друга страна – Вистина.мк

Приказната за наследството на Есма и Стево Теодосиевски има и друга димензија: Весна Тренкоска – адвокатката на оние што се сметаат за наследници од нивните семејства, има свое видување на нештата (ВИДЕО)

Антонио Димитриевски — Wed, 12 Jan 2022 08:47:40 +0000

Само една година по смртта на кралицата на ромската песна почна да се ограбува наследството на Есма Реџепова-Теодосиевска и нејзиниот сопруг Стево од музеј-домот на Скопското кале. Неколкупати медумите не само во македонија, меѓу кои и ТВ магазинот Бекстејџ ја отвараа оваа тема, но за жал работите до ден денес не се поместија од мртва точка. Пред објективот на естрадниот магазин „од зад сцената“ застанаа посинокот на Есма, Симеон Атанасов како и Зорана Костовска, долгогодишна пријателка и соработник на Есма, како и претседател на хуманитарното здружение „Есма и Стево Теодосиевски“ и управител на целиот имот, според тестаментот на Реџепова. Како што велат тие, мебелот и другите вредни работи од Домот на хуманоста и уметноста „Стево и Есма Теодосиевски“, на Скопското кале, кој за жал не е пломбиран, се изнесени и се продаваат, а на имотот околу куќата и во контејнери наоѓале расфрлени благодарници и награди што во текот на животот Есма ги добила по разни поводи и манифестаци, од разни фестивали, организации и институции ширум светот. Екипата на „Бекстејџ“, ја побара и правната застапничка на семејствата Реџепови и Теодосиевски, адвокатката Весна Тренкоска. Таа ја раскажаува својата приказна, своето видување на нештата кои се очигледно испреплетени во комплициран правен заплет, на чија правна разрешница и по пет години не и се ни наѕира крајот. Адвокатката дури и им открила дека трошоците за лечењето на Есма наводно се' уште не се платени. За истото приложила и доказ. Фактура од 873. 000 денари колку што изнесува сумата која што никој досега не ја платил, а поминати се цели пет години од нејзиното упокојување. Еве ја приказната раскажана од агол на правниот застапник на втората страна, адвокатот Тренковска и нејзините видувања на нештата:

Приватниот живот на потпретседателот на ВМРО-ДПМНЕ и пратеник Александар Николоски: Охриѓанец во Скопје, а најмногу Македонец (ВИДЕО)

Антонио Димитриевски — Thu, 26 Aug 2021 10:09:58 +0000

Тој во политиката е речиси целиот свој живот. Во не влегува уште како многу млад, за на свои 22 години да стане најмладиот пратеник во Македонскиот парламент. Родум охриѓанец, од својата 17-та година скопјанец, а најмногу Македонец. Така барем вели дека најмногу се чувствува. Охрид се' уште му е во срцето, за посета на родителите, роднините, средба со пријателите, за одмор, за прошетки покрај езерото, по Галичица... Но, ги сака сите убавини на Македонија. Како мал тренирал теквондо, а е и бивш баскетџија, па откако ја скинал ахиловата тетива постојано води борба со килограмите, најмногу со пешачење и внимавање на исхраната, за која вели дека е клучна. Го обожува спортот, НБА, тенисот, многу го почитува Ѓоковиќ, но повеќе е за Федерер, го сака боксот, особено пред неговата комерцајилазација и ракометот кој е спорт број еден во Македонија. Мајка му посакувала да стане лекар, зашто бил првенец на генерацијата во средното училиште, но нему политиката му била прва и се' уште актуелна љубов, ја работи со исклучителна посветеност и не зажалил што се определил да се занимава со неа професионално и со стручна наобразба како дипломиран на Факултетот за политички науки. Каков е како домаќин, како функционира во бракот со сопругата, дали пере, пегла, готви, му пречи ли постојано да е во костум и вратоврска, каква музика сака да слуша, рок ен рол или електронска музика, техно и ДЈ -и, има ли анегдоти кои му се случиле, а јавноста не ги знае и уште многу нешта од приватниот живот, денес на ТИ, во утринскиот Магазин на ТВ Сител со гледачите и јавноста ги сподели потпретседателот на најбројната македонска партија ВМРО-ДПМНЕ, Александар Николоски. Овој пат политиката и политичките збиднувања ги остави зад себе, па ја отвори душта за она што за него го знаат само најблиските... Слушнете од него, од прва рака, како изгледа неговата „друга страна“ од животот, надвор од политиката, во видеото во продолжение:

Разгалена и тврдоглава: Другата страна на Џејла Рамовиќ – победничката на „Ѕвездите на Гранд“

Слободанка Илиева — Sun, 05 Jan 2020 10:30:20 +0000

Џејла Рамовиќ ги освои симпатиите низ целиот Балкан, не само со нејзиниот врвен вокал, туку и со изгледот за девојка на нејзина возраст, како и за нејзиното воспитување. За потсетување, на млада возраст, таа победи на талент-шоуто за најмладите „Некои нови клинци“, а кон средината на минатата година ја зеде и ласкавата титула на „Sвездите на Гранд“. Одговарајќи на прашањата на следбениците на социјалните мрежи, Џејла ги откри и нејзините недостатоци, кои не се видливи кога камерите се вклучени. - Тврдоглавоста е мојот најголем пропуст. Ова доаѓа од тоа што сум Бик во хороскоп - призна Рамовиќ. - Преосетлива сум. Мојот трет голем пропуст е што во некои моменти сум многу разгалена.