ДНК, Нино Величковски и Драган Мијалковски… главни ѕвезди за дочекот на Нова Година и денот по неа во Охрид

Антонио Димитриевски — Tue, 19 Dec 2023 13:49:57 +0000

Охриѓани подготвуваат богата и интересна новогодшна програма која ќе ги забавува граѓаните на Охрид, туристите и сите оние кои Новата година планираат да ја дочекаат во ова наше познато туристичко место. Новогодишната програма ќе започне на 28-ми декември со програма наменета за најмладите, односно, на градскиот плоштад “Св. Климент Охридски“ во Охрид присутната публика ќе ги забавуваат Биби и Боби и „Светот на Биби“. Следниот ден пак, на 29-ти декември на плоштадот ќе се одржи театарската претстава „Ракавиците на Дедо Мраз“, а на 30-ти декември детската претстава „Далматино и Дедо Мраз“. На 31 декември на плоштадот ќе биде одржан музичко – театарскиот спектакл за деца и млади „Новогодишна детска бајка“. Сите случувања кои се дел од новогодишната програма, а се посветени за најмладите ќе започнуваат во 12:30 часот. Што се однесува до забавниот дел за новогодишната ноќ и дочекот на Новата 2024-та година, на 31 декември, на градскиот плоштад во Охрид ќе се погрижат диџеите Јана Слеј и Багзи, групата DNK, Нино Величкоски и групата „Фортуна“. Почетокот е закажан за 21 часот. На 1-ви јануари 2024 година точно на пладне ќе настапат групата „Балкан џем“ и Драган Мијалкоски. Организаторите очекуваат одлична забава и задоволни граѓани и посетители од земјава и странство.

Драган Мијалковски со „Илина“ го освои фолк фест „Валандово 2019“

Антонио Димитриевски — Sat, 01 Jun 2019 11:03:08 +0000

На натпреварувачка вечер на 34. издание на „Фолк фест Валандово“ , Драган Мијалковски ја освои првата награда со песната „Илина“ . Песната е комплетно дело на авторот Љупчо Трајковски – Фис. По 20 години музичка пауза Мијалковски настапи на валандовскиот фестивал. Еден од неговите најголеми хитови „Дојди ми, Лено, на перниче бело“ е отпеан токму на „Фолк фест Валандово“ во 1989 година.

Второто место го освои Ансамблот за македонска народна песна „Распеани валандовчани“, кој настапи со песната „Љубов преку граница“. Песната е дело на покојниот Леонид Манчев, еден од основачите на фестивалот, кому постхумно му беше додена награда за животно дело.

драган мијалковски – Вистина.мк

ДНК, Нино Величковски и Драган Мијалковски… главни ѕвезди за дочекот на Нова Година и денот по неа во Охрид

Драган Мијалковски со „Илина“ го освои фолк фест „Валандово 2019“