добра – Вистина.мк

Нина Мориќ разголена во постела, во еротска облека од црна тантела: „Проклето точно, добра сум во кревет“ (ФОТО)

Антонио Димитриевски — Mon, 21 Nov 2022 12:51:48 +0000

Една од најпознатите хрватски манекенки, Нина Мориќ, која со години живее и работи во Италија, неодамна ја вжешти атмосферата на Инстаграм. Нина позираше во провокативна комбинација - секси облека од проѕирна црна тантела во предизвикувачка поза на креветот. Таа дополнително ја загреа атмосферата со „скокотлив“ коментар покрај фотографијата. „Проклето точно е, добра сум во кревет. Можам да спијам со денови“ - се пошегувала манекенката, но секако ја разбранува и фантазијата на публиката. Мориќ доби над 15 илјади лајкови и стотици комплименти. Неодамна, оваа 45-годишна девојка со задоволство ги споделува своите разголени, секси фотографии на Инстаграм, што претходно не беше случај, но изгледа дека новата љубов и дала крилја. Имено, убавата Хрватка ужива во романсата со 9 години помладиот од неа пластичен хирург Карл Галат. Нина повторно е во добри односи и со поранешниот сопруг Фабрицио и покрај бројните бурни, јавни скандали, па дури неодамна се фотографираше со него и со нивниот син Карлос, со кој исто така имаше турболентни односи. Минатата година Карлос јавно го обвини татко му дека го тепал и рекол дека ја сака мајка си повеќе од се на светот, но пред тоа во неколку наврати јавно фрлал „дрвја и камења“ по Нина. Да потсетиме, Нина Мориќ е родена во Загреб, а во светот на манекенството влезе како тинејџерка. Во 1995 година се закити со титулата мис на Хрватска, а само една година подоцна го освои третото место на натпреварот за „Елит лице на годината“. Тогаш започна нејзиниот пробив на европскиот пазар, а светската слава ја стекна во спотот на Рики Мартин - „Livin La Vida loca“, кој изобилуваше од секспилни сцени во кои Нина беше во прв план. Фотот: Инстаграм принтскрин/nina__moric

Верувале или не, паузата од секс во врската може да биде добра за вас

Христина Ѓоргиевска — Wed, 04 Aug 2021 12:30:32 +0000

Познато е дека сексот го зајакнува срцето и го продолжува животот, но и „сушните периоди“ имаат свои предности, особено за психата. Вишокот време е одлична можност да работите на себе, и психички и физички.

Подобра форма, поголема самодоверба

Жените за време на сексот можат да бидат крајно несигурни во своето тело, честопати се прашуваат дали се доволно добри или привлечни, што лошо влијае на нивната самодоверба. Периодот без секс ги менува приоритетите, така што вишокот време може да се потроши на вежбање и промена на начинот на исхрана. Штом телото е во подобра форма, тоа влијае и на самодовербата, па многу жени почнуваат да гледаат на своето тело на поинаков начин.

Можност за истражување на сопственото тело

Периодот без секс е одлична можност да го истражите сопственото тело. Оние кои никогаш не го достигнале врвот со својот партнер можат да имаат најголема корист од тоа, бидејќи конечно можат да видат што ги возбудува, а што не.

Без стрес и страв од непланирана бременост

Животот во двојка, и покрај предностите, може да биде многу стресен. Партнерите треба да се усогласат едни со други и да направат компромиси. Ова е особено важно кога станува збор за сексот, па затоа не е изненадувачки што тоа е една од најчестите причини за расправија. Без секс, нема напнатост, што може позитивно да влијае на вашето расположение. Исто така, не треба да се грижите за непланирана бременост.

Повеќе ќе го цените сексот

„Сушните периоди“ ги учат партнерите како повеќе да го ценат сексот. Откако ќе заврши тој период, односите ќе бидат поинтензивни од кога било претходно, особено ако ги користите вештините што сте ги научиле со истражување на вашето тело. извор: Кајгана

Правење пауза во врска: Добра или лоша идеја?

Христина Ѓоргиевска — Thu, 23 Jan 2020 14:15:57 +0000

Секоја врска минува низ различни фази, но правењето пауза од врската може да биде штетно за односот ако чувствата избледнеат. Тоа често се случува кога паровите се разделени, затоа треба внимателно да се испланира секој преземен чекор. Се случува работите во една врска да станат толку токсични и нездрави, па двајцата партнери да се чувствуваат преоптоварено. Промените се неизбежни, а секоја промена со себе носи можности за личен раст, како и предизвици со кои треба да се соочи. За да напредува една врска, ова важи и за најуспешните, потребно е постојано адаптирање. Кога паровите ќе се најдат во застој, често размислуваат да се одморат малку еден од друг, па и од врската. Одморањето од врска е и добра идеја, единствено ако партнерите постапуваат внимателно. Пред да размислите за пауза, прашајте се себеси што се обидувате да постигнете со паузата. Ако не можете да дадете јасен одговор, немојте да направите пауза, а ако може да одговорите размислете дали паузата би била корисна или не. Ако се одлучите за пауза, овие совети можат да ви бидат корисни: 1. Двајцата сте сложни за пауза и мислите дека е тоа добра идеја, бидејќи ако едниот партнер сака пауза, а другиот не, тоа е често знак дека таа личност повеќе не сака да биде во врска. 2. Одлучете се за јасно прецизирана временска рамка, кога ќе започне паузата и кога ќе заврши. Најлошо е да започнете пауза за да видите како функционира тоа, без одреден временски интервал. 3. Договорете ги правилата на меѓусебна комуникација, мора да бидат јасни од почеток, дали сакате да комуницирате еден со друг, колку често и на кој начин. 4. Ако имате деца размислете како ќе влијае разделбата на нив. Сепак, нивната емоционална безбедност е ваша одговорност и треба да ви биде приоритет. 5. Разговарајте што ќе правите во текот на паузата, разјаснете ја целта на сето тоа и разговарајте што ќе правите во текот на одморот. Ако во текот на паузата работите на врската, тоа скоро секогаш резултира со позитивен исход. извор: кајгана

Дали сте добри во кревет? Шест знаци кои откриваат дали сте „вистинска секс бомба” помеѓу чаршафите

Христина Ѓоргиевска — Tue, 12 Mar 2019 14:30:12 +0000

Просечна или “вистинска бомба” помеѓу чаршафите? За да го дознаете одговорот на ова прашање, ќе ви откриеме шест јасни знаци кои покажуваат дека никој не може да ви го украде шоуто во креветот. Цврсто ве држи со рацете Ако партнерот за време на сексот цврсто ве држи за задникот, градите или некои други делови од телото, со тоа ви покажува дека му се допаѓа сексот. Честито – тоа е јасен знак дека сте одлична љубовница. Сака “репете” Не може да се засити и веднаш по сексот сака уште една рунда? Очигледно го имате “она нешто” што силно го возбудува. Обожува да испробува нови пози Вашиот партнер секогаш е во потрага по нови секс пози? Тоа не значи дека сте му здодевни – тоа значи дека се чувствува добро со вас и затоа сака да истражува нови светови во креветот. Исто така, тоа е јасен знак дека ве смета за авантурист во сексот, што е многу важно. Флертува со вас по сексот По сексот со партнерот добивате слатки пораки на телефонот? Се шегува и флертува со вас? Очигледно сте “завршиле” добра работа. Не може да ги тргне рацете од вас По сексот, вашиот партнер и неколку часа подоцна не може да ги тргне рацете од вас? Тоа не е чудно бидејќи очигледно за време на сексот сте му го “поматиле” умот и затоа не може да ве остави на мир. И вие имате огромна желба за секс Секако дека двајцата партнери треба да уживаат во сексот, но доколку и вие уживате во сексот со партнерот и никогаш не ви е доста, тоа е знак дека сте компатибилни во креветот.

Прочитајте и откријте дали сте добра мајка

Наташа Тасевска — Wed, 05 Dec 2018 15:00:36 +0000

Не постои ниту еден начин да бидете совршена мајка, но постојат милион начини да бидете добра мајка. Доколку ги забележите овие ситуации, бидете сигурни дека сте добра мајка:

Детето се смее 90 отсто од времето.
Ги дели своите работи со други деца.
Му објаснувате на своето дете што е погрешно во неговото однесување и поради што треба да се промени.
Детето умее да рече „извини“ и „благодарам“.
Неговите потреби се пред вашите.
Кога му е тешко доаѓа кај вас да го советувате.
Ве вика кога има лош сон.
Секогаш во прегрнува кога излегувате од дома.
Сака да го поминува времето со вас.
Вашиот тинејџер се срами кога друштвото ќе го види со вас (тоа е само фаза низ која поминува).
Прво сте мама, а потоа пријател.
Сопругот е горд колку добро се снаоѓате во улога на родител.
Кога ќе го истури млекото или случајно ја скрши вашата омилена вазна не се нервирате.
Понекогаш ви вели дека ве мрази ( и тоa е моментално).
Но секогаш ви зборува дека ве сака.

Што ја прави жената добра во кревет?

Моника Манасиевска — Tue, 10 Jul 2018 21:00:40 +0000

Каква жена сакаат мажите во креветот? Самоуверена, подготвена на авантура и онаа која знае што сака кога станува збор за сексот. Онаа која иницира секс Мажите сакаат жени кои сакаат секс и кои понекогаш сами го иницираат тој чин. Затоа, не чекајте секогаш тој да биде иницијаторот. Преземете ги работите во свои раце и изненадете го. Не се плаши да каже не Не се плашете да кажете не доколку нешто не ви се допаѓа или мислите дека би можело да ве повреди. Жената која се сложува со секој предлог на партнерот само за да ги задоволи неговите потреби не е воопшто секси. Пред се, важно е да бидете искрени кога се работи за односот со партнерот. Знае да се носи со неговите маани Кога станува збор за сексот, мажите се помалку примитивни суштества. Можеби звучи грубо, но тоа е вистината. И тоа е темната страна на нивната сексуалност која на жените тешко им паѓа, но просто мора да се прифати. Сексот е многу важен сегмент од секоја врска и не го занемарувајте доколку сакате да имате квалитетен однос. Сака разновидност Мажите сметаат дека жените кои се добри во кревет сакаат разновидност и отворени се за нови идеи. Доколку во сексот имате одредена рутина која постојано ја повторувате, сексот бргу ќе здосади бидејќи набргу ќе исчезне страста и возбудата. Замислете секој ден да јадете еден ист оброк. Досадно и еднолично! Затоа, ако сте пронашле партнер за цел живот и сакате да го задржите, понекогаш е потребно малку да го зачините сексуалниот живот, односно да се обидете со нешто кое претходно не сте го пробале. Знае што сака Ако сакате да бидете добри во креветот, мора да знаете да ги покажете своите желби и потреби, а не само пасивно да чекате и да очекувате дека тој ќе ги прочита вашите мисли. Мажите сакаат кога жените им даваат упатства. Тоа ги возбудува и среќни се кога можат да ве задоволат. Не си го ускратувајте тоа задоволство ни себе ниту пак нему. Сака орален секс Голем број на жени не сакаат орален секс, додека мажите го обожаваат. Оралниот секс, е многу поинтимен од обичниот секс и токму во тоа лежи неговата уникатност. Не глуми оргазам Доколку тој се потрудил и направил се како што треба, но сепак вие не доживеавте оргазам (ве боли глава, не сте расположени), понекогаш е ок да го наградите со лажен оргазам. Сепак, ако секој пат кога водите љубов глумите дека сте доживеале оргазам, тоа веќе претставува проблем. Како ќе доживеете оргазам доколку тој мисли дека прави се како што треба? Доколку со него никогаш не сте доживеале оргазам, тогаш сексот нема поента.