Стрим-платформата за слушање музика – Spotify од вчера вечер е достапна во Македонија и на пазарот во уште 12 други земји. Во соопштението се истакнува дека Spotify сега нуди бесплатни услуги и претплата и во Хрватска, Србија, Русија, Албанија, Белорусија, Босна и Херцеговина, Казахстан, Косово, Молдавија, Црна Гора, Словенија и Украина. Со ова, сега платформата опфаќа вкупно 92 земји. Spotify инаку е платформа од Шведска, која патем кон крајот на минатата година го престигна и Епл како предводник на пазарот на легално симнување музика. Има над 130 милиони претплатници и 260 милиони корисници.