џокер – Вистина.мк

Џокер на „Макфест 2023“ ја имаше Антониа Гиговска во публика и „Кошула бела“ на сцената (ВИДЕО)

Антонио Димитриевски — Fri, 27 Oct 2023 09:25:17 +0000

На 38-то издание на музичкиот фестивал „Макфест“ во Штип, а според новинарската критика, а и коментарите на публиката, ова година можеа да се слушнат навистина одлични композиции. Една од нив дефинитивно беше и „Кошула бела“ на дебитантот на овој фестивал, музичарот и пејач Роберт Спасенцовски кој се крие зад уметничкиот прекар Џокер, кого јавноста подобро го запозна откако и стана момче, а потоа и сопруг на поп пејачката Антониа Гиговска. Џокер настапи за првпат на овој фестивал, на првата фестивалска вечер, а иако „за влакно“ не успеа да обезбеди пласман за во втората, онаа ревијалната вечер, тој дефинитивно според многумина ја има една од најдобрите песни на ова 38-мо издание на „Макфест“. „Искрен да бидам, ниту на крај памет не бев дека ќе пеам на „Макфест“. Сосема случајно се случи тоа. Имено, песната уште пред дваесетина дена ја пуштив на еден мој пријател да ја слушне и на негово инсистирање реши да ме „спои“ со уметничкиот директор на фестивалот Роберт Саздов. Се сретнавме, Саздов ја слушна песната и веднаш ми понуди да настап на „Макфест“. Размислував неколку дена и решив да ја прифатам понудата. Јас одлично поминав на фестивалот, за мене едно ново искуство. Најважно од се ми е што добивам секојдневно позитивни коментари за песната“ – изјави Џокер“ кого неговата соруга и колешка Антониа Гиговска сесрдно го бодреше од публиката за време на неговиот макфестовски настап на сцената на домот на културата „Ацо Шопов“ во Штип. Инаку младиот артист за оваа песна сними и видеоспот, во кој покрај него се појавуваат уште десетина други статисти од сите возрасти... како сето звучи и изгледа проследете во продолжение:

Џокерот на Антониа е „Сам“ (видео)

Слободанка Илиева — Wed, 14 Jun 2023 06:46:47 +0000

„Сам, ме срони до грам. На стори нов блам, до зори во стан“ - овие се првите зборови од најновата песна на македонскиот Џокер, која носи наслов „Сам“. По одличната „Такси“, Џокер овој пат повторно „удира“ со уште една контроверзна песна која веќе на големо се коментира на социјалните мрежи... Автор на музиката е Џокер во соработка со Чеис, кој го напиша и текстот. Микс и мастеринг направи добро познатиот Ивајо, а режисер на видеото е младиот и одличен Дарко Јовановски. „Песната е одлична, мене многу ми се допаѓа. Позитивни критики добив и од најблиските луѓе околу мене, а гледам дека и на останатите им се допаѓа. За разлика од претходната песна „Такси“, ова е нешто сосема друго и поразлично од мене“ - накусо изјави Џокер. Инаку како што повеќето знаете, Џокер всушност е Роберт Спасенцовски, сопругот на музичката ѕвезда Антониа Гиговска. Да не должиме многу, погледнете, слушнете, а доколку ви се допаѓа тогаш и споделете:

Бизарна и морничава до срж: Лејди Гага како да избегала од дното на пеколот (фото)

Слаѓана Атанасова — Thu, 06 Apr 2023 08:54:51 +0000

Дури и за некој со прекар „Мајка чудовиште“, како што е поинаку позната поп-ѕвездата Лејди Гага, сепак е шокантно да се види колку морничаво изгледа пејачката во улогата на Харли Квин во продолжението на Џокер „Folie à Deux“. По 15 години кариера, фустан од месо, излегување од јајце на доделувањето, тафтувани фустани, огромни штикли и најбизарни можни модни комбинации, Лејди Гага сепак успева да шокира со својот изглед. Сега сепојавиа фотографии од неодамнешното снимање на продолжението на Џокер во Њујорк, на кои поп ѕвездата е со разбушавена коса и шминка како Харли Квин. Комплетен со размачкан црвен кармин насликан преку манијакална насмевка, заедно со психотичен сјај во очите надополнет со црна дијамантска сенка за очи, изгледот на Гага може да се опише нешто како „ шик кловн “. Исто така, дел од костимот на Гага за проектот се црно-бела карирана кошула, блејзер со риги со црвени украси и пар искинати црни хулахопки. Покрај неа, на отвореното скалило во Бронкс, кое го прослави првиот Џокер, е и Хоакин Феникс, кој го игра насловниот лик на филмот. И тој беше снимен во шминка за кловн - изгледот на неговиот лик - и разбушавен блејзер додека двајцата колеги ја снимаа динамичната сцена заедно. Фото: Принтскрин/Инстаграм/tuleshov/Профимедиа

„Априлилили“ – Антониа Гиговска и Џокер се маскираа за Денот на шегата (фото)

Слаѓана Атанасова — Sat, 01 Apr 2023 14:10:26 +0000

Младата пејачка Антониа Гиговска неодамна на социјалните мрежи, заедно со нејзиниот избраник Роберт Спасенцоски попознат по уметничкото име „Џокер“, по бурниот почеток на нивната врска ги израдуваа најблиските откако ја соопштија среќната вест дека ќе станат родители. Идната мама пред неколку дена на нејзиниот „Инстаграм“ најави дека за фановите подготвува изненадување токму за Први април - Денот на шегата. „Уф, какви фотографии ви подготвувам за Априлилили“ - напиша таа во објавата. Иако сите помислија дека конечно планира да го открие полот на бебето, што ја прашаа и во кометарите, таа објави уникатни фотографии на кои гордо позираше со нараснатиот стомак без ниту едно парче облека на него, а се останато беше во стилот на познатиот филм „Самоубиствениот одред“ , со Џокер и Харли Квин. Свршеникот на пејачката Антониа Гиговска, Роберт Спасенцовски „Џокер“ кој пред извесен период ја објави песната „Такси“, сега токму на 1-ви Април ја искористи истата маска од спотот на неговата нова песна. „Јас сум Харли Квин на Џокер“ - напиша Антониа покрај објавата која за кратко време доби лавина лајкови и позитивни кометари.

View this post on Instagram

A post shared by ANTONIA GIGOVSKA (@antoniagigovskaa)

Фото: Принтскрин/Инстаграм

Џокер би таа да дојде кај него, ама сама да си викне – „Такси“ (ВИДЕО)

Антонио Димитриевски — Mon, 20 Mar 2023 06:40:31 +0000

Македонскиот рапер кој се крие зад уметничкиот псевдоним Џокер на социјалните мрежи ја објави својата нова песна со наслов „Такси“ и веднаш предизвика бура од коментари... Колку што предизвика бура и неговата љубовна авантура, која прерасна во афера, а подоцна и во љубовна врска со Антониа Гиговска, по објавата за нејзината бременост, на која Џокер (Роберт Спасенцовски) потсети и на една од фотографиите симната од кадрите на овој видеоспот... Онаа - со тестот за трудници в уста! Инаку, сцените од видеото буквално наликуваат на филмски, во која главната улога ја има токму Џокер. Но, од каде идејата за „Такси“, објаснува лично Џокер „Склоп на секојдневни ситуации: 'Викни такси, дојди кај мене, сам сум'. Сигурен сум дека ќе се пронајдат многумина. Од таму ми дојде идејата, не дека е лично моја приказна“ - накусо изјави Џокер. Тој ветува дека наскоро ќе ја изненади публиката со уште една нова песна, за која како што вели, ќе биде нешто ново и нетипично за нашата музичка сцена. Инаку токму Џокер се потпишува како комплетен автор на неговата песна, а исто така негова беше и идејата за видеоспотот, кој го снимаше младиот режисер Дарко Јовановски. Мастерот и миксот на „Такси“ ги потпишува Иван Јованов - Ивајо. Како тоа изгледа кога Џокер ќе ти спакува приказна во која тој би таа да дојде кај него, ама сама да си викне „Такси“, проследете од видеото во продолжение (КЛИКНИ ТУКА):

Знаеш, никогаш не вели никогаш: Антониа Гиговска сподели скриена порака со тајно признание дека крие „Џокер во ракавот“, или покајание за нов почеток со стариот „либеро“?

Антонио Димитриевски — Fri, 14 Oct 2022 08:05:08 +0000

Откако во јавноста најпрвин одекна веста дека повеќе не се заедно, а набргу потоа и роструи причината за раскинувањето на Антониа Гиговска и нејзиното долгогодишно момче Иван Јованов, тргна и шпекулациите, претпоставките темелени на муабетите на чаршијата и гласните шепотења во естрадните кругови дека во прашање и прељуба и неверство?! и тоа двојно, односно обострано, или поточно неверство како љубовна одмазда за веќе сторено неверство. Ако е така, не е ни важно кој кого прв изневерил, а кој сега му враќа „мило за драго“...!

Впрочем, двојката ова ниту го потврди, ниту го демантираше, но неофицијалните информации говореа дека љубовната игра на естрадната двојка ја растурил еден „Џокер“.

Стариот пријател на Иван Јованов, сега музичар во придружниот бенд на Антониа Гиговска, сајзеристот Роберт Спaсенцовски, лик кој се крие зад маската и псевдонимот на „Џокер“ претставувајќи го своето второ јас како соло (т)рап артист. Токму тој се споменува дека е личноста за која се шпекулира дека како „part time lover“ во моменти на „емотивна слабост на пејачката“ влетал и ја растурил наводно ионака веќе разнишаната врска помеѓу Иван и Антониа? Дали е така или не, се' уште јавно не дознавме, зашто и нема јавно признание од никого... Од ниту една од „трите засегнати страни“. Ама затоа има нешто друго... Имено, Антониа Гиговска во приказните на својот Инстаграм сега сподели интересен статус... Анимација со ликот на Џокер и под него текст: „Најјаката до сега“! Иако некои веднаш помислија дека се работи за очигледно признание, зашто Антониа во написот мислела на себе кога се досегашните девојки на Џокер во прашање, всушност приказната е сосема поинаква. Иако можеби ова може и така да се протолкува, ако има встина во нивната „љубовна романса“, сепак поверојатно е дека Антониа мислела на новата песна и видео на Џокер насловена „Знаеш“ која тој деновиве ја промовираше на својот Јутјуб канал (КЛИКНИ ТУКА). До душа во стиховите и самиот пее: „Ми треба време да е навикнам, ми треба време да си признаам, зашто само ти знаеш колку вредам“... Па многумина ова го протолкуваа и како текст со автобиографско признание на „љубовниот грешник зад маската“, иако баш и не мора ништо да значи! Од друга страна пак Антониа веќе во следниот Инстаграм статус од приказните споделила уште една „скокотлива асоцијација“ која буди сомнежи. Имено, гордеејќи се со своите еден милион прегледи на Јутјуб за една од нејзините први песни насловени „Никогаш не вели никогаш“, Антониа исто така ги споделила и дел од стиховите што асоцираат на пост ситуацијата од нејзиниот неодамнешен љубовен заплет: „Гордо пред мене ти стоиш и нема причина да си заминеш, пак на сите солзи и сомнежи болни ќе заборавам јас, заборави и ти...“ - напишала пејачката. Подолу пак додала: „Време е за второ продолжение“... Само е нејасно на љубовта или песната? Како и да е, останува дилемата, Дали со ова Антониа Гиговска не сподели скриена порака со тајно признание дека крие „Џокер во ракавот“, или покајание за нов почеток со стариот „либеро“? Што и да е во прашање... Никогаш не вели никогаш! Фото: Инстаграм принтскрин/antoniagigovskaa

Проструи причината за раскинувањето на Иван Јованов и Антониа Гиговска: Женско неверство и прељуба со колега по што „Џокерот“ заврши во женски раце? (ФОТО)

Антонио Димитриевски — Fri, 07 Oct 2022 10:08:12 +0000

Заврши љубовната бајка помеѓу пејачката Антониа Гиговска и нејзиното момче Иван Јованов, фронтменот на групата „Либеро бенд“. Парот наводно пријателски се разделил, без расправии, без лоши зборови, односно се договориле да останат само пријатели. Ова беа написите кои деновиве осамнаа на порталите и во дел од електронските медиуми кои ги изненадија сите оние на кои љубовната бајка на двете македонски музички имиња им изгледаше како да ќе трае довека. Сепак, оние подобро упатените и поблиските од нивното приватно и професионално опкружување, уште летоска почнаа „да шушкаат“, а јавноста да шпекулира за нивното раскинување кога двајцата престанаа да споделуваат нивни заеднички фотографии и видеа на социјалните мрежи, но потоа двајцата сето тоа го демантираа со нивниот заеднички одмор во Турција. Кризата во љубовта очигледно тлеела, но како и кај многумина се мислеше дека со заедничкиот одмор кризата е надмината, па двете распеани гулапчиња ќе продолжат меѓусебно да си гугаат. Арно ама... Не помина долго време, за љубовната рана, очигледно недоволно зацелена одново да се отвори, а врската на двајаца естрадни уметници да „испука по сите шавови“ и конечно да заврши. И можеби нема ништо чудно ниту необично во сето тоа, доколку само неколку дена откако се обзнани дека „љубовната бајка“ помеѓу Антониа и Иван заврши, не почна второто полувреме од нивната „неостварена сага“. Имено, чаршијата веднаш почна со шпекулира со причините за раскинувањето на пејачот и пејачката. Шушкањата полека прераснаа во гласни муабети, а кога за нешто гласно се зборува тоа бргу стигнува и во јавноста. Така, гласините дека Антониа и Иван не се разделиле туку така зашто љубовта наводно избледела, а емоциите меѓу нив преку ноќ исчезнале, дојдоа до новинарите, односно медиумите. Извори блиски до доскорешните вљубени естрадни уметници почнаа да раскажуваат дека во заднина на крајот на љубовта се крие неверство! Поточно, причината за крајот на љубовната романса е прељуба... И тоа женска, од страна на Антониа? Имено, пејачката наводно во последно време станала забележително блиска со еден од своите колеги-музичари од придружната група која ја следи на настапите. Добро информираните велат дека се работи за сајзеристот Роберт Спaсенцовски, инаку син на познатиот фолк пејач Боби Спасенцовски. Дури и самата пејачка неодамна објави видео во кое насмеани, сами во соба вежбаат... песна за настап?!

View this post on Instagram

A post shared by ANTONIA GIGOVSKA (@antoniagigovskaa)

И тука нема ништо чудно доколку нема вистина во тоа дека Антониа и младиот музичар станале повеќе од само колеги и поблиски од само пријатели? Прашањето е дали? Ако е вистина, тогаш за прељубата да биде поболна, а неверството пожестоко, треба да се знее дека машкиот учесник во прељубата е всушност добар пријател и на доскорешното момче на Антониа, Иван. Веруваме дека се сеќавате на проектот „Џокер“ кој токму Иван Јованов го промовираше некаде во април месец годинава (2022), презентирајќи и го на јавноста новиот проект со „ликот кој го крие ликот“, претставувајќи се со исто естрадно-уметничкото име како негативецот од стриповите и филмовите за „Бетмен“. „Џокер ќе биде најконтоверзниот артист што Македонија некогаш го имала. Препознатлив по својот лик, тој внимателно се труди да го сочува својот идентитет, а ние ќе му помогнеме во истото. Со Џокер веќе работиме подолго време, подготвивме три проекти кои едвај чекаме да и ги презентираме на јавноста“ – тврдеше тогаш Иван Јованов. А всушност зад ликот на „Џокер“ се криеше токму неговиот пријател Роберт Спaсенцовски. Проектот мина како што мина, без којзане каков особен фидбек ниту меѓу публиката, ниту во медиумите, ама затоа доколку она што се случуваше потоа е вистина, може да се каже дека се граничи со „иронија на судбината!“ Дотолку повеќе што добро упатените велат дека Иван на својот пријател му помогнал и приватно кога наводно сите бегале од него, во моментите кога се нашол во една тешка животна ситуација. За подоцна овој да му врати вака како што му вратил, секако, доколку во сето тоа има вистина, па „Џокерот“ да заврши во женски раце... Или поточно, доскорешниот пријател во прегратките на неговата девојка? Конечно дали „коцкичките на мозаикот полека се склопуваат“ па целата слика наскоро јасно ќе видат сите, останува набргу да дознаеме. Особено доклку новата музичко - љубовна двојка реши и јавно да се покаже во јавноста, се разбира, ако воопшто такво нешто има? Или ако и го имало, можеби било само „излив на блискост проследена со размена на нежности во мигови на моментална слабост“? Други пак велат дека ниту Иван не бил баш „цвеќе за мирисање“ и најверен во врската, па прељубата се случила уште претходно од негова страна, наводно со една млада сфаќа на една свадба каде што тој со својот „Либеро бенд“ свиреле, а Антониа потоа за случката и самата дознала? Што и да е, нашиот медиум останува отворен да ги слушне и едната и другата страна... Или поточно сите, односно, трите страни! Во меѓувреме, не сакаме да тврдиме дека бевме пророци, ама уште пред две години, наговестивме со веќе познати примери дека врската е тешко одржлива кога љубовта и славата ќе се измешаат...?! [embed]https://arhiva.vistina.com.mk/dali-antonia-gigovska-i-ivan-jovanov-od-libero-bend-se-isto-kako-shto-bea-none-i-riste-tevdoski-od-bravo-bend-foto/[/embed] Фото: Инстаграм принтскрин/jokerdam93/jovanov_ivan/antoniagigovskaa

Иван Јованов од „Либеро бенд“ отвора продукција, па го извади својот Џокер: Пејачот го најавува најконтроверзниот артист што Македонија го имала, а јавноста се прашува, дали зад маската се крие девојка му, Антониа Гиговска? (ФОТО)

Антонио Димитриевски — Thu, 14 Apr 2022 06:59:06 +0000

Во овие тешки времиња, ретки се изведувачите кои работат, се трудат и вложуваат во својата кариера, a Иван Јованов е еден од ретките. Фронтменот на групата „Либеро бенд“ го извади својот Џокер. Станува збор за ново музичко име на македонската музичка сцена, кој го крие идентитетот од јавноста и токму поради тоа носи маска. „Џокер ќе биде најконтоверзниот артист што Македонија некогаш го имала. Препознатлив по својот лик, тој внимателно се труди да го сочува својот идентитет, а ние ќе му помогнеме во истото. Со Џокер веќе работиме подолго време, подготвивме три проекти кои едвај чекаме да и ги презентираме на јавноста“ - вели Иван Јованов. Иван, заедно со неговиот колега Дејан Стојановиќ, без никакви ограни;увања во правецот кој го третираат, одлучија да направат нешто ново, односно заеднички да отворат музичката продукција под наслов „ID PRODUCTION“. Понесен од познатата максима дека „нема бизнис како шобизнис“, Јованов во периодот кој што следуванајавува многу новитети. Нова песна со „Либеро бенд“, нова песна на Никола, како и многу нови проекти со Џокер. И како што вели тој, ова е само почеток! Оттаму се наметнува и прашањето дали освен „џокерот“, новопоечениот извршен продуцент Иван Јованов ќе извади уште некој „ас“ или можеби „дама“од ракавот? Поточно, дали освен што заврши во неговите љубовни прегратки, младата македонска пејачка Антониа Гиговска ќе заврши и како прв женски ексклузивец во неговата новоотворена продукција? Ќе има ли соработка меѓу нив двајцата, па освен што ги „мешаат“ емоциитеи страстите, ќе ги измешаат, односно спојат и гласовите во еден заеднички дует? Освен... ако зад ликот на Џокер, поточно зад маската, не се крие самата Антониа?

„2 Бона“ го извадија својот најсилен – „Џокер“ (ВИДЕО)

Антонио Димитриевски — Thu, 12 Mar 2020 13:02:21 +0000

Трап, хипхоп, аренби и регетон дуото составено од Марио Јелиќ – Кун (продуцент, артист и текстописец) и Антонио Стојановски - Тонито (артист и текстописец), или обајцата познати како „2 Бона“ песните ги „штанцаат“ како на фабричка лента. Имено, дуото кое на македонската музичка сцена донесе вистинско освежување и еден поинаков звук повторно во етерот исфрли нова песна. Не поминаа ни 2 месеци откако ги покажаа нивните „Пиштоли и рози“, а „2 Бона“ веќе имаат нов музички адут, нов „Џокер“. Имено, така се вика нивната нова тема во која остануваат доследни и на стилот и на правецот и жанрот... И во музиката, стиховите, па и во видеото, во кое овој пат нема ни разголени старлети, ниту цицлести стриптизети, икао темата на „андерграунд животот од онаа страна“ и понатамму е присутен како лајт мотив. Такава е и песната на која како автори (музика и текст) се потпишуваат самите Кун и Тонито, аранжманот, миксот и мастерот, стандардно се на Иван Иванов - Ивајо, кому овој пат во продуцентската работа му асистирал Кун. Видеото пак го потпипшува една сериозна белградска профи екипа собрана под името: „НН Медиа“ (видеопродукција), каде сценариото, режијата и камерата се на Немања Новаковиќ, а продуцент е Алесксандар Пејчиќ, додека зад целокупниот проект стои извршната продукција „Bassivity Digital“. Целата приказна е всушност дел од проектот „Јужен ветер“, мегапопуларната српска серија работена според сценариото од истоимениот филм со Милош Биковиќ и Драган Бјелогрлиќ. Со најава дека соработка на „2 Бона“ со оваа екипа тука не завршува, погледнете го најновиот „Џокер“ кој Кун и Тонито го извадија досега:

Уапсен омилениот актер на Мила Царовска: Џокер заврши зад решетки (ФОТО)

Антонио Димитриевски — Mon, 13 Jan 2020 09:41:03 +0000

Актерите Хоаким Феникс и Мартин Шин, таткото на Чарли Шин се уапсени како дел од учесниците на протестите на Капитол хил во Вашингтон посветени на климатските промени. Феникс која се прослави со улогата на „Џокер“ и Мартин Шин се појавиле на протестот кој го организирала нивната славна колешка, актерката Џејн Фонда. Протестите организирани од Џејн против климатските промени започнаа уште во октомври минатата година. На синоќешниот протест учествувале и други познати личности какко, Сузан Сарандон, Амбер Валета... Според медиумите холивудските активисти не го послушале предупредувањето од полицијата да се разотидат. Инаку Хоаким Феникс е омилениот актер на екс министерката за Труд и социјала, а сега вицепремиерка за економски прашања, Мила Царовска, која неодамна одговарајќи на 30 -те прашања во видеото изјави дека омилен филм и бил „Џокер“!