Повеќето мажи не сакаат да се допишуваат, а сега е откриено и зошто!

Слаѓана Атанасова — Wed, 18 Jan 2023 13:46:28 +0000

Бројни истражувања покажуваат дека жените претпочитаат да испраќаат СМС пораки и тоа го прават многу почесто, додека на мажите им е најлесно да се јават на телефон. Многу претставнички на понежниот пол се лути на своите партнери затоа што не можат да разберат зошто им е толку тешко да разменуваат „слатки“ пораки, срца и насмевки, а посилниот пол не разбира зошто нивните партнерки уживаат во тоа. Сепак, технологијата стана важен дел од флертувањето во последните децении, па оние кои не знаат како да ги искористат нејзините предности може да имаат потешкотии да најдат сродна душа, а во секој случај, ќе бидат загрозени од конкурентите кои знаат вешто да ги користат телефонот и компјутерот во играта на заведување. Повеќето мажи признаваат дека пишувањето пораки до жените ги збунува, дека се плашат дека пораките ќе бидат погрешно протолкувани и дека се здодевни, напорно и одземаат многу време, што е потврдено со најновото британско истражување. Третина од мажите веруваат дека и оставаат подобар впечаток на жената кога зборуваат со неа лице в лице или на телефон, наместо преку СМС пораки, во кои можат да им ги фатат дури и малите правописни грешки. Петтина од испитаниците во истражувањето признале дека многу двосмислени пораки ги фрустрираат, па не се сигурни дали е време да „преземат акција“, бидејќи често излегува дека жените се повлекуваат ако им се чини дека сè оди пребрзо меѓу нив. Извор: Попара

Како да се допишувате на почетокот на врската?

Христина Ѓоргиевска — Mon, 07 Oct 2019 13:15:41 +0000

Само што запознавте некој и почувствувате дека постои хемија помеѓу вас и посакавте да испратите порака? Но, што ако не добиете одговор? Дали ќе бидете тажни, лути, повредени? Погрешното интрепретирање може да го уништи односот. Прочитајте како да спречите да не се случи тоа. Што да правите? На почетокот пишувајте кратко и едноставно Ако сте личност која пишува долги пораки и вложува многу енергија во она што го праќа, имајте на ум дека на другата страна можеби не ѝ е природно да комуницира за чувствата во почетните допишувања. Во почетокот најсигурно е да праќате кратки пораки во кои ќе кажете што треба но, нема да претерувате во изразувањето емоции. Не поставувајте преголеми очекувања Кратката порака е знак дека личноста е незаинтересирана. Секој од нас на различен начин ги изразува емоциите. Имајте предвид дека ќе се разочарате доколку поставите преголеми очекувања на почетокот. Јавете се Понекогаш е добро да имате претстава како звучи личноста која ви се допаѓа. Ќе го слушнете нејзиниот глас и ќе го почувствувате нејзиниот тон на гласот со кој разговара со вас, дали е позитивно настроена, незаинтересирана, среќна што ве слуша и слично. Што да не правите? Не се замарајте со временски ограничувања Не се замарајте со тоа колку време ќе им треба за да одговорат на пораката. Можеби личноста не е во можност да ви одговори веднаш поради било каква причина. Не кажувајте премногу лични информации Не знаете какви намери има таа личност кон вас. Можеби ќе ѝ кажете нешто што подоцна може да го злоупотреби против вас. Провокативните пораки чувајте ги за подоцна Сакате да оставите добар впечаток, нели? Разголените фотографии и двосмислените пораки чувајте ги за понатаму. Не се откажувајте прерано Доколку личноста не може дa излезе со вас кога вие сакате, не се откажувајте мислејќи на најлошото сценарио. Можеби има обврски кои се неодложни и ви ја кажува вистината, па ќе излезете наредниот ден. извор: Курир.мк

допишување – Вистина.мк

Повеќето мажи не сакаат да се допишуваат, а сега е откриено и зошто!

Како да се допишувате на почетокот на врската?