домати – Вистина.мк

Гавазова и Карлеуша имаат неколку значајни работи кои ги поврзуваат, но за едно нешто дека го прават и двете никогаш нема да ви падне на памет (фото)

Слободанка Илиева — Sat, 14 Oct 2023 07:16:27 +0000

Веројатно првата помисла ви беше дека она што првично ги поврзува Сузана Газавова и Јелена Карлеуша е тоа што и двете се пејачки... Tака e, но двете колешки ги поврзуваат уште неколку заеднички нешта, па дури и такви за кои не би ни помислиле дека воопшто можат да ви паднат на памет. Заедничко на двете им е што долги години опстојуваат на сцената, негуваат иста љубов кон музиката, кон животните, од рана возраст почнале со кариера, двете имаат по две женски чеда, сакаат провокативна облека, имаа речиси иста висина, бујни атрибурти... а сигурно има уште некои нешта со кои двете би се нашле на иста фреквенција. Социјалните мрежи се прозорец кон животот на сите, па и на познатите, па токму оттаму, односно од нивните густо набиени „стории“ на Инстаграм дознаваме дека и двете сакаат градинарство и свежи домашни и органски производи и тоа изникнати на балконот од својот дом. Карлеуша во вилата на Дедиње, а Гавазова во вилата во Дојран. Па така и двете атрактивни пејачки одгледуваат домати на терасата, додуша Гавазова струмички домат од покрупните, а Карлеуша шери. Сеедно, пејачките и двете сакаат безбедна и здрава храна за себе и своите најблиски. Одгледување и насладување за сопствен мерак кое нема цена и тука нема ништо спорно. Што е сигурно, сигурно! фото:Инстаграм принтскрин/Јелена Карлеуша, Сузана Гавазова

Речиси секој ден јадете домати, но сигурно не знаете за што ќе ви помогне сокот од нив

Слаѓана Атанасова — Thu, 06 Jul 2023 12:30:31 +0000

Доматот е многу застапен на нашите трпези. Но, дали знаете дека тој помага во намалувањето на крвниот притисок? Според низа истражувања, една чаша сок од домат може многу да помогне во намалувањето на крвниот притисок. Исто така, се намалува и ризикот од настанување на срцеви болести. Научниците дошле до заклучок дека луѓето кои конзумираат 1 чаша сок од домат секојдневно, имаат помал ризик од развој на болести на срцето. Исто така, се забележало и намалување на нивото на холестерол во крвта. Извор: Курир.мк

Кремаст изглед, богат вкус: И неискусните домаќинки можат да направат совршена супа од домати

Слободанка Илиева — Wed, 08 Mar 2023 13:00:13 +0000

Сега можете брзо и лесно сами да направите вкусна супа од домати. Можете да ја јадете пред главниот оброк, но и како хранлива замена за оброк. Домашната супа од домати најчесто се прави од свежи домати, но корисни се и конзервираните домати. Ќе ја добиете истата кремаста текстура и богат вкус на домати. Состојки: 3 лажици маслиново масло, 2 лажици несолен путер, 1 кромид, 6 чешниња лук, 2 конзерви домат на парчиња, 3 чаши вода или пилешка супа, 1 лажица шеќер, 3/4 чаши павлака за готвење, свеж босилек. Подготовка: Во тенџере сипете маслиново масло и путер и кога ќе се загреете додадете го ситно исечканиот кромид. Кога кромидот ќе омекне, додадете го иситнетиот лук. По 3-4 минути прелијте го доматот, а потоа и супата (се прави така што коцката пилешка супа се меша со 3 чаши топла вода). Додадете шеќер, сол и бибер, па промешајте и варете околу 10 минути, додека не почне да врие. После тоа, намалете ја температурата и варете уште половина час, па тргнете од шпоретот. Состојките измешајте ги со миксер додека не добиете изедначена смеса. Додадете ја павлаката за готвење (кремот) и промешајте. Посипете со сечкан босилек и послужете. Пријатно! извор:курир.мк

Цеца покажа што јаде додека е во изолација (ФОТО)

Антонио Димитриевски — Mon, 13 Apr 2020 08:00:29 +0000

Светлана Цеца Ражнатовиќ е во вилата на Дедиње, каде деновите ги поминува во изолација. како голем верник фолк дивата пости за секој голем пост, па така и за Велигден. Цеца на Инстаграм покажа што јаде за време на постот додека е во карантин. Нејзината чинија содржи пита со печурки, како и многу здрав пијалок - свежо исцеден сок од домати. Од првиот ден по воведувањето вонредна состојба во Србија поради пандемија со коронавирусот, децата се разделија од пејачката, па Вељко и неговата бремена сопруга го напуштија Белград и отидоа кај нејзините во Тител, додека Анастасија во Нови Сад со своето момче. Сепак, Цеца не е осамена во вилата, каде друштво и прави сестра и Лидија, заедно со нејзините деца и сопруг.

Марјана Станојковска знае дека на допир, квалитетот се препознава: Нема „топчиња“ што не и лежат в рака! (ФОТО)

Антонио Димитриевски — Wed, 04 Sep 2019 08:00:14 +0000

Марјана Станојковскае позната како манекенка, модел, инфлуенсерка, ТВ водителка, лото девојка... Секогаш подготвена на предизвици, таа со Лила, Љупка Митрова, Лоба и можеби уште по некоја Македонка од јавниот живот, е најекспонираната кога се во прашање рекламите на разн-разни кампањи, брендови, производи... преку социјалните мрежи.

Марјана едноставно секој ден на Фејсбук и Инстаграм има да ви понуди нешто ново. Секако проследено со провокативни фотографии на русокосата убавица, која од костими за капење, козметика, безалкохолни пијалоци, ги изненади сите кога се фотографираше во пиљара со еден од најпознатите македонски земјоделски брендови в раце - црвен домат!

Очигледно мераклика на доматен сос за паста која тргна самата даги подготви, водителката најпрвин сврати самата и да си ги одбере патлиџаните! Можеби некому му изгледа необично, ама ништо нека не ве чуди, зашто кој тоа има поголемо искуство од македонската лото девојка со држење на топчиња в рака?

Добро овие не се добитни по џебот, ама сепак се добитна комбинација по здравјето. Зашто летно време овошјето и зеленчукот се најздравото нешто што можете да си го приуштите, се разбира за не така скапи цени. Останува само изборот...

А кога е изборот во прашање, Марјана е експерт за вистински избор. Зашто нема топчиња што не и лежат в рака... Па макар тоа биле и свежи домати! Впрочем, лото девојката добро знае дека не само на око, туку најмногу на допир квалитетот се препознава!

Полнети домати со ориз (посно)

Христина Ѓоргиевска — Tue, 16 Jul 2019 13:15:18 +0000

Ова јадење може да се служи како индивидуално јадење особено за време на пости или во комбинација со месо. Лесно е да се подготви и супер вкусно, исто така може да се употребат пиперки за полнење, но да знаете дека на пиперките им треба повеќе време за печење отколку на доматите. Мојата омилена комбинација е со ќофтиња. Подготовка Прво сварете го оризот. Исечете ги врвовите на секој домат. Извадете ја пулпата, оставајќи околу 1 см дебелина на ѕидот на доматот. Исечкајте ја пулпата и оставете ја на страна. Посипете сол на внатрешноста на доматите. Во тавче, запржете го исецканиот кромид во малку масло додека не омекне. Додадете ја сечканата доматна пулпа и варете додека поголемиот дел од течноста не испари. Тргнете го тавчето од оган, додадете варен ориз, магдонос, лук и додајте повеќе сол и зачини доколку сакате. Наполнете ги доматите со оваа мешавина, додајте малку масло и покријте ги со врвовите на доматите што претходно сте ги отсекле. Ставете ги во намастен сад и печете ги непокриени на 200 Ц околу 20 минути или додека да се запечат малку. извор: готви.мк

Рецепт на денот: Печени домати со спанаќ и сирење

Моника Манасиевска — Fri, 12 Oct 2018 13:00:24 +0000

Одлична идеја за вечера!

Потребни состојки:

1 килограм домати
200 грама спанаќ
400 грама сирење
40 грама лебни трошки
60 милилитри маслиново масло
1/2 чешне лук
Сол

Начин на подготовка:

Измијте го спанаќот и исечкајте го на ситни парчиња. Истото направете го и со половината чешне лук. Ставете ги во голем сад сите состојки освен доматите и добро измешајте. Потоа олупете ги доматите и со лажица извадете ја средината. Наполнете ги со сосот, наредете ги во тава за печење, посипете со малку маслиново масло и печете 10-тина минути на 190 степени. Добар апетит.