џез фактори – Вистина.мк

Од 1-ви до 3-ти јули во Битола: Џез фестивал „Jazz Factory“

Антонио Димитриевски — Wed, 16 Jun 2021 12:55:42 +0000

Од 1-ви до 3-ти јули, Битола ќе биде домаќин на четвртото издание на фестивалот „Џез фактори“ (Jazz Factory). Главната програма ќе се одвива во Народниот Тетатар, а дел од оф-програмата во кафе-барот „Порта џез”. И оваа година фестивалот во Битола носи реномирани имиња на џез сцената, од регионот и светот. Фестивалот го отвора настапот на Васил Хаџиманов, Мартин Ѓаконовски, Александар Секуловски. Програмата продолжува наредниот ден со настапот на Пеџа Милутиновиќ и „Drumbooty“ квинтет, а на третиот ден настапуваат „Human touch“ и Филип Динев трио. Како дел од годинешната програма хибридната конференција на која ќе зборуваат: Винко Михајловиќ – директор на џез фестивалот во Петровац, Драган Влајниќ – директор на џез фестивалот во Кикинда, Ема Попивода – пијанист и директор на фестивалот „Модоарс“, Бојан Стефковски – директор на „Jazz Fortnight“ фестивалот, Арлет Ховинга – џез прес промотер и медиумски директор на thatjazzgirl.me, Симон Петерман – музички директор и радио презентер , Роби Јамник – директор на фестивалот „Џез Равне“. Изложба ќе има и фотографката Татјана Ранташа, а во „Порта џез“ со свој диџеј сет ќе се претстави Јордан Николов. Освен музичкото задоволство кое ги очекува битолчани, со овој фестивал под раководство на реномираниот професор и музичар Сашо Поповски, годинава повторно ќе биде доделена наградата на најдобар млад музичар за 2020 година, насловена по познатиот битолски музичар Гоце Димитровски, кој остави неизбришливи музички траги во текот на својот живот.

Прв џез фестивал „Jazz Factory“ во Битола

Антонио Димитриевски — Fri, 18 May 2018 09:05:32 +0000

Од 18 до 20 мај, Битола ќе биде домаќин на првото издание на фестивалот „Џез фактори“ (Jazz Factory). Главната програма ќе се одвива на терасата пред офицерскиот дом, а оф-програмата и работилниците ќе се одвиваат во кафе-барот „Камарите“, кафе-барот „Порта џез“, мезе-барот „Јагода“ и винаријата „Чифлик“. Идејата потекнува од 2011 година кога џез-музичарот и шефот на катедрата на џез-студиии на универзитетот „Гоце Делчев“ во Штип, Сашо Поповски, ги започна џез-работилниците „Џез-фактори“, проект кој заврши во 2012 со џез-концерт, а кој минатата година во соработка со МКЦ се одвиваше во општина Могила со 4 работилници. Со текот на времето оваа идеја се развива и тој едукативен центар прераснува во џез-фестивал кој оваа година ќе го има првото издание. Фестивалот е во заедничка соработка со центарот за културна деконтаминација од Битола.

Првото издание носи реномирани светски имиња од џез-сцената, пред сè специјалниот гостин кој доаѓа од Барселона, Душан Јевтовиќ. Тој ќе настапи со неговото трио во кое членува реномираниот Васил Хаџиманов, како и тапанар од Израел кој живее во Лондон – Асаф Сиркиз. Втората вечер на фестивалот ќе настапат два македонски бендови – „Сашо Поповски трио“ и „Фирс“, кои ќе изведат дел од нивниот прв албум и дел од новиот материјал кој веќе го снимаат. Фестивалот ќе го затвори Тони Китановски со неговиот бенд. Дел од ова трио е и Иван Бејков.кој е основач и композитор во проектот „Злуст“. https://www.youtube.com/watch?time_continue=24&v=HIrvVSpQqBY Оф-програмата ќе биде комплетно во реализација на студентите на џез-катедрата од Универзитетот во Штип. Фестивалот ќе се одвива со поддршка на Министерството за култура на Република Македонија, општина Битола, а телевизија „Тера“ е медиумски покровител. Работилниците ќе ги одржат Душан Јевтовиќ, Васил Хаџиманов, Асаф Сиркиз и Тони Китановски, а како дел од програмата е и дебатата која ќе ја одржат музичките новинари од цела Македонија.

Jazz Factory: Битола домаќин на реномирани имиња од светската џез-сцена

Антонио Димитриевски — Mon, 19 Mar 2018 13:34:02 +0000

Од 18 до 20 мај, Битола ќе биде домаќин на првото издание на фестивалот Jazz Factory. Главната програма ќе се одвива на терасата пред офицерскиот дом, а оф-програмата и работилниците ќе се одвиваат во кафе-барот „Камарите“. Идејата потекнува од 2011 година кога џез-музичарот и шефот на катедрата на џез-студиии на универзитетот „Гоце Делчев“ во Штип, Сашо Поповски, ги започна џез-работилниците „Џез-фактори“, проект кој заврши во 2012 со џез-концерт, а кој минатата година во соработка со МКЦ се одвиваше во општина Могила со 4 работилници.

Со текот на времето оваа идеја се развива и тој едукативен центар прераснува во џез-фестивал кој оваа година ќе го има првото издание. Фестивалот е во заедничка соработка со центарот за културна деконтаминација од Битола. Првото издание носи реномирани светски имиња од џез-сцената, пред сè специјалниот гостин кој доаѓа од Барселона, Душан Јевтовиќ. Тој ќе настапи со неговото трио во кое членува реномираниот Васил Хаџиманов, како и тапанар од Израел кој живее во Лондон- Асаф Сиркиз. Неговиот последен албум „No Аnswer“ е на трето место за најслушан џез-албум на светките листи. Jевтовиќ за своите изведби вели дека се како амалгам на импровизиран пристап поврзан со џезот, заедно со сензибилитетот на големиот Џими Хендрикс, со навестување на српскиот етнички фолклор, каде создава еклектична мешавина која вреди да се слуша.

Душан е решен да ја донесе својата музика во светот како порака на креативен дух и добра волја. Неговото брилијантно музицирање ќе биде гласник кој луѓето ќе го прифатат со ентузијазам, со отворени уши и срдечни срца. Идеите на Хаџиманов за мешање на балканските традиционални, народни ритми и мелодии со западните, современи музички стилови (џез, фанк, светска музика …) во својата музика, е потполно автентичен и нов пристап кон фузија и џез-музика. Токму тие идеи го инспирираа да го формираат овој бенд уште во 1995 година, кога ги направија своите први снимки .Во последните 15 години, Васил и неговите музичари континуирано ги свиреа своите композиции на концерти и музички фестивали на џез, рок и светски музика низ целиот свет, со голем успех. Втората вечер на фестивалот ќе настапат два македонски бендови – „Сашо Поповски трио“ и „Фирс“, кои ќе изведат дел од нивниот прв албум и дел од новиот материјал кој веќе го снимаат. Сашо Поповски е џез-музичар од четвртата генерација македонски уметници, професор на музичката академија на Универзитетот „Гоце Делчев“ – Штип – џез-оддел, композитор и педагог со главен инструмент на гитара. Современиот џез со елементи на традиционална македонска музика ја прави неговата музика уникатен и добро познат учесник на музички сцени во Европа. Повеќе од 20 години на сцената преку разни проекти соработуваше со многу уметници и издаде 3 џез албуми и неколку соло композиции. Фестивалот ќе го затвори Тони Китановски со неговиот бенд. Дел од ова трио е и Иван Бејков. кој е основач и композитор во проектот „Злуст“. Професионален музичар, работел како басист со „Архангел“, Влатко Стефановски, „Мугер фугер“,„Д.Н.О.О“, Квинтетот на Грег Хопкинс, Дамо Сузуки, Кирил Џајковски итн… Пишува оригинална музика за филмовите: „Волшебна магија лек“, „Како излажав светец“, „Деца од 1948 година“ итн… Моментално работи во проектот „Злуст“, Тони Китановски и „Черкези“, тријада „Караванија“, итн… Професор на Универзитетот „Гоце Делчев“, Академија за музика – Штип. Контрабасист во оркестарот на ММЕ на Македонската национална радио и телевизија.

Музиката на Тони е доста афроцентрична. Можеби затоа што пораснал играјки фудбал со африкански студенти за размена од своето соседство и позајмил плочи од нивните огромни збирки по натпреварот. Егзотични звуци на мултикултурната ткаенина во Бостон, каде традиционалната музика од секој замислив дел од светот може да се најде зад аголот во секое време, беа заменети со подеднакво интригантна балканска разновидност на музички бои врз основа на режимите и ритмите на антиката, византискиот и источните традиции по неговото враќање од Америка. Покрај него, тука е и Виктор Филиповски, претставник на најмладата генерација џез-музичари во Македонија, основач на бендот „Фирс“, соработува со најголемите џез имиња на Балканот. Неговиот автентичен пристап во свирењето на тапаните допринесва за негова константна присутност на џез-сцената како и големиот број на аудио материјали кои ги остава зад себе. Моментално е најмлад предавач на џез-одделот при УГД Штип и добитник на наградата најдобар млад музичар „Златен орикс“.

Оф-програмата ќе биде комплетно во реализација на студентите на џез-катедрата од Универзитетот во Штип. Фестивалот ќе се одвива со поддршка на Министерството за култура на Република Македонија, општина Битола, а телевизија „Тера“ е медиумски покровител. Работилниците ќе ги одржат Душан Јевтовиќ, Васил Хаџиманов, Асаф Сиркиз и Тони Китановски, а како дел од програмата е и дебатата која ќе ја одржат музичките новинари од цела Македонија. Извор: Шеталиште