Врањеш и се пуштал на туѓа девојка, па дошло нејзиното момче и… фудбалерот „окркал“ ќотек!

Антонио Димитриевски — Wed, 08 Jun 2022 11:08:05 +0000

Фудбалерот Огњен Врањеш повторно се најде во центарот на вниманието откако направил скандал во кафуле во центарот на Бања Лука, соопштија босанските медиуми. Според информациите, една девојка му се пожалила на своето момче дека поранешниот репрезентативец на БиХ и дофрлал и нападно и се додворуварал, по што тој дошол во локалот и настанала драма, од која подебелиот крај го извлекол истепаниот Врањеш. Истиот извор пренесува дека фудбалерот не го пријавил настанот во полиција, но дека инспекторите знаат се за оваа случка. Се сомнева дека Врањеш се обидел да го забошоти случајот, со тоа што нему близок извор изјавил за српските медиуми дека сепак немало физичка пресметка туку само вербален дуел и мало кошкање: „И дофрлаше на една девојка која беше близу до него, таа му се пожалила на своето момче кое веднаш дојде во кафулето, па се обиде да го истепа Врањеш, но присутните веднаш ги раздвоија“, тврди изворот близок до фудбалерот за српските портали. Дека работите не стојат баш така и тука нешто „смрди“, потврда е и статусот на самиот Врањеш на нстаграм кој се обидел да се „испер“ напаѓајќи ги медиумите дека пишуваат будалаштини. Фото: Инстаграм принтскрин/ognjen_vranjes

Владе Дивац го претепал Ниша Савељиќ: НБА ѕвездата и фудбалерот биле добри пријатели, се додека ќерката на Дивац не почнала да добива додворувачки пораки од пријателот на татко и!

Антонио Димитриевски — Thu, 10 Feb 2022 11:10:27 +0000

Прославената кошаркарска НБА ѕвезда Владе Дивац го претепал поранешниот фудбалер Ниша Савељиќ на крајот на декември минатата година среде Белград, во ресторанот во сопственост на екс - кошаркарот Дејан Бодирога. До судирот наводно дошло кога ќерката на НБА ѕвездата, Петра му се пожалила на својот татко дека неговиот пријател и праќа пораки преку Инстаграм преку кои отворено и се додворува. Според добро упатени извори, Ниша и напишал на Петра дека пораснала, колку е убава и ја замолил да ја види. Знаејќи дека е пријател на нејзиниот татко, таа била во шок. Таа веднаш му кажала на татко и сè и му ги покажала пораките. На Дивац му паднал мрак на очи, не очекувал такво нешто од човекот на кој финансиски му помогнал кога овој бил во неволја, а му најшол и сместување во Америка. Очевидци тврдат дека Дивац и Савељиќ се нашле во ресторанот на исто така екс - кошаркарот Дејан Бодирога. Според нив, ситуацијата била во старт тензична. Дивац веднаш скокнал врз својот поранешен пријател. Паднале шлаканици, па Бодирога и келнерот притрчеле да ги разделат. Савељиќ се обидел да објасни дека немал лоша намера, но Владе воопшто не сакал ни да го сослуша. Му удрил уште една шлаканица и со навреди в лице го истуркал од ресторанот. Савељиќ тврди дека пораките кои и ги праќал на ќерката на кошаркарот биле погрешно протолкувани и истакнува дека Дивац навистина му помогнал во животот: „Многу ми е жал што дојде до вакво недоразбирање. Дивац и јас сме пријатели долги години. Знае каков сум и каков татко сум, но и каков маж. Жал ми е ако мојата намера беше погрешно сфатена“ - вели поранешниот фудбалер кој се' уште не може да се опорави од шокот поради се' што се случило. Фото: Инстаграм принтскрин/divaccp/officialvladedivac/#nisasaveljic

додворувал – Вистина.мк

Врањеш и се пуштал на туѓа девојка, па дошло нејзиното момче и… фудбалерот „окркал“ ќотек!