Она нашето, меѓу светското: „Дрим тим“ – „Етно Балкан 2“ (ВИДЕО)

Антонио Димитриевски — Fri, 05 Mar 2021 11:54:42 +0000

Уште со првите тактови од новото продолжение на “Етно Балкан 2” се разбудува љубопитноста на слушателот истото да се доживее до крај. Богатите ритмови и стилови што едноставно ќе ве прошетаат низ целата музичка приказна, за момент ќе ви дадат чувство дека станува збор за некој надворешен светски проект. Тоа одново ќе ја докаже онаа теза на критичарите дека и НИЕ овде располагаме со врвни музичари и инструменталисти. Некаде помеѓу сите тие редови од разиграни ноти ќе го препознаете она “нашето” без кое не се може ако сакате да направите проект со вакво име – “Етно Балкан 2”. Обожавателите на групата “Дрим Тим” викендов имаа можност премиерно да го слушнат и визуелно да го надополнат ова нивно ново музичко остварување. Како што веќе беше кажано, музиката и арaнжманот се на виртуозот на хармоника Сашко Велков, а аудиото се комплетираше во “Подрумот” кај Анѓел Ќосев. Истиот се снимаше во соработка со BalkanMusic TВ во амбиентот на ресторанот “Амор” во Кочани. Како гости на проектот се придружија Горан Гешовски (бас гитара), Алек Стаменковски (ритам гитара), Филип Шурбевски (конги) и Горан Илијески & Трајче Давков ( Brass sek.). Наша препорака – пуштете и уживајте… и не само еднаш, многу пати за да го почувствувате “духот” на авторот и срцето на останатите учесници во музицирањето. После се ќе бидете нетрпеливи за ново продолжение кое не смее да ги остави слушателите на убавата музика долго време во чекање. Наша препорака – пуштете и уживајте… и не само еднаш, многу пати за да го почувствувате “духот” на авторот и срцето на останатите учесници во музицирањето. После се ќе бидете нетрпеливи за ново продолжение кое не смее да ги остави слушателите на убавата музика долго време во чекање. https://www.youtube.com/watch?v=r_YncVQl4po

Дрим Тим го промовираа „Етно Балкан – 1 дел“ (ВИДЕО)

Антонио Димитриевски — Fri, 17 Nov 2017 10:05:15 +0000

Завчеравечер, 15 ноември, среда, во елитниот скопски ресторан „Воденица“ членовите на фолк групата „Дрим Тим“ го промовираа видеото за најновиот инструментал насловен “Етно Балкан”. Како што самите велат, се надеваат дека овој поразличен стил ќе им се допадне на слушателите. Ова е само еден дел од проектот кој тие го имаат замислено, за кој допрва следуваат уште неколку делови. Видеото за темата инаку е изработено е во соработка со ИН Продукција.

„Ова е прекрасен момент, го промовираме овој видео спот за нашата нова инструментална тема “Етно Балкан” која се надевам ќе им се допадне на сите“ - вели Сашко Велков, член на Дрим Тим и еден од најпознатите хармоникаши во земјава.

Ова е “Етно Балкан” - дел 1, што значи дека понатаму ќе работиме, ќе претстојат уште делови кои ќе бидат токму во овој стил на музицирање каде што се сфузирани различни музики од Балканот. Се работи за неправилни ритмови, за некои џез фигури, значи една музичка синтеза која мислам дека ќе ви се допадне“ - вели Сашко.

На промоцијата присуствуваа голем број новинари, музичари, естрадни уметници и јавни личности од нашата земја меѓу кои Наум Петрески, Никола Коки Јанков, Душко Божиновски, Сашо Ливрински, Милан Завков, Ирена Спировска...

Од „Дрим тим“ велат дека видеото го работеле од јуни, па се до неоодамна. "Напорно беше, но го сработивме како што треба, па се надеваме дека ќе им се допадне на гледачите“. -додаваат од бендот и ви препорачуваат да го погледнете и слушнете нивниот „Етно Балкан - дел 1“: https://www.youtube.com/watch?v=Uija441LSIk&feature=youtu.be

дрим тим – Вистина.мк

Она нашето, меѓу светското: „Дрим тим“ – „Етно Балкан 2“ (ВИДЕО)

Дрим Тим го промовираа „Етно Балкан – 1 дел“ (ВИДЕО)