двајца – Вистина.мк

Ова е идеалната поза за двајцата партнери

Христина Ѓоргиевска — Thu, 03 Feb 2022 14:30:14 +0000

Се вели дека фантастичната поза „jab-jum“ го ублажува стресот и води до неверојатно задоволство – Посебно е ефикасно ако партнерите го координираат дишењето и се гледаат во очи. Инспирирана од тантричкиот секс, оваа поза им овозможува на партнерите целосно да се фокусираат еден на друг, што е многу важно кога се ослободува од стресот – вели за „HuffPost“ Дијана Дафнер, коавтор на книгата „Тантрички секс за зафатени парови“. Дафнер во оваа прилика објасни и како се изведува оваа чудесна поза. – Мажот треба да седи со скрстени нозе, а партнерката да му седи во скут свртен кон него. Таа треба да го зграби и да ги завитка нозете околу неговиот долен дел од грбот. Прегрнати со рацете и да се гледаат во очи. Позата е добра за жените бидејќи можат да ја контролираат пенетрацијата. Доколку покрај кулминацијата, која сама по себе е релаксирачка, сакате дополнително да го опуштите мозокот, за време на односот задолжително координирајте го дишењето со партнерот – советува таа. извор: Курир.мк

Огнен Здравковски отворено и се додворуваше, порталот побрза да ги прогласи за љубовници, ама Ноне и на едните и на другите… јавно „им го плесна в лице“!

Антонио Димитриевски — Fri, 14 Aug 2020 08:00:53 +0000

Естрадата, социјалните мрежи и порталите - свето тројство, во „чудна симбиоза“, кое последниве години, со појавата на последниве два начини на комуникација и извори на информација, ја доведоа целата ситуација во таков заплет, што понекогаш ни самите не можат да се отплеткаат во конците што ќе ги „замрсат“! Најновиот пример - најдобар доказ како потврда на непишаното правило. Или барем така се обидоа да го прикажат, а при тоа и самите да се излажат... Или барем залажат. Имено, на младиот македонски пејач Огнен Здравковски, откако добро помина на музичкиот натпревар во „Ѕвездите на Гранд“ му порасна популарноста, па му „скокнаа и акциите“... А со тоа и самодовербата! Во моментов Огнен има нова песна и видео „Љуби ме“, ама и за жал, има и корона, односно е позитивен на вирусот Ковид-19, па мора да се лекува во самоизолација. Но, тоа не значи дека е отсечен од јавноста, зашто социјалните мрежи му се при рака за комуникација со „остатокот на светот“. А токму од целиот свет, Оги ја најде некогашната колешка, најшетаната велешанка Нона Неделковска, која заради силата на нештата со корона пандемијата, наместо на прекуокенаските крузери да го крстосува светот, како што тоа го прави послединиве 6-7 години, сега мора да седи дома - во родниот Велес. А кога си дома и без обврски, здодевноста и монотонијата меѓудругото ги разбиваш со „прошетка“ по социјалните мрежи на кои двете сродни, распеани души се среќаваат. И тука почнува нивната комуникација, проследена со обид за присна блискост од страна на помалиот по години, кон помалата по висина. Имено, Огнен почнува „на шега, на смеа“ ( иако во секоја шега и половина вистина има), јавно да и се додворува на Ноне. Комплименти, „срциња“, „јаготки“, „детелинки“, „бакнежи“ и какви ли уште не емотикони се разменуваат од обете страни, особено од „загреаниот распеан клинец“ кој отворено почнува да покажува симпатии кон македонската музичка џепна венера. Тоа еден македонски портал го забележува, па како што самите објавиле, по принципот: „Каде што има дим има и оган“, побрзале Оги и Ноне да ги прогласат за момче и девојка, односно за нова естрадна љубовна двојка!? Арно ама... Како прво, „дим“ има од Табановце нагоре, а кај нас има „чад“... А и не секогаш „каде што има чад, има и оган“! Зашто, како што вели една друга поговорка: „За танго се потребни двајца“! И додека младиот пејач така „подзапален“ се обидува да го разгори љубовниот оган, а порталот веќе прогласи „љубовен пожар“, Ноне набрзина направи и едниот и другиот „да исчурат“. Имено, екс пејачката само со еден, единствен Фејсбук коментар „ги олади“, со тоа што и на едните и на другите отворено „им го плесна в лице“: „Ќе ве молам да не ширите дезинформации!“ - културно ги предупреди велешанката, давајќи им на знаење дека кога е таа во прашање, за својот емотивен живот, самата одлучува!

На Викторија Луческа еден и е малку, па мораше со двајца… за да биде секси! (ФОТО)

Антонио Димитриевски — Tue, 15 May 2018 10:03:17 +0000

Македонската манекенка и топ модел Викторија Луческа откако го стокми своето видеопортфолио, тргна да ја освежи својата фотоколекција со нови фотографии. Претходно, реши телото да го украси со нова тетоважа.

Затоа згодната прилепчанка се упати правец - Струмица... Директно на тетовирање! Тату студиото и мајсторот засега на јавноста и се непознати, ама затоа познато е каков цртеж стави на себе нашата убавица!

И тоа горе десно, бочно, под десната града. А на неа, роза и триаголник... Нешто како дел од симболите на Илуминатите. Само што Лучето е далеку од тоа... Ама не е важно, важно добро и стои!

Но тоа на згодниот македонски модел не му беше доволно... Како што не и беше доволен еден, па мораше со двајца... Да ја направи новата фотосесија, секако. Барем двајца фотографи ги потпишуваат фотографиите. А кога е веќе во Струмица, изборот падна на „38-ка“ и споменатото дуо фотоуметници: Коста Јованов и Столе Ангелов.

Е сега, кој во која поза од двајцата струмичани ја.... фотографирал сексапилната прилепчанка, само тие знаат. Она што јавноста може да се види од неколкуте јавно постирани фотографии е дека пристојно си ја завршиле работата.

И тие и убавицата... Гола до половина или половина облечена, не е важно... Важно е дека е убава за око... и пожелна за душа! Секси, низ објективите на „38-ка“! Цела среќа што не е „69-ка“!

Или како што самата прилепска убавица вели: „Без оглед на тоа како изгледа една жена, ако е (само)уверена, таа е секси“. А таа е... самоуверена! Инаку како ќе не увереше и нас дека е... сексИ?