џибони – Вистина.мк

Џибони на емисија во живо и се обрати на Северина, а од она што и го кажа навираат солзи

Слободанка Илиева — Fri, 26 Jan 2024 11:22:44 +0000

Бранот на поддршка за Северина за време на нејзината обновена борба за старателството на синот Александар е се посилен и се повеќе нејзини колеги ја поддржуваат, а тоа синоќа во програмата во живо го направи и познатиот Златан Стипишиќ Џибони. Доделувањето на наградата Цесарица беше емитувано на ХТВ, а во разговор со водителката Маја Цигленецки во еден момент Џибони рече: - Знаеш што, ќе кажам нешто што не ме праша. Мала нација сме, секој знае кој што има за ручек. Нема тајни. Значи, знаеме, не е тајна, дека Северина е добра мама... Тоа сакав да кажам. Ене го, а вие треба да и го дадете тоа малечко - рече Џибони и со својата емоција и сочувство ги насолзи сите.

View this post on Instagram

A post shared by Zlatan Stipišić Gibonni (@gibonniofficial)

Ова стигна и до Северина, која му се обрати преку приказните на Инстаграм. - Ти благодарам, мој Гиб... Поддршката што ја добив е огромна и ќе го победи сето зло. „Џибони, голем господин, голем човек“, „Вака се поддржува жена“, „Ме расплака, колку емотивно и од срце...“, „Кратко, моќно, доволно кажа за да почнам да плачам“ , се дел од коментарите на мрежите. На доделувањето на наградата Цесарица поддршка испрати и Прља од Лет 3. - Пет збора за Евровизија, не знам... Побарувачко, интересно и забавно... И - Сев, издржи! - рече Прља на прашањето на Душко Ќурлиќ за петте зборови со кои би го опишал Евросонг. - Ви благодариме за оваа убава поддршка - рече потоа Ќурлиќ.

View this post on Instagram

A post shared by Severina (@severina)

Да потсетиме, Врховниот суд ја поништи пресудата на Жупанискиот суд во Сплит, со која беше прекршен Законот за парнична постапка, па Северина и Милан повеќе нема да имаат заеднички старателство, што го определи Жупанискиот суд во Сплит во 2021 година, но Александар, кој наскоро ќе наполни 12 години, повторно се враќа кај својот татко. Оваа одлука стапи на сила веднаш. фото: Instagram printscreen/ severina/ HRT/ gibonniofficial

Ја слушнавте ли “За твое добро” – новата постхумна песна на Оливер Драгојавеќ, напишана од Џибони? (АУДИО)

Антонио Димитриевски — Tue, 11 Dec 2018 12:33:25 +0000

Речиси пет месеци по смртта на Оливер Драгојевиќ беше објавена неговата нова песна. Песната "За твое добро" за кратко време предизвика лавина од позитивни коментари на Јутјуб.

Новата песна на Оливер Драгојевиќ е напишана од неговиот пријател и колега, Златан Стипишиќ - Џибони, а фановите на легендарниот пејач се воодушевени од ова нумера која за кратко време заработи многу позитивни коментари.

Да ве потсетиме дека пејачот почина на 29 јули 2018 година, на возраст од 71 година, по борбата со ракот на белите дробови, а зад себе остави бројни хитови кои публиката секогаш ќе ги пее и памети. Фото: АТИ медиа https://www.youtube.com/watch?time_continue=42&v=QZuafp6B-SE

Џибони ја запознал жената на својот живот кога имал 10 години, а нивната љубов трае веќе четири децении

Слободанка Илиева — Fri, 07 Dec 2018 10:51:05 +0000

Некои љубовни приказни почнуваат од рана младост или детство и траат засекогаш... Таквите случаи се ретки, посебно меѓу луѓето кои се заниваат со јавна работа, поради специфичноста на професијата, но сепак годините и времето не можат да и наштетат на вистинската љубов, туку само да ја зацврстат и прераснат во почит и лојалност. Својата сопруга Џибони ја запознал во детството, на своја 10 годишна возраст, а по повеќе наврати раскажа како нивната љубов започнала на неговата улица, најпрвин биле само пријатели. Сепак, пријателството прераснало во љубов, а подоцна и во брак.

View this post on Instagram

A post shared by Gibonni Fan Club (@gibonni_) on Nov 19, 2018 at 1:13pm PST

Познатиот хрватски пејач сопругата Сања ја чува љубоморно од очите на јавноста, но се знае дека таа му е најголема поддршка и дека нејзе и ги посветил најубавите стихови и песни во кариерата. Тие се во брак повеќе од 30 години, а имаат и три возрасни деца. -Создадовме однос кој се темели на љубов и доверба. Се што имеме ни се случи од долгото познанство и никогаш сме немале потреба да се лажеме еден со друг, ниту да глумиме, изјави Џибони своевремено за српскиот магазин „Стори“.

Предновогодишна журка со Влатко Стефановски и Џибони во Скопје

Антонио Димитриевски — Mon, 29 Oct 2018 14:12:32 +0000

Предновогодишна журка со Влатко Стефановски и Џибони во Скопје Гитарската легенда Влатко Стефановски со својот бенд ќе има целовечерен настап на годинешното издание на фестивалот „Ол ју нид ис лав“(All you need is love) на 23 декември во ВИП Арена „Борис Трајковски“ во Скопје. Стефановски ќе настапи и како специјален гостин на неколку песни заедно со главната ѕвезда на фестивалот, хрватскиот кантавтор Џибони со кој соработуваше на неговите албуми во Хрватска.