двоглав орел – Вистина.мк

Српската мисица што покажуваше двоглав орел, заврши в болница: По страшниот стрес од медиумскиот линч, ненадејно и се слошило (ФОТО)

Антонио Димитриевски — Thu, 04 Nov 2021 09:51:26 +0000

Валентина Петровиќ, српската мисица што покажуваше двоглав орел била хоспитализирана откако сношти ненадејно и се слошило! Валентина во последните недели беше во центарот на вниманието поради нејзиното појавување на изборот за Мис Интерконтинентал во Египет, каде заедно со претставничките на Албанија и Косово покажа двоглав орел кој ја симболизира т.н. Голема Албанија. Нејзината колешка Наѓа Кљајиќ, поранешна мис туризам, откри дека Валентина вчера се вратила во Србија и дека набргу по пристигнувањето ненндејно и се слошило и таа завршила во болница на инфузија. „Редовно контактирам со менаџерот и директорот на компанијата Мис Ју, кои ме известија дека на Валентини и се слошило. Ја разбирам, зад неа е страшен стрес, а допрва овде дома ја чека голем притисок. Случано или не, ја држеле подолго и на царина при враќањето во Србија“ - објави Наѓа во утринската програма на телевизија Курир. По скандалот Валентина јавно се извини, неколку пати повтори дека искрено жали, а Весна да Винча, сопственичката на официјалната агенција која испраќа српски мисици на светските натпреварувања, изјави дека мисицата била „злоупотребена и наместена“, по што преживеала медиумски линч. Фото: Printscreen Instagram/bunt.svesrbija

Бајката и се претвори во пекол: Српската мисица Валентина Петровиќ која покажа двоглав орел исклучена од изборот за мис, се враќа дома (ФОТО)

Антонио Димитриевски — Thu, 28 Oct 2021 11:19:59 +0000

Сопственичката на компанијата Мис Ју, Весна де Винча, истакна дека српската мисица Валентина Петровиќ по скандалот со несреќното покажување двоглав орел, на крајот ќе биде вратена дома од натпреварот, бидејќи е во лоша состојба. „Јас сум во многу неблагодарна ситуација, бидејќи како претседател на компанијата треба да одлучам. Но, сепак, веројатно ќе ја повлечеме, бидејќи таа мораше да се концентрира на такви прашања. Плус, таа е неспособна да го продолжи натпреварувањето, во тешка ситуација е. Добивала разни закани преку телефон, а на крајот нејзиниот Инстаграм да биде исклучен. Тоа го направиле луѓе од Албанија и косовските Албанци, бидејќи нејзиниот профил бил избришан откако споделила слика на која крева три прста со девојките од Албанија и Косово, со кои претходно покажуваше двоглав орел“ - изјави Весна на телевизијата К1, а ја коментираше изјавата на Мис Албанија, Фронтина Гаши, која рече дека Валентина ја молела да крене три прста и затоа се сликале: „Тоа што една мисица од Албанија изјавила дека Валентина плачела и молела за да се фотографираат заедно со кренати три прста, откако претходно покажале двоглав орел, воопшто не е вистина. Затоа што има повеќе слики во различни ситуации каде што држат различни симболи, па сето тоа паѓа во вода“ - рече Весна и продолжи: „Свесна сум дека Валентина не знаела што прави, дека е измамена, но искрено не сум толку сигурна за девојките од Албанија и Косово. Затоа што ова не е прв пат да има провокација на вакви значајни натпревари, кои се многу популарни во светот и имаат одлична медиумска покриеност. Дури сум сигурна дека тоа е нивното лоби, за кое се добро платени, како Рита Ора и Дуа Липа. Мисицата Валентина Петровиќ за прв пат официјално и се обрати на јавноста, со снимена видео порака, во која тврди дека жртва на стапицата на мисиците од Албанија и Косово. „На овој начин сакам уште еднаш јавно да му се извинам на народот и на државата за непромислените постапки, каде што паднав во стапица. Кога дојдовме овде на натпреварот, девојките од Косово и Албанија имаа погледи кон мене кои не беа баш пријатни. После тоа наеднаш се' се смени, па сакаа да бидат во мое друштво и да се сликаат со мене, да се дружиме нон-стоп. Јас сум воспитана како некој кој не мрази други религии и нации и го прифатив нивното друштво. Иако имав насоки од блиски луѓе, пред да дојдам на натпреварот, да внимавам што правам, сепак се вклучив во нивната игра и т.н. прекрасна енергија. Мислев дека немаат лоша намера и заборавив на што ме предупредуваа. Сега сум сигурна дека се' е наместено, бидејќи само што ги споделив сликите каде држиме три прсти заедно, ме блокираа и ми го избришаа профилот, за да не можам повеќе да ги споделувам тие фотографии. Додека тие во меѓувреме продолжија да ги пласираат своите слики кои се на моја штета и тоа онака, дозирано, една по една. Овде поминувам низ вистински пекол. Целиот натпревар и бајката за него сега се претвори во катастрофа и кошмар“ – изјави Валентина во „Уранок“ на телевизијата К1. Фото: Инстаграм принтскрин/bunt.svesrbija/vesnadevinca

Српската мисица насмеана од уши до уши, покажа двоглав орел, јавноста експлодираше: „Квалитетите на еден изрод“! (ФОТО)

Антонио Димитриевски — Wed, 27 Oct 2021 10:49:29 +0000

На социјалните мрежи, осамнаа шокантни фотографии од српската мис Интерконтинентал, Валентина Петровиќ, која се сликала заедно со Мис на Албанија, Црна Гора и Косово, каде сите четири девојки покажуваат албански двоглав орел. Не е ни чудо за првите две - едната е од Албанија, а другата е Албанка од Космет. Трета е Црногорката Уна Мугоша. Имено, на страницата на Инстаграм „Bunt.sveSrbija“ беа објавени две фотографии на кои се гледа како српска мисица прави двоглав орел со рацете - потег со кој Србите со години ги провоцираат фудбалерите како Џердан Шаќири и Гранит Џака, но и пејачките ѕвезди како Рита Ора и Дуа Липа кои влечат албански корени во своите потекла. „Девојката од крајната лева страна, Валентина Петровиќ. Претставничката на Србија? Не, претставничка на безумие“- стои во описот на фотографијата, додека на самата слика пак пишува: „Ова е чист пример на непочитување на својот народ, традицијата, верата, моралот. Квалитетите на еден изрод“ - на кој е додаден емотикон кој симболизира повраќање. Да потсетиме, мисиците се фотографирани во Шарм ел Шеик каде се одржува изборот за Мис Интерконтинентал, од кој по спорната фотографија, осамна уште една слична, овој пат оф хотелската соба. „И ова ли е случајно и од незнаење“? - стои во постот покрајнеа на споменатата Инстаграм страница. Инаку, симболот на двоглавиот орел е провокацијата за Србите, но не само за нив, туку и за некои од нивните соседи меѓу кои и Македонија, со идејата за формирање на т.н. Голема Албанија. Фото: Инстаграм принтскрин/bunt.svesrbija