дупер – Вистина.мк

„Дупер“ имаат нешто важно да ви кажат со – „Кажи ми во лице“ (ВИДЕО)

Антонио Димитриевски — Wed, 10 Jan 2024 13:41:23 +0000

Борис Какуринов и Илчо Нечовски очигледно го имаат тајниот рецепт за музички допадлава песна, затоа што и овојпат нивната најнова насловена „Кажи ми во лице“ е полн погодок. Музичкото дуо „Дупер“ кое го сочинуваат овие двајца откако го објави најновиот музички проект за само неколку часа го привлече вниманието на јавноста. Преку најновата песна „Кажи ми во лице“ успеаа со поинаков пристап, да го искажат својот автентичен музички стил со заразни мелодии и певлив текст, зад кој се крие искрена љубовна емоција. Музиката и текстот се авторско дело на Борис Какуринов и Илчо Нечовски, зад аранжманот на песната се потпишува Борис Какринов, а за миксот и мастерот е задолжен Ангел Ќосев од студио „Подрумот“. Видео записот, кое е дело на Јордан Ѓорески, е снимен во пријатна и тивка, домашна атмосфера која совршено ја отсликува приказната и емоцијата во песната. Музиката што ја создава Дупер е единствена и прилично уникатна и затоа секој нивен нов проект освен што носи свежина во македонскиот музички етер, исто така секогаш е пријатно изненадување за публиката. Со песните „Не сум твој тип“, „Ние сме 2“, „Тело за на ТВ“, „Пробај да ми бидеш“ ја освоија македонската публика, а со „Кажи ми во лице“ докажаа дека се квалитетно музичко дуо кое создава оригинална музика со препознатлив и карактеристичен звук. За да ви биде појасно што тоа „Дупер“ сакаат да ви кажат, проследете го видеото во кое тие нешто важно ќе ви кажат со - „Кажи ми во лице“.

Дупер ја заокружуваат 2022 година со „Дадада“ (видео)

Слободанка Илиева — Wed, 21 Dec 2022 11:13:04 +0000

Музичкото дуо „Дупер“ ја заокружува годината со нова песна насловена „Дадада“ за која снимија и спот. Темата е типично во нивниот препознатлив стил, динамична и позитивна со ритам кој тера да играте и да ја запеете. Музиката и аранжманот се дело на Борис Какуринов, додека текстот е напишан од Илчо Нечовски. Спотот пак, е снимен под режисерската палка на Трифун Ситниковски. За потсетување, бендот кој постои четири години денес го сочинуват Борис Какуринов (гитара и клавијатури) и Илчо Нечовски (бас и вокал). Кариерата ја започнаа како трио во 2018 година кога од нигде никаде преку ноќ станаа популани меѓу младата популација со хитот „Не сум твој тип“. Тогаш групата функционираше како трио, а во неа беше и тапанарката Марина Баракоска, која по неколку издадени песни, заради несогласување со останатите двајца членови го напушти бендот, во кој останаа Борис и Илчо. Во продолжение слушнете ја новата „Дадада“: фото:Јутјуб принтскрин

Дупер имаат најдобар спот во поп категоријата на MVA2021

Слободанка Илиева — Mon, 27 Jun 2022 12:04:13 +0000

Популарната македонска група Дупер, доби награда за најдобар спот на MVA2021 година. „Фала ви на сите што гласавте и ни ја донесовте оваа преубава награда дома! „Рајот на земјата“ е официјално најдобар спот во ПОП категоријата на MVA2021. За скоро нешто ново од нас“, стои во објавата.

View this post on Instagram

A post shared by ДУПЕР (@duperishka)

Музиката, текстот и аранжманот на песната се на Дупер, а снимањето, микс и мастер на Ангел Ќосев и студио „Подрумот“. фото:Принтскрин Инстаграм

„ДНК“ & Young Dadi – „Ваков – таков“… џабе зборат, нема да ги сопрат (ВИДЕО)

Антонио Димитриевски — Tue, 09 Nov 2021 13:45:54 +0000

„Ваков таков“ е најновото музичко парче кое излегува од работилницата на ДНК. Темата е всушност соработка на Панчо и Андреј со Young Dadi, трап артист чие време допрва доаѓа. Текстот на песната е со потписот на Панчо и Young Dadi, додека музиката е заедничко дело на Панчо, Лазе и Борис Какуринов од Дупер. Зад аранжманот стои Лазар Цветкоски со мала помош од Борис, во чие LCV студио и е продуцирана и снимена. „Ваков таков“ е мастеризирана во Лондон од страна на Streaky. Веќе стандардно песната е пуштена во исто време и со спот, снимен од Пако, а спакуван од Ѓуле. „Снимивме дует со, според нас, еден од најперспективните алтернативни трап артисти, за кој спотот го направивме за време на забавата на која го испраќавме за Мадрид на студии. Решивме токму забавата да ја преточиме во видео заради одличната енергија и позитивните луѓе кои беа присутни, а и затоа што сето беше само надополнување на позитивата во песната. Позитивна песна, позитивни луѓе, интересен спој и се роди „Ваков таков“, велат Панчо и Андреј од ДНК. Уживајте во новото музичко парче на ДНК и Young Dadi, и без разлика дали сте вакви или такви, останете... такви какви што сте - само свои!

Теа и „Дупер“ заедно во – „Не ми даваш сон“ (ВИДЕО)

Антонио Димитриевски — Mon, 13 Sep 2021 11:38:54 +0000

Соработката помеѓу младата пејачка Теа Трајковска и момчињата од групата „Дупер“, Илчо и Борис се покажа како одлична. Нивната заедничка песна „Не ми даваш сон“ која ја објавија пред само неколу дена, наиде на доста позитивни реакции и коментари од страна на публиката. За само два дена, песната „органски“ имаше преку 50.000 прегледи, што е навистина одлична бројка за толку кратко време. Меѓутоа за да дојдат до ваква песна Теа и Дупер ги здружија силите со одличниот хит-мејкер Лазар Цветкоски, кој досега соработувал многупати со Теа, а за првпат со Илчо и Борис. Сите од нив се потпишуваат на музиката, додека пак текстот заеднички го напишаа Теа, Илчо и Борис. Одлична песна, не оди без одличен видеоспот, па затоа Теа, Илчо и Борис снимија одлично видео под режисерската палка на Томислав Живковиќ. Во спотот покрај нив тројца се појавуваат уште неколкумина статисти кои допринесоа сето тоа да изгледа така како што изгледа. Инаку за оваа нивна соработка, Теа Трајковска има само убави зборови. „Ми се допаѓа музиката на „Дупер“, ама ептен сум среќна што успеавме да создадеме нов звук и за мене и за нив и проект кој беше предизвик за нас тројца и Лазе. Мислам дека го погодивме „вајбот“ на песната со видео записот и дека во самиот спот се гледа дека си поминавме супер на снимање. Не смеам да заборавам да се заблагодарам на Даниел Николовски, дизајнерот Занов, Фешн енд Френдс и Дарко Петковски“ - изјави Теа. Задоволството не го криеја ниту Илчо и Борис... „Многу се радуваме на ваквите соработки кои се случуваат природно и неисфорсирано. Со Теа лесно најдовме заеднички јазик и успеавме да направиме песна што стилски подеднакво нѐ опишува и со музиката и текстот. Се надеваме дека ќе им се допадне на сите кои ќе ја слушнат и дека ќе се пронајдат во приказната позади стиховите“ - велат членовите на познатата група. И Теа и „Дупер“ не ја исклучуваат можноста за повторно да соработуваат во иднина, а Вие дотогаш уживајте во „Не ми даваш сон“. [embed]https://www.youtube.com/watch?v=SDOol8LN7Wc[/embed]

„Дупер“ ќе ве одведат до – „Рајот на земјата“ (ВИДЕО)

Антонио Димитриевски — Mon, 19 Jul 2021 12:50:21 +0000

Македонскиот бенд или поточно дуото „Дупер“ на 7-ми јули 2021 година, го промовираа своето дебитантско доскографско издание, албумот насловен „Хипер“. Бендот кој постои три години денес го сочинуват Борис Какуринов (гитара и клавијатури) и Илчо Нечовски (бас и вокал). Кариерата ја започнаа како трио во 2018 година кога од нигде никаде преку ноќ станаа популани меѓу младата популација со хитот „Не сум твој тип“. Тогаш групата функционираше како трио, а во неа беше и тапанарката Марина Баракоска, која по неколку издадени песни, заради несогласување со останатите двајца членови го напушти бендот, во кој останаа Борис и Илчо. После три години постоење, Дупер од новиот албум промовираа песни кои за прв пат публиката имаше можност да ги чуе. “Сладолед”, “Исти”, “Војна”… се само дел од новите песни, а една од нив насловена „Рајот на земјата” има и своја визуелизација, свој видеоспоткој комплетно го потпишува Томислав Живковиќ. Инаку зад музиката, текстот и аранжманот стоајат веќе споменатите двајца членови на дуото, додека снимањето, миксот и мастерингот ги изработил Ангел Ќосев, во неговото студио „Подрумот“. Како сето тоа звучи, а и како изгледа „Рајот на земјата“ во очите на „Дупер“, проследете во продолжение:

„Дупер“ го промовираат својот деби албум „Хипер“

Антонио Димитриевски — Wed, 07 Jul 2021 12:15:19 +0000

Македонскиот бенд или поточно дуото „Дупер“ денес, среда 7-ми јули 2021 година, ќе го промовираат својето дебитантско доскографскоиздание, албумот насловен „Хипер“. Бендот кој постои три години денес го сочинуват Борис какуринов (гитара и клавијатури) и Илчо Нечовски (бас и вокал). Кариерата ја започнаа како трио во 2018 година кога од нигде никаде преку ноќ станаа популани меѓу младата популација со хитот „Не сум твој тип“. Тогаш групата функционираше како трио, а во неа беше и тапанарката Марина Баракоска, која по неколку издадени песни, заради несогласување со останатите двајца членови го напушти бендот, во кој останаа Борис и Илчо. Инаку албумот „Хипер“ е веќе излезен и наскоро ќе се најде во продажба, а како пилот најава за материјалот „Дупер“ објавија видео.

„Дупер“ во „Carpool Karaoke“ кај Лазаров: „Мартина ја сврти приказната во нејзина полза“ (видео)

Слободанка Илиева — Wed, 14 Oct 2020 08:26:30 +0000

Момците од „Дупер“,Илчо Нечовски и Борис Какуринов беа на интервју низ возење во „Carpool Karaoke“ кај поранешниот ТВ водител и сегашен јутјубер Стефан Лазаров. Домаќинот и главен зад воланот откако почна со ваквите интервјуа од автомобилот, има пракса ги ги „чепне“ соговорниците за она за кое најмалку сакаат да зборуваат. За „Дупер“ тоа прашање беше поврзано со нивната поранешна членка од групата Мартина со која не се заедно повеќе од една година. Марина тогаш излезе со својата страна на приказната, и кажа: -Точно е дека ми рекоа дека не треба да одам на концерт на еден бенд, не е важно за кој бенд се работи. Ние немавме никакви музички несогласувања, едноставно се измешаа другарските и професионалните односи”, изјави тогаш Мартина за „Женски магазин“. Oсвен тоа и „Авалон“ продукција веднаш потоа го прекина краткопостоечкиот договор со момците. Иако тогаш Илчо и Борис имаа официјално соопштение до јавноста за настанатата ситуација, сепак по прашањата на медиумите остануваа резервирани да откријат нешто повеќе за тоа што нависина за случило. https://arhiva.vistina.com.mk/radio-mileva/morame-da-prifatime-so-krenata-glava-momcite-od-duper-se-oglasija-otkako-i-dadoa-otkaz-na-martina/ Сега ќај Стефан, Борис беше оној што кажа нешто плус, додека на Илчо едвај му ги излекоа зборовите од уста. „Не сме кажале досега дека Мартина вторпат не е дел од бендот. Ние свиревме година дена, таа не беше член на бендот зашто имавме разлики во карактери. После ги направивме „Не сум твој тип“ и “Тело за на ТВ“ и требаше тогаш некој да свири на тапани , а тогаш бевме во супер однос со неа и рековме ајде да свириш со нас во студио. И рековме кога веќе сме пробале, ај да се обидеме дали ќе функционирме. И функционираше година дена и потоа истите работи, тоа се ралики во карактери, не е дека нешто се случило. Имаше муабети дека поради „Фанк шуи“, мислам нема толку јак бенд во светов што ќе не... (се смее). Тоа е извадено од контекст, многу ја сврти приказната во нејзина полза мене ако ме прашуваш, кажа Борис и се надоврза: -Ние не сакаме никој да изгледа лошо и затоа ќе преќутиме што се случило, а мислам дека не и важно. Иако Стефан им кажа дека доволно беше муабет за Мартина, сепак неколку минути подоцна повторно праша зошто изгледаше дека таа е фронтменот, а не Илчо кој не беше многу расположен за зборување на тема Мартина, но сепак пушти срце да одговори. -Кратко беше, луѓето не видоа тројца, и после година дена бевме двајца и ништо не им беше јасно мислам. Плус, Мартина е симпатично девојче свири тапани, тоа влегува во имиџот скроз. Сега ние сме подосадни, знаеше поинтересни бевме со девојче.Реално да правиме муабет, заврши Илчо. Вака или така, тие најдобро си знаат чија верзија на приказната е вистинската или пак секој од нив си верува во својата. Инаку, за потсетување „Дупер“ овој месец октомри ја објавија нивната нова песна „Единствен начин“, а целосното интервју во „Carpool Karaoke“ кај Лазаров можете да го подледнете во продолжение:

„Дупер“ продолжуваат на еден и – „Единствен начин“ (ВИДЕО)

Антонио Димитриевски — Mon, 05 Oct 2020 12:12:17 +0000

Двојката од „Дупер“ објави нова песна проследена со видеозапис. „Единствен начин“ е насловот на темата, која по речиси ништо не се разликува и многу не отскокнува од нивните претходни остварувања, па поп-фанк звукот станува веќе добро препознатлив за нив и како еден вид нивен заштитен знак и правец кој решиле да го туркаат. Песната (музика, текст, аранжман) е нивно комплетно авторско дело , а се снимала во студио „Подрумот“ кај проверениот мајстор не само за „народњаци“, Ангел Ќосев. Синот на легендарниот Влатко, Јан Стефановски ги свири тапаните, додека Дарко Фотиновски бас секциите. Видеото одново едноставно, но доволно интересно, а го потпишуваат Frozen Time Drops. Како звучи и изгледа нивниот „Единствен начин“, проследете во продолжение: https://www.youtube.com/watch?v=lKdMbWZMcrQ&feature=emb_logo

Даниел Дан ги „обработи“ момците од „Дупер“ – „Не сум твој тип“ (ВИДЕО)

Антонио Димитриевски — Sat, 11 Apr 2020 11:02:12 +0000

Под мотото “Quarantine and Chill“ Даниел Данн и неговиот бенд, како дел од шоуто “HIT THE HITS“ го создадоа каверот на темата „Не сум твој тип“ од Дупер. „Во време кога настапите нам музичарите ни се откажани јас и мојот бенд решивме дека токму ова е вистинскиот начин да ја изразиме нашата креативност. Музицирајќи во домашен амбиент успеавме да направиме дело со кое се надеваме дека ќе придонесеме за доброто расположение на нашите фанови и дека сите вие ќе ја добиете потребната доза на мотивација која и нас нè активираше“ - вели Даниел Данн. Под тематиката „Quarantine and Chill ќе бидат преработени десетина македонски поп хитови, најавуваат од бендот во состав на : Даниел Данн (вокал), Александар Кипровски (гитари), Миле Наумовски (клавијатури), Дарко Јовановски (ударни инструменти), Лазар Соколов (дувачки инструменти). Видеообработката е дело на Даниел Данн, а аудио микс на Александар Кипровски. Како Даниел ги „обработи“ момците од „Дупер“, слушнете и погледнете во оваа негова кавер верзија: https://www.youtube.com/watch?v=-90xlT_7MbI&feature=emb_logo