домашна – Вистина.мк

Природна нега за лицето: евтина маска од банана и неколку други состојки ќе ја измазнат и направат вашата кожа мека

Слободанка Илиева — Thu, 15 Feb 2024 13:20:18 +0000

Нема потреба да потрошите многу пари за препарати против брчки. Сé што ви треба за да направите одлична маска за затегнување на кожата, вероjатно веќе имате дома. Потребно е половина зрела банана, 3 лажичиња јогурт и 1 лажиче мед. Изгмечете ја бананата што поситно и помешајте ја со мед и јогурт. Нанесете ја маската на лицето и оставете ја да стои меѓу 15 и 20 минути дури потполно не се осуши. После тоа измијте го лицето прво со топла, а потоа со студена вода. Зошто е оваа маска толку добра? Бананите се богати со хранливи материи што се многу корисни за кожата. Најновите истражувања покажаа дека бананите се одлично средство во борбата против брчките. Млечната киселина во јогуртот ќе направи пилинг, а медот ќе и ја даде потребната хидратација на вашата кожа. Оваа маска одговара на сите типови кожа, а може да ја користите секојдневно, сé додека не приметите подобрување на кожата на лицето. Имајте на ум дека резултатите нема да бидат видливи за ден, или два – тоа е природна маска и нејзиниот ефект обично е поспор од козметичките производи. Првите резултати на оваа маска ќе ги приметите после три недели на редовна употреба. Ќе бидете изненадени. извор:попара.мк

Направете си домашни маски за сува коса

Слободанка Илиева — Fri, 02 Feb 2024 13:05:36 +0000

Сувата, оштетената и фарбаната коса бара посебна нега, па ако купените производи не ви делуваат доволно хранливо, секогаш можете да се одлучите за некои домашно подготвени маски. Овие маски се прават од состојки кои вообичаено ги имаме дома, не бараат многу работа, а жените ширум светот потврдуваат дека одлично функционираат. Маска од путер Едноставен производ за кој ви е потребна само една состојка – путер. Масленоста која ја содржи овој млечен производ, ќе направи вашата коса да изгледа поздраво, посјајно и поцврсто. Нанесете мала количина путер по целата должина на косата, покријте ја со капа за туширање или со пластична фолија и оставете ја да отстои најмалку половина час. Потоа, косата измијте ја и ставете го омилениот регенератор, па исплакнете ја. Маслиново масло За хидратација на косата, маслиновото масло е веројатно една од најдобрите состојки. Затоа и во многу маски и шампони кои ги купувате често е дел од состојките, иако е во мала количина. Ако сакате дополнително да се погрижите за косата, само загрејте маслиново масло, но не дозволувајте да ви зоврие. Топлото масло ставете го на коса, покријте го со фолија и оставете го да делува околу 45 минути, па измијте ја. Плакнење со чај Ако сакате оштетената коса повторно да го има стариот сјај, измијте ја со чај. По миењето на косата едноставно прелијте ја со свежо сварен и изладен чај. Но, имајте предвид дека чајот може да влијае на бојата на коса, па за русокосите најдобар би бил чајот од камилица, а за бринетите, црниот чај. Маска со јаболков оцет Вратете ѝ го животот на сувата и испукана коса со едноставен домашен лек. Помешајте една лажичка јаболков оцет, две лажички маслиново масло и три белки. Сето тоа изматете го добро, па смесата нанесете ја на косата. Потоа покријте ја со пластична фолија, па измијте ја по еден час. Шампон – омлет Овој интересен рецепт можеби не звучи примамливо, но оние кои го пробале кажуваат дека е одличен . Измешајте малку шампон со едно јајце, па мешавината нанесете ја на мокра коса и истријте ја. Оставете ја да отстои пет минути, па измијте ја. Ова е одличен протеински третман за оштетената коса. Поинакво хранливо масло Маслиновото масло е одлично, но не мора да се плашите да експериментирате и со другите масла. Некому можеби нема да му одговараат најдобро, но секако не можат да ви наштетат. Во продавниците за здрава храна може да пронајдете масло од јојоба, бадеми или кокос. Сите три масла важат за одлични лекови за оштетената коса. Пред нанесувањето на овие растителни масла, косата треба да биде благо навлажнета. Откако ќе го ставите маслото, покријте ја косата и оставете ја да делува околу 30 минути. Маска од авокадо Иако авокадото не е состојка која често се употребува дома, може лесно да ја најдете во некој од поголемите маркети. За оваа маска, која важи за една од најпопуларните во светот, потребно ви е само едно зрело авокадо. Едноставн, со виљушка или во блендер добро сомелете го, па нанесете го на косата. Исплакнете после 40 минути. извор:курир.мк

„Земјотрес“ во МКЦ по 12-ти пат: Фестивал на свежа, домашна и независна музика

Антонио Димитриевски — Wed, 24 Jan 2024 13:36:18 +0000

Се тресеме. Сите заедно. Се тресеме од студ, се тресеме од неизвесност…. се тресеме од извесност. Се тресеме од туѓите избори, од памет не вадат нашите избори. Се тресеме 12 години со нашиот „Земјотрес“, се тресеме елегантно, ма прекрасно се тресеме. Скопје е трусно подрачје, совршена сцена за урбана зомби апокалипса во континуитет. Па се тресеме во континуитет. Се тресеме во ритмот на музиката, кожи наежени, младост подготвена да експлодира низ конзервата на ебеното примитивно општество. Се тресеме од општеството, а би сакал ние да го треснеме посред глупата му фаца.

Земјотресно Скопје. Дојдете да се тресеме заедно по 12-ти пат во МКЦ, а и МКЦ се тресе. Ладно му е. Додете да го гушнеме. Дојдете да се видиме, прегрнеме.

Настапуваат: Ади Имери трио, Андреја Салпе, ATA, Damage Control, Добрила и Дориан дуо, Donplaya, Gargara, Искра, Кенопсија, Културно Уметнички Работници, Lincoln Letter, Luke Levin, MC Kain, Meggy, Мирко Попов, Новиот почеток, ОВЦ Колектив, Tengri, The Ooz, Trendkill, Visionary...

„Зeмјотрес“ e nајголем фестивал на свежа, домашна и независна музика

Сабота, 3-ти февруари 2023, почеток: 19:00, крај: 04:00

Локација: Младински Културен Центар Влезници во претпродажба на bileti.mkc.mk + билетара на МКЦ

Зошто домашната пица не ви излегува како купечката?

Слободанка Илиева — Thu, 17 Mar 2022 13:40:14 +0000

Сигурно сте забележале дека пицата што ја правите дома не е толку вкусна како онаа што ја нарачувате. Постојат неколку чекори за подготовка што треба да ги промените ако сакате пицата да биде повкусна. Секако, ќе биде потребно малку вежбање додека не научите да правите совршена пица. Ова се најчестите грешки кои ѝ го расипуваат вкусот: Користете сукало наместо да го месите тестото со раце Многу пица пајстори сметаат дека никогаш не треба да корисите сукало. Тестото за пица треба да го подготвувате исклучиво со раце, бидејќи во спротивно смесата ќе биде премногу мека. Купувате неквалитетен кашкавал Се разбира, сè зависи од она што преферирате, но внимателно размислете пред да купите. Ренданиот кашкавал од вреќичка генерално не се со добар квалитет. Моцарелата ќе ѝ даде на пицата совршен вкус. Не ги подготвувате сите намирници пред печењето Сите додатоци кои сакате да ги ставите во пицата, подгответе ги пред да го замесите тестото. Ако одолговлекувате, тестото ќе се залепи за површината. Ставате премногу додатоци Никогаш не ставајте премногу додатоци, бидејќи пицата нема правилно да се испече. Користете најмногу три додатоци (не сметајќи го сирењето). Секогаш користете го истиот сос Повеќето луѓе воглавно користат само сос од домати. Пробајте нешто различно, на пример песто или сос од лук. Секако, секогаш можете да подготвите домашен сос од состојките кои ги преферирате. Ја отворате рерната за да проверите како напредува печењето Ова не треба да го правите, бидејќи нема правилно да се испече. Најдобро е да поставите тајмер. Нема да мора постојано да се враќате да проверувате, а пицата ќе биде повкусна. извор:точка.ком.мк

Направете домашна коцка за супа – неспоредливо е подобра и поздрава

Слободанка Илиева — Wed, 18 Nov 2020 14:40:08 +0000

Коцката за супа е прилично едноставна за правење, а вкусот може да се прилагоди според вашите желби – малку повеќе зеленчук, помалку сол... Во продолжение ви претставуваме рецепт за домашна коцка за супа по ваш вкус! Потребни состојки: - 1 помал компир - 1 поголем морков - 1 помала тиквичка - 1 помала главица кромид - половина врзоп магдонос - 100 гр. сол - 1 лажица масло Начин на подготовка: Сите состојки ситно исечкајте ги и ставете ги во тефлонско тавче во кое нема да се залепат за дното. Ставете малку вода и продинстајте сè додека не испари сета течност што ќе ја испушти зеленчукот. Додајте сол и масло и продолжете да мешате уште неколку минути. Сомелете ги сите состојки и вратете ги во тавче за да се исушат малку. Кога ќе добиете смеса густа како тесто, тргнете го тавчето од оган и распоредете ја смесата на хартија за печење. Од неа направете правоаголник со дебелина од 1 центиметар и замрзнете го 12 часа. Потоа, исечкајте ја смесата на коцки. Секоја коцка завиткајте ја во хартија за печење и ставете ја во фрижидер – тоа е правилниот начин на нивно чување. Од оваа смеса се добиваат 9 коцки, а зеленчукот може да се измени по желба и вкус. извор:точка.ком.мк

Длабински ја хидрира и негува кожата, а се прави од само 3 состојки: Домашна маска за лице која мора да ја испробате

Слободанка Илиева — Tue, 10 Nov 2020 14:00:53 +0000

Кинезинките и Јапонките можат да се пофалат со совршен тен и лице без ниту една брчка. Тие редовно ја негуваат својата кожа со оваа маска, во која главна состојка е оризот. Оризот е богат со витамини од групата Б кои го стимулираат обновувањето и растот на клетките, го подобруваат и забрзуваат протокот на крв во кожата на лицето и го забавуваат стареењето на клетките. Тие го враќаат сјајот на кожата и ја прават нежна и исклучително мека. Потребни состојки: - 3 лажици ориз - 1 лажица млеко - 1 лажица мед Подготовка: Потопете 3 лажици ориз во ладна вода и ставете го во сад на оган да зоврие. Додека оризот се вари, во друг сад измешајте една лажица млеко и една лажица мед. Кога ќе процените дека оризот е сварен, тргнете го од огнот и процедете го, а потоа испасирајте. Испасирајте го оризот со лажица бидејќи така е полесен за нанесување на лицето. Во него додајте ги останатите состојки и убаво измешајте. На чиста кожа, со прсти нанесете ја маската. Оставете да делува околу половина час, а потоа отстранете ја со пешкир натопен со млака вода. извор:точка.ком.мк