додворување – Вистина.мк

Лепа Лукиќ го откри местото каде некогаш „воделе љубов“, па кажа што мисли за денешните девојки (фото)

Слаѓана Атанасова — Tue, 06 Dec 2022 10:25:03 +0000

Гостите на Сања Маринковиќ во „Магазин Ин“ говореа за додворувањето и денешните врски кои не можат долго да траат, па делеа совети како девојките треба да се однесуваат, а што не треба да прават. Вистинската жена секогаш мора да каже „Не“ барем неколку пати – рекла Алка Вуица. Додека пак кралицата на народната музика Лепа Лукиќ која е секогаш отворена и искрена има впечаток дека во ова време девојките најчесто велат „Да“ како од ракав. Божем не, а потоа веднаш попладне „Да“. - Во наше време тоа беше зад сламата, зад сеното, но за тоа никој не знаеше, сега се е на изволте, затоа и нема љубов - изјави Лепа Лукиќ. Фото:Принтскрин/Јутјуб

Севе му се додворува на Биковиќ?! Пејачката фрли око на српскиот заводник

Riste Zdravkov — Thu, 26 Aug 2021 08:54:05 +0000

Откако официјално стави крај на бракот со Игор Којиќ (34), Северина (49) ги извести медиумите за тоа и го врати своето моминско презиме Вучковиќ, а како што се вели, нејзините активности на социјалните мрежи покажаа дека тргнала во потрага по нов емотивен партнер. Очигледно, таа фрлила око и на младата актерска sвезда од Србија, Милош Биковиќ (33), кого го заследи на Instagram, каде што, како што се наведува, редовно му ги лајкнува, па дури и ги коментира објавите, што не треба да изненадува ако се земат предвид изјавата на извор близок до Северина, кој тврди дека во последно време е опседната со српскиот актер. Севе е фан на Милош Биковиќ и со големо внимание следи сѐ што тој прави. Како актер, ѝ се допадна во филмовите „Монтевидео, Бог те виде“, и целосно полуде по згодниот Мараш во продукцијата на „Јужен ветер“ – вели извор близок до пејачката. Она што е особено интересно е деталот што не го привлече вниманието на сите. За време на бракот со Игор, Северина го следеше само нејзиниот сопруг на Instagram, како што тој ја следеше само неа. Откако се разведе, листата на луѓе што ги следи на оваа социјална мрежа стана многу подолга. На денот кога го отследи поранешниот сопруг Игор по шест години, Северина, меѓу другите мажи, го заследи и Милош Биковиќ. – Љубовта помеѓу Северина и Игор беше силна и посебна, но имаа потреба да ја слават на специфичен начин. Еден од нив беше дека никогаш да не следат никого на Instagram, освен меѓусебно – објаснува изворот. Иако Биковиќ не е единствениот убав маж што го заследи, таа, како што тврдат блиски луѓе, повеќето од последните денови ги поминува на неговиот профил. Покрај тоа што му остава срце под речиси секоја фотографија, таа коментира и разни весели емотикони кои се стандард за комуникација на оваа социјална мрежа, а актерот редовно ѝ се заблагодарува за комплиментите.

Правила на додворување преку социјалните мрежи

Христина Ѓоргиевска — Wed, 29 Jan 2020 13:00:16 +0000

Отпрвин тоа беше возбудливо, подоцна засрамувачки, а денес неминовно – признаваме дека сите барем еднаш сме се обиделе да освоиме девојка преку социјалните мрежи, пишува машкиот магазин Men’s Health. Без оглед на тоа дали првиот пат сме ја забележале во тој виртуелен простор или сме ја запознале во диско, штом дојдеме дома ќе го пронајдеме нејзиниот профил и ќе ја додадеме за пријател. Скоро да не постои маж кој на овој начин не си ја пробал среќата. Меѓутоа, иако веќе долго време сме на социјалните мрежи и сите се чувствуваме како „кралеви“, постојат неколку работи кои можат за секунда да ја поматат тешко стекнатата слава и да ја уништат шансата со некоја девојка. Еве неколку правила кои не смеете никогаш да ги заборавите:

Употреба на смајли

Во сексуален контекст, емотиконите се логично глупави и досадни, детски. ? Значи, ако сакате да оставите впечаток на зрел маж со самодоверба никако не ја завршувајте апсолутно секоја порака со смајли. Еден обичен е во ред, но замислете ви дојде порака од типот Што правиш? ? Со кој? ? Не се шегувај со мене о_O едно по друго … инфантилно, нели? Подобра е опцијата да разговарате како возрасна личност. Ваков детски вид на комуникација покажува дека не умеете да ги вербализирате вашите замисли, а тоа не ѝ е привлечно на ниту една девојка.

Не е важен само изгледот

Едно истражување покажа дека привлечноста се заснова на моментален впечаток, што значи дека не бараме само некој што убаво изгледа туку личност со која имаме исти интересни. Кога гледаме некоја личност не ја гледаме само нејзината биологија и физичките атрибути, туку и начинот на облекување и активностите на потенцијалниот партнер. Значи, немојте само да се фотографирате во манекенски пози туку покажете и што книги читате, каде излегувате, што ве интересира.

Умереност

Ваквиот начин на запознавање дава безброј можности, а меѓу нив и тоа што многумина го користат, лагата. Многумина се претставуваат во погрешно светло, па секогаш и тоа треба да го имате на ум. извор: кајгана.ком.мк

Совети за сите оние кои го претпочитаат виртуелното додворување!

Ивана Стојанова — Sat, 17 Nov 2018 12:41:24 +0000

Времињата навистина се менуваат, колку и да не го сакаме тоа. Иако повеќето со одбивност гледаат на виртуелните и онлајн романси и додворувања, сепак тие стануваат се почест начин за остварување контакт и за флертување. Како што и во реалниот живот не може да се занемари првиот впечаток при запознавањето, така и во виртуелниот свет исходот многу зависи од тоа како ќе ја започнете комуникацијата. Една онлајн компанија за запознавање спровела анкета помеѓу илјадници корисници кои ги пронашле своите брачни сопружници на овој начин. Кога ќе влезете во профилот на девојката која ви се допаѓа, обрнете внимание на малите детали како филмовите што ги гледа и музиката што ја слуша. На овој начин ќе имате неколку различни теми со кои можете да започнете разговор. Кога ќе започнете разговор, секогаш почнувајте со тоа што ќе споменете нешто лично, како некоја серија или песна или пак пратете и линк поврзан со некоја од нејзините страсти и хобија. Овој пристап проаѓа затоа што покажува дека сте посветиле време на истражување на нејзиниот профил и дека сте ја избрале баш неа за да и го посветите своето внимание, а тоа секогаш е добро и за егото и убаво е човек да се почувствува малку поласкано. Од друга страна, анкетите покажале дека доколку сакате успех, треба да избегнувате да започнувате муабет со „Еј, што има?“. Исто така одбегнувајте комплименти кои се поврзани со изгледот, затоа што се непожелни и не делуваат искрено. Таквиот пристап се покажал успешен само кај 9% од испитаниците.

Како се додворуваат срамежливите мажи?

Кристина Петрушевска — Mon, 11 Jun 2018 13:02:39 +0000

Срамежливите мажи делуваат помистериозно, па затоа често девојките не знаат дали имаат шанси кај нив. Денес откриваме како да ги препознаете знаците на флерт. Гласните мажи немаат проблем со додворувањето, а кога го прават тоа, девојката која им е предмет на интерес е свесна за тоа што се случува. Посрамежливите се малку помистериозни, па потешко е да ги откриете знаците. Ако ви се допаѓа срамежлив дечко, ова се знаците дека му се допаѓате: Ве слуша Ќе учествува во разговорот во кој вие учествувате, но пасивно. Ако го фатите како внимателно слуша што зборите или дека клима со главата кога се сложува со вас, сосема е возможно дека едноставно нема храброст да ви покаже дека е заинтересиран. Поставете му некое прашање – ако се збуни, значи дека дефинитивно размислува за вас. Ќе го користи мобилниот Во живо не разменувате повеќе од две реченици, но сосема е друго преку мобилен телефон. Ако е многу поотворен преку мобилниот, а во четири очи делува збунето, тоа значи дека постои нешто што го кочи и дека не знае како да ви пристапи. Наједноставен начин за да преминете преку тоа е едноставно во разговорот да вметнете некои од темите за кои сте зборувале преку пораки. Ќе се смее Кога ќе кажете нешто што не е толку смешно, а тој се гази од смеење, треба да знаете дека дефинитивно има нешто. Едноставно не може да ја сокрие својата воодушевеност со вас, па преку смеењето ви дава до знаење дека ве забележал. Ве следи на социјалните мрежи Иако можеби едвај ве поздравува кога ќе се сретнете, неговиот начин на комуницирање на Фејсбук или другите социјални мрежи многу говори за реалната ситуација. Ако често ви коментира на статусите, ви ги лајкува сликите или се обидува да воспостави комуникација, тоа значи дека едноставно нема храброст да ви пријде во реалниот свет.

Како се додворуваат срамежливите машки?

Ивана Стојанова — Wed, 30 May 2018 12:47:45 +0000

Срамежливите мажи делуваат помистериозно, па затоа често девојките не знаат дали имаат шанси кај нив. Денес откриваме како да ги препознаете знаците на флерт. Гласните мажи немаат проблем со додворувањето, а кога го прават тоа, девојката која им е предмет на интерес е свесна за тоа што се случува. Посрамежливите се малку помистериозни, па потешко е да ги откриете знаците. Ако ви се допаѓа срамежлив дечко, ова се знаците дека му се допаѓате: Ве слуша Ќе учествува во разговорот во кој вие учествувате, но пасивно. Ако го фатите како внимателно слуша што зборите или дека клима со главата кога се сложува со вас, сосема е возможно дека едноставно нема храброст да ви покаже дека е заинтересиран. Поставете му некое прашање – ако се збуни, значи дека дефинитивно размислува за вас. Ќе го користи мобилниот Во живо не разменувате повеќе од две реченици, но сосема е друго преку мобилен телефон. Ако е многу поотворен преку мобилниот, а во четири очи делува збунето, тоа значи дека постои нешто што го кочи и дека не знае како да ви пристапи. Наједноставен начин за да преминете преку тоа е едноставно во разговорот да вметнете некои од темите за кои сте зборувале преку пораки. Ќе се смее Кога ќе кажете нешто што не е толку смешно, а тој се гази од смеење, треба да знаете дека дефинитивно има нешто. Едноставно не може да ја сокрие својата воодушевеност со вас, па преку смеењето ви дава до знаење дека ве забележал. Ве следи на социјалните мрежи Иако можеби едвај ве поздравува кога ќе се сретнете, неговиот начин на комуницирање на Фејсбук или другите социјални мрежи многу говори за реалната ситуација. Ако често ви коментира на статусите, ви ги лајкува сликите или се обидува да воспостави комуникација, тоа значи дека едноставно нема храброст да ви пријде во реалниот свет.