домашен миленик – Вистина.мк

На Валентин Николовски постојано некој „му дише во врат“: Уредникот и водител на дневникот на ТВ Сител има „проблем што сака да го има“ (ФОТО)

Антонио Димитриевски — Thu, 10 Nov 2022 12:15:29 +0000

Валентин Николовски, новинар, водител и уредник на ТВ дневникот на ТВ Сител е ТВ лице кое сите добро го познаваат. И од ТВ екраните, а многумина и приватно, зашто Тино, како што сите го викаат е „душа од човек“. Постојано расположен и кога не и подготвен за дружба. Спонтан, комуникативен, речиси секогаш расположен, неретко хуморен и забавен, Тино е и другар и колега каков што секој би посакал. Можеби затоа ТВ водителот има и проблем, кој до душа, е проблем што Тино сака да го има... А проблемот е во тоа што на Валентин Николовски постојано некој „му дише во врат“! Нееее... ако некој помисли дека тоа е главниот уредник на телевизијата, уредникот на Информативната редакција или не дај Боже, газдата на ТВ Сител, дебело сте се излажале. Добро, можеби понекогаш има вистина во нешто и од ова, но оној кој постојано „му дише во врат“ не е лик од телевизијата. Иако, телевизија не да сака, туку обожава да гледа. Ама не и сам... Имено, Валентин Николовски дома има преубав мал пес. Домашен миленик без кого денот не може да се замисли, а Бога ми и вечерта. Без него и да сака не може да гледа филм. Особено не сам, иако само „поедини филмски жанрови“ се за гледање сам, ама нејсе... Тино секогаш има придружба за домашно кино! И не е само тоа... Новинарот и водител на вестите на ТВ Сител кучето го чини повеќе од себе си, зашто за да се биде подготвен за зима покај крзното треба и кучешка гардероба да се има. Шишањето и разубавувањето заедно со храната е програма плус. Или во превод - екстра трошок, ама ако...! На сето тоа, уште секоја вечер на Валентин Николовски неговото куче „му дише во врат“. Човекот и јавно се пожали, а на многумина им се дожали што кутриот Тино не само што не може сам да гледа филм, туку не може ни „да влезе во филмот“ кога светлата ќе се угаснат... Зашто неговиот најверен четвороножен „пријател до гроба“ „му дише во врат“ и во спалната соба! Што значи дека Валентин Николовски дефинитивно има проблем... Само што ова е „проблем“ што навистина „сака да го има“! Фото: Фејсбук принтскрин/Valentin Tino Nikoloski

Радост во домот на Јована Пајиќ: Пристигна нов член во нивното семејство -„Среќна сум јас, среќни се децата“ (фото)

Слаѓана Атанасова — Fri, 21 Oct 2022 07:36:37 +0000

Пејачката Јована Пајиќ, откако стави крај на бракот со пејачот Сале Тропико, живее со ќерките Хелена и Џина на кои им е целосно посветена, а јавноста засега не знае дека Јована влегла во нова романса. И покрај сите обврски, Јована и нејзините ќерки решиле да посвојат мачка која набрзо станала најмладиот член во семејството. Според објавите на социјалната мрежа Инстаграм, може да се заклучи дека миленикот донесе многу радост, како и дека Хелена и Џина се воодушевени од нивниот нов пријател. - Брзата реакција и среќата може да започне! Го поздравуваме Рале „the raccoon!“ Кога вашето срце ќе заигра од фотографија, нема многуразмислување. Се јавуваш и велиш: „Ќе го земам!“ Малку е потребно за среќа - децата се среќни, јас сум среќна, а едно мало суштество доби дом и семејство. Ги има толку многу што можеме да ги посвоиме, веќе постојат, тука се но немаат каде да одат. „Гушнете“ еден од улицата и збогатете го животот со неизмерна љубов! – напиша Јована на својот Инстаграм профил.

View this post on Instagram

A post shared by Jovana Pajic (@jovana___pajic)

Агнеса Органџиева има „змиски бакнеж“… за тие што нема да ја слушаат! (ФОТО)

Антонио Димитриевски — Thu, 17 Mar 2022 09:32:39 +0000

По сите скандали што ја следеа, „семејната сапуница со разводот“ од нејзиниот бивши сопруг и наводната тепачка со колешката на работа, Агнеса Органџиева меѓудругото не е само скандал дама, туку таа важи за една од најпознатите инфлуенсерки на Инстаграм, каде нејзиниот профил има повеќе од 50.000 следбеници на оваа социјална мрежа. На професионален план таа е дипломиран правник, додека приватно во моментот е „жена без обврски“, но и мајка на две ќерки - поголемата Вивиен и помалата Тифани која неодамна го прослави својот 10-ти роденден. Фотографиите и видеата од роденденската забава ги сподели на својот Инстаграм профил, а дел од македонските портали открија како изгледала прославата,. Покрај вообичаениот амбиент, со слатки, торта, балони, конфети... пристуните ги анимирал познатиот Војо Иванов со своите несекојдневни „домашни“ миленици. Токму некои од роденденските фотографии, а и оние малку пред тоа објавени на нејзиниот Инстаграм профил ја откриваат „другата страна“ на русокосата убавица. За некои бизарна, за некои страшна и одвратна, за трети лигава, за неа сосема нормална работа, за „домашен миленик“ да се чува голема змија. Имено некои чуваат кучиња, мачиња, папгали... а Агнеса дома чува кралски питон. Жива змија која не е до душа отровница, ама сепак е змија. Агнеса очигледно не само што не се плаши туку чувањето на нејзиниот „ползечки“ миленик, како што еднаш самата ќе изјави за еден од македонските портали, е возбудливо! До душа, во што лежи возбудата, дали во предизвикот постојано да треба да ја имаш на око и кога не ти е, а и кога ти е в раце, дали заради нејзиниот облик, форма, величина и еротска симболика, или можеби заради чувството на моќ да се поседува миленик од кој речиси сите се плашат и не им е баш мил - русокосата трендсетерка не објасни! Со нејзиниот „змиски бакнеж“ со албино питонот на роденденската забава само ја потврди тезата дека Агнеса не случајно избрала да биде „блиска“ со змијата! Она што можеби ја објаснува природата на желбата на Агнеса змијата да и биде „најдобра дугарка“ или „домашна цимерка“ е можеби еден нејзин не така дамнешен пост, споделен на нејзините Инстаграм приказни! Само шеговита или можеби сериозна „скриена“ порака, упатена до оние кои во неа ќе се препознаат... Или веќе ја искусиле силата и моќта на „змискиот бакнеж“ на русокосата! Иако некој ќе рече дека... За секоја „змија“, секогаш ќе се најде некој... „мунгос“! Фото: Инстаграм принтскрин/agnesaorgandzieva