џаро – Вистина.мк

Во хотел „Парк“: Промовирана автобиографската книга „Живот на коцка“ на Велибор Џаровски Џаро

Антонио Димитриевски — Tue, 30 May 2023 12:22:45 +0000

На летната тераса на ресторанот „Фоур“ во скопскиот хотел „Парк“, пред бројните гости и новинари вчеравечер, понеделник, 29 мај 2023 г. беше промовирана автобиографската книга „Живот на коцка“ за животот и работата на естрадниот менаџер Велибор Џаровски - Џаро. Автор на книгата е неговата ќерка, новинарката Милица Џаровскa. Промотор на настанот беше Игор Џамбазов, кој мешудругото рече: „Мене ми е жал што младиве генерации за Џаро го знаат само по превари и местење натпревари. Ама, дечки, не е така. Тој има направено за оваа држава повеќе од многу политичари. Без разлика на сите прикаски што ќе ги прочитате во книгата. Џаро ги донел најголемите балкански ѕвезди во Македонија кои и денес во не заборават во своите интервјуа да го спомнат, се едно дали е Здравко Чолиќ, Бора Чорба, Тереза Кесовија, Мишо Ковач“. Од неговите скромни почетоци, во семејната куќа во населбата Ѓорче Петров, каде што живее и денес, до неговото издигнување како успешен менаџер, книгата ги носи читателите на возбудливо патување низ животот на Џаро. „Не беше лесно да се пренесат муабетите на Џаро на хартија“ - забклагодарувајќи им се на бројноста на присутните рече сношти авторката и додаде дека кога ја пишувала книгата, ја напишала како да разговара со соговорник, а не со својот татко. „Живот на коцка“ беше прво промовирана на Саемот на книгата во Скопје. Книгата е преведена на македонски јазик во издание на издавачкиот центар „Три“, а е напишана уште пред шест години, но на српски јазик.

Промоција на биографската книга „Живот на коцка“ на познатиот менаџер Велибор Џаровски – Џаро

Антонио Димитриевски — Thu, 25 May 2023 12:04:13 +0000

Официјалната промоција на биографската книга „Живот на коцка“, на познатиот менаџер Велибор Џаровски - Џаро ќе се одржи во понеделник, на 29 мај,од 19 часот, во ресторанот „Four“ во хотелот „Парк“. Автор на книгата е неговата ќерка, новинарката Милица Џаровска, а книгата е во издание на издавачкиот центар „Три“. Промотор на книгата ќе биде македонскиот актер, водител и пејач, Игор Џамбазов. Во книгата, низ интересни приказни се раскажува за возбудливиот живот на Џаро. Од првата „местенка“ која се случила во семејната куќа во населбата Ѓорче Петров каде што и денес живее, до необичната, но успешна соработка со најголемите музички и спортски ѕвезди од поранешна Југославија. Се' е раскажано во приказните кои се напишани во прво лице. Книгата неодамна беше изложена на Саемот на книга во Скопје каде Џаро лично ги потпишувае примеровите, а истата се продава во сите книжарници на „Три“ низ Македонија.

Џаро ќе ја потпишува биографијата „Живот на коцка“ на Саемот на книгата

Антонио Димитриевски — Mon, 08 May 2023 08:27:43 +0000

За возбудливиот живот на менаџерот Велибор Џаровски- Џаро се раскажува во книгата „Џаро-живот на коцка“ чиј автор е новинарката Милица Џаровска, а е во издание на издавачкиот центар „Три“. Овој вторник, 09 мај 2023 година на Саемот на книгата на Саемот на книгата во Арена „Борис Трајковски“, на штандот на „Три“, од 18 часот, Џаро и авторката ќе ја потпишуваат книгата која е негова биографија. Од првата „местенка“ која се случила во семејната куќа во населбата Ѓорче Петров каде што и денес живее, до необичната, но успешна соработка со најголемите музички и спортски ѕвезди од поранешна Југославија е раскажано во книгата за Џаро.

„Многу пати во јавноста сум ги споделувал моите приказни, но време беше да се стават и на хартија, тие и уште некои кои досега ги немам кажано. Мојот „живот на коцка“ не се однесува само на коцката, туку на начинот на кој го живеев во едно поинакво време, па затоа ѝ дозволив на ќерка ми да го стави токму овој наслов. Но, и денес иако побавно се движам, знам да им кажам на помладите: „Јас имам проблем со ногата, немам проблем со главата“. Ве чекаме сите на Саем во вторник“, изјави Џаровски. Книгата се продава во сите книжарници на „Три“ низ Македонија.

Твоето лице е познат сурат: Мамо, мамо, Џаро ми е драг… А и како не би, кога е негова (фото)копија! (ФОТО)

Антонио Димитриевски — Fri, 09 Feb 2018 11:36:01 +0000

Меѓу мноштвото занимливи „играчки“ на Интернет и социјалните мрежи, деновиве кај нас особено актуелна стана еднаинтересна апликација. Имено, преку ноќ на Фејсбук почнаа да никнуваат апликации со фотографии од типот: Како би изгледал(а) да си... женско, машко, холивудска ѕвезда, кога ќе остареш... и слично!

И еден куп љубопитни души нормално, веднаш ставија своја фотографија за да се доживеат како познати и славни, како мажи и жени од спротивниот пол или во постари години... И некој повеќе, некој помалку убави или препознатливи, ама сепа се видоа што би било кога би биле... Или поточно, какви би биле да се... тоа што несе!

Меѓу сите љубопитни и по некоја познато дете на уште попознат родител... Како естрадната новинарка Милица Џаровска, ќерка на легендата на естрадното менаџерство во регионот, Велибор Џаровски Џаро.

И очекувано - сличноста е фрапантна. Да му беше син, новинарката немаше толку да личи на татка си! „Плукнат“ Џаро... како помлад!

Своевремено, Сузана Спасовска пееше: „Мамо, мамо, Џаро ми е драг...“! А како и да не и е на Милица, кога ем и е роден татко, ем е „плукната“ (фото)копија на него! На нејзиниот „Благоја“, како што новинарката си го вика така си!