доверба – Вистина.мк

Фактор кој е поважен дури и од љубовта во сите врски и бракови

Слободанка Илиева — Tue, 21 Nov 2023 13:15:43 +0000

Љубовта е одлична, а врската исполнета со љубов, особено во нејзините почетоци, носи смеа, среќа, долги прошетки, лежење на каучот, страсни бакнежи во нашите животи… Но, како да знаете дека врската или бракот ќе трае? Постојат одредени фактори кои гарантираат долга и стабилна врска, а кои понекогаш, дури и многу често, се поважни од самата љубов. Еден од овие фактори е довербата. Штом ќе започне занесот, ќе се заменат сомнежите и стравовите, работите можат да станат грди во врската. За да не се случи тоа, од суштинско значење е да изградите врска полна со доверба. Факт е дека сите влегуваме во врски со одреден багаж од минатото кој, сакале или не, станува дел од нашата нова врска. Без разлика дали се работи за траума од детството или неверство од претходната врска, нашето минато влијае на нашите односи на еден или друг начин. Затоа довербата е суштината на секоја врска. Довербата е клучна за успехот и задоволството во врската, но исто така е многу кревка. Откако ќе се изгуби, тешко е да се опорави. Што значи доверба? Довербата во врската значи дека верувате дека вашиот партнер е доверлив и дека го сака само најдоброто за вас. Со него се чувствувате емотивно и физички безбедно, исто како што тој се чувствува со вас. Довербата значи дека очекувате почит, лојалност и искреност во врската. Очекувате вашиот партнер да ги исполни ветувањата, да ги чува вашите тајни и да ве поддржува дури и кога работите не се прекрасни. Од друга страна, довербата значи и дека го разбирате партнерот и дека сте подготвени да му простите доколку се случи да прекрши ветување или договор. Во здрава врска и двајцата партнери се полни со доверба – работите не можат да функционираат еднострано. Кога партнерите си веруваат еден на друг, тие ќе бидат искрени во врската и токму такви какви што се. Се разбира, врската полна со доверба не се случува преку ноќ, туку се развива постепено. Доверба и љубов Иако, сосема веројатно, сè уште мислите дека љубовта е најважниот дел од врската, не ја занемарувајте важноста на довербата. Обидете се да замислите врска или брак каде што не постои. Во врска без доверба се губи мирот, а сомнежот расте. Постојаното проверување и испрашување од едната или другата страна ќе води до сè повеќе кавги, а тепачките ќе доведат до раскинување, и покрај љубовта. Љубовта без доверба едноставно не е добра бидејќи врската лесно може да се претвори во кошмар и да стане нездрава, нефункционална, хаотична и токсична. Довербата е од суштинско значење за една врска да напредува, а недостатокот на доверба е една од вообичаените причини зошто луѓето ги прекинуваат врските. извор:попара.мк

Зошто довербата е важна за долготрајна врска?

Слаѓана Атанасова — Tue, 17 Oct 2023 11:35:28 +0000

Ако ја набљудуваме љубовта преку чувствата, ќе видиме дека чувствата сами по себе не можат да направат ништо за да потрае врската. Во онаа друга смисла, во контекстот на љубовта како состојба на длабока поврзаност, посветеност и прифаќање на другата личност, довербата е многу важна како и чувствата. Довербата опфаќа и многу повеќе од врските меѓу луѓето – таа опфаќа и врска со себе, почитување на туѓите чувства, способност да бидеме сигурни во себеси, но и да си простиме кога правиме погрешна проценка. Само отворениот ум може да понуди доверба. Можеме да сакаме некому, само ако му веруваме. Љубовта се гради на довербата и како рационални суштества не можеме да сакаме некому кому не можеме да му веруваме. Врската во која нема доверба, нема да ги надмине тешките периоди. Доколку сметаме дека некого сакаме, иако не му веруваме, во тој случај реалноста ќе ни покаже дека грешиме. Недостатокот на довербата креира дистанца меѓу луѓето, без оглед на страста меѓу нив. Љубовта ја одржува нашата способност да поклониме доверба. Нашата способност да се предадеме на друга личност е поврзана со довербата дека тоа ќе ни биде возвратено, но и способноста да се носиме со тоа, ако тоа не се случи. Погледнете ги своите пријателски врски – во нив довербата воопшто не се доведува во прашање. Вие точно знаете кому и колку можете да му верувате, најблиски ви се оние пријатели во кои имате апсолутна и безгранична доверба. Таа доверба не се заснова на чувства, туку на познавање и прифаќање. Пријателите на кои им веруваме со години се посилни од нашите љубовни врски. Со помош на довербата ги контролираме своите емоции. Ја користиме довербата за да ги вреднуваме своите односи со луѓето во тој процес и да откриеме колку сме подготвени да се предадеме во таквиот емотивен однос. Во ситуациите во кои нашите емоции нѐ прават нестабилни, довербата ни помага да собереме или одземеме во однос на чувствата кои нѐ вознемируваат. Љубовта го замаглува расудувањето, додека пак довербата го осветлува. Често можеме да се занесеме од љубовта и понекогаш во таква ситуација навлегуваме во бесмислесна игра која не нѐ води никаде. Довербата го осветлува нашето расудување бидејќи таа ни помага јасно да видиме на кому можеме да се потпреме, а кому не. Довербата ги руши сите препреки. Обично велиме дека љубовта е таа која победува, додека всушност пак довербата е таа која ги совладува сите пречки меѓу две личности. Љубовта нѐ инспирира да се обидеме да ги надмине, но довербата е лепакот кој ги држи двете личности заедно и покрај сите нивни разлики и недоразбирања. Извор: Попара

„Турбо-фолкот умира!“ Стоја на Твитер апелира до пејачите: „Оживејте го, ви го оставивме во аманет“

Слаѓана Атанасова — Wed, 19 Jul 2023 11:43:10 +0000

Стојанка Новаковиќ Стоја (51) на својот Твитер профил се обиде да го објасни името на музиката која денес е популарна меѓу младите, а пред тоа апелираше до младите пејачи да го „оживеат турбо-фолкот“. - Кога ќе погледнам малку подобро, турбо-фолк канда умира... Не е добро... Го оставивме во доверба, ни требаат млади пејачи малку да го оживееме - напиша Стоја.

KAD MALO BOLJE POGLEDAM, TURBO FOLK KANDA UMIRE... NIJE DOBRO...OSTAVILI SMO GA U AMANET, TREBA MLADI PEVAČI MALO DA GA OŽIVE.#stojainstitucija
— STOJA (@STOJAtw) July 18, 2023

- А што е ова денес ако не е турбо-фолк? - ја праша една девојка. - Ова е некој фолкпоптреп-рап - и одговори Стоја. Фото: Принтскрин/Гранд Онлине

5 работи кои никогаш нема да ги направите ако навистина го сакате партнерот

Слободанка Илиева — Wed, 08 Mar 2023 14:00:06 +0000

Љубовта не е само чувство, таа е и начин на кој се однесуваме. Ако навистина сакаме некоја личност, има некои работи кои едноставно нема да ги правиме. Кои се тие работи? Подолу има листа на пет работи кои не треба да се случуваат во ниту една врска или брак доколку навистина го сакате партнерот. Криете нешто од него Овде, се разбира, не зборуваме за ситници, туку за важни информации кои, доколку се сокријат, може да доведат до нарушување на довербата штом ќе се откријат. Кога луѓето се сакаат, важно е да споделуваат добри и лоши работи едни со други. Ги споделувате тајните на вашиот партнер Партнерот ви доверил нешто многу интимно затоа што се чувствува безбедно со вас, а вие сте ја искористиле првата прилика да го искоментирате тоа со вашата пријателка? Кога некој ги споделува своите најдлабоки мисли, чувства и тајни со вас, тие го прават тоа затоа што веруваат дека ќе ги задржите за себе. Ако не можете да го направите ова, размислете дали навистина ја сакате личноста со која сте во брак или во врска. Личните тајни не се споделуваат дури и по раскинувањето. Ако сакате да зборувате за таа тајна, ако нешто ве мачи, разговарајте со партнерот. Покажувате изразено непочитување Сите ние сме мрзливи од време на време, сите грешиме и ’се истураме’ на луѓето кои најмногу ги сакаме. Сепак, изразеното непочитување не е нешто што треба да и го покажеме на другата страна. Љубовта и почитта доаѓаат во пакет. Постојано занемарување и/или игнорирање на партнерот Постојаното занемарување на партнерот е знак дека е време да ја преиспитате љубовта што ја чувствувате. Затоа што спротивно на љубовта не е омразата, туку рамнодушноста. Ако веќе не ви е гајле што другата страна мисли, чувствува или му треба – имате проблем и време е да размислите за вашите чувства. Покажувате непочитување кон неговото семејство Да го сакате семејството на вашиот партнер не е секогаш лесна задача, но иако љубовта може да биде тешка, непочитувањето сепак не е прифатлива опција. Вашиот дечко или сопруг го сака своето семејство, кое од вас по правило заслужува барем малку почит. извор:попара.мк

5 посебни видови на доверба во емоционалните врски: Тие се услов за љубов до крај на животот

Слободанка Илиева — Mon, 06 Jun 2022 12:58:21 +0000

Експертите за емоционални односи велат дека партнерите кои се во силни и здрави бракови имаат пет специфични типови на доверба на кои се заснова нивното партнерство. Во овие врски, партнерите живеат во верувањето дека можат да си веруваат еден на друг и дека нема ништо што може да им застане на патот меѓу нив. 1. Веруваат дека и двајцата ќе бидат верни еден на друг Лојалноста е императив за добра врска. Тоа покажува дека има две зрели луѓе во врска или брак кои се почитуваат и си веруваат. Без верност бракот станува проблематичен. Партнерите можат да се опорават од измама или афера, но им треба стручна помош за да го надминат тоа, вели искуството на мнозинството. Вистинска мала уметност на живеење е да му останеш посветен и верен на својот животен партнер. Затоа, ако сте несреќни во бракот, побарајте совет од експерт, а не од љубовник. 2. Веруваат дека нема да се повредат, отфрлаат или контролираат еден со друг Заемното повредување на партнерот, а потоа отфрлањето едни со други создава страв кој ја поткопува довербата. Со контролата доаѓа и недовербата. Во среќните бракови нема такво нешто. Партнерите имаат апсолутна доверба еден во друг и целосно се прифаќаат, без недоверба, посесивност и љубомора, кои се најчести причини за меѓусебни конфликти и повреди. 3. Веруваат дека се сакаат, без скриени мотиви Партнерите се сигурни дека се сакаат поради себе, односно поради тоа какви се, а не од некој скриен мотив. Ова вклучува дека вашиот партнер го сака изгледот, вашето семејство, дека ве прифаќа целосно и безусловно, а не како некој што ќе компензира нешто што му недостига и кој ќе му го „полни“ просторот и времето и ќе се грижи за него со тоа што ќе ја преземе улогата на родител. 4. Веруваат дека нема да се напуштат поради несогласувања Лутината, конфликтот и несогласувањето се неизбежни во врските и браковите. Се обидувате внимателно, на наметлив начин да го изразите својот гнев и да си ги пренесувате несогласувањата еден на друг без да се заканувате дека ќе ја оставите „другата половина“. Ако не се согласувате за нешто, никогаш не користете закана за развод и груби зборови. 5. Веруваат дека бракот ќе биде врвен приоритет Партнерите знаат да покажат дека се приоритет еден на друг, како и дека нивната врска е поважна од се. Доколку се убедат во вакво нешто, сигурно е дека ќе успеат успешно да го надминат секое недоразбирање и несогласување, пишува Yourtango. извор:попара.мк

Психолозите откриваат која особина е најважна за долга и среќна љубовна врска

Слободанка Илиева — Fri, 27 May 2022 13:19:41 +0000

Довербата, разменувањето љубов – се само дел од важните работи за среќна врска или брак. Доколку ги прашате експертите која е најважната особина која гарантирa долготрајна љубовна среќа, ќе се согласат дека станува збор за емпатијата. Eмпатијата можеме да ја дефинираме како способност за разбирање на туѓите чувства, сочувствување со нив и споделување на чувствата со другите. Таа е срцето на секоја врска, а без неа поединци не можат вистински да се поврзат еден за друг. До овие сознанија дошле докторите Џон Бовлбл и Мери Еинсворт и тоа истражувајќи ги однесувањата на бебињата и нивните родители. Истражувањето покажало дека децата чии родители не биле сочувствителни подоцна во животот имале проблеми со поврзување со другите, особено во контекст на љубовни односи. Човечките суштества се создадени за градење на врски, а емпатијата е многу важна. Доколку личноста не се сочувствува со другата половина, ѝ испраќа порака дека не ја почитува. Тогаш врската станува нестабилна и со текот на времето се распаѓа. Емпатијата е важна и кај двата пола, таа може да се развие, а обидите на градење на оваа важна човекова особина кај мажите се смета за позитивен сојузник на вистинската насока кон подобра и квалитетна врска, потврдила студијата на Здружението на американски психијатри со истражувачите од Харвард и колеџот Брин Мавр. Дури и доколку мажот не е емпатичен, неговата желба да се сочувствува со партнерката ќе го направи среќен и задоволен. извор:курир.мк

Исак Шабановиќ: „Верен сум, ме интересира само Александра“

Слаѓана Атанасова — Fri, 13 May 2022 11:40:54 +0000

Веста за врската на пејачот со колешката Александра Младеновиќ ги изненади многумина. Иако врската ја криеја два месеци, Исак и Александра вчера за прв пат беа фотографирани заедно. Откако нивните фотографии се појавија во јавноста, парот прозборе за тајната врска. Прв проговорил Исак кој ги потврдил наводите за врската, а потоа и Александра сакала да престанат шпекулациите, па признала дека ужива во заљубувањето. Исак ги споделил деталите за љубовта, па изјави дека довербата е она што им е најважно. „Разбирањето за нашата работа се подразбира и ние имаме разбирање еден за друг, така што многу е полесно да ја работиме истата работа. Во нашата врска најважна е довербата. Жените постојано ми приоѓаат, но јас сум многу верен човек и мене ме интересира само Александра“, изјавил пејачот за „Гранд онлајн“. Фото:Принтскрин/Горан Срданов/нова.рс/Филип Краинчаниќ/нова.рс/aleksandra_mladenovic_/isakciksy/

Психолозите откриваат која особина е најважна за долга и среќна љубовна врска

Слаѓана Атанасова — Mon, 09 May 2022 13:00:00 +0000

Довербата, разменувањето љубов – се само дел од важните работи за среќна врска или брак. Доколку ги прашате експертите која е најважната особина која гарантирa долготрајна љубовна среќа, ќе се согласат дека станува збор за емпатијата. Eмпатијата можеме да ја дефинираме како способност за разбирање на туѓите чувства, сочувствување со нив и споделување на чувствата со другите. Таа е срцето на секоја врска, а без неа поединци не можат вистински да се поврзат еден за друг. До овие сознанија дошле докторите Џон Бовлбл и Мери Еинсворт и тоа истражувајќи ги однесувањата на бебињата и нивните родители. Истражувањето покажало дека децата чии родители не биле сочувствителни подоцна во животот имале проблеми со поврзување со другите, особено во контекст на љубовни односи. Човечките суштества се создадени за градење на врски, а емпатијата е многу важна. Доколку личноста не се сочувствува со другата половина, ѝ испраќа порака дека не ја почитува. Тогаш врската станува нестабилна и со текот на времето се распаѓа. Емпатијата е важна и кај двата пола, таа може да се развие, а обидите на градење на оваа важна човекова особина кај мажите се смета за позитивен сојузник на вистинската насока кон подобра и квалитетна врска, потврдила студијата на Здружението на американски психијатри со истражувачите од Харвард и колеџот Брин Мавр. Дури и доколку мажот не е емпатичен, неговата желба да се сочувствува со партнерката ќе го направи среќен и задоволен.

Ако се пронајдете во овие 5 реченици: Имате партнер кој никогаш нема да ја изневери вашата доверба, чувајте го!

Христина Ѓоргиевска — Mon, 25 Oct 2021 12:30:42 +0000

Иако често пати ги истакнуваме знаците и сигналите на кои треба да внимавате, а според кои лесно може да откриете дали вашиот партнер би ве или веќе ве изневерува, денес ви откриваме кои особини ги поседува мажот кој никогаш нема да ве изневери ни вас ниту вашата доверба.

1. Тој секогаш си стои на зборот и ги исполнува неговите ветувања

Ако вашиот партнер ви ветил нешто, тогаш бесмислено е подоцна истото да не го исполни. Ако не ги исполни, тогаш тоа открива многу за неговиот карактер т.е за неговата непостојаност. И ако за малите работи не може да се потпрете на него, размислете тогаш како би било за поголемите и посериозни работи.

2. Тој е отворен со вас

Тоа не означува дека ви кажува или дека треба да ви каже сè. Секој од нас знае и чува одредени информации кои не сака да ги сподели со друг, но верниот партнер секогаш со својата половина ќе биде отворен во комуникација кога станува збор за важните теми.

3. Ги сака вашите пријатели

Иако станува збор за индиректен знак, всушност е многу важен за една врска. Вистинскиот за вас маж, никогаш нема да ги критикува вашите пријатели. Во крајна сметка, вие лично сте ги избрале. Ако тие не му се допаѓаат тоа индиректно би значело дека и вие самите не му одговарате. Не е неопходно да имате заеднички пријатели, но според љубовните експерти, ретко кој маж останува верен кој постојано има негативно мислење за вашиот социјален круг.

4. Тој е вашиот најдобар пријател

Не, тоа не значи дека задолжително мора да поминува часови со вас во шопинг или да озборувате заедно, за тоа тука се вашите пријателки. Но, вашиот партнер сепак треба да биде личноста во вашиот живот на која може да ги кажете вашите најскриени желби, потреби и проблеми, на која секогаш безусловно може да се потпрете.

5. Тој сака да живее со вас според еднакви правила

Повеќето современи мажи сакаат партнерка која ќе биде еднаква со нив. Затоа тие бараат интересни, независни жени, кои може да се грижат самите за себе. Но, ако вашиот партнер за себе мисли дека е над вас, односно ве третира како да сте на пониско ниво, тогаш тоа е алармантен сингал за неговото општо мислење за жените и начинот на кој ги гледа истите. извор: Курир.мк

Овој фактор во љубовната врска или бракот е поважен и од љубовта

Слободанка Илиева — Fri, 13 Nov 2020 13:46:25 +0000

Љубовта е прекрасна, а врската исполнета со љубов особено на почетокот, во нашите животи носи смеа, среќа, страстни бакнежи. Меѓутоа, постои фактор кој што гарантира долга и стабилна врска, а кој што понекогаш е поважен и од самата љубов. Станува збор за довербата. Еднаш кога почетната заљубеност ќе се замени со сомнежи и стравови, работите може да станат многу грозни. За да не се случи тоа, важно е да изградите однос полн со доверба со вашиот партнер. Факт е дека во врските влегуваме со одредена доза на резерва, сакале или не, но тоа е така. Без оглед дали станува збор за некаква траума од детството или пак неверство од претходната врска, нашето минато на тој начин влијае на нашите односи во иднина. Затоа с'ржта на секој однос е токму довербата. Таа е клучна за успех и задоволство во врската, но истовремено е и многу кршлива. Еднаш кога ќе се изгуби, тешко е да се стекне повторно. Што подразбира довербата? Довербата значи дека верувате во вашиот партнер и дека сакате само добри работи да ви се случуваат заедно, но и засебно. Покрај него се чувствувате емоционално и физички сигурно, баш како и тој со вас. Довербата значи дека во врската треба да има почит, предаденост и искреност. Ветувањата треба секогаш да ги исполнувате, но исто така меѓусебно и да се поддржувате. Од друга страна довербата значи и разбирање на вашиот партнер и подготвеност да му простите доколку прекрши некој договор или ветување. Во здрава врска двајцата партнери треба да бидат полни со доверба - стравот не може да функционира еднострано. извор:супермен/точка.ком.мк