џон ленон – Вистина.мк

„Now And Then“ е новата песна на „Битлси“, произведена со помош на вештачката интелигенција и вокалот на Џон Ленон (ВИДЕО)

Антонио Димитриевски — Sat, 04 Nov 2023 08:10:25 +0000

Нова песна на „Битлси“, произведена со мала помош од вештачката интелигенција и со вокалот на Џон Ленон, ќе биде објавена денеска, повеќе од четири децении откако првично била снимена како демо-трака. „Now And Then“ (Сега и тогаш), е една од неколкуте песни на касета што Ленон ги снимил за Макартни во својот дом во Њујорк, 1979 година – една година пред неговата смрт. Снимката на Макартни му ја подарила вдовицата на Ленон, Јоко Оно во 1994 година. Напишана и испеана од Ленон во 1978 година, песната ја завршија неговите колеги од поп-рок бендот, Пол Макартни и Ринго Стар – и ВИ. Макартни (81) го најави објавувањето на песната во јуни, во видео под наслов „Последната песна на Битлс“. &

Фолк дивата ги полни батериите во Монте Карло: Драгана Мирковиќ во провод со синот на светската легенда

Христина Ѓоргиевска — Wed, 04 Sep 2019 08:56:43 +0000

Драгана Мирковиќ по успешната летна турнеја замина да се одмори во светската метропола Монте Карло. Добро познато е дека Драгана Мирковиќ и нејзиниот сопруг се дружат со светскиот џет сет, а посебно се добри пријатлеи со Жан Клод Ван Дам. Тие ја користат секоја прилика да се дружат, а Драгана и Тони често одат на прослави организирани од страна на познатите од светска сцена. Деновиве, Мирковиќ ужива во Монте Карло каде ги полни батериите по успешната турнеја.

View this post on Instagram

Let's go ?

A post shared by Dragana Mirković (@dragana_mirkovic) on Sep 3, 2019 at 2:13pm PDT

Таа времето го искористи за да посети неколку знаменитости во Монте Карло, но и за да излезе во провод и тоа во друштво на синот на светската легенда Џон Ленон, Џулијан.

За потсетуваење, Мирковиќ неодамна изјави дека нејзиниот син Марко изразил желба да оди на одмори со друштво, но Драгана побарала од него од следната година заедно да одат некаде на 10 дена, а потоа тој слободно може да оди со друштво.

Убиецот на Џон Ленон по 30 години конечно изговори нешто што многумина чекаа

Слободанка Илиева — Mon, 19 Nov 2018 12:20:05 +0000

Марк Дејвид Чепмен, убиецот на Џон Ленон, на кој во август судот за помилување по десетти пат го одби неговото барање за пуштање на условна слобода, конечно рекол дека се срами поради она што го направи, пишува Ролинг Стоунс. "Пред 30 години не можев да речам дека се срамам, но сега знам што е срам", рекол Чепмен на сослушувањето. Како што пренесува Associated Press, додал дека како што поминувале годините, сè повеќе жалел за тој чин. Иако сослушувањето пред судот во Њујорк било одржано во август, извештајот е објавен пред неколку дена. Судот го одби неговото барање, со образложение дека тоа би ја ублажила сериозноста на неговото злодело и би можело да ја згрози јавноста во случај некој да го нападне поради одмазда. На сослушувањето ги прераскажа настаните од 8 декември 1980 година кога успеал да земе автограм од Џон Ленон и го убил неколку часа подоцна. Рекол дека се борел со одлуката дали да го убие или не, со оглед на тоа дека Ленон бил многу љубезен кон него. "Премногу бев опседнат со таа идеја. Се сеќавам дека помислив: "Еј, доби автограм на албумот, ти го потпиша, само оди дома". Но, не постоеше шанса само така да си заминам дома", рекол Чепмен. Убиството сега се смета за бесмислено и истакнува дека само сакал популарност и дека не чувствувал никакво непријателство кон покојниот член на Битлси.

Сепак, одлучил да употреби шупливи куршуми кои се посмртоносни од обичните. "Се осигурав дека куршумите ќе го убијат. Веднаш после злосторството бев загрижен да не страда", рекол. На Чепмен последниот пат кога му го одбиле барањето било во 2016 година. Тогаш судот даде слично објаснување, истакнувајќи дека неговото пуштање на слобода не е во согласност со општеството и дека на тој начин ќе се омаловажи злоделото и дека тоа е поигрување со законот.

Славниот битлс Пол Макартни ја шокираше јавноста: Со Ленон заедно мастурбиравме!

Антонио Димитриевски — Thu, 13 Sep 2018 10:20:51 +0000

Пол Макартни ја отвори душата и за магазинот GQ и раскажа една приказна, поврзано со него и неговиот пријател и колега, Џон Ленон од времето на ерата на легендарните „Битлси“. Како што изјави Макартни, Ленон и тој, верувале или не, правеле многу работи, меѓу кои и мастурбирале заедно.

„Тоа се случуваше во куќата на Џон. Бевме во група. И наместо да се напиеме и да се забавуваме, само седнавме на столици, светлата беа исклучени, и некој почна да мастурбира, па и ние“ - рече Макартни. За да бидат сите уште повозбудени, сите го извикуваа името на актерката Брижит Бардо, една од најпосакуваните жени во светот во тоа време. Макартни навел дека мастурбирале заедно со Ленон, само еднаш или два пати. Фото: Танјуг

Пронајдени необјавени фотографии на Џон Ленон

Антонио Димитриевски — Thu, 02 Nov 2017 13:03:45 +0000

Досега необјавени фотографии на Џон Ленон, кои повеќе од 30 години стоеле во фиока на нивниот сопственик, наскоро ќе бидат јавно прикажани.

Сопственикот на фотографиите сметал дека тие немаат никаква вредност, но според акционерот Дарен Џулиен овие стари слики на Ленон би можеле да бидат продадени за околу 10.000 фунти. Станува збор за 26 фотографии и нивни негативи направени во 1970 година. Сопственикот на фотографиите, кој побарал да остане анонимен, изјавил дека сликите и негативите најверојанто ги купил неговиот татко во 70-те години на минатиот век и тие досега стоеле во фиока, затоа што тој сметал дека се безвредни. Фотографиите го прикажуваат Ленон по распадот на „Битлси“, во време кога го објави својот трет сингл „Instant Karmа“. Тоа беше прв соло сингл на Ленон, што само во САД беше продаден во над еден милион примероци. Новотокриените фотографии и нивните негативи наскоро ќе бидат изложени во Музејот на Битлси во Ливерпул, а следната година ќе бидат понудени на продажба на аукција.