другарки – Вистина.мк

Марија Луиса покаже дека и пејачките имаат душа: „Кралицата на бакшишот“ и другарките седнаа да слават, па откако песната ја погоди, го направи она, што најчесто нејзе и го прават (ВИДЕО)

Антонио Димитриевски — Mon, 12 Feb 2024 09:30:11 +0000

За Марија Луиса Тодоровска е оддамна познато дека важи за „кралица на бакшишот“. Пејачката едноставно е магнет за кој „се лепат пари“ па речиси и да нема настап на кој гостите не ја опсипуваат со домашни или странски банкноти, кои како што некој рече, фолкерката знае како да им ги извлече не само со пеење, туку и со вештината на своето естрадно умеење. А тука сексапилната битолчанка е неприкосновена, како ниту една друга пејачка! Зашто кога ќе ги погоди со песната, па уште ќе знае со нив да ја сподели и емоцијата, сеедно дали е тажна или весела, гостите во тие моменти се претвораат во дарежливи клиенти, на кои заедно со гласот на пејачката од звучниците, банкнотите сами им излегуваат од паричниците! Затоа Марија е вистинска „ бакшиш кралица“ кога е во прашање умешноста на професијата! Арно ама, сте се запрашале ли некогаш, како и е нејзе? Знае ли таа да се весели и забавува? Може ли и неа да ја погоди песната? Ужива ли понекогаш и самата во она што секојдневно го прави за туѓо уживање и разонода? Во последно споделеното на своето Инстаграм стори, Марија Луиса Тодоровска покажа дека со другарките седнаа да слават, па откако песната ја погоди, таа го направи она, што најчесто нејзе и го прават! Иако за викенди обично Марија има ангажмани, сепак успеа да го мине дождливиот ден со другарките... Само онака заради дружба и дневен провод или нешто да прослават - сеедно, важно да е весело. Кафеана без мезе и ракија разбирливо - не бидува, како и забава без песна. А кога свирачите ќе ти ја погодат песната, паричникот сам се отовра за да го сподели бакшишот со музиката! Та било тоа и од портмонето на Марија, која покажа дека и пејачките имаат душа... И тоа широка. А и дарежлива рака! Една, па уште една и уште една... Илјадарките сами летаат! Ама, кому му е гајле, важно да е опуштено и весело! Само тоа остава траен печат во срцето! Фото и видео: luisa.todorovska

Водителката со извинување за соседите: Милена Антовска под наплив на еуфорија, но и со чувство на вина (фото)

Слободанка Илиева — Mon, 15 Jan 2024 09:28:35 +0000

Месец јануари е посебен за ТВ водителката Милена Антовска- Станковска. Таа и нејзиното семејство имаат дупли повод за славење откако пред две години ја добија и малечката Јоана. Но, првин повод за радост и славење беше денот на мама Милена која на роденденот му се радува како дете. Славеничката за прославата на своите 37 години најпрвин ги собра другарките, подготви полна трпеза, обезбеди пиење, ама и избрана плејлиста на музика за караоке со другарките на домашна забава. Арно ама веројатно заборави да постави известување на огласната табла од зградата каде живее. Наплив на еуфорија, распеани и разиграни, Милена се сети и и проработи грижата на совест дека веројатно ги вознемирува соседите поради бучавата, па јавно им се извини преку своите „стори“ на Инстаграм. Бидејќи имаат позната соседка, големи шански има да и прогледале низ прсти и да ја толерираат без реакција и пријава, особено кога е славеничка. Следниот ден повторно не беше така тивко од домот на водителката. Повод за славење, повторно роденден, овој пат на помалата ќерка Јоана која наполни две годинки. Се собраа сите членови на семејството, сега се пееја детски песнички, а на радоста и немаше крај. Ако минатата година Милена имаше извинување за колегите поради нејзиното постојано зборување за роденденот и крштевката на втората ќеркичка, овој пат извинувањето беше за соседите. Милена и ја посака целата среќа на Јоана, а преубавиот празник Василица засекогаш останува да биде посебен за водителката и нејзиното семејство, а исто и за соседите кои веќе ќе си знаат што ги чека на 13-ти и 14-ти јануари. Среќен роденден мама и Јоана!

Секоја чест за Каја Остојиќ: Наследничката на пејачката порасна во вистинска убавица (фото)

Слаѓана Атанасова — Mon, 26 Dec 2022 10:54:25 +0000

Каја Остојиќ ја има ќерката Николина, која ја родила на 19 години, а многумина коментираат дека изгледаат како пријатели. Покрај успешната кариера, Каја најмногу се гордее со Николина, а тоа често го истакнува и во објавите на социјалните мрежи. - Зеницата на моето око. Горда сум на сè што сстана и во каква прекрасна жена растетеш. Фала и на небесата што пубертетот заврши и сега е толку убаво и лесно да си мајка - гласеше една од нив.

View this post on Instagram

A post shared by Nikolina (@itsnikay)

- Не ми се верува, мислев дека сте сестри. - Вие сте како пријателки - се дел од коментарите. Инаку, Каја ја доби Николина со својот прв сопруг Никола Драгојловиќ, со кој врската ја започна во четвра година средно училиште. На 18 години останала бремена, поради што вонредно го завршила училиштето.

View this post on Instagram

A post shared by Nikolina (@itsnikay)

-Кога дознав дека сум бремена, не се исплашив, иако бев млада. Ниту Никола. Мислевме - така е, се сакаме, ќе го задржиме детето и ќе се венчаме затоа што ни се допаѓа. Но, не беше баш така – изјави претходно Каја. Каја го оставила Никола кога нивната ќерка имала само шест месеци. Таа се преселила кај нејзините родители во Нови Сад и таму живеела две години. Пејачката Катарина Каја Остојиќ беше во брак три пати. Беше со Никола Драгојловиќ со кого ја има ќерката Николина, потоа со кошаркарот Урош Дувњак, па со светски познатиот диџеј Џуниор Џеко, а сега ужива во љубовта со фудбалерот Матео Павловиќ. Фото: Принтскрин/Инстаграм

Сани и другарките плажата ја „превртеа наопаку“: Златното грло на пејачката и стројните Македонки ги засенија останатите девојки (ФОТО)

Антонио Димитриевски — Fri, 22 Jul 2022 10:00:03 +0000

Сања Сани Гроздановска, една од најпопоуларните македонски фолк пејачки, по враќањето од австралиската турнеја, замина на Црногорското приморје да се одмори и батериите да ги наполни за новите работни предизвици! Хиперактивна како во животот така и на социјалните мрежи, Сани не би била таа што е, ако не умее да ги изненади своите фанови и следбеници со најнови фотографии и снимки на социјалните мрежи. Сани со женско друштво е во Будва. Пејачката со другарките опуштени на плажа, уживаат секако, додека забавата е пуштена на најјако! Кога сонцето ќе дојде највисоко на хоризонтот и ќе почне немилосрдно да пече, фештата никако не престанува и не се оди на дремка... Журката само се дислоцира - под сенка! Најпрвин топтан сите на меката софа за лежење, на која очигледно не само се лежи, туку и се скока, танцува, пее, пие и забавува... Другарките на Сани, која повеќе, која помалку позната, ама затоа пак, која од која позгодна, посекси и постројна. Онака стегнати во костими за капање, која во едноделен, која во бикини, разиграни распеани со растресени облини веднаш го свртеа на себе целото внимание на плажата. Од македонските убавици особено не се симнуваа „влажните машки погледи“ на стројните момчиња, што домаќини, што туристи дојдени од различни краеви на бившата заедничка татковина - Југославија! Предводени од Сани, со своето весело и опуштењо однесување стројните Македонки ги засенија останатите девојки. Сепак, вистинското лудило се случило во моментот кога момчињата од „Лапсус бенд“ кој ја забавуваат плажата, на Сани и ја погодија песната. Тогаш македонската фолк убавица, понесена од професионалната навика да не може да одолее да слушне песна, а да не запее, фаќајки го трендот им се придружи на музичарите од бендот. Некои беа толку погодени од песната по што паднаа во љубовен севдах, јавно искажувајќи ја својата потреба и мерак! А наша Сани за час стана новата „бич стар“ атракција, доведувајќи го расположението до кулминација! Долгоногата, цицлеста кумановка со златно грло, ги собра сите околу себе, како во трло! Забавата на плажата прерасна во фантастична дневна журка до лудило, спонтано исценирана, без да биде однапред договорена и планирана! За хејтерите, односно сите оние кои мислат поинаку, дека пејачката „со сила му се упикала на бендот“, сакајќи да им го украде шоуто, ама работата ја утна... Сани за нив има „срдечен поздрав“ од Будва! Фото: Инстаграм принтскрин/sani.grozdanovskasanja

Антониа Гиговска наполни 21 година: Грст роденденски честитки од конкуренцијата млади пејачки, кои покажаа дека всушност и се најдобри другарки (ФОТО)

Антонио Димитриевски — Fri, 21 Jan 2022 10:55:49 +0000

Македонската поп пејачкаод помладата гарда, Антониа Гиговска на 21 јануари слави роденден... На дамите велат не им се бројата годините, ама на девојчињата се' уште може. Денот роденденски ја дочека со снежно утро и грст роденденски честитки. Оние од дома од семејството и најмилите, од останатите од фамилијата, другарките, пријателките, момчето... Кога сме веќе кај него, нејзината посилна половина последниве две и пол години и нешто ситно, Иван Јованов, колегата по професија, пејач на групата „Либеро бенд“ беше меѓу првите, ако не и првиот, кој веднаш во првите минути по полноќ и испрати роденденска честитка на својата сакана Антониа преку својот Инстаграм, а потоа истата осамна и во приказните на нејзиниот. Честитката зачинета со заедничка летна фотографија за да и ја загрее вечерта и емотикони со љубов и бакнежи, за да и го стоплат срцето на славеничката. И ако од љубениот тоа и е очекувано, од музичката конкуренција, особено онаа женската, а и генерациски блиската, беше вистинско изненадување роденденското честитање. Но само за неупатените, зашто она што следуваше очигледно покажува дека младите македонски поп пејачки во Македонија само навидум се конкуренција, зашто покрај тоа што се потенцијални пејачки марки, всушност тие се и најдобри другарки! Прва од нив со својата роденденска честитка кон Антониа се огласи младата кумановка Мартија. Наместо да „си вадат очи“ што е честа појава на балканската естрада, тие заедно минуваат денови и ноќи, дружејќи се, забавувајќи, а неретко и заедно пеејќи. Затоа и Мартија со заедничка фотографија на Антониа и го честиташе меѓу првите роденденот. Утрината и другите млади македонски колешки од поп естрадата испратија видео и фото пораки со роденденски желби на социјалните мрежи. „Среќен роденден лудо-лудаааааа“ - и порача Лина Пејовска во својата Инстаграм честитка. Со ретро фотографија на која се тие двете во годините кога се уште биле деца, роденденот и го честиташе и пејачката Барбара Поповиќ. А за да не биде дека само пејачките и упатиле роденденски честитки се погрижи уште едно момче, кое не е од естрадата, ама естрадата, особено оваа помладата, често со задоволство стои пред него. Или поточно пред неговиот фотообјектив, за да им ги направи едни од највозбудливите фотосесии. Уметничкиот и моден фотграф Стефан Соколовски попознат како „Бед Стеф“ со роденденска честитка во свој стил, со дупло селфи пред огледало со славеничката и роденденска порака. Пораките продолжија да се редат во текот на целиот ден, но за тоа - во следната прилика кога ќе имаме можност да споделиме, каде и со кого се' го прослави и како си помина „за денот што го чекаме цела година“, славеничката Антониа! Фото: Инстаграм принтскрин/ antoniagigovskaa

Емина Јаховиќ е „прва другарка“ со Хурем султан: Пејачката и турската актерка на заедничка вечерна дружба (ФОТО)

Антонио Димитриевски — Wed, 30 Jun 2021 10:12:45 +0000

Пејачката Емина Јаховиќ која долги години живее во Истанбул на Инстаграм се појави на фотографија со познатата Хурем од серијата „Сулејман Величествениот“. Имено, Емина заедно со турската актерка Мерјем Узерли и уште една другарка уживаа во луксузен ресторан, а овој момент го овековечија со заедничка фотографија. Трите позираат без трошка шминка, а судејќи според нивните насмевки, тие биле во извонредно расположение. Да потсетиме, Мерјем неодамна се породи, а на својот Инстаграм објави дека ја отвора својата прва продавница за здрави слатки во Берлин. „На 10 јули ќе ја отворам мојата прва продавница во Берлин. Ова се вкусни и многу здрави слатки. Ова е само почеток на едно убаво патување, започнувам во Берлин и се надевам дека ќе се шириме низ целиот свет. Јас и моите пријатели го создадовме ова место каде сакаме да се чувствувате како дома и да уживате во најквалитетните слатки. Во понудата има вегански чоколади, џемови, „какао на лажица“, макаронси, најдобар сладолед на светот, маслиново масло, кафе, чај и многу повеќе“ - напишала актерката. Фото: Инстаграм принтскрин/yaemina/meryemuzerlimeryem/goncakarakaѕ

„Од кол на кол, на крајот колот во г**“: Сања Барбика првин ги поткачи колешките, а сега на ред се и другарките

Слободанка Илиева — Thu, 27 Aug 2020 08:21:33 +0000

На фолк пејачката Сања Цинцева некој јако и стапна на жуљ. Не можеше да го проголта она што jа невреди и повреди, па си најде место, на Фејсбук да го истури она што го милси и чувствува како замена за да им каже го очи. Во овој статус таа вели дека не може да им ја разбере љубомората на „другарките“ кои постојано биле со неа, им купувала работи, па им го давала дури и последното:

View this post on Instagram

A post shared by SANJA CINCEVA ® (@sanjacincevaa) on Aug 13, 2020 at 12:09pm PDT

На некои колешки до некаде им ја разбирам нивната љубомора, фрустрација и ископлексираност. Ама никако неможам да ги разберам “другарките” што ги носев со мене како привезоци секаде каде што патував и настапував, што ги гледав како свои деца па им плаќав и сметки, им купував гардероба, козметика итн. Па постојано само слушав од нив дека сум злато човек со чиста душа... а тие не знаеа дека имаше моменти кога последното сум им го давала нив, ама ако се е искуство во животот па и ова. Господ се додека ме сака не се плашам од користољубивите луѓе, само нека не забораваат дека животот е круг, а и тоа дека од кол на кол на крајот колот в г** . И овој пат, кои се оние што ја налутија остана мистерија, а до каде ќе оди работата со прозивките и кој се ја заплетка работава, веројатно ќе видиме и расплет. https://arhiva.vistina.com.mk/radio-mileva/sanja-barbika-raspali-po-koleshkite-padnavte-tolku-nisko-da-go-valkate-moeto-ime-i-ugled/

Новак Ѓоковиќ беше на НБА натпревар да ги гледа „Лејкерси“, ама налета на некој, по што натпреварот му беше во втор план (ФОТО)

Антонио Димитриевски — Wed, 11 Mar 2020 10:48:22 +0000

Најдобриот светски тенисер Новак Ѓоковиќ го искористи слободното време што ненадејно го доби во САД, откако турнирот во Индијан Велс беше откажан поради ескалацијата на корона вирусот. Ноле реши да замине да го гледа НБА дербито во Лос Анџелес, натпреварот помеѓу Лејкерси и Клиперси. Во градското дерби на овие два клуба, победата ја однесе екипата на Лејкерс, но она што е сигурно е дека Ноле не само што уживаше во врвната кошарка, туку и во убавото друштво. Ѓоковиќ беше на натпреварот заедно со една Србинка, која е позната во НБА-лигата како сопруга на кошаркарот Пол Џорџ, анејзиното име е Данијела Рајиќ. Поубавата половина на НБА ѕвездата на Клиперси беше заедно со Новак и уште неколку другарки кога се фотографираа со него. Даниела Рајиќ е позната и во Америка по епитетот српската Кардашијан. Таа исто така беше го-го танчарка, пред да му го сврти вниманието на кошаркарот. Тие влегоа во љубовна романса која подоцна ќе заврши со брак.

За неа годините се само бројка: Лидија Вукиќевиќ се фотографираше со своите врснички, па веднаш доби комплименти

Христина Ѓоргиевска — Mon, 13 May 2019 10:56:23 +0000

Актерката Лидија Вукиќевиќ секојдневно добива комлименти за сметка на својот изглед, а една од последните нејзини фотографи предизвика лавина од коментари. Лидија која оваа година ќе наполни 57 години, се сретнала со своите пријатели од основно училиште, а оваа средба ја овековечи со заедничка фотографија. Меѓутоа, нејзините следбеници забележаа дека таа изгледа многу помладо од нејзините врснички. „Другарките од основното училиште „Сверозар Марковиќ“ и по многу години повторно заедно“ порача актерката.

View this post on Instagram

Drugarice iz osnovne škole,,Svetozar Marković”i posle mnogo godina opet zajedno❤️❤️❤️????????✒️?✏️

A post shared by Lidija Vukićević (@vukiceviclidija) on May 8, 2019 at 10:31am PDT

„Не знам дали само вие ја имате привелегијата да не стареете. Преубави сте, искрено. Што пиете и што јадете, или имате само здрави мисли или пак сте исполнети на сите полиња“ гласеше еден од коментарите. Актерката не ретко се фотографира во провокативни изданија, а на оваа фотографија може да се забележи нејзиното деколте.

Ја глумеше Дара- жената на Жика во „Жикина династија“, а сега иако е тешко болна на постела, направи нешто неверојатно!

Антонио Димитриевски — Tue, 18 Sep 2018 09:38:17 +0000

Познатиот професор, теоретичар и филмски историчар Владимир Влада Петриќ (90) со неговото доаѓање, ја увелича прославувата на 100-тиот роденден на познатата српска актерка и хуманитарка Бранка Веселиновиќ.

Актерите одржаа говори и откако сите се фотографираа со Бранка, Владимир ѝ се приближи и ја бакна, по што даде куса изјава во само една реченица. Тој не се чувствуваше добро, и со медиумите ја сподели веста дека неговата сопруга, актерката Дара Калениќ (84) доживеала мозочен удар и е во лоша состојба. Дара која е позната по својата улога на сопругата на Жика Павловиќ, Дара, во "Жикина династија" се подготвуваше за прославата на Бранка цели два дена, но пред да излезе од дома, таа била принудена да остане да лежи, бидејќи здравствената состојба нагло и се влошила.

Но Дара и покрај се', инсистирала нејзиниот сопруг да оди на прославата за да и го честите 100-тиот роденден и да ја бакне нејзината најдобра другарка, Бранка Веселиновиќ!