дом на арм – Вистина.мк

На 5-ти март во Домот на АРМ: 24-то издание на „Роса фолк фест“

Антонио Димитриевски — Mon, 26 Feb 2024 13:25:08 +0000

Радио Роса и продукција Роса, кои се организатори на овој традиционален настан, го најавуваат 24-то издание на познатиот музички фолк фестивал „Роса фест“ кое и годинава е ревијално. Фестивалот ќе се одржи на 5-ти март во Домот на АРМ. А како и секое фестивалско издание, така и на ова, ќе бидат доделени награди за животно дело. Овој пат, оваа награда ќе им припадне на Тодор Трајчевски (постхумно), познатата пејачка Цветанка Ласкова и на текстописецот Орце Зафировски. Оваа година интересно е што освен ова мартовско фестивалско издание, организаторите го најавуваат и редовното ноемвриско издание на „Роса фест“. Практично, два фестивали во една година. На 5-ти март на сцената на Домот на АРМ на „Роса фест“ че настапи познатата македонска музичка елита без која ниту едно фестивалско издание не може, меѓу нив ќе ги споменеме: Благица Павловска, „Биоритам“, Дамјан Стојановски, Анета Љумаковска, Ибуш Ибраимовски, групата „Фортуна“, Стојне Николова, Сузана Гавазова, Даце Николовски, Благооја Груевски… и многу други. А традиционално и овој пат водителка на фестивалот ќе биде шармантната Ирена Спировска.

Концерт на „Васил Хаџиманов бенд“ во Дом на АРМ

Антонио Димитриевски — Mon, 04 Nov 2019 13:23:11 +0000

На 05. декември во Домот на АРМ концерт ќе одржи џез составот „Васил Хаџиманов бенд“ од Белград. Во бендот на џез пијанистот со македонско потекло, син на познатиот македонски пејач и актер Зафир Хаџиманов и пејачката Сенка Велетанлиќ, членуваат: Васил Хаџиманов - пијано, Бојан Ивковиќ- перкусии, вокал, Бранко Тријиќ- гитара, Мирослав Товирац- бас гитара, Предраг Милутиновиќ- тапани. Бендот се оформува во 1995 година кога и за прв пат почнуваат да имаат настапи во живо. Во 2001 во соработка со PGP-RTS го издаваат своето прво ЦД и касета под наслов “11 reasons for…” . До денес имаат издадено седум авторски албуми; ”Kafanki”, “3-sega mu e majkata”, “Zivota mi”, “Can you dig it”, “Alive”, “Lines in sand”. Во нивната биографија гордо ја спомнуваат и соработката со познатиот режисер Горан Паскалевиќ и неговата филмска екипа, за изработка на документарен филм за Белград. Сите нивни изданија се прогласени за уметнички дела кои се од културно значење за Србија. Mузиката на Васил Хаџиманов се одликува со комбинирање на балкански традиционални фолк ритмови со модерни музички стилови, што ја прави потполно автентична и со единствен пристап во џезот. Затоа и секој нивен концерт е незаборавно искуство! Влезници он-лине и во Југотон ( Купи карти за се' ) ГТЦ -Скопје . https://www.vhband.com/

На 13 април: Српската хит-претстава „Индиго“ гостува во Скопје

Антонио Димитриевски — Mon, 08 Apr 2019 09:09:25 +0000

Српската хит- претставата „Индиго“ во режија на Бранислав Лечиќ и со текст на Душко Премовиќ, ќе гостува во Скопје, на 13 април од 19 часот во Домот на Арм. Главните улоги ги ги играат Бранислав Лечиќ и две дами, Даница Максимовиќ и Марија Вицковиќ. Драмата „Индиго“ е приказна за животот на една жена во модерното општество, нивните стравови, интереси, цели и амбиции. Две доминантни дами, Бела (Марија Вицковиќ) и Ана (Даница Максимовиќ), работат во иста канцеларија долг низ години не знаејќи една за друга апсолутно ништо. Нивните приватни животи се распаѓаат во целост. Изгубени се, осамени и исцрпени од работата.

Марија Вицковиќ и Бранислав Лечиќ ќе бидат двојка во претставата.

По многу расправии, навреди, подметнувања, лажни телефонски повици, се зближуваат и се поддржуваат една со друга, за да ги пребродат нивните проблеми. Во најубавите моменти се разделуваат. Бела останува сама, се додека не се појави маж (Бранислав Лечиќ) во нејзиниот живот, домар и екс-затвореник, кој ја вади од магичниот круг на секојдневието понудувајќи ѝ брак. Билетите можете да ги набавите на продажните места на mktickets и Југотон во ГТЦ.