довидување таго – Вистина.мк

Роберт Билбилов направи ремикс на хитот на Тамара – „Довидување таго“ (ВИДЕО)

Антонио Димитриевски — Wed, 10 Apr 2019 10:25:51 +0000

Минатогодишниот хит на нашата актуелна евровизиска претставничка Тамара Тодевска, темата „Довидување таго“ сега си доби и ремикс-издание за кое се погрижи самиот автор на музиката – хитмејкерот Роберт Билбилов и неговата Јustrbproduction.

Како и повеќето песни на Тамара, така и „Довидување таго“ е една од највртените на македонските радија, создадена како резултат од соработката и со Игор Џамбазов, чиј потпис стои на стиховите, а сега ја имаме во малку поразиграна варијанта дополнета со видеото изработено од уметничкиот фотограф и режисер Зоран Зонде Стојановски, кое е снимено во Калифорнија.

Ремиксот на овој хит од Билбилов доаѓа по рефрешираните верзии на неговите постари хитови „Избриши ги ти солзите“ и „Сега јас сум на ред“, изведени во латино стил од Александар Тарабунов и Барбара Поповиќ.

Како што е познато, Роберт е дел од авторскиот тим и на евровизиската „Proud“, со која Тамара следниот месец ќе ги брани боите на нашата земја во Тел Авив - Израел.

И додека чекаме да нè почести со нова песна, дотогаш можете да уживате во ремиксот на „Довидување таго“ и видеото за неа во продолжение. https://www.youtube.com/watch?time_continue=200&v=3AO_WpybIIw

Тамара јавно ја пофали колeшката како ја пее „Довидување таго“ – еве за која станува збор

Слободанка Илиева — Wed, 28 Nov 2018 08:14:53 +0000

Повеќето од пејачите на нашата домашна музичка сцена, добија пракса преку социјалните мрежи, особено Инстаграм, да запеат пред камерата од мобилниот и снимката да ја објават за фановите на своите профили или куси Инста-приказни. Па така, веруваме дека поголем дел од вас ги следат дел од пејачите и сте забележале или слушнале некоја песна од нив. Ена од тие што постојатно знаат да им приложат мини концерт преку социјална мрежа на фановоте е и младата пејачка од Струмица, Александра Јанева, која за своите следбеници деновиве ја отпеа „Довидување таго“ од Тамара Тодевска. Но, меѓу следбениците беше и Тамара која не го пропушти ова за јавно да и аплаудира на колешката за изведбата, а притоа несебично ја сподели и на својот профил.

Со оглед на тоа дека и двете одлично пејат, но Тамара е со долг стаж и важи за еден од најдобрите вокали кај нас, па оттука веруваме дека на Јанева и беше особено драго за пофалбата.

По три години пауза, добредојде за Тамара со „Довидување таго“ (ВИДЕО)

Антонио Димитриевски — Wed, 05 Sep 2018 10:58:30 +0000

По три години музичка пауза и денови посветени на мајчинството, Тамара Тодевска денес точно на пладне на Стоп ТВ, го промовираше својот нов сингл насловен „Довидување таго“. И зад оваа песна се потпишува тимот кој што веќе години наназад, животот на Тамара го раскажува низ песна. Музиката и аранжманот се на Роберт Билбилов, текст Игор Џамбазов, видео запис Чедо Поповски.

„Џамбаз ме познава како дишам. Билбилов исто така. И оваа песна како и многу претходни е буквално приказна од мојот живот. Раѓањето на Хана ме промени комплетно. Ми донесе една сосема нова енергија и во домот и во секојдневието. Игор знае како тоа да го раскаже со зборови затоа што ја гледа позитивната промена во мене. Среќна сум и исполнета а таква е и песната. Многу ми е драга затоа што ја отсликува позитивата која што ја живеам последниве години а најавува и нова. Видеото со Чедо го снимивме на една прекрасна плажа во Грција во петтиот месец од мојата втора бременост“ – вели Тамара.

Деновиве Тамара освен што на кратко се врати во студио, ги посветува на семејството, сопругот Александар и ќерката Хана. Нестрплива до породувањето, слично како и за својата прва бременост вели дека нема да заборави на работата, напротив со музика и нови песни ќе го донесе на свет и своето второ дете. За реализацијата на ова музичко парче, Тамара ја обнови соработката со своите стари пријатели и поддржувачи Пелистерка. „Обновената соработка со Пелистерка е уште еден убав момент во целата оваа приказна. Ме радува фактот што оваа успешна македонска компанија застанува зад македонската музика која што периодов не ги живее своите најсветли моменти. “ – изјави Тамара Тодевска, чие видео за новата песна ексклузивно ви го преставуваме во продолжение: https://www.youtube.com/watch?v=Twoz6IBJ0tI&feature=youtu.be

Тамара новата песна и ја посвети на Хана: „Довидување таго“ (ФОТО)

Антонио Димитриевски — Wed, 27 Jun 2018 09:41:05 +0000

„Довидување таго“ е насловот на новата песна на Тамара Тодевска, за која пејачката изминатиов период снимаше видео во Грција. Таа го најави новиот проект на Инстаграм, наведувајќи го насловот на песната и режисерот на видеото, Чедо Поповски,додека во неодамнешното гостување кај сестра и Тијана откри дека песната е посветена на нејзината ќеркичка Хана.

Новиот сингл доаѓа по пауза од цели три години од објавувањето на албумот каде што ги смести хитовите „Тажна љубов, среќна песна“, „Готово е“, „Тешко без тебе“, „Брод што тоне“ и многу други, а веќе во најава е и неговиот наследник, кој би требало да биде промовиран до крајот на годинава.

A post shared by Tamara Todevska (@tamaratodevska) on Jun 22, 2018 at 3:44pm PDT