Драган Матески – Вистина.мк

Дарко Стојаноски го опеа реканскиот крај и печалбарскиот живот на неговите жители во – „Моја Долна реко“ (ВИДЕО)

Антонио Димитриевски — Fri, 20 Nov 2020 12:50:09 +0000

Познатиот фолк пејач Дарко Стојаноски, кој ја негува исклучиво македонската песна со изворна и патриотска тематика, деновиве промовираше спот за песна посветена на Реканскиот крај, која носи наслов „Моја Долна реко”. „Сега подготвувам уште една нова песна, а се надевам дека за “Сонцето од Кутлеш” ќе успеам да доснимам уште една строфа и да ја докомплетирам, па ќе снимаме и за неа спот. Музиката за оваа песна ја направив јас, тука се јавувам како автор, текстот е на Драган Матески кој е автор и на “Сонцето од Кутлеш”, а аранжманот е на Љупчо од Студио Анастасија“ - изјави Дарко во неодамнешно интервју за ИН ТВ. Стојаноски вели дека очекувањата се големи и се надева дека песната ќе биде добро прифатена од народот. Спотот за песната “Моја Долна Реко” е реализиран во соработка со ИН Продукција. Секако дека Дарко тука не запира. Тој во моментов подготвува уште неколку нови песни за кои како што вели ќе бидат изработени и официјални видеа. Во продолжение погледнете го видеото за „Моја Долна Реко”: https://www.youtube.com/watch?v=inyYd_4UL4U&feature=emb_logo

Татијана Стефановска благослови роднини, пријатели со – „На свадба ми дојдоа“ (ВИДЕО)

Антонио Димитриевски — Mon, 16 Mar 2020 13:31:59 +0000

Една од најпознатите фолк пејачки на македонската естрада, Татијана Стефановска, го објави спотот за нејзината најнова песна која носи наслов; „На свадба ми дојдоа”. Како што кажува и самиот наслов, станува збор за песна со свадбарска тематика на која што како автор на музиката и аранжманот се потпишува маестро Златко Миладиноски, а текстот го напишал Драган Матески. Песната „На свадба ми дојдоа”, Татијана ја снимала во студиото „ХЛ“ на Дејан Момироски. „Една убава свадбарска тема, позитивна, а свадбата ја опишува невестата. Таа кажува за гостите кои што ги чека од туѓина да дојдат и заедно да се веселат на нејзината свадба. Во оваа песна можат да се пронајдат сите оние кои што имаат таков убав момент, како што е свадбата. Сепак,најмногу текстот се задржува на гостите кои што треба да дојдат од странство и заедно да уживаат во свадбата на блиската роднина, односно невестата“ - истакнува Татијана во интервју за сателитската ИН ТВ. Снимањето на спотот се одвивало во домот на Татијана и уште на неколку локации низ Охрид во соработка со ИН Продукција. Нејзините очекувањата се песната да биде добро прифатена од јавноста и да заживее меѓу народот. Татијана се надева дека „На свадба ми дојдоа” ќе се пее на македонските свадби, но и на другите семејни прослави. Во продолжение погледнете го спотот:

Влатко Миладиновски го опеа сонот на секој Македонец што живее по белиот свет во – „Се вратив сине“ (ВИДЕО)

Антонио Димитриевски — Sat, 21 Dec 2019 11:36:47 +0000

Голем број Македонци, поради одредени причини заминале од родната земја, но со намера и сон еден ден да се вратат назад да живеат во Македонија. Каде и да се низ светот, повеќето од родителите сакаат нивните деца да ги оженат во родната земја. Токму ова, го опеа познатиот фолк пејач Влатко Миладиноски во неговата последна песна “Се вратив сине”. За оваа песна, тој сними и спот во соработка со ИН Продукција. Снимањето се одвиваше во неколку градови низ Швајцарија, но и на планината Козјак. „Тоа беше и целта, да биде со такви кадри и такви моменти... Има доста Македонци кои што живеат тука, има доста и како нас кои поминале и виделе, така што и тоа ќе и даде своја симболика на песната во која е опеана приказна на секој еден Македонец што живее некаде по овој бел свет“ - појасни Миладиноски во неодамнешното интервју за ИН ТВ. Со оглед на тоа, што песната има доста текст и е посветена на сите Македонци кои живеат далеку од родната Македонија, Влатко се надева дека многу нашинци ќе се пронајдат во неа. „Ова е приказна за многу Македонци кои што живеат насекаде по светот. Се надевам дека со спотот ќе се оформи таа цела приказна да можат и физуелно доживеат и верувам дека многу луѓе ќе се пронајдат во песната што испеав“ - додава тој. Инаку, песната “Се вратив сине” е сместена на третиот студиски албум на Влатко. Музиката и аранжманот се дело на неговиот брат Златко Миладиноски, а текстот е на Драган Матески. Спотот беше неодамна промовиран на сателитската ИН Телевизија, а може да го погледнете во продолжение: Извор:Естрада+