домаќин – Вистина.мк

Малме ќе биде домаќин на 68-от Избор за песна на Евровизија во Шведска

Антонио Димитриевски — Wed, 12 Jul 2023 12:49:48 +0000

На 68-та Евровизија, која годинава се одржа во мај во Велика Британија, победи Шведска, а нејзин претставник беше пејачката Лорен со песната „Тетоважа“. И денеска, по долго размислување, на официјалната веб-страница на Евровизија беше објавен датумот на настанот, како и градот кој ќе биде домаќин на следниот, 68. Избор за песна на Евровизија. Официјалните лица денеска соопштија дека финалето ќе се одржи на 11-ти мај во Малме, а датумите на првото и второто полуфинале се 7-ми и 9-ти мај. Ова ќе биде трет пат Малме да биде домаќин на Евровизија, по 1992 и 2013 година, а вкупно 7-ми пат големото музичко натпреварување да се одржува во Шведска. Ова, исто така, ќе биде прв пат во историјата на натпреварот Евровизија да не биде домаќин на главниот град пет последователни години. „Фала боже, повторно не е досаден Стокхолм. Одличен избор“, напиша еден од обожавателите. Третиот по големина град во Шведска со 350.000 жители беше избран за град-домаќин по ригорозен процес кој ги испитуваше капацитетите на местото на одржување, способноста да се сместат илјадници делегации во посета, екипажи, навивачи и новинари.

Со шеснаесеткаркото македонско знаме в раце, накитен со бакшиш како невеста, српскиот пејач во Македонија седна на „посна“ гозба: После пеење и свирење, Џани мезеше патлиџани, пиперки и сирење (ВИДЕО)

Антонио Димитриевски — Thu, 29 Jun 2023 08:52:29 +0000

Српската фолк ѕвезда, Џани, кој важи за неприскосновен крал на бакшишот, зашто покрај редовниот хонорар на своите тезги, пејачот заработува енормно големи суми бакшиш, беше во Македонија. Џани пеел на една приватна веселба, а потоа и имал свој концертен настап во еден локал. Патем, пејачот му беше специјален гостин на еден познат македонски бизнисмен, кој за цело време од пречекот до испраќањето беше негов добар домаќин. Џани и овој пат не остана покус за заработката, за што сведочат и фотографиите каде пејачот како по обичај го накитија со богат бакшиш како невеста. Овој пак не остана должен и со песната, ама и со патриотсата постапка, откако го зема македонското знаеме в раце и тоа она вистинското со 16 кракото сонце од Кутлеш, направи вистински џумбуш. Џани е мајстор за создавање добра атмосфера, па веселбата била навистина на ниво. Концерниот настап подоцна ништо помалку добар и атрактивен, што ја воодушевило публиката... И онаа пред и онаа зад сцената. Откако се завршило познатиот скопски бизнисмен како што е редот сакал како добар домаќин до крај да се покаже и богато да го нагости пејачот водејќи го во еден елитен угостителски локал за да му понуди врвни македонски специјалитети од месо. Арно ама,иако кафеаната нуди „од пиле млеко“ а персоналот тоа умее да го сервира како за изложба, на општо изненадување, српскиот пејач се определил строго за „посна гозба“. Имено, после сето пеење и свирење, Џани побарал да мези само патлиџани, пиперки и домашно сирење! Се разбира со тоа секако оди и стара жолта, ама само ако останете “на по една“... До две-три, најмногу! Пивцето е колку само да ја „убие лутината“ од пиперката! До душа, некои од македонски колеги на пејачот се пошегуваа на негова сметка во стилот: „Од толкав ќар, да јадеш само Јабучар...?!“ Веројатно не знаејќи дека „скромниот“ Џани можел да замези и вечера што му душа посака, зашто сметката ја плаќа... друго чедо! И тоа сто отсто, со особено задоволство! Фото: Приватна архива

Ништо неорганско: Тони Цетински се пофали со неговата градина и покажа корпа полна овошје (фото)

Слаѓана Атанасова — Thu, 05 Jan 2023 09:51:25 +0000

Тони Цетински веќе подолго време има право да се пофали со сопствените производи, поточно со овошјето и зеленчукот што самиот ги одгледува. Неодамна објави дека направил цел овоштарник во родниот град Ровињ, а сега е време да ги собере плодовите од неговиот труд. Тони на својот Инстаграм профил покажа како му родиле портокалите и лимоните, па се пофали со корпа полна со овошје. Па, неговите следбениците му честитаа бидејќи е одличен домаќин.

View this post on Instagram

A post shared by Tony Cetinski⭐️𝕠𝕗𝕗𝕚𝕔𝕚𝕒𝕝 (@tonicetinski)

Фото: Принтскрин/Инстаграм/Тони Цетински/Приватна Архива

МКЦ за првпат е домаќин на „Лајвјуроп“ фестивал

Антонио Димитриевски — Thu, 24 Nov 2022 12:31:02 +0000

Во Младинскиот културен центар (МКЦ) во Скопје првпат ќе се одржи Фестивалот „Лајвјуроп“ откако МКЦ стана полноправна членка на реномираната мрежа на концертни сали во Европа.

„Лајвјуроп“ е мрежа на легендарни концертни сали меѓу кои и Melkweg (Амстердам), Vega (Копенхаген), Ancienne Belgique (Брисел) и други дваесетина препознатливи и популарни сали, кои се од огромна важност за функционирањето на европската музичка индустрија, информираат од МКЦ.

Оттаму велат дека од регионалните концертни сали, кои ја имаат таа привилегија да се дел од оваа позната асоцијација беше единствено културниот центар „Кино Шишка“ од Љубљана, а сега веќе заедно со МКЦ и „Мочвара“ од Загреб. „Лајвјуроп“ фестивалот се одржува во рамки на ПИН музичката конференција и “шоукејс“, која своето деветто издание традиционално ќе го одржи од 24 до 26- ноември во МКЦ. Во рамките на ПИН се најавени 250 гости, односно најрелевантните имиња во музичката индустрија (букери, промотери, новинари, агенти) и на најактуелните музички таленти од Европа, регионот и од кај нас. Во текот на овие три фестивалски дена, сите посетители ќе имаат шанса да ја проследат дневната панел програма во Кино Фросина, каде ќе се дискутира на топ теми во индустријата, трендови поврзани со музичката сцена, продукцијата, културата и сите влијанија на истата.

Ливерпул ќе биде домаќин на „Евровизија 2023“

Антонио Димитриевски — Thu, 13 Oct 2022 12:54:35 +0000

По многуте шпекулации кој град во Обединетото Кралство би ја добил честа да биде домаќин на натпреварот во име на Украина конечно им дојде крајот. Вечерва, за време на емисијата „The One Show“ на Би-Би-Си, Греам Нортон откри дека Ливерпул ќе биде град домаќин на 67. Избор за песна на Евровизија! Објавен е и датумот – Големото финале ќе биде на 13 мај 2023 година! Ливерпул има население од 579.000 во градот а 2,24 милиони во целата област. Како потенцијална локација се смета M&S Bank Arena со капацитет за концертни седишта од 13.781. Познатиот дом на „Битлси“, музичката сцена на Ливерпул датира многу децении наназад, поради што го доби прекарот „Главниот град на попот“. Во 2008 година, Ливерпул беше европски град на културата, помагајќи да се трансформира неговиот имиџ, кој беше нарушен поради постиндустрискиот пад што се случи во последните децении на 20 век. Градот има хотелски простор за домаќин на натпреварот, а аеродромот има многу летови на Ryanair и easyJet од цела Европа за транспорт на повеќето фанови на натпреварот. M&S Bank Arena претходно беше домаќин на MTV Europe Music Awards во 2008 година.

Се покажа како добар домаќин: Oвој македонски пејач ја пречека Јелена Карлеуша пред настапот во Охрид (фото)

Христина Ѓоргиевска — Mon, 05 Jul 2021 07:19:06 +0000

Попуштија корона мерките, а естрадните уметници по речиси една ипол година пауза се вратија на своите настапи. Во Македонија само што се тргна забраната за концерти, српските естрадни уметници како само да чекаа да дојдат и да пеат пред македонската публика. Па така по Јелена Томашевиќ, Рејла, сега дојде и ред на познатата дива Јелена Карлеуша. Имено, српската ѕвезда викендов имаше настап во Охрид. Прво пејачката во кусите приказни на Инстаграм се пофали како лети кон Охрид објавувајќи фотографии во авионот. Кога пристигна на аеродромот во Охрид веднаш позирапе во Версаче фустан.

View this post on Instagram

A post shared by JELENA KARLEUŠA (@karleusastar)

Maкедонскиот пејач и учесник во „Ѕвездите на Гранд“, охриѓанецот Александар Јосифовски како добар домаќин ја пречека фолк дивата, а и подари цвеќе и вино. Тој заедничката фотографија ја објави на социјалните мрежи, а сигурни сме дека се покажал како добар водич и домаќин. Подоцна, тој сподели дел и од атмосферата од концертот, па сигурно Јелена уште повеќе ја вжештила летната атмосфера на македонскиот туристички бисер.

View this post on Instagram

A post shared by Aleksandar Josifovski (@alexandarjosifovski)

Инаку, Карлеуша често му давапе комплименти на Јосифовски во „Ѕвездите на Гранд“ истакнувајќи дека тој е најдобар рок изведувач на сцената на Гранд. Јосифовски не успеа да се пласира во финалето на музичкото шоу, но остави силен впечаток кај жирито, поседно кај неговиот ментор Ѓорѓе Давид.

До неодамна го криеше од јавноста, а сега Елена Стефановска јавно му поласка на момчето (фото)

Христина Ѓоргиевска — Fri, 25 Oct 2019 07:36:31 +0000

Елена Стефановска, водителката на „Живот со стил“ имаме прилика да ја гледаме да ја води горенаведената емисија. Пред рефлекторите и камерите, водителката професионално си ја завршува работата, а зад камерите речиси и не го покажува својот приватен живот. И приватно таа си живее живот насловен како нејзината емисија „Живот со стил“, па кога ќе погледнете малку низ нејзиниот профил на „Инстаграм“ може да видите фотографии од патувања по разни дестинации, фотографии каде рекламира одредени брендови и сл. И на фотографиите каде што некаде патува, до неодамна се наметнуваше прашањето, дали патува сама или друштво и прави некој друг. Но, како и да е, водителката неодамана стави крај на дилемата дали е „сингл“ или не, па со неколку романтични фотографии го покажа момчето. https://arhiva.vistina.com.mk/radio-mileva/elena-stefanovska-voditelkata-na-zivot-so-stil-so-galerija-romantichni-fotografii-za-prvpat-go-pokaza-momcheto-foto/ Имено, Стефановска е во врска со Бојан Најдоски, па оттогаш водителката не е многу резервирана за својот приватен живот. Иако до неодамна го криеше од јавност и не сакаше многу да го покажува, сега водителката му поласка на својот партнер. Стефановска на својот „Инстаграм“ објави фотографија од момчето како пазаруваат во еден маркет, односно тој ги бира намирниците, а во описот на фотографијата напиша: „Домаќин човек“. Како се покажал Бојан во кујната не знаеме, но едно е сигурно, љубовта и цвета на водителката.

Магистерот се покажа како домаќинско дете: Ем пејам, ем пеглам! (фото)

Христина Ѓоргиевска — Wed, 12 Sep 2018 06:53:59 +0000

Кога станува збор за домашните обврски како што се чистење, готвење, пеглање најчесто им се препишуваат на жените, односно домаќанките. Но, ги има и оние мажи кои знаат да ги „засукат ракавите“ и да се покажат како добри домаќини. Меѓу нив може да се вброи и македонскиот пејач Ѓоко Таневски кој се подготвуваше за настап. За таа прилика, Ѓоко ја зема пеглата во раце и си испегла кошула, а на социјалните мрежи се појави и фотографија од неговата акција.

Ѓоко се пофали каков домаќин е и дека знае сам да се подготви кога станува збор за некоја музичка тезга. Од друга страна, Таневски деновиве стана магистер на Универзитетот за туризам, а за своето ново „звање“ се пофали и на својот Фесјбук.

фото: принтскрин