгла“. Таквите се раритет, како треба да се чуваат најдобро знае нејзиниот сопруг Јасмин кој прв и го честиташе роденденот, изненадувајќи ја на полноќ среде снимање... Облечена во боди со животински принт, Гавазова покажа дека е дива тигрица од музичката „Џунгла“, како што се вика нејзината најнова песна. Телесен раскош, елегантен „кетвок“ и секси движења што заведуваат, Гавазова со разголени долги нозе од препоните до колкот, ќе ве маѓепса и освои дури и да не сте по фолкот! Атрактивна, заводлива, привлечна, пожелна...така блиска, а сепак далечна, но, не очајувајте и тоа нека нека ве мачи, зашто не сте единствените што посакуваат „сексапилната естрадна ѕверка“ да ве зграпчи!

Брус Џенер во 2015 година стана жена, а сега во црно бикини е среде џунгла за пола милион долари (видео)

Слободанка Илиева — Thu, 21 Nov 2019 11:26:38 +0000

70-годишниот олимпиец Брус Џенер стана Кејтлин Џенер во 2015 година, но таа повеќе не ужива во интересот од медиуми што го имаше додека беше Брус и сопруг на славната Крис Џенер. Последното шоу што го снимише, беше она со Крис (64) и другите членови на семејството, но многу нешта од тогаш се променија. Тој сега е жена и се пресели во Австралија поради осуда на јавноста. Почетокот на новото ријалити „A Celebrity… Get me out of here“ не беше она што веројатно замислилa 70-годишната Џенер. Таа се пресели во австралиската џунгла, а првите 24 часа тие беа речиси фатални за нејзиниот статус во шоуто. Иако со години е пред камера поради „Keeping Up With The Kardashians“, Кејтлин не се справува со дивината и со кандидатите во новиот проект, и иако продуцентите велат дека и платиле повеќе од половина милион долари за да влезе во шоуто, излегувбањето беше скоро експресно. Џенер го помина утрото во солзи додека другите натпреварувачи спиеја, а потоа го тестираше импровизираниот туш облечена во бикини. - Тука не се чувствувам добро. Ме боли главата. Јас имам 70 и време е да се запрашам дали воопшто треба да бидам тука. Дали е тоа добра идеја или подобро е да се вратам дома веднаш и да минувам време со моите внуци? “, се жалеше Џенер. Кејтлин исто така имаше свое реално шоу некое време, но тоа не траеше долго бидејќи интересот на публиката исчезна од епизода во епизода. Дури и нејзините интимни интервјуа веќе не се сензација.

Милица Павловиќ брутално искрена за своите колеги: „Сè повеќе сум убедена дека естрадата е џунгла“

Христина Ѓоргиевска — Fri, 15 Nov 2019 10:35:48 +0000

Пејачката Милица Павловиќ за кратко време стана една од најпопуларните пејачки, а многумина и завидуваат на нејзиниот глас, но и нејзиниот атрактивен изглед. Младата пејачка сега откри со колку љубомора се сретнала на почетокот на кариерата. Павловиќ откри дека имала разни ситуации со колешките, а кога го издала албумот „Заувек“ добила серозини компликации.

„Се повеќе сум убдена дека естрадата е сериозна џунгла, љубомора, суета и поквареност на некој чекор, но јас се борам како дупла лавица. Со труд, работа и одрекувања ги остварувам своите цели“ вели пејачката за „Ало“ и додава кога е потребно ги покажува забите: „Можам да бидам кучка, и тоа најголема, но не сакам своето време да го трошам на други луѓе, се занимавам со себе и сакам да реализирам она што го сакам, а тие гадости ги оставам на оние кои не веруваат во себе, па се трудат да го уништат туѓиот успех“ вели Милица и вели дека е убаво воспитана, а потоа прокоментира во каков однос е со колешките.

„Оние кои не ме поднесуваат ја вртат главата кога ќе ме сретнат, а оние кои ме сакаат се радуваат кога ќе ме видат, а и јас им се радувам“ вели младата пејачката.