дупчиња – Вистина.мк

Дали знаете за што служат двете долни дупчиња на патиките?

Riste Zdravkov — Wed, 07 Jun 2023 12:35:49 +0000

Во минатото, „Converse All Star“ патиките првенствено се користеле за играње кошарка. Така, биле додадени двете долни дупчиња за да може патиката повеќе да се затегне околу ногата – така што нозете ќе бидат постабилни во нив, а можноста за повреда ќе биде помала. Ако сакате да го пробате ова, извлечете ја врвката од првите две дупки, повлечете еден дел низ тие две дупчиња на страна и вратете ја назад. Затегнете и ќе забележите дека страната на патиката е прицврстена на вашата нога. Погледнете го видеото како да го направите тоа: Патиките „Converse All Star“ биле претставени на јавноста во 1917 година. Од тогаш до денес, нивниот дизајн не е многу променет. Можеби ова е една од тајните зошто луѓето едноставно ги обожаваат. Има уште еден интересен детал од историјата. Кошаркарите на САД го носеле овој модел на патики на нивните први Олимписки игри во 1936 година во Берлин. Имено, пред таа година кошарката не била олимписки спорт, пренесува „24сата.хр“. За таа прилика ги дизајнирал Чак Тејлор, тогаш популарен кошаркар, а украсени биле со американското знаме. На Олимписките игри го освоиле златото, а популарноста на патиките „Converse All Star“ почнала да расте.

Имате ли дупчиња на грбот? Овие луѓе се единствени и луѓето кои ги поседуваат имаат посебен дар (фото)

Слаѓана Атанасова — Mon, 13 Feb 2023 11:52:38 +0000

Многумина сметаат дека е среќа да се имаат вакви дупчиња, бидејќи го подобруваат изгледот на телото, а уште повеќе се забележуваат на телата кои немаат многу маснотии и имаат изградени мускули. Овие длабнатини се многу почести и поизразени кај жените, а уште од античко време се сметале за убави и секси, па затоа го добиле името по Венера, староримската божица на убавината и љубовта, или кај мажите по Аполон, грчко-римскиот бог на машката убавина. Професионалното латинско име за нив би било fossae lumbales laterales, односно лумбални странични вдлабнатини, а тие всушност се само површински одраз од надворешната страна на карличните коски со тркалезната коска. Тие се „одговорни“ за краток лигамент кој се протега од споменатиот дел на ‘рбетот до кожата. Тие немаат никаква врска со какви било здравствени проблеми, дури ни со проблеми во долниот дел на грбот. Напротив, тие обично се сметаат за знак за добра генетика, подобра циркулација на крвта и пониско ниво на маснотии, иако може да се забележат и кај слабите и кај помалку витките луѓе. Дупчињата на грбот, велат експертите, навистина се показател за сензуалност бидејќи луѓето кои ги имаат повеќе уживаат во интимните врски, а сето тоа затоа што помагаат за посилна циркулација на крвта. Дупчињата на Венера или Аполо се едноставно резултат на генетиката, т.е. наследниот облик на коските во долниот дел на грбот, поради што не е можно да се создадат со диети или вежби за мускулите. Извор: Курир.мк

Зошто некои луѓе имаат дупчиња на образите?

Ивана Стојанова — Mon, 02 Apr 2018 09:03:33 +0000

Дупчињата на лицето инстантно ги прават луѓето поатрактивни и шармантни, но никој не знае зошто и како всушност настануваат. Дупчињата се видливи вдлабнатини на кожата на лицето, најчесто на образите или брадата, и се појавуваат привремено додека лицето се смее или зборува. Тие обично се првата работа која ја забележуваме кај личноста која ги има. Но, дали ја знаете другата страна на приказната? Дупчињата на лицето настануваат заради генетско пореметување. Недоволно развиениот мускул доведува до вакво деформирање на образите или брадата, кое најчесто се јавува уште во првите фази на развојот на бебето. Овој симбол за убавина настанува кога поткожното сврзно ткиво не е правилно формирано за време на развојот на ембрионот. Некои деца и млади имаат дупчиња кои во староста исчезнуваат, па затоа дупчињата се сметаат и за симбол на младоста. Тие не се опасни по здравјето, но може да бидат предупредување за лошо здравје ако се појават на лицето кое е полно со масни наслаги. Но, овие дупчиња не се трајни, туку се губат кога масните наслаги ќе се стопат. Потребен е само еден ген за да ги наследите. Но, тоа не значи дека ако еден од вашите родители ги има, тогаш ќе ги имате вие 100%. Во тој случај имате 25-50% шанси да ги наследите. Дури и ако двајцата родители ги имаат, сепак шансите за нивно наследување се движат од 50-100%.