Драгана Трипиќ – Вистина.мк

„Немаше што да јаде, не сакаше никој да знае“: Пријателката на Драгана Трипиќ откри детали од последните денови на новинарката

Христина Ѓоргиевска — Thu, 31 Oct 2019 09:02:44 +0000

Српската естрадна новинарка, Драгана Трипиќ, пред неколку дена изврши самоубиство во својот стан во Маријево. Како што пренесуваат српските медиуми, Трипиќ се самоубила поради преголеми кредитни долгови и работа. Нејзините блиски пријатели и колеги открија дека биле запознаени со се што случува, но дека новинарската била премногу горда и не сакала да ги открие своите проблеми. „Ја познавав Драгана околу 20 години, додека се занимававме со новинарство често патувавме заедно, мислам дека преку 30 пати сме спиеле заедно во ист кревет. Кога со некој спиете, појадувате, ручате, вечерате и поминувате 24 часа дневно, тогаш мора добро да го познавате. Беше многу вредна жена, не одбиваше никаква работа, работеше неколку работи за да ја одгледа ќерката бидејќи беше самохрана мајка. Беше многу горда жена. До последниот момент не сакаше да открие колку и е тешко, дека немаше што да јаде. Беше горда и не сакаше да се види дека нема“ вели Симонида Милојковиќ, пријателка и колешка на Трипиќ. За потсетување, безживотното тело на новинарката го пронајде нејзината ќерка Сашка. Трипиќ важеше за една од попознатите новинарки во Србија, пред неколку години беше дел од регионалното музичко шоу „Ѕвездите на Гранд“, работеше на неколку проекти на „Пинк“, но беше и дел од реалното шоу „Двор“.

Тијана Дапчевиќ се прости од српската новинарка која се самоуби

Христина Ѓоргиевска — Fri, 25 Oct 2019 09:51:21 +0000

Српската новинарка Драгана Трипиќ вчера (24.10.2019) беше пронајдена мртва во својот дом. Како што пишуваа медиумите, Драгана се обесила во својот стан, а нејзиното тело го пронашла неговата ќерка. Медиумите пишуваа дека новинарката се самоубила бидејќи била во депресија поради долгови и работа. Нејзините колеги и колешки, нејзините пријатели, но и уметници од естрадата се простуваат со пејачката. Анабела се прости од починатата новинарка. „Во шок сум...Претажна сум, да ви кажам. Таа жена беше безусловно со мене. Знаев со неа да зборувам со часови, ми значеше нејзината поддршка во тешките моменти. Ми даде огромна подршка, како и на мојата ќерка“ вели пејачката „Пинк.рс“. Од Драгана се прости и македонската пејачка Тијана Дапчевиќ која беше добра пријателка со новинарката. „Патувам мила моја Гагиииили, нека ти е лесна земјата“ напиша Дапчевиќ.

Се самоуби познатата српска естрадна новинарка

Антонио Димитриевски — Thu, 24 Oct 2019 11:01:16 +0000

Српските медиуми јавуваат дека познатата естрадна новинарка Драгана Трипиќ е пронајдена мртва. Неофицијално, Драгана се обесила во својот стан во белградската населба Мирјево, а нејзиното тело го пронашла ќерката. Наводно, новинарката била депресивна поради работата и кредитот кој го имала. Трипиќ ја следеше естрадата, која ќе се памети на остриот јазик, но со фер приказни, праведноста и храброста, па пејачите и естрадните личности од сверата на забавата од таа причина исклучително ја почитуваа. На Инстаграм, Луна Ѓогани прва се збогуваше со новинарката со тажна порака: „Благодарам за целото разбирање, поддршка, сила и љубов што постојано ми ги даваше. Беше добар човек на овој свет. Добрите луѓе заминуваат, најдобрите заминуваат. Почивај во мир“ - напишала на фотографијата на која се починатата новинарка, Луна и мајка и Анабела. „Одмори се во мир, ангелу. Кога сите беа против мене, ти беше единствената што се бореше за мене“ - напиша Луна со скршено срце.