џејми оливер – Вистина.мк

Паста по рецептот на Џејми Оливер: Готова е за 15 минути

Слободанка Илиева — Wed, 01 Jun 2022 12:53:49 +0000

Има ли нешто подобро од рецепти кои брзо се подготвуваат и ве соборуваат со вкус и мирис! Сигурни сме дека обожавате вакви специјалитети, особено кога состојките се едноставни и достапни. Познатиот готвач Џејми Оливер смислил токму таков рецепт, па кога брзате со ручек и имате само околу 15 минути да го донесете оброкот на маса, тестенините со лимон и тиквички нека ви бидат адут во ракавот! Потребни состојки: 150 грама тестенини 2 тиквички 15 грама свежо нане 30 грама пармезан еден лимон сол, масло од пиперка Подготовка: Сварете ги тестенините на вообичаен начин, а потоа процедете ги и зачувајте ја водата од варење. Тиквичките исечкајте ги на кришки по должина, а потоа исечете ги на тенки ленти. Листовите нане ситно исечкајте ги. Во тава загрејте малку маслиново масло, па додајте ги тиквичките. Варете 4 минути со повремено мешање. Додадете ситно сечкано нане. Исцедените тестенини додајте ги во садот со тиквичките заедно со малку вода што останала од варењето. Додадете ситно рендан пармезан и рендана кора од лимон, а потоа исцедете го сокот од еден лимон. Добро промешајте и зачинете со бибер и морска сол по желба. Пред сервирање, посипете ги тестенините со уште малку пармезан и маслиново масло. извор:курир.мк

Џејми Оливер исфрлил една намирница и изгубил 12 килограми: Познатиот готвач откри како се храни, а еве што си забранил

Христина Ѓоргиевска — Thu, 07 Oct 2021 12:45:01 +0000

Познатиот готвач Џејми Оливер неодамна откри дека изгубил 12 килограми со тоа што исфрлил само една намирница од исхраната. Џејми Оливер имаше постојани осцилации на тежината во минатото, а неодамна во интервју за „Express.co.uk“ призна дека за време на карантинот се свртел кон нездрави навики поради кои брзо се здебелил 15 килограми. Сега тој успеал да ја врати својата тежина во нормала, а откри и како! Имено, како што рече, ги променил своите и навиките на своето семејството кога е во прашање исхраната и за кратко време изгубил 12 килограми масни наслаги што ги „накачил“ во претходната година и пол. Тој исфрлил две клучни работи! “Прво морав да го намалам месото. Не следев строга диета, само го заменив месото со големи порции зеленчук. Тоа дава извонреден ефект, не сте гладни, доволно сте јаделе, но не јадете храна која е проблематична“, рече тој. Џејми, исто така, снимаше емисии за време на пандемијата, во кои ги вклучи сопругата Џулс и петте деца, и вели дека вовел повеќе зеленчук во неговата исхрана заедно со нив. “Така ги хранам децата и ги преполовив порциите од другата храна за себе. Јадев и многу јаткасти плодови кои се одлични за срцето”, вели Џејми. Тој, исто така, призна дека повремено пиел, а секој знае дека алкохолот има огромна калорична вредност. “Сега се ограничувам на неколку пијачки за време на викендите, но не пијам повеќе во работните денови. Навистина се трудам да бидам повнимателен во она што го внесувам”, вели Оливер. Џејми истакна и дека јаде најмногу храна за појадок, како и дека особено внимава да спие доволно и да се движи. извор: попара.мк

Направете карбонара по рецептот на Џејми Оливер

Христина Ѓоргиевска — Wed, 05 May 2021 13:00:23 +0000

Џејми Оливер сподели рецепт за карбонара – јадење кое е идеално да се подготви ако не сакате да стоите долго во кујната и ако немате многу состојки дома. Состојките што ги наведе, се доволни за две порции, а целата подготовка се прави за 10 минути.

Состојки:

3 големи жолчки од јајце
40 гр пармезан
150 гр сланина
200 гр шпагети
1 чешне лук
Маслиново масло

Подготовка:

Ставете ги жолчките во сад, додадете пармезан, бибер и потоа измешајте со вилушка. Оставете ја на страна и исечете ја сланината – Џејми советува да се отстранат помрсните делови. Гответе ги шпагетите според упатствата на пакувањето. Загрејте една лажица масло во една тава, додадете едно чешне лук што претходно сте го притиснале со рака и пржете околу 60 секунди. Промешајте ја сланината, пржете додека не стане крцкава. Извадете парче лук, исцедете ги шпагетите, но заштедете малку од водата во која се готвеле. Додадете ги во сланината за да добијат вкус и мирис, а потоа тргнете сè од оган. Во тестенините со сланина додадете лажица вода од тестенините, бибер и жолчките. Топлината на тавата и шпагетите ќе ги сварат жолчките. Додадете повеќе вода, доколку е потребно, за да добиете фин сос. извор: попара.мк

Џејми Оливер сподели неверојатен рецепт за ручек за четворица: Сè што ви е потребно чини околу 200 денари!

Христина Ѓоргиевска — Tue, 16 Feb 2021 13:54:38 +0000

Џејми Оливер се прослави со едноставните рецепти кои секој може лесно да ги подготви, а неговите специјалитети и покрај тоа се многу вкусни и уникатни. Овој оброк можете да го послужите за појадок, но и за ручек или вечера, а можете да додадете или да ги смените состојките по желба. Евтин е и многу брз, и истовремено едноставен за подготовка.

Состојки:

– 8 јајца – зелен зеленчук (кељ, блитва, зелје, спанаќ, грашак) – рикота – маслиново масло – сок од лимон

Подготовка:

Добро измијте го зеленчукот, исецкајте го и ставете го во некој сад, па зачинете со сол, масло, сок од лимон и потоа додадете ги претходно лесно изматените јајца. Загрејте го маслото (или путер) на тавче, додадете ја смесата од јајцата и зеленчукот, па парчето рикота. По желба додадете и малку изрендан пармезан. Кога ќе ја испржите оваа фритата, префрлете ја тавата во рерна на уште неколку минути. Кога ќе биде готово, исечете ги на поголеми парчиња и послужете со суви маслинки или домати.

View this post on Instagram

A post shared by Jamie Oliver (@jamieoliver)

извор: Курир.мк

Џејми Оливер сподели неверојатен рецепт за ручек за четворица

Слободанка Илиева — Thu, 26 Nov 2020 13:20:49 +0000

View this post on Instagram

A post shared by Jamie Oliver (@jamieoliver)

Подготовка: Добро измијте го зеленчукот, исецкајте го и ставете го во некој сад, па зачинете со сол, масло, сок од лимон и потоа додадете ги претходно лесно изматените јајца. Загрејте го маслото (или путер) на тавче, додадете ја смесата од јајцата и зеленчукот, па парчето рикота. По желба додадете и малку изрендан пармезан. Кога ќе ја испржите оваа фритата, префрлете ја тавата во рерна на уште неколку минути. Кога ќе биде готово, исечете ги на поголеми парчиња и послужете со суви маслинки или домати. извор:точка.ком.мк

Џејми Оливер открива нови, брзи рецепти за периодот на изолација…

Слободанка Илиева — Fri, 06 Nov 2020 14:20:47 +0000

Почнувајќи од понеделник на програмата на британскиот Channel 4, ќе започне да се емитува сосема ново кулинарско шоу со Џејми Оливер. Неговата цел е да споделува едноставни рецепти со луѓето додека се дома Познатиот готвач Џејми Оливер, ќе објави нова емисија за готвење на британскиот „Channel 4“ со цел да им помогне на сите луѓе кои се во самоизолација. Професионалниот готвач ќе биде тука за да им помогне на гледачите за време на неочекувана пандемија и ќе сподели едноставни и достапни рецепти направени од основните состојки што секој треба да ги има во куќата. Сосема новата емисија ќе започне да се емитува на 23 март, а секоја епизода ќе трае триесет минути. Ќе се емитува во работните денови на програмата наречена „Keep Cooking and Carry On“. Канал 4 откри дека целта е да се направи се што е во нивна моќ за да им се помогне на жителите на Велика Британија да го поминат ова тешко и многу чудно време. „Придружете му се на Џејми Оливер во неговата нова емисија каде што ќе ни покаже едноставни рецепти, ќе ни даде совети и генијални трикови додека сме дома во изолација’, објави „Channel 4“. Бидејќи „целиот свет“ полуде по панично пазарење, многу намирници исчезнаа. Значи, предмети како тестенини, ориз и леб беа како златна прашина, но за среќа, Џејми и за тоа има решение. На гледачите ќе им бидат понудени наједноставните рецепти и совети за да можат сами да си направат леб и тестенини дома. Откри дека готвењето дома никогаш не било „поважно“ отколку што е сега. – Оваа емисија ќе биде полна со лесни и вкусни рецепти во кои може да ужива целото семејство – објави тој на Твитер. извор:попара.мк

Најдобрите палачинки по рецепт на Џејми Оливер: Има само една тајна…

Слободанка Илиева — Wed, 30 Sep 2020 12:40:44 +0000

Во рецептот на познатиот готвач Џејми Оливер нема одделување на белките од жолчките, нема мерења и специјални состојки, сè е во една бројка. Состојки: - една шолја брашно - една шолја млеко - едно јајце - една лажица прашок за пециво Подготовка: Изматете ги сите состојки и премачкајте ја тавата за палачинки со две капки масло, а потоа ставете го шпоретот на тивок оган. Кога ќе се загрее, ставете три лажици од смесата и печете. Кога по краевите ќе почнат да се појавуваат 'меурчиња', свртете ја палачинката и печете додека не добиете златеникава боја. Сервирајте со јаворов сируп, овошје и мед, боровница и слатка павлака. Вака подготвените американски палачинки може да се јадат и во солена комбинација. извор:точка.ком.мк

Доживеала пет спонтани абортуси и не се откажува за шесто дете: Сопругата на Џејми Оливер со искрена исповед

Слободанка Илиева — Sun, 19 Jul 2020 09:20:24 +0000

Сопругата на Џејми Оливер, Џулс, имашла спонтан абортус за време на карантин. Ова е нејзин трет абортус од 2016 година кога го роди нејзиниот најмлад син Ривер. Џулс и Џејми имаат пет деца. Таа сега открива дека имала абортус пред три недели. "Јас навистина сакам друго дете, но морам да размислувам дали е тоа добра идеја, ментално и физички, бидејќи имам 45 години, тоа е малку чувствително. Џејми е сè уште за тоа ... Ќе се обидам уште една година, а потоа навистина ќе го затворам тоа поглавје, затоа што сум многу среќна и исполнета“, рече Џулс.

View this post on Instagram

In celebration of International day of the midwife. Highlighting the magnificent and vital role that midwives play in bringing our babies into the world. We have been so lucky to have been blessed with the most wonderful midwives for each of our 5 children and the 2 little angels we lost. Kind , calm, warm and gentle. When you are scared and at your most vulnerable the squeeze of a hand and a stroke of your head means more than they will ever know ❤️ thank you xxx

A post shared by Jools Oliver (@joolsoliver) on May 5, 2018 at 1:13pm PDT

Таа откри и како се чувствувала после абортусот: "Па, ова е петти абортус сега, имав два пред Ривер. Некако, кога ќе забременам, мислам дека бременоста нема да трае и ќе продолжам понатаму", објасни таа. Џејми и Џулс неодамна славеа 20 години брак, а потоа, во посвета за нејзиниот сопруг, таа откри дека имала пет абортуси. „Создадовме пет убави деца и изгубивме пет наши sвезди на небото“, напиша таа.

Џејми Оливер откри трик за совршен болоњезе сос

Слободанка Илиева — Wed, 04 Mar 2020 12:15:10 +0000

Љубители сте на болоњезе сос и сакате кулираски уметности од познатиот Џејми Оливер? Тогаш ќе го обожувате овој рецепт... Состојки: - 1/2 кг. мелено јунешко месо - 1/2 кг. мелено свинско месо - 50гр. чадена сланина - гранче рузмарин - 1 кромид - 2 моркови - 2 целери - 2 конзерви пелати од 400мл. - 1 лажица доматно пире - 800мл. вода - малку маслиново масло - сол и бибер по желба Подготовка: Во тенџере истурете малку маслиново масло и додадете го ситно исецканиот рузмарин. После неколку минути додадете ја сланината исецкана на ситни парчиња. Следниот чекор е да го додадете свинското и јунешкото месо. Сите заедно гответе и мешајте околу 10 минути, односно сè додека месото не омекне и не добие кафена нијанса. Потоа исецкајте го лукот, морковите и целерот. Подготвениот зеленчук додадете го во тенџере и гответе дополнителни 10 минути. извор:точка.ком.мк

Празници “во чаша”: Варено вино по рецепт на Џејми Оливер

Слободанка Илиева — Mon, 13 Jan 2020 13:35:28 +0000

За време на празниците, малку работи можат подобро да ве опуштат од домашно варено вино. Испробајте го овој супер рецепт на познатиот готвач Џејми Оливер и дозволете домот да ви замириса на вистинска зима. Потребни состојки: - 2 мандарини - 1 лимон - 1 лимета - 200 гр. шеќер - 6 каранфилчиња - 1 стапче цимет - 3 ловорови листови - 1 мускатно оревче - 1 стапче ванила - 2 шишиња црвено вино - 2 ѕвездички анис Начин на подготовка: 1. Измијте го лимонот, лиметата и мандарините, а потоа грубо излупете. 2. Ставете го шеќерот во поголемо тенџере, на средна температура, додадете ги парчињата кора од цитрусите и исцедете ги нивните сокови. 3. Потоа додадете ги каранфилчињата, стапчето цимет и ловоровите листови и изрендајте малку мускатно оревче (10 до 12 потези). Стапчето ванила пресечете го по должина, додадете го и ставете доволно вино за да го покрие шеќерот. 4. Мешајте на среден оган додека не се растопи шеќерот, а потоа зголемете ја температурата и оставете да врие околу 4-5 минути, додека не добиете смеса како густ сируп. 5. На крајот, додадете ги ѕвездичките анис и остатокот од виното и на тивок оган гответе уште 5 минути. 6. Виното служете го топло. извор:точка.ком.мкваре