џенова – Вистина.мк

Ќерката на Синиша Михајловиќ се мажи: Вирџинија закажа венчавка својот партнер, фудбалерот на Џенова, Алесандро Вољак (ФОТО)

Антонио Димитриевски — Tue, 30 May 2023 10:24:51 +0000

Ќерката на легендарниот фудбалер Синиша Михајловиќ, Вирџинија Михајловиќ, закажала венчавка за 17 јуни кога ќе го каже судбоносното „да“ на својот партнер, фудбалерот на Џенова, Алесандро Вољак. Младиот пар ќе се венча во катедралата Монополи во Бари, на југот на Италија, а убавата Вирџинија ја прослави својата моминска вечер во Рим. На фотографиите од забавата гледаме многу балони со натписи „bride to be“ и „team Virginia“, слатки и специјално украсени колачи, но и дамите кои најмногу и значат на идната млада дама - постарата сестра Викторија и се разбира, ќерката Виоланте. Ќерките на Миха носеа ист модел на фустан со металик сјајна боја, разликата беше само во колоритот. Едната се одлучи за сината, а другата за златна варијанта. Инаку, Вирџинија која го слави својот 25. роденден неодамна откри кои ќе и бидат кумите. Нејзини сведоци ќе бидат нејзиниот брат Мирослав и сестрата Викторија, а Алесандро исто така ги избра и сестрата и братот. Бурмите се направени од жолто злато со дијаманти, а таа откри каде ќе одат на меден месец. - И јас и Алесандро сакаме да ја носиме Виоланте насекаде, без неа не одиме никаде. Иако понекогаш чувствуваме потреба да бидеме сами, патувањето со ќерката дефинитивно е многу поубаво. Таа е најубавото нешто во нашиот живот, таа е дел од нас. Затоа избравме дестинација каде децата ќе можат да уживаат. Се одлучивме за Малдиви. Фот: Инстаграм принтскрин/virgimih

Митевски, Дац и Благој Нацоски со порака на солидарност и љубов во новата македонско-италијанска верзија на – „Уште ми фалиш / Mi manchi ancora“ (ВИДЕО)

Антонио Димитриевски — Mon, 13 Apr 2020 12:48:42 +0000

Александар Митевски и Драган Спасов -Дац, музичко актерското дуо кое ја воскресна и продолжи нишката на современи шансони, срцепарателни балади кои со тек на времето како по некое непишано правило стануваат евергрини, на својата макфестовска тема „Уште ми фалиш“ и деновиве и дадоа нова димензија. Поттикнати од корона пандемијата која го погоди целиот свет, но во Европа најмногу Шпанија и Италија, двајцата уметници решија истата песна да ја надополнат со уште еден вокал. Овој пат оперскиот глас на нашиот со нашиот еминентен тенор Благој Нацоски кој живее и работи во Џенова, Италија. Тројцата одново заедно ја отпеаја „Уште ми фалиш“ на македонски и италијански како порака на солидарност и љубов во овие тешки времиња низ кои минува светот, па и македонскиот и италијанскиот народ, претворајќи ја песната во безвременска, песна за сите генерации. Како звучи сега, вака отпеана песната чии стихови се своевидна ретропективна на животот и младоста, на сите остварени и неостварени љубови, желби, мечти, младешки сништа… без оглед кои сме и што сме, колку сме познати или успешни, исполнети и реализирани личности, на кои животот и премрежјата што ги носи времето во вака тешки мигови, подеднакво ни се закануваат на сите. Слушнете и погледнете ја новата македонско-италијанска верзија на „Уште ми фалиш“ или „Mi manchi ancora“... https://www.youtube.com/watch?v=UcZwcOsXCmA&fbclid=IwAR3YjDM8TIL_HN4BlAIxcH0UUZUYLZkV_cnrynCB28_7TPnQaEVOKq9iSLI&app=desktop

Шокиран: Македонскиот пејач го послужи среќата тој ден да не помине низ мостот во Џенова!

Христина Ѓоргиевска — Thu, 16 Aug 2018 08:08:16 +0000

Деновиве голема трагедија се случи во Италија кога се сруши мост во близина на градот Џенова. Новинската агенција АНСА информира дека најмалку 11 луѓе се загинати и еден преживеан е извлечен од урнатините. Во извештајот се вели дека најмалку 10 автомобили биле на делот од мостот кој се урна. Македонскиот оперски пејач Благој Нацоски кој живее во Џенова истакна дека тој требало да помине низ мостот кој се срушил.

Ви благодарам на сите за пораките... јас сум добро, дома сум шокиран... имам пројдено на тој мост илјадници пати а и денеска требаше да поминам на истиот, напиша Благој на својот Фејсбук профил.

Како причина за урнивање на мостот се наведува застарената инфраструктура. фото: Фејсбук