џенифер лоренс – Вистина.мк

Се породи Џенифер Лоренс: Холивудската ѕвезда го доби првото дете

Христина Ѓоргиевска — Thu, 24 Feb 2022 11:20:47 +0000

Американската актерка за првпат се реализираше во улогата на мајка. Џенифер Лоренс го доби своето прво дете со сопруг Кук Марони, пренесува „ТМЗ“. Се уште не е познат полот на бебето. Инаку, Џенифер и нејзиниот сопруг се венчаа пред три години.Венчавката се одржа во луксузна вила, а до самиот ден на свадбата сė се држеше во голема тајност. На церемонијата присуствуваа и Крис Џенер, Адел, Ема Стоун. фото: Профимедиа

Оскаровката Џенифер Лоренс повредена во експлозија

Слободанка Илиева — Mon, 08 Feb 2021 11:41:35 +0000

Џенифер Лоренс (30), добитничка на Оскар, беше повредена во експлозија за време на снимањето на претстојниот филм „Не гледај нагоре“, пишуваат странските медиуми. Експлозијата била планирана и контролирана, и покрај сите мерки на претпазливост, големо количество стакло одеднаш се распарчило, при што актерката била повредена. Лоренс лежела на земја по експлозијата, држејќи го лицето покриено, кога минувачите притрчале за помош.

View this post on Instagram

A post shared by Jennifer Lawrence (@jenniferlawrence_)

Извори за странските медиуми изјавиле дека актерката била погодена од стакло, но дека е добро и се опоравува. - Стаклото требаше да се расфрла во таа сцена, но не толку неконтролирано - рекол изворот од сетот. Снимањето било запрено по инцидентот.

Џенифер Лоренс се омажи во строга тајност: Судбоносното „да“ го кажа во романтична венчаница (фото)

Христина Ѓоргиевска — Sun, 20 Oct 2019 10:28:30 +0000

Актерката Џенифер Лоренс (29) се омажи за сопственикот на уметничката галерија во Њујорк, Кук Марони, пишуваат американските медиуми. Венчавката се одржала во луксузна вила на мирен и раскошен остров, а церемонијата била во строга тајност се до самиот ден на венчавката. На свадбата меѓу 150те гости биле и холивудските ѕвезди: Ема Стоун, Крис Џенер, Камер Дијаз, Адел и многу други, а многу од нив на имотот пристигнале уште во петок. Како што пишуваат американските медиуми, Џенифер судбодносото „да“ го кажала во едноставна, романтична венчаница од „Диор“, а на социјалните мрежи се појави фотографија од Џенифер на која се гледа дека е среќна. За потсетување, парот се сврши во февруари оваа година, а заедно се од јуни 2018 година. Целата церемонија била во знак на романтика, а гламурнозната прослава продолжила до зори.

Овие детали сигурно не сте ги знаеле: Tалат од „Преспав“ откри со која позната актерка би снимил жешки сцени

Христина Ѓоргиевска — Tue, 10 Sep 2019 07:29:44 +0000

Дритон Вејсели или познат како рецепционерот Талат од „Преспав“ ја освои публиката со неговата улога во истоимената серија. Дритон или Талат со својот харизматичен лик успеа да ја освои публиката и да излезе од сенката на популарноста, па така важи за еден од најпознатите актери. Уште кога заврши третата сезона за серијата, публиката започна со прашања дали ќе има нова сезона и дали своите омилени актери ќе имаат прилика да ги гледаат пред ТВ екраните.

Продукцијата на серијата најави дека ќе има и четврта сезона која треба наскоро да почне да се снима. Дритон во интервју за „Слободен печат“ одговараше на разни прашања како од професионален така и од приватен план, па откри некои детали за кои можеби јавноста не е запознаена. Дритон откри дека го искористил летниот одмор за да оди неколку дена на одмор во Албанија, а наскоро ќе се врати на снимињата на „Преспав“, но не сакаше да открива детали.

„Би сакал да можам да ви откријам, но не знам што ќе се случи во четвртата сезона. Возбуден сум и очекувам да видам какви пресрвти и промени ќе се случат во сценаријата“ вели Дритон за „Слободен печат“.

Кога станува збор за неговиот приватен живот и емотивен статус, Дритон остана резервирен и не сакаше многу да зборува, односно на прашањето дали има девојка, Вејселу откри дека сака својот приватен живот сака да го зачува за себе.

„Нема ни да дознаете....се шегувам....туку сакам приватниот живот да биде за мене“ вели актерот. За потсетување, пред неколку месеци во едно интервју тој откри дека е „сингл“, а дали тој статус се сменил не сакаше да открие. На прашањето со кого би сакал да снима жешки сцени, изборот падна на холивудската актерка Џенифер Лоренс.

Дали на Дритон некогаш ќе му се исполни сонот и ќе застане во кадар со Џенифер останува да видиме, а дотогаш очекуваме да се официјализира стартот на новата сезона на „Преспав“ по која тој стана препознатлив кај публиката.

По 8- месечна врска, се сврши Џенифер Лоренс

Христина Ѓоргиевска — Thu, 07 Feb 2019 11:54:33 +0000

По осум месечна врска Џенифер Лоренс потврди дека ќе се мажи со Кук Марони. Запросувањето се случило додека вечерале во еден ресторан во Њујорк. Кук во еден момент извадил прстен со огромен камен и го ставил на нејзиниот прст. Лоренс кажала „да“ и прифатила да се омажи за него, пренесуваат странските медиуми.

Парот се запознал преку најдобрата другарка на Џенифер Лоренс, Лора Симсон. Кук моментално работи во познатата "Gledston Galeriji", а врската со актерката за започнал откако Лоренс раскинала со режисерот Дарен Афронск.