душан – Вистина.мк

Борко Ристовски славеше роденден, а најмилите вака му го честитаа: Мама им дојде на гости, синчето дуваше роденденски свеќички, а сопругата… Нина имаше посебна честитка откако останаа сами?! (ФОТО)

Антонио Димитриевски — Thu, 03 Nov 2022 11:00:53 +0000

Македонската ракометна легенда, голманот Борко Ристовски славеше роденден. „Министерот за одбрана“ како што го носи прекарот кој му остана, ја раситни 40-ката, навлегувајќи во петаттата деценија на животот. Годините се за тоа да се множат, а како што велат, што повеќе родендени, славиш, толку си нормално, подолговечен. Кога е во прашање „денот што го чекаме цела година“, кај Борко не се собра баш целата родбина, туку на роденденското славје во семејниот дом му беа само најмилите. На гости им дојде госпоѓа мама, која славеничката трпеза ја сподели со семајството. А на трпезата за секој роденден најважното е што друго, ако не роденденската торта. Само што овој пат покрај ѕидот украсен со балони, на неа беа свеќичките со бројката години што ги полни славеникот, како и оние другите - сите заедно запалени и подготвени за дување! Само што овој пат наместо славеникот, свеќичките ги дуваше наследикот. Борко ги пукна конфетите, па со сопругата Нина и синчето Душан, сите направија заедничко роденденско селфи. Честитка за раситнетата 40-ка сопругата му упати и преку социјалните мрежи, па на својот Инстаграм таа напиша: „Роденден на сопругот е нешто како Нова година. 40ка звучи и изгледа необично, ама ти си како виното. Ти посакувам остварување на желбите, по некоја и случајно, зошто низ годините увидов дека сам си остваруваш тоа што си замислуваш со верба во себе, со упорност и истрајност. Те сакаме многу“ - споделила Нина на својот Инстаграм профил. Но тоа е само онаа јавната и официјална честитка. Онаа вистинската веројатно следувала подоцна, кога гостите си заминале, а малиот си легнал да спие... Или барем така тоа изгледало во желбите и имагинацијата на сопругата на славеникот, која истите ги соделила на своите Инстаграм приказни. Само што „честитката од тој тип“ оддамна е споделена меѓу двајцата брачни партнери, зашто Нина е во подмината бременост и чека да се породи со нивното второ чедо. До тогаш, среќен роденден „министре за одбрана“!

„Министерот за одбрана“ ја начна 39-ката: „Борко-мен“ е нашиот ракометен, а најмногу негов личен суперхерој, еден – единствен на број! (ФОТО)

Антонио Димитриевски — Thu, 04 Nov 2021 08:00:07 +0000

Македонската ракометна легенда која долги години го чуваше голот на најголемите светски клубови и нашата репрезентација, а и се' уште го чува на двократниот европски шампион Вардар, славеше роденден! Борко Ристовски и покрај годините се' уште е еден од незменливите меѓу стативите. Вистински „октопод“ на голот кој долги години беше и се' е уште е нашиот суперхерој! Не попусто го носи прекарот од навивачите - „министер за одбрана“, кој деновиве ја начна 39-ката! И ако претходните години заради коронапандемијата не можеше да ги почести најблиските во некој локал, ресторан, слаткарница, па славеа дома, овој пат условите дозволија тоа да го направи! Борко заедно со сопругата Нина и синчето, малиот Душан, прославија во еден познат отмен скопски ресторан. Мала интимна забава, за семејна среќа со најубави роденденски желби и едно гооооолемо изненадување за славеникот: роденденска торта и тоа не било каква! Имено Нина и Душан решија да го изненадат нивниот херој, кој всушност за нив и приватно тоа и е, но за малиот наследник тато сепак е најголемиот суперхерој. Покрај сите Бетмени, Супермени, Хи-мени... Борко-мен на Душан му е најомилен! Затоа за неговиот 39-ти роденден тој и мама Нина го изненадија со преубава торта, украсена токму со ликот на еден од омилените суперхероји од стриповите и филмовите. Тортата со Супермен, а посветата со Хи-мен! Свеќичките со бројката која ги симболизира годините на славеникот ги дуваа заедно. А тој среќен, пресреќен што најубавиот подарок за роденден го има до себе - своето семејство! Сопругата и малиот Душан, во чии очи Борко е неговиот личен суперхерој! Еден-единствен на број! Затоа отсега, од овој ден го добива новиот прекар: „Борко-мен!“ Фото: Инстаграм принтскрин/ninaristovska

Нина, сопругата на Борко Ристовски покажа дека и таа мора да има мускули, а еве и зошто?! (ФОТО)

Антонио Димитриевски — Wed, 18 Aug 2021 06:50:37 +0000

Спортистите, особено оние врвните професионалци најчесто се атлетски градени, силни, полни со енергија и кондиција, со мускулести тела и екстремитети... И мора да бидат такви, зашто таква е природата на спортот како нивна професија. Прашање кое многу често си го поставуваат оичните луѓе, нивни навивачи, фанови, симпатизери или само обични следбеници на социјалните мрежи е дали „машката сила“ не е само нивна привилегија, туку неа ја користат и нивните понежни и поубави половини, кога ги „споделуваат“ домашните обврски. Во една таква ситуација се најде и Нина, сопругата на македонската ракометна легенда, „министерот за одбрана“ како што го нарекуваат Борко Ристовски, која на дело покажа дека и убавиците, манекенките или моделите во одредени моменти исто така „мора да имаат силни мускули... иако ги немаат. Имено, Нина сподели неколку фотографии од летниот одмор на кои се гледа како со своето синче Душан и нејзината сестра Мими уживаат на егејското крајбрежје. На фотографиите никаде го нема Борко, што укажува на две нешта: Или постојано тој ги фотографирал или воопшто не бил со нив, што е многу поизвесно со оглед на професионалните обврски со подготовките за претстојната сезона. А и поновата фотографијата на која се сите заедно и во чиј опис стои: „И 11 дена разделени се многу“ - укажува дека убавата сопруга на македонскиот голман покрај споделената убавина на фотографиите, морала да има „и мускули“ за да го замени сопругот во машките работи. А, ако ги нема, малиот Душан е тука да и ги позјми своите... Се разбира засега само оние за пливање... Впрочем, фотографијата која ја отсликува љубовта помеѓу мајката и синот заменува илјада зорови... Сакала или не... „И мама мора да носи мускули“! Фото: Инстаграм принтскрин/ ninaristovska

Борко со емотивна порака до својот син Душан, кој вака го бодреше тато (ФОТО)

Антонио Димитриевски — Sat, 05 Sep 2020 09:16:48 +0000

Буквално цела Македонија, особено пасионираните љубетили на спортот вчера се израдувааа на успехот на ракометарите на Вардар со уште еден пласманот во финалето во СЕХА лигата, за кој најзаслужен беше нашиот репрезентативен голман Борко Ристовски. Нему, најголема поддршка му беше неговото дете - синот Душан. Малиот Душан преку ТВ екраните го бодреше својот татко, а по мечот, Борко објави еморивна порака на својот Инстаграм со која одново ги растрепери срцата на навивачите, но и на сите Македонци. „Убаво е чувството кога ќе му помогнете на тимот да стигне до едно финале. Меѓутоа мојата душа и буквално она што го правам е за мојата најголема поддршка Душан. Те сакам сине!!!“ - напиша голманот на „РК Вардар“ и Македонија на својот Инстаграм.

View this post on Instagram

Ubavo e cuvstvoto koga ke pomognete na ekipata da stigne do edno finale. Megutoa mojata dusha i bukvalno se sto pravam e za mojata najgolema podrska Dushan ?? Te sakam sine !! #together #team #vardarskopje #makedonija

A post shared by Borko12Ristovski (@borko12ristovski) on Sep 4, 2020 at 3:02pm PDT

Нови проблеми: Сопругот на Тања Савиќ и се заканува со објавување на порно снимки

Христина Ѓоргиевска — Tue, 01 Sep 2020 08:33:27 +0000

Пејачката Тања Савиќ поминува низ драма откако нејзиниот сопруг Душан и ги одзема децата и го однесе во Австралија, а сега пејачката се соочува со нови проблеми. Имено, како што дознава ало.рс, Тања се плаши дека нејзиниот сопруг ќе ги исполни заканите и ќе ги објави нивните секс снимки. Наводно, Душан неодамна и се заканил на пејачката дека со порно снимките ќе и ја уништи репутацијата доколку не престане да се огласува во јавност. „На Душан му беше тешко што не може да ја контролира Тања и конечно да престане да зборува за лошите работи кои и правел. Не очекуваше дека по 9 години брак ќе открие се јавно. Досега тој и кажуваше што ќе каже во јавност, па сега се почувствува загрозено, збесна и се сети дека ќе може Тања да ја стопира доколку ја понижи пред синовите и семејството“, вели извор и додава дека Јованчевиќ и се заканил на сопругата дека во јавност ќе ги објави снимките од секс кои настанале на почетокот на нивната врска. „Од страв дека Тања ќе каже се што физички и психички претрпела, ја потсети дека ги чува сите секс снимки. Индиректно ја потсети како им било убаво додека се снимале и порача дека многумина би сакале да ја видат во такво издание. Беше шокирана бидејќи таа е мајка на неговите деца. Почна да плаче и да вика на него дека го мрзи. Тој и се закани дека би било срамота децата во училиште да ги прозиваат поради нејзините порно видеа“ тврди изворот за ало.рс Тој додава дека пејачката е во страв и поради срам не може да се обрати на полицијата. „Беше млада кога ги прифати сексуалните игри на Душан, иако никогаш не беше тој тип на девојка. Некои снимки настанаа пред да добијат деца, а некои подоцна. Никогаш не беше полошо, а не ги слуша советите на пријателите да и се обрати на полицијата“ додава изворот. Тања не одговарала на пораките и повиците за да ја прокоментира оваа информација.

„Ова што ми го прави не е првпат, се плашев да не се повтори“: Тања Савиќ откри непознати детали од бракот со Душан

Христина Ѓоргиевска — Thu, 13 Aug 2020 10:50:59 +0000

Деновиве главна тема во српскиот шоубизнис е Тања Савиќ и киднапирањето на нејзината деца од страна на сопругот Душан. Пејачката од април оваа година не ги видела своите деца, а сега веќе неколку дена не се слушнала и со нив, па таа го пријави сопругот и да побара помош од српските и австралиските власти. Во интервју за „Гламур“, Савиќ откри непознати детали од 11 годишниот брак со Душан. Таа вели дека целиот проблем настанал околу една кавга и таа дошла кај нејзината мајка, па се договориле децата да бидат малку кај неа, малку кај него, а тој не го испочитувал тоа. „Јас се плашев дека ова ќе го направи. Како велат: „Она од што се плашите, тоа може да ви се случи“. Тој еднаш ми го направи ова, јас не го пријавив, трчав за децата. Така тој ве има во неговите канџи. Ова е втор и последен пат, вакви работи не простувам. Како може да се чувствувам? Стоечки го поднесувам ова, но не е пријатно. Мајките кои се и кои биле во ваква ситуација знаат за што зборувам“ вели пејачката и додава: „До ова дојде поради кавга. Имавме договор децата малку да бидат кај мене, малку кај него. Тоа ми беше многу чудно, мислев дека подготвува нешто. Имам многу работи да кажам, но не сакам се тоа да го изнесам во јавност. Многу пати го оправдував надевјаќи се дека ќе ми се врати со децата. На децата им прави големо зло, тоа се деца од 8 и 10 години, гледам дека сум им потребна. Не можат да кажат што мислат бидејќи секојпат некој ни го слуша разговорот“ вели пејачката. Тања откри и непознати детали од бракот со Душан и откри дека трпела многу работи за овие 11 години, но и вели дека луѓето не треба да ја осудуваат бидејќи таа имала причини зошто криела низ што поминува. „Јас донесував пари, живеевме под кирија и јас го плаќав станот бидејќи тој не сакаше ништо да се купи во Србија. Со децата е феноменален, но е посесивен, не сака да им посветам внимание. Никогаш ништо лошо немам кажано....11 години сум во брак со Душан и чекав до самиот крај. Мене ме прашуваат како трпам 11 години, а јас сакам само добро. Голем грев е кога некој сакаш, а тој ова ти го прави“ вели Савиќ. Како што пишуваат српските медиуми, наводно Душан од Тања земал и пари.

Сопругата на Борко Ристовски, Нина откри чија копија е синчето (фото)

Христина Ѓоргиевска — Wed, 16 Oct 2019 06:57:15 +0000

Во февруари 2018 година, Борко Ристовски и неговата сега веќе сопруга Николина ставија потпис во матично и запливаа во брачните води. Имено, тогаш немаше свадбена прослава туку скромна семејна вечера, а свадбата веселба се случи на почетокот на оваа година во еден луксузен хотел во Скопје каде присуствуваа нивни пријатели, но и личности од јавниот свет. https://arhiva.vistina.com.mk/radio-mileva/vaka-izgledashe-svadbenata-torta-na-borko-risteski-i-negovata-sopruga/ Борко и Нина уживаат во својата семејна идила, а нивната радост и среќа ја зголемува синчето Душан кое име една ипол година. Тие на социјалните мрежи често знаат да споделат дел од нинвниот приватен живот и да покажат како уживаат. Кога има некој голем повод, родендени, „Ден на вљубените“, „Денот на мајка“, годишнина од брак итн тие често си честитаат на социјалните мрежи. Деновиве, Нина откри на кого личи нивниот син. Велат дека ќерките најчесто личат на татковците, додека синовите на мајките, а ова испадна точно и кај Нина и Борко. Имено, Нина на „Инстаграм стори“ објави колаж од фотографија кога таа била мала и фотографија од Душан, па покажа дека Душан е копија на мама.

Сопругата на Борко Ристовски е снаа за пример: За неа не важи „ти кажувам ќерко – сети се снао“ (ФОТО)

Антонио Димитриевски — Sat, 13 Apr 2019 08:55:39 +0000

Изминативе денови, додека нашиот „министер за одбрана“ Борко Ристовски го бранеше голот на нашата репрезентација предводејќи ја до големата победа на Исланд, неговата сопруга, атрактивната кумановка Николина го чуваше нивниот син, малиот Душан во Лисабон.

Но, Нина и Душан не беа сами во португалската престолнина. Ним друштво им правеше мајката на Борко, Бети, која беше дојдена на гости. Иако за релациите и дружбата снаа- свекрва најчесто се слушаат „страшни приказни“ исполнети со „тешки зборови“, овде очигледно не е така. Напротив, посетата на свекрвата во далечниот дом на синот може да се зема за пример. Посетата, ама и дочекот на снаата.

Имено, покрај најголемата радост што може да си го види внучето, да го почува и поигра со него, свекрвата доби уште една радост, прследена со иненадување. И тоа не било какво и не било од кого! За време на престојот на мајката на Борко и се падна датумот на кој е родена, односно роденденот! Далеку од дома, таа можеби и не очекуваше ништо посебно и спектакуларно да и се случи, освен по некоја вообичаена честитка.

Арно ама, Николина покажа дека е снаа за пример. Без бабата на малиот Душан да знае и види, Нина на својата свекрва и подготви домашна ролат торта украсена со јаготки, како роденденски подарок и изненадување. На неа и свеќеичките кои ја испишуваат роденденската честитка и сето тоа овековечено со фотографија на снаата, на која се таа, свекрвата и внукот.

А под роденденската фотографија најинтересен постот на вредната и внимателна снаа, Нина: „Кај има подобар провод за роденден на свекрва од тој со снаа?! да си здрава, среќна и да си секогаш со нас. Среќен 63-ти роденден Бебо“ – напишала во роденденската честитка до својата свекрва сопругата на Борко како редок пример дека за неа не важи онаа поговорка со која свекрвите најчесто ги потсетуваат снаите дека нешто треба да направат, а гласи: „Ти кажувам ќерко, сети се снао...“!

Далеку од очите на јавноста: Борко Ристовски и неговата сопруга имаа важен повод за славење на егзотична дестинација (фото)

Христина Ѓоргиевска — Wed, 03 Apr 2019 07:08:36 +0000

Голманот на македонската репрезентација Борко Ристовски своето слободно време го користи за да ужива со сопругата Нина и синот Душан. Така, деновиве Борко далеку од професионалните ангажмани и обврски заедно со Нина уживаат на егзотична дестинација поточно на Палма де Мајорка, па несебично со нивните следебеници на социјалните мрежи споделија неколку фотографии.

Меѓутоа, Нина и Борко освен што уживаат на оваа егзотична дестинација имаа уште еден повод за славење и радување, а тоа е првиот роденден на нивниот син Душан. Имено, пред една година Борко и Нина станаа родители на нивниот син, а во таа прилика тие овие радосни вести ги споделија на социјалните мрежи. „Јас сум најсреќната жена на светот. Ти благодарам што ме избра да бидам твоја мајка, мало мое лавче. не постојат зборови со кои можам да ги искажам моите чувства. Те сака тато… Борко Ристовски…“ -напиша на својот Инстаграм профил среќната мајка“ напиша Нина во таа прилика.

Од друга страна, Борко истакна дека тој го одбрал името на синот, а дека неговата сопруга се согласила. Тие деновиве уживаа ем во егзотичната дестинација, ем во роденденот на синот. По тој повод Борко во кратките приказни на „Инстаграм“ сподели неколку фотографии.

Додека пак Нина на својот „Фејсбук“ напиша: „Мојата љубов денес полни една година, јас за поголем празник не знам, Мама те сака најмногу лавче мое мало. Биди среќен засекогаш“ напиша Нина.

За потсетување, Борко и Нина се венчаа претходната година, а прославата и свадбата беше на почетокот на оваа година. Дали Душан ќе тргне по стапките на тато или во некоја друга професија, останува да видиме, а дотогаш нека е жив и здрав и голем да расте.

Семејството на Борко Ристовски доби „нов член“, а малиот Душан, нова „играчка“ (ФОТО)

Антонио Димитриевски — Thu, 12 Jul 2018 07:19:59 +0000

Македонскиот ракометен репрезентативен голман Борко Ристовски неодамна ја смени клупската средина, откако од Барселона премина во Бенфика, но ги смени и навиките. Откако неговата убава сопруга, кумановката Нина на свет го донесе нивниот син Душан, Борко не се дели од нив, демонстрирајќи колку е предаден и грижлив сопруг и татко.

Летото семејството Ристовски го минува на хрватското крајбрежје, а малиот Душан прв пат се запознава со морето, плажата, сонцето, убавините на летотото...

Така шетајќи се со мама Нина покрај песочниот брег, Душан виде чун... Му се стори интересен, па иако малечок да посака желба, сепак даде знак дека му се допаѓа...

Или барем така му се стори на тато Борко, кој не чекаше долго, па додека да трепнеш со око, семејството Ристовски доби „член“... Не се во прашање ниту братче, ниту сестричка на Душан, туку, како што самата мама Нина напишала, неговата нова играчка во вид на вистински, прекрасен нов глисер.

Кога веќе „министерот за одбрана“ има можност да ги исполни желбите на својот син, своите или желбата можеби ја посака мама Нина? Чија и да е, уживањето во пријатното возење на вода ќе биде заедничко! Епа, мирно море, „министре“!