џон илија апелгрен – Вистина.мк

Концерт на Националниот џез оркестар на Денот на вљубените: Џон Илија Апелгрен ќе пее хитови на Франк Синатра

Антонио Димитриевски — Sat, 27 Jan 2024 10:28:35 +0000

На 14 февруари, Денот на љубовта и виното, Националниот џез оркестар во салата на Националната опера и балет (20 часот) ќе одржи концерт со хитовите на Френк Синатра, во изведба на еден од најдобрите џез вокали на овие простори Џон Илија Апелгрен. Френк Синатра се смета за „најголемиот машки поп-пејач во историјата на Америка,“ а некои ќе речат и „најголемиот пејач на 20 век“. Неговата харизматична појава се карактеризира со ретка комбинација на исклучителен вокал и способност да се биде шоумен, карактеристики кои му обезбедија дури три ѕвезди на Булеварот на славните во Холивуд за неговата работа во филмот и музиката. На програмата ќе бидат изведени дел од најпознатите хитови на Френк Синатра, адаптирани за изведба со биг бенд состав. На сцената Апелгрен ќе биде придружуван од страна на членовите на Националниот џез оркестар. Џон Илија Апелгрен е македонски џез вокалист, именуван како еден од најдобрите вокали на овие простори и пошироко. Често пати споредуван со Нет Кинг Кол, вокалот на Апелгрен нè потсетува на златни денови од ерата на биг бендовите. Апелгрен зад себе има 39-годишно искуство на македонската музичка сцена од кои 35-годишно искуство како џез изведувач кој настапувал со биг бендот на МРТ, биг бендот на ЗЏМ, и Македонската фихармонија, како и со голем број помали формациски состави. Во текот на неговата музичка кариера има снимено повеќе од 150 џез стандарди.

Изложба „Забранети луѓе“ од Џон Илија Апелгрен

Антонио Димитриевски — Fri, 30 Jun 2023 09:10:30 +0000

Во моментот кога замреа микрофоните, силно ми зазвучи тишината во животот на „забранетите“,а фотографијата ми се виде како најсоодветна за „заробување“ Утре во Кинотека на Македонија, со почеток во 20 часот, се отвора изложбата „Забранети луѓе“ од Џон Илија Апелгрен. Црно – белите фотографии на музичарите кои публиката ќе може да ги видисе всушност дел од неговата книга издадена за време на ковид пандемијата со ист наслов„Забранети луѓе“. Делото, кое е во издание на „Арс Либрис“, е своевиден книжевен документарецза незавидната состојба на дел од џез- и рок-музичарите за време на пандемијата со Ковид-19. Апелгрин покрај тоа што е автор на книгата, се јавува и како фотограф на црно-белите портрети на музичарите. Оваа изложба се поставува во склоп на фестивалската понуда на Скопско лето. „Со фотографија се занимавам од поодамна. Љубовта ми се роди во Англија, кога го добив првиотфотоапарат „Пентакс асахи“, во 1989 година… Во моментот кога замреамикрофоните, силно мизазвучи тишината во животот на „забранетите“, а фотографијата ми се виде како најсоодветна за„заробување“ на таа тишина во фотографиите и решив да ја раскажам нашата приказна на овојначин “, објаснува тој. Во книгата се застапени портрети на 14 домашни музичари, чијашто главна егзистенција сеноќните свирки и настапите во живо во локали, кои беа забранети за време на карантините и мерките за заштита за време на пандемијата. Фотографиите се портрети на музичарите застапени во книгата. Меѓу нив се: Благоја Антовски (тапани), Игор Атанасоски-Харе (гитара), Трајче Велков (труба), Калина Велковска-Кали (вокал), Зоран Костадиновски (гитара), Крле (вокал), Кирил Кузманов(саксофон), Џоле Максимовски (бас-гитарист), Андреа Мирческа (контрабас), Иван Петровски (гитара), Полина Тасева (сопран), Петар Ренџов (гитара), Гордан Спасовски (пијано), Арбен Бени Шаќири (вокал) и Џон Илија Апелгрен (вокал). Апелгрен воопшто не помислил дека во паниката што настана од вирусот, независните уметници - изведувачи ќе бидат сосема заборавени и тргнати настрана од системот… Дека ќе бидат забранети ноќните свирки и настапите во живо во локали. Тој е еден од многуте музичари на кои со мерките за справување со пандемијата им беше забрането да настапуваат. Тие станаа „забранети луѓе“. Објавувањето на книгата имаше солидарен, односно хуман аспект, за поддршка на музичарите чиишто ангажмани беа на најголем удар за време на пандемијата.

Музичка промоција на „Забранети луѓе“ од џез-вокалистот Џон Илија Апелгрен

Слободанка Илиева — Wed, 22 Jun 2022 12:28:11 +0000

Џез-вокалистот Џон Илија Апелгрен денеска во книжарницата „Литература.мк суперстор“ во Скопје сити мол ќе ја промовира својата книга „Забранети луѓе“. Промоцијата ќе биде збогатена со музички настап во живо на Апелгрен и џез-пијанистот Гордан Спасовски. Книгата е во издание на „Арс Либрис“, дел од „Арс Ламина – публикации“, и претставува своевидно сведоштво за незавидната состојба на дел од џез- и рок-музичарите за време на пандемијата со Ковид-19. Во книгата се застапени портрети на 14 домашни музичари, чија главна егзистенција се ноќните свирки и настапите во живо во локали, кои беа забранети за време на карантините и мерките за заштита за време на пандемијата. Меѓу нив се Благоја Антовски – тапани, Игор Атанасоски-Харе – гитара, Трајче Велков – труба, Калина Велковска-Кали – вокал, Зоран Костадиновски – гитара, Крле – вокал, Кирил Кузманов – саксофон, Џоле Максимовски – бас-гитарист, Андреа Мирческа – контрабас, Иван Петровски – гитара, Полина Тасева – сопран, Петар Ренџов – гитара, Гордан Спасовски – пијано, Арбен Бени Шаќири – вокал и Џон Илија Апелгрен – вокал. Апелгрен, покрај тоа што е автор на книгата, се јавува и како фотограф на црно-белите портрети на музичарите. Како што соопштија од издавачката куќа, предговорите на книгата ги напишаа музичките новинари Бранка Костиќ-Марковиќ и Ненад Георгиевски, како и фотографот Драги Неделчевски. -Објавувањето на книгата има солидарен, односно хуман аспект, за поддршка на музичарите чиишто ангажмани беа на најголем удар за време на пандемијата. Со купување примерок од „Забранети луѓе“ им се помага токму ним – на забранетите луѓе, се наведува во соопштението на „Арс Ламина“.

Француски шансони со Џон Илија Апелгрен во Куршумли Ан

Антонио Димитриевски — Fri, 23 Jul 2021 12:44:38 +0000

Во рамки на 42-то издание на манифестацијата „Скопско лето“, на 24-ти јули во Куршумли Ан свој голем концерт ќе одржи познатиот македонски џезер Џон Илија Апелгрен. Концертот со наслов „Музичка прошетка – Француски шансони” е закажан за 20:30 часот, а на истиот ќе настапи и бендот на Џон Илија Апелгрен. Аранжманите и адаптациите на изведените песни се на Гордан Спасовски. И овој концерт, како и сите претходни досега, ќе се одржи согласно протоколите за одржување на настани и во продажба ќе бидат пуштени ограничен број на влезници кои ќе може да се купат пред почетокот на настанот на влезот на објектот.

Заеднички концерт на Дамјан Пејчиноски квартет и Џон Илија Апелгрен во Охрид

Антонио Димитриевски — Mon, 06 Aug 2018 11:50:41 +0000

В четврток, 9 август, на плажата „Куба либре“ во Орид заеднички концерт ќе одржат Дамјан Пејчиноски квартет и Џон Илија Апелгрен, а специјален гостин ќе им биде бугарскиот виолинист Љубомир Тулумбаџиев.

Заедно со нив ќе свират и Иван Петровски на ритам-гитара и Горан Гешовски на бас-гитара. Концертот е отворен за сите љубители на музиката на овие виртуози, а почетокот е закажан во 22.00 часот. https://www.youtube.com/watch?v=V0xeo39x9Vs&app=desktop