две години – Вистина.мк

Две години од смртта на великанот на македонската музика, фолк пејачот Ѓорѓи Желчески

Антонио Димитриевски — Thu, 24 Feb 2022 11:26:19 +0000

Денеска се одбележуваат две години до смртта на Ѓорѓи Желчески, великан на македонската музика, кој долги децении во Белград и Србија ја афирмираше македонската народна музика и заедно со сопругата Кевсер Селимова беа вистински амбасадори на македонскиот мелос. Тој почина на 82 годишна возраст. Беше многу талентиран човек во естрадниот свет, можеби и единствен кој има четири дипломи – музичко школо, средно медицинско школо, потоа вишо педагошко училиште и Природно математички факултет (наставник по хемија). Желчески, рано како солист во Радио Скопје, сфатил дека за народната музика која ја носел во своите гени не му треба никакво училиште. Во 1959 година на „Партизанските води“ на Златибор на барање на Маршалот Тито, се одржал фолклорен фестивал од цела Југославија, на кој Скопје како свој претставник го испратил Културниот клуб „Орце Николов“, на кој настапила и Кевсер Селимова. Почнале да пеат и да снимаат во дует, ширејќи ја славата на македонската песна на сите меридијани, а бидејќи 50 години живееја и твореа во Белград, ги нарекуваа амбасадори на македонските песни. Тој ќе остане запаметен со песните, кои во дует ги испеа со Кевсер, меѓу кои се „Елено, ќерко”, „Бело лице љубам јас”, „Врати ми се, љуби ме”, „Брала мома капини” и многу други. Во Домот на АРМ во Скопје концертно го прославија пет децениското постоење.

Ќерката на Весна Змијанац денес му е сопруга на Реља Поповиќ, но Николија некогаш беше во врска со оваа голема црномуреста НБА ѕвезда!

Антонио Димитриевски — Tue, 12 Oct 2021 10:45:45 +0000

Популарната естрадн0-брачна двојка Реља Поповиќ и Николија Јовановиќ денес имаат две ќерки и се обидуваат да ја зачуваат својата приватност за себе, иако имаат мали расправии во бракот. Сепак, малкумина знаат дека Николија била среќна во љубовта и пред Реља. Пејачката тогаш живееше и студираше во Грција, а за време на студиите се запозна со денешната голема НБА sвезда, црномурестиот Јанис Антетокумбо, кој тогаш играше за еден од атинските кошаркарски великани. Наскоро нивното познанство прераснува во врска која траеше две години. Николија редовно одеше и во Америка со него, додека Весна Змијанац сето тоа го поддржуваше. Сепак, крајот на оваа љубов се случи во 2014 година, кога Антетукумбо инсистираше да започне заеднички живот со Никола во Њујорк, додека пејачката сепак сакаше да се посвети на кариерата во Србија. Набргу потоа следеше дуетската песна „Алкохола литар“ со тогашната група „Елитни одреди“, а како што се наведува, снимањето на спотот бил моментот кога избувнале љубовните искри помеѓу Николија Јовановиќ и Реља Поповиќ, кој тогаш беше член на овој мегапопуларен бенд меѓу младите. Антетукумбо стана еден од најголемите НБА играчи на денешницата, а Реља и Николија влетаа во брак и се едни од најпопуларните пејачки имиња во Србија и регионот. Фото: Инстаграм принтскрин/nikolijaofficial

Елена Ристеска славеше годишнина: „Да ме прашавте пред 18 години дали ќе успеам да го реализирам сето ова, ќе ви речев: „нема шанси“

Христина Ѓоргиевска — Tue, 11 May 2021 06:07:24 +0000

Македонската пејачка Елена Ристеска својата музичка кариера ја стави во втор план и сега потполно е посветена на својот нов бизнис. Имено, пејачката лансираше своја козметичка линија „ERA Cosmetics“ односно парфеми, а од неодамна и гелови за туширање.

View this post on Instagram

A post shared by ELENA RISTESKA ERA (@elenaristeska_era)

Ристеска на социјалните мрежи често се фали со своите успеси од својот нов професионален живот, а како што истакна неодамна во едно интервју, најмногу е изнанедена што луѓето кои веќе купиле парфеми, повторно нарачуваат за нивни пријатели, роднини, колеги. Овој пат, Ристеска славеше годишнина од започнувањето на бизнисот, а на Инстаграм напиша: “После долгогодишно истражување и безброј состаноци,триста комбинации и прашања: Kако? Што? На кој начин? Со која фабрика, кој технолог? Под кој редослед? Со кој производ? И уште многу други прашања... на денешен ден, 9ти мај 2019та(пред две години) ја отворив фирмата ЕРА козметика. Да ме прашавте пред 18 години дали ќе успеам да го реализирам сето ова, ќе ви речев низ голем страв од непознато: нема шанси. Но, ете ЕРА козметика успеа од идеја да создаде бренд, од замисла -реализација, од нацрти и скици -готови производи. Благодарна сум до сите кои помогнаа во остварување на овој сон, а најмногу до Господ што го овозможи“, напиша пејачката. Под објавата се нижеа честитки и желби да постигнува уште многу успеси.

Две години од смртта на Шабан Шаулиќ: Ќерката Илда најмногу пати, а куќата на Шабан во Крчедин – напшуштена… (ФОТО)

Антонио Димитриевски — Wed, 17 Feb 2021 09:55:17 +0000

Дури и по две години, семејството Шаулиќ не може да се помири со фактот дека нивниот Шабан, народната фолк легенда ги напушти. На Инстаграм, на годишнината од смртта на нејзиниот татко, ќерката Илда Шаулиќ објави заедничка фотографија но собра сили да напише само еден збор: „Ми недостасуваш“. Сепак куќата која починатиот крал на народната музика, Шабан Шаулиќ ја обожуваше и каде што сакаше да поминува најмногу од своето слободно време, е скоро напуштена, а неговите риболовни трски сè уште стојат таму каде што за последен пат ги оставил. Се шпекулираше дека куќата ќе биде продадена или претворена во музеј, но ниту една од овие работи не се случи се досега, што може да се заклучи со одење во Крчедин. Соседите велат дека им недостига неговиот глас со кој можел да ги расположи во двор, кафената или на брегот, каде што секојдневно ловел риба и посочуваат дека по неговата смрт речиси никој не ја посетува куќата. „И додека беше жив, Гоца не доаѓаше овде, Михајло ретко, а мислам дека никогаш не ја видовме Санела. Ова беше неговата оаза на мирот, додека неговата сопруга претпочиташе некои други работи и далечни дестинации, за што Шабан отворено зборуваше. Затоа и не сме изненадени што таа не доаѓа ниту сега. Од децата, ја гледаме само Илда, таа била неколку пати тука, но посетите на ова место и причинуваат болк,а затоа што куќата ја потсетува на татко и Шабан“ - вели еден од соседите.

Две години по смртта на Влатко Илиевски: Објавена компилација со неговите хитови – „За љубов се пее до крај“

Антонио Димитриевски — Thu, 15 Oct 2020 11:52:03 +0000

Две години по прераната смрт на пејачот Влатко Илиевски, во негова чест објавена е компилација на неговите музички хитови под наслов „За љубов се пее до крај“. Станува збор за колекција составена од најголемите хитови на Илиевски, кои ја одбележаа неговата десетгодишна соло кариера, како „Нека биде по твое“, „Најбогат на свет“, „Со други зборови“, „Среќа“, „И премногу добро“… Компилацијата ја збогатува и темата „Недостигаш“, која во чест на Илиевски ја испеаа неговите обожавателки Елена, Матеа, Викторија и Анастасија. Оваа извонредна колекција, во спомен и сеќавање на Илиевски е некомерцијално издание во ограничен тираж. „Oваа колекција на една мала-голема кариера, каква што беше таа на Влатко, е во тој правец. Мала поради времето и фактот дека имаше уште многу да каже и да покаже, а голема бидејќи, без оглед на поминатите години, неговите песни останаа да живеат. Десетте дискографски години на Влатко, колку што траеше неговата соло-кариера, се една од најубавите и најтажни музички приказни создадени под ова парче небо“, велат издавачите на компилацијата. https://www.youtube.com/watch?v=Dibmo2YO0GY

Две години од смртта на Ванчо Петрушевски

Христина Ѓоргиевска — Tue, 25 Aug 2020 09:22:39 +0000

Познатиот македонски актер Ванчо Петрушевски, почина на 67 годишна возраст на 25.08.2018 година, од струен удар во својата викендичка со скопско Орешани. Денес се навршуват две години од смртта на легендарниот актер. Инаку, Ванчо е роден на 19 април 1951 година во Скопје, а веднаш по завршувањето на Високата музичка школа, отсек за актерски кадри во Скопје во 1975 година се вработил во Драмскиот театар во Скопје, каде неговиот раскошен талент го истакнал веќе во првата претстава „Ослободување на Скопје“ од Д. Јовановиќ. Учествувал во голем број радио-драмски проекти, телевизиски драми, серии. -Ванчо беше насмевката. Тој најмногу не веселеше. И на претставите, и по нив, и додека се збиравме овде во бифето на Драмски театар да играме табла, изјавил минатата година Мешковски во интервју за „Женски магазин“ . Актерот Гоце Тодровски раскажа оти викендичката во Орешани била омиленото место на Ванчо, а Тодоровски од тага веќе никогаш нема да стапне таму. -Ванчо Петрушевски ни беше како Ален Делон во друштво. Девојките многу го сакаа. Ние останатите се влечевме по него, па така и ние по некоја девојка ќе фатевме, изјави своевремено Тодоровски. Гоце вели дека со Ванчо поминал 54 години. „Повеќе бев со него отколку со себе“, кажа Тодоровски на комеморацијата во Драмски театар, реченица која ги трогна присутните. Легендарниот актер кој за улогата на Цанде во претставата „Солунски патрдии“ доби награда за фестивалот за театарски игри „Војдан Чернодрински“ , вели дека со Петрушевски бил другар од шесто одделение. Уште од тогаш, правеле детски претстави во училиште, на родителските средби. -Јас бев одлилен ученик, Ванчо послаб. Но, секогаш се вадеше на неговиот шарм и на снаодливост па и тој добиваше добри оценки. Тодоровски тогаш додаде дека поради Петрушевски и тој станал актер. -Ванчо ме натера да се запишам на Факултетот за драмски уметности, да не беше тој, ќе си бев градежен инжинер, рече актерот. извор: курир.мк

Ќерката на Јана Бурче наполни две години и порасна во преслатко девојче (фото)

Христина Ѓоргиевска — Thu, 31 Oct 2019 07:50:11 +0000

Јана Бурчевска Бурче пред две години се реализираше во една од најубавите улоги – мајка. Имено, во октомври 2017 година, таа на свет ја донесе ќерката Дона која оваа година наполни две години. За разлика од другите јавни личности, Бурче не е премногу активна на социјалните мрежи и не го експонира својот приватен живот. https://arhiva.vistina.com.mk/radio-mileva/jana-burche-progovori-za-bolesta-na-svojata-kjerka-dona/ Овој месец, малата Дона наполни години. Додека другите познати мајки на социјалните мрежи споделуваат фотогрфии од роденденските прослави, овој пат Бурче беше резеривирана за тој дел од приватноста. Меѓутоа, Јана на својот „Инстаграм“ сподели неколку фотографии од ќерката, а еве како денес изгледа двегодишната Дона. За потсетување, Јана ја претставуваше Македонија на „Евровизија“ во 2017 година, а нејзиното тогаш момче, а сега сопруг Александар Филиповски ја побара Јана за сопруга. https://www.youtube.com/watch?v=zLTk1hqS92o фото: инстаграм/јанабурче

Познатиот пејач две години криел дека боледува од тешката болест: „Го победив ракот“

Христина Ѓоргиевска — Tue, 17 Sep 2019 10:14:38 +0000

Британската рок ѕвезда Род Стјуарт објави по две години борба успеал да се излекува од ракот на простата, пренесува „AFP“. Поранешниот член на групата „Faces“, 74 годишниот Стјуарт за својата болест проговорил кога почнале да се собираат пари за лекување на рак на простата, пренесуваат од здружението „Простата проект“. Род ги советуваше мажите да одат на редовни прегледи бидејќи болеста е излечлива доколку се открие на време. Секоја година околу 50 000 британски мажи можат да заболат од рак на простата.

Две години без Есма Реџепова: И направија споменик – и го утнаа епитафот! (ФОТО)

Антонио Димитриевски — Tue, 11 Dec 2018 10:41:08 +0000

На денешен ден 11 декември 2016 година на 73 годишна возраст, по кратко и тешко боледување почина кралицата на ромската музика Есма Реџепова-Теодосиевска. Таа беше музички активна 55 години. Учествуваше на врвни музички фестивали и манифестации низ светот. Есма беше вистински музички амбасадор на Македонија во светот. За време на својата 55-годишна кариера, Есма Реџепова-Теодосиевска има остварено повеќе од 12.000 солистички концерти во Република Македонија и надвор од неа. Во дискографијата на Есма Реџепова-Теодосиевска се наведени 15 албуми за домашни и странски продуцентски куќи, а оствари соработка и со еминентни музички светски имиња.

Кралицата на ромската музика по две години, конечно доби и пристоен споменик на градските гробишта во Бутел. Споменикот го подигна Владата на РМ, откако нејзините наследници и внуци јавно се караа за гробното место. Актуелната влада на државата на која и остави толку многу, конечено и направи споменик, но и го утнаа надгробниот натпис... епитафот!

Имено, посветата не е според правилата на правопис и граматика на Македонскиот литературен јазик, па на неа треба да стои: Споменикот го подигНа ВладаТА на РМ, а не подига Влада, како што е напишано сега. Арно ама... Од кого е - добро е!

Копија на мама: Синот на Даниел Кајмакоски порасна во прекрасно момче (фото)

Христина Ѓоргиевска — Wed, 10 Oct 2018 07:27:55 +0000

Пред две години во медиумите како бомба одекна веста дека македонскиот пејач Даниел Кајмакоски станува татко. Тој го криеше својот приватен живот, па не зборуваше многу за својата љубов, па токму веста дека ќе се жени и ќе стане татко ги изненади многумина. Даниел и неговата сопруга во февруари пред две години станаа родители на нивното прво дете односно синчето Давид. Оттогаш, Даниел се повлече од музичката сцена и ужива во родителството. Своето време максимално го посветува на синот Давид и сопругата. Откако се роди Давид, мојот живот доби комплетно нова димензија. Уживам во времето кое го минувам со него и максимално сум му посветен. Многу сме блиски и поврзани, се трудиме, колку можеме, времето да го минуваме во природа, играме игри, сакам да има детство какво што сум имал и јас, без мобилни телефони и технологија”, изјави Даниел во една прилика. Синот на Кајмакоски во февруари ќе наполни две години, а се повеќе личи на неговата мајка односно сопругата на Даниел.

Инаку, неодамна Даниел неодамна најави дека се враќа на музичката сцена и дека наскоро ќе го промовира својот нов проект на кој работеше претходните години.