дрисла – Вистина.мк

Сексапилната општинска фунционерка летува на Скијатос: Во чие друштво Билјана Јаневска ужива распослана на грчките песочни плажи? (ФОТО)

Антонио Димитриевски — Mon, 25 Sep 2023 08:35:43 +0000

Некогашна манекенка, мисица и модел, денес со факултетска диплома во џебот и општинска партиска функција, со надеж за политичка кариера во пораст. Позната како „мисицата од Дрисла“ зашто денес работи токму на најпознатата скопска депонија, како магистер за управување со отпад, Билјана Јаневска, однеодамна е и секретар на општинскиот огранок на ЛДП во Крапош. Мултитаскинг женска, што би рекле по најновото „сајбер изразување“, која сега се' помалку има време за себе си од бројните обврски, па затоа младата атрактивна политичарка дури кон крајот на септември нашла време за одмор. За да го испрати летото и да се рефрешира себе си го одбра сончевиот грчки остров Скијатос, кој последните денови и не беше баш така сончев, но сеедно... Бидејќи се уште не е мажена, за очекување е Билјана летните денови од одморот да ги минува во нечие машко друштво. Арно ама, фотографиите на кои беше уловена сексапилната општинска фунционерка покажуваат нешто друго... Убавицата испружена на некои од островските песочни плажи ужива во последните денови од летото сосема сама. Сплотена со природата, во едноделен розов костим за капење или жолто бикини, Билјана ги споделиа сите свои телесни убавини. Со сончеви очила, собрана коса и шармантна насмевка, некогашната мисица ужива, како една од најзгодните млади македонски политичарки која очекува кариерата допрва да и напредува... Можеби за не така долго време, еден ден ќе дотера и на местото - лидер на партијата? Одморот за скопската убавица неопходен за полнење на батериите и празнење на негативната енергија што политиката сакале - не сакале, во оваа држава ја акумулира, па затоа Билјана максимално решила да се олабави, опушти и релаксира. „Тука сум се со цел да го почувствувам духот на островот, да ги истражам песочните плажи и да ја проучам културата на градот. Си замина цилконот „Даниел“ затоа што знаеше дека на крај на месецот, а јас треба да дојдам. На плаживе не се ни почуствува дека имало некаков циклон. Грците навистина се трудат за својот туризам“ - ќе дојави скопската убавица. Но, за да не остане загатка: Ако е сама замината на одмор и покрај неа нема мажи, тогаш кој ја снимал и фотографирал во серија од различни пози и костими додека лежи на различни плажи, плива или излегува од вода?

View this post on Instagram

A post shared by 𝓑𝓲𝓵𝓳𝓪𝓷𝓪 𝓙𝓪𝓷𝓮𝓿𝓼𝓴𝓪 🍀 (@biljana_janevska)

За да нема недоумица, општинската функционерка се погрижила и самата да ја разобличи дилемата. Колку да не ја мислат, Билјана открива дека на грчкиот остров е замината со... Погодете кој? Со нејзината мајка и тетка. Што значи „мистериозен маж“ покрај неа нема, ама тоа не значи дека нема и додворувачи!? Е сега, друга работа е дали и кого Билјана ќе одбере, а госпоѓа мама тоа или ќе го одобри или ќе ја „подбере“? Фото: Инстаграм/biljana_janevska/приватна архива

Билјана Јаневска „се отвори“, па „мисицата од Дрисла“ јавно призна дека и жените не се ништо поразличен сој: „Леле шо би му праела на овој“ (ФОТО)

Антонио Димитриевски — Thu, 08 Jun 2023 08:45:23 +0000

Некогашна манекенка, мисица, модел, денес со факултетска диплома во џебот и општинска партиска функција, со надеж за политичка кариера во пораст. Позната како „мисицата од Дрисла“ зашто денес работи токму на најпознатата скопска депонија, како магистер за управување со отпад. Однеодамна, откако за лидер на нејзината партија во која таа членува дојде жена, жените по се изглед почнаа повеќе да добиваат функции и раководни места, па така Билјана Јаневска стана секретар на општинскиот огранок на ЛДП во Крапош. Арно ама, колку да е жена на функција, сепак, најпрвин е жена... До душа таа се' уште не мажена, па подобро би звучело девојка, но, сеедно... Она што го посакува, на моменти очигледно го посакуваат и сонуваат и немажените и мажените. Можеби не сите, ама многу од нив секако - ДА! Впрочем, дека е тоа така, потврди самата оштинска фунционерка, која на своите Инстаграм приказни сподели нешто што очигледно „долго трепка“... Особено кај неа, а многу веројатно и кај „секоја втора тетка“! Во своето „јавно обраќање“ мисицата од Дрисла обзнани и призна дека и жените од мажите, не се ништо поразличен сој... Инаку како да се протолкува она: „И жените викаат за мажите - Леле, шо би му праела на овој“! И Билјана уште истото го потврди дека е точно... Дека и жените викаат! И сега , оттаму само по себе се наметнува прашањето: А кој е тој - овој? Со оглед на дејноста на фирмата во која работи, мисицата можеби таму тешко дека ќе го најде посакуваниот субјект „за праење“! Арно ама, затоа пак тука е пратијата во која членува и обавува некаква општинска функција... Во неа понудата е веројатно подобра отколку онаа во фирмата, иако веројатно не е лесно да се најде оној, за кој и жените... кажевме веќе што викаат.

View this post on Instagram

A post shared by 𝓑𝓲𝓵𝓳𝓪𝓷𝓪 𝓙𝓪𝓷𝓮𝓿𝓼𝓴𝓪 🍀 (@biljana_janevska)

До душа и таму, во нејзината партија има по некоја фаца и тоа позната, ама... Овој на пример, за жал е зафатен... До душа, тоа не мора ништо да значи ама, сепак... Не е исто слободен и „бизи“! Можеби токму затоа иако се од иста партија, “не му текнува“ мисицата, барем да ја викне во емисија... На „Златниот тепих“! А за „праење“...? Тоа останува на жените, нели така тврдеше и самата Билјана? Само, колку да се знае... Она: После „праење нема каење“ - се' уште важи! И тоа за сите... И за жени и за мажи! Фото: Инстаграм принтскрин/miroslavkacarov/biljana_janevska

Билјана Јаневска е прва придружничка на светскиот избор за „Мис модел Туризам“: На „мисица од Дрисла“ и се оствари уште еден сон како од бајка, откако „ја освои“ Јамајка! (ФОТО)

Антонио Димитриевски — Mon, 28 Jun 2021 08:46:52 +0000

Македонската мисица, манекенка и модел Билјана Јаневска уште еднаш докажа дека е своевиден светски феномен. Преку ден вработена во фирмата која ја држи најголемата скопска, ако не и македонска депонија, а во слободно време мисица која и носи титули, круни и дијадеми на Република Македонија! Веројатно единствен случај во светот каде ѓубрето и сметот, заедно со убавината и шармот без мака одат заедно под рака и колку наизглед ова да нема логика и смисла, дека постојат исклучоци уште еднаш демантираше нашата мисица од „Дрисла“! За неа животот во секој поглед има смисла: Билјана Јаневска – мисицата од „Дрисла“ (ФОТО) – Вистина.мк (vistina.com.mk) Имено, Билјана деновиве се закити со уште една титула за убавина - стана прва придружничка, до душа на онлајн избор кој се одвиваше во далечната Јамајка, каде нашата убавица ја претставуваше Македонија на светскиот Избор за Мис Модел Туризам. На „мисица од Дрисла“ и се оствари уште еден сон како од бајка, откако со својот шарм и убавина „ја освои“ Јамајка! „Крај! Готово е! Ви благодарам на сите за сета поддршка, мојот сон стана реалност! Го постигнав тоа за што сонував во животот. Оваа награда ти ја посветувам на тебе тато, твојата кукличка е на второ место за избор на мис. Те сакам... Македонијо“ - напиша мисицата посветувајќи му ја наградата на својот неодамна починат татко! Инаку, Билјана на овој избор уште додека истиот беше во тек, се закити со уште две титули: „За најдобар изглед и најдобар костим за капење“ - обзнани уште претходно Билјана. Фото: Фејсбук принтскрин/Biljana Janevska

За неа животот во секој поглед има смисла: Билјана Јаневска – мисицата од „Дрисла“ (ФОТО)

Антонио Димитриевски — Wed, 02 Jun 2021 08:32:37 +0000

Македонската мисица, манекенка и модел Билјана Јаневска е светски феномен. Една од ретките исклучоци кои го потврдуваат правилото, дека „убавината и умот“ можат да одат заедно, што го докажала и со тапија. Таа е дипломиран инженер по екологија и Магистер за управување со отпад! Веројатно единствената мисица и манекенка која верувале или не, работи на депонија! Имено, Билјана однеодамна е вработена како „Советник за подготовка и спроведување на развојни проекти“ во ЈП депонија „Дрисла“! Можеби единствената на светот која ја нашла хармонијата во спојот на убавината и депонијата! Навидум чудно, но вистинито, зашто за оваа млада девојка очигледно животот во секој поглед има смисла, па не и пречи една мисица да работи во „Дрисла“! За новот работно место Билјана ќе изјави дека тоа и е како втор дом и не се срами в раце ако треба да земе и метла, зашто се' додека чесно заработуваме, нема од што да се срамиме. Убава, згодна, привлечна сексапилна... но и природна, отворена, искрена, постојано насмеана младата убавица плени не само со изгледот, туку и со својот шарм и непосредност. Неодамна Билјана беше учесничка на првиот виртуелен, инаку 23-ти интернеционален избор за „Мис туризам“ кој ќе се одржи на 17 јануари 2021 година во Малезија, каде го освои 15 -тото место помеѓу преставничките од вкупно 31 земја ученик. На 26-ти јуни 2021 год. Билјана одново ја преставува Македонија, овој пат на големото финале за „Miss Model World“ кое одново заради корона пандемијата ќе се одржи виртуелно, овој пат во Јамајка. Иако и овој пат не добила финансиска подршка од државата, македонската мисица и нејзината модна агенција „Пантер моделс“ се снаоѓаат како знаат и умеат: партиципацијата платена од анонимен обожавател од Јамајка, фустаните донирани од модната креаторка Јасмина Дракул, накитот, поточно охридските бисери изработка и подарок од познатото семејство Талеви... И додека мисицата го чека остварувањето на уште еден сон, вредно и секојдневно и е посветена на работата во нејзиниот „втор дом“ - депонијата Дрисла. Во меѓувреме, додека камионите со отпад доаѓаат и си заминуваат, таа чека однекаде да се појави и нејзиниот „принц“... Не на камион, туку на бел коњ! Билјана смета дека време и е за брак, семејство и дечиња... Време е да „долета штркот“! А, во меѓувреме...? Можеби уште понекоја титула за убавина? Можеби пред да стане нечија сопруга и мајка, на мисицата од „Дрисла“ ќе и се насмее круната од Јамајка!? Фото: Инстаграми фејсбук принтскрин/biljana_janevska

Најголемата лага за загадувањето во Скопје!

Слободанка Илиева — Mon, 09 Jul 2018 07:16:15 +0000

Проблемот со загадувањето на Скопје вообичаено во лето се заборава, но тоа не значи дека тој ќе исчезне. Напротив, ќе стане топ-тема уште во првите есенски денови. Во минатата есен и зима Скопје речиси постојано беше меѓу топ 5 најзагадени градови во светот, а неколкупати се искачуваше и на самиот врв на оваа неславна листа. Граѓаните се жалеа дека буквално дишат отров и се задушуваат. Загадувачите на воздухот може да бидат различни, но главниот проблем во Скопје е од цврстите честички во воздухот – ПМ10 и ПМ2,5. Додека дозволеното ниво на ПМ10 честичките е 50 мг/м3, во Скопје во изминатата грејна сезона достигнуваше и повеќе од 1.000. Барајќи го виновникот за загадувањето во Скопје, прстот се насочува кон греењето на домаќинствата, кон автомобилите, фабриките и кон – Дрисла, која беше дури и казнета од градските власти (државниот инспекторат за животна средина). Сега, додека страстите се смирени, а загадување нема, иако, на пример, Дрисла и во летниот период работи на ист начин, решивме да ја посетиме скопската депонија и на самото место да се увериме во начинот на кој таму се справуваат со отпадот. Се изненадивме бидејќи воопшто не наидовме на проблеми, напротив – од Дрисла ни рекоа дека слободно може да дојдеме и дека тие ќе ни објаснат сè што нè интересира. Во Дрисла се обработува и се отстранува комуналниот отпад – се одлага, се набива и се покрива со неразградлив материјал и со хумус, за да не е во допир со воздухот. - Во нашата земја реално не постори друг објект за депонирање цврст отпад, кој притоа работи по современи технолошки стандарди. Овде отпадот не се пали, за разлика од дивите депонии во земјава, и ниеден од процесите што се применуваат не создава ПМ-честички. Всушност, единствен отпад што се согорува тука е медицинскиот, и тоа се прави по прецизно пропишани процедури и единствено кај нас – велат од Дрисла и потсетуваат дека пред неколку месеци на печката е поставен и филтер за намалување на штетните гасови. https://www.youtube.com/watch?v=W0qdMHwbUeY Она што е најинтересно е што Факултетот за информатички науки и компјутерско инженерство во Дрисла има поставено мерна станица за загадување, кое се следи постојано. Во текот на изминатата есен и зима, регистрираните вредности на ПМ10-честичките се движеа околу 40 мг на м3, вредности далеку од екстремните регистрирани во Лисиче или во Карпош каде беа и над 700 мг на м3. Во интерес на сите е да се утврдат вистинските загадувачи на Скопје и да се дејствува за да се неутрализираат. Но да се тврди дека тоа е Дрисла, очигледно е барање жртвено јагне. Според фактите, тоа е најголемата лага за загадувањето, која не му користи никому! Освен на вистинските загадувачи веројатно.