Елена Миленковска славеше роденден, а Гуте ја изненади во 4 и 30 наутро на врата: Торта, свеќички, букет цвеќе и… непредвидено „трето полувреме“ (ВИДЕО)

Антонио Димитриевски — Wed, 23 Aug 2023 07:18:51 +0000

Македонско-српската музичко-брачна екс-„Гранд“ двојка, Елена Миленковска - Гуте Маринковиќ важи за еден од најскладните брачни парови во светот на естрадата. Љубовта, дечињата и семејството пред се', а во рамките на тоа и одбележувањето на најважните датуми. Меѓу нив и „денот што го чекаме цела година“, секако, а овој на Елена и беше и некако посебен зашто заокружува една возрасна фаза, една етапа од животот, раситнувајќи ја четвртата деценија. „Велат дека најубавите работи доаѓаат после 30. Посериозни сме, позрели, различно сакаме, цениме и почитуваме. Стануваме подобра верзија од себе. Живееме за поголеми работи. Чувствувам дека мојот живот е само почеток. Среќна сум, благодарна и срцето ми е полно“ - споделила Елена палејќи ги жижиците со роденденската бројка.

View this post on Instagram

A post shared by Elena Milenkovska (@elenamilenkovskaa)

Арно ама за животот да се живее барем приближно онака како што се сака, мора и да се работи... А нечија работа, како онаа естрадната не прашува ниту за делници и празници, саботи и недели, за викенди, ниту за значајни датуми... Напротив, тогаш естрадата најмногу работи. Така беше и овој пат кога Гуте наместо некаде на роденденска прослава заедно со својата Елена, мораше сам на тезга. Свирките траат до доцна во ноќта, па Гуте и не можеше да и го честита роденденденот онака како што треба на својата сакана сопруга... Или сепак можеше? Рано утро, половина пет, музичарите се враќаат дома. Со полни џепови, ама Гуте не и со празни раце. Чук, чук на домашната врата со роденденска торта со 30 свеќички за својата сакана, букет цвеќе, роденденска капа на главата и свирче во уста и секако познатата роденденска песна: „Среќен роденден ти посакувам...“! За крај, еден бакнеж - желби рој! За здравје, среќа, љубов, радост, убавини, за вечност...! „Бев малку тажна вчера што не беше таму за мојот роденден, но сето тоа помина во 4:30 наутро кога го дочекав од свирка на врата. Единствено него нема да можам да го опишам со зборови никогаш! Јас сум среќна жена со ваков човек покрај себе! Сега и засекогаш, твојата жена те сака бескрајно“.

View this post on Instagram

A post shared by Elena Milenkovska (@elenamilenkovskaa)

Арно ама, дека ништо не е баш случајно и толку спонтано, Гуте појасни малку подоцна со свое видео. Имено, планот како да се изненади саканата со роденденска честитка и сладок подарок, бил скован уште преку ден, пред да замине на настап.

View this post on Instagram

A post shared by Gute Marinkovic (@gute.marinkovic)

Но, тоа не е се'... Зашто роденденската сага имала и своевидно „трето полувреме“. И тоа непредвидено. Имено, откако Гуте тропнал рано наутро во 4.30 на домашната врата со роденденските дарови, подготвен да ја изненади и да и честита на Елена, се случило нешто, што морало и изнендувањето и честитката да ги одложи... Барем на одредено време, за кое Гуте сосе тортата и букетот, онака уморен и издишанн, морал дополнително да стои и чека пред домашната врата... А, еве и зошто! Па нели рековме, семејството и децата се на прво место. Во секој случај мисијата исполнета, а од неа и пораката на денот: Сакајте и разубавете му го некому денот! Што би рекле: Се' за љубов! Фото: Инстаграм/gute.marinkovic/elenamilenkovskaa

Емилија Розман по Марбеља, спремна за „нова белја“: „Господ здравје да дава, за памет доцна е…?“

Антонио Димитриевски — Mon, 17 Jan 2022 08:10:25 +0000

Македонската мисица, манекенка и модел Емилија Розман постојано е активна на социјалните мрежи, и тоа најчесто со шеги на своја сметка. Убавицата неретко знае самта себе си да си подели некој „комплимент“ кој другите не би и го поделиле, да искористи некоја народна поговорка или урбана фраза, во која ќе се смести себе си за да ги засмее другите. Шеговитите коментари не и недостасуваат и на почетокот на новата година, па по враќањето од шпанскиот бисер Марбеља, госпоѓ(иц)а Розмантична како да е веднаш подготвена за нова белја. Неколку споделени фотографии, што нови, што стари, всушност отсликуваат како стојат работите кај ексцентричната убавица со „различни лица“, т.е. расположенија. Емилија во новогодишната ноќ на сите им посака се најдобро, а севе си... Себе си со поглед и селфи во огледалото си посака само едно: „ Господ здравје да дава, за памет доцна е...?“ - напишала расната мисица во описот на фотографијата на која уште еднаш ја споделила сета своја убавина со која изобилува. Арно ама, можеби „за памет касно е“, ама за телесен раскош - никогаш доста, па синооката манекенка се потсети на времето, кога не така оддамна беше дел од видеото на една од песните на ДНК, па приредувајќи им на обожавателите на голото женско тело вистински празник, сиот свој телесен раскош г-ца „Розмантична“ им го сервираше како на послужавник! „Кога бев слаба и мрдната... Сега сум само мрдната“ - напиша пиштол голата Емилија легната на постела од долари со кои ја прекрила интимата, односно местата до кои водат копнежите во машките (и не само машките), еротски соништа! Што останало денес од нејзиниот опис на фотографијата, проценете самите... Од фотографијата секако, но и од храбриот потег на манекенката, одново јавно да ве потсети на сопствената телесна убавина, која Емилија на општо задоволство, несомнено ја поседува во изобилство! Здравје Господ ќе даде, а за она другото...? Можеби сепак не е доцна!? А голите спомени? „Todo pasa“... Се случува! Со или без посебна причина, прашајте ја „сењорита Розмантична“! Фото: Инстаграм принтскрин/rozmanticna

доцна – Вистина.мк

Елена Миленковска славеше роденден, а Гуте ја изненади во 4 и 30 наутро на врата: Торта, свеќички, букет цвеќе и… непредвидено „трето полувреме“ (ВИДЕО)

Емилија Розман по Марбеља, спремна за „нова белја“: „Господ здравје да дава, за памет доцна е…?“