дј – Вистина.мк

Ивана Кнол се журкаше со Шекил О Нил на Миконос: „Колку е голем, него собира… на фотографија“ (ФОТО)

Антонио Димитриевски — Thu, 27 Jul 2023 10:16:39 +0000

Хрватската навивачка Ивана Кнол се забавуваше на Миконос со поранешната НБА ѕвезда Шекил О’Нил. На популарниот грчки остров Шек настапувал како диџеј и ја отворил сезоната во еден престижен ноќен клуб. Ивана била една од ВИП гостите, а дел од атмосферата споделила на социјалните мрежи. Легендарниот О’Нил започна со диџејство во 2014. Минатата година приреди одлична забава на островот Крк. Меѓу гостите беа НБА кошаркарите Лука Дончиќ и Горан Драгиќ. Во еден момент О’Нил ги повикал на сцената и ги прегрнал. „Шек не го собира на фотографијата“ - напишала Ивана во описот на истатата. Дали го собра и во нејзиниот кревет или се' остана само на ноќно парти, по кое немало заедничко „афтер парти“, знаат само тие двајца. Инаку, по Светското првенство во Катар, таа стана една од најпопуларните навивачки на светот. Се дружи со многу познати личности, вклучувајќи ги Ерлинг Халанд, Џејсон Деруло, Леонардо ди Каприо, со кои престојува на најпознатите светски дестинации: Кан, Монтекарло, Ибица, Мајами, Миконос... итн. Фото; Инстаграм/knolldoll

Слушнете зошто најновото издание на Галоски – „All My Love“ за само неколку дена е именувано е како „Hottest Record Of The Week“ (АУДИО)

Антонио Димитриевски — Sat, 25 Feb 2023 10:32:15 +0000

Македонија и тоа како има светски признат диџеј и вистински музички амбасадор, а доказ за тоа е дека Галоски – нашиот добро познат диџеј и продуцент, кој веќе неколку години е еден од најбараните артисти во земјава и пошироко. Деновиве Галоски го објави своето најново издание насловено како ALL MY LOVE и за само неколку дена од објавувањето, именувано е како ‘Hottest Record Of The Week’ (Хит на неделата) на SiriusXM – еднa од најпознатите радио мрежи за електронска музика во Соединетите Американски Држави, и има висок рејтинг и комплименти од страна на BBC1 Radio, a може да го слушнеме скоро на сите радио станици ширум земјава. Инаку вокалот на песната е Lucky Lou која претходно имаше издание со светската денс икона Армин ван Бјурен и композиторот Јарослав Поликарпов чие име може да го сретнеме на изданија од артисти на рангот на Coldplay/Ofenbach, Armin van Buuren, Icona Pop, Felix Jaehn и многу други. На самиот почеток од годинава Галоски потпиша ново издание и со најдобрата издавачка куќа за електронска музика во светот Spinnin Records и најави нова интернационална турнеја која ги вклучува највозбудливите светски дестинации и градови како Токио, Сингапур, Бангкок, Осло, Хамбург и настапи ширум земјава. Галоски е едно од ретките имиња од овој дел од Европа што редовно успева да привлече внимание од најголемите диџејски великани како што се Дејвид Гета, Тиесто, Мартин Гарикс, Хардвел, Афроџек, Ники Ромеро, Стив Ајоки и многу други. Само последниве години позади себе има успешни интернационални настапи во најпознатите ноќни клубови ширум светот како и реномирани музички фестивали вклучувајќи Ултра Мјузик Фестивал во Сингапур, Си Денс Фестивал и др. Беше именуван како “македонскиот гениј” од страна на Егзит фестивал, и се котираше како 69то место во најдобрите светски продуценти за електронска музика за 2021. Слушнете ја ALL MY LOVE во продолжение и уживајте (КЛИКНИ ТУКА):

Space Motion за старт на Intermezzo Music Rituals

Антонио Димитриевски — Thu, 09 Jan 2020 12:47:57 +0000

По успешното летно издание на Intermezzo Music Rituals, од овој петок следува нова тура на незаборавни забави и гостувања на врвни диџеј имиња во Intermezzo Music Bar. Стартот на зимското издание на Intermezzo Music Ritual ќе го означи Space Motion, српски диџеј и продуцент кој е активен на музичката сцена во последниве 16 години и кој секојдневно ги поместува границите за музичарите кои доаѓаат од Балканот. Неговата музика е мешавина од посебна и уникатна енергија која ја прикажува во жанрови како дип хаус, прогресив и тех. Space Motion настапува ширум Европа, Јужна Америка и Азија. Ибица, Киев, Будимпешта, Белград, Дубаи, Хургада, Лима ... клубови во Нанинг, Хонг Конг, Гуанжу, Шенжен... Листата на локации е импресивна, а истото важи и за фестивалите, па „Pepsi Sziget“, Air Nation и EXIT се само некои на кои има настапувано. Како што вели, повеќе од привилегија е да се даде личен печат на популарните композиции од 70-те и 80-те години од 20 век, филтрирани преку електронски звук што ја претставува неговата визија за иднината. Неговите теми се вртат на различни подиуми ширум светот, а листата на ѕвезди кои ја пуштаат неговата музика е предводена од Solomun, Tale of Us, Black Coffee, Adam Bayer, Magdalena, Fisher… Токму утревечер, во склоп на зимското издание на Intermezzo Music Rituals, и Скопје ќе има можност да биде дел од светската сцена и да ужива во неговата музика. Не пропуштајте ја можноста да бидете дел од Intermezzo Music Rituals.

Најдоброто за крај: Валерон ќе ја спушти завесата на Intermezzo Music Rituals!

Антонио Димитриевски — Tue, 01 Oct 2019 13:01:55 +0000

Вообичаено се вели „најдоброто за крај“! А за крај на Intermezzo Music Rituals следува најдоброто од Миконос – една од најдолготрајните и секогаш присутни фигури на музичката сцена во соседството – ВАЛЕРОН! Името на Валерон е на врвот кога е во прашање електронската и дип хаус музиката, два музички правци кои го носат на врвот и преку музичките албуми и преку издавачката куќа Bercana Music, што ја основа заедно со својот голем пријател и соработник Lannka, а кого веќе го видовме и слушнавме во рамки на Intermezzo Music Rituals. Албумите на Валерон, водечкиот диџеј во регионов, носат уникатна комбинација на традиционални грчки инструменти и електронски битови. Секоја сабота во „Скорпиос“ (Миконос) Валерон е домаќин на „Scorpios World“ каде настапува рамо до рамо со грчки музичари на разно-разни инструменти како кларинет, кавал, бузуки и сл. Валерон е на врвот благодарение на своите уникатни траки, но и ремиксите - затоа петочната забава е нешто што не се пропушта. Роден на Крф, Илиас Валарис ака диџеј Валерон кариерата ја почнува токму таму, на еден од најфотографираните острови. Од 2006 сè до денес тој е резидент диџеј во Каво Парадизо, најпознатиот клуб на Миконос, и во својата кариера настапува рамо до рамо со најголемите имиња на глобалната денс сцена: Армин Ван Бјурен, Хернан Катанео, Дип Диш, Дејвид Моралес... Петочната журка со Валерон стартува во 17 часот, а дел од неа ќе бидат и Лефонк – Антена 5, Боби – Сити радио и КонстантинВ. Веќе во сабота, уникатниот фестивал Intermezzo Music Rituals во чии рамки ги видовме и слушнавме Chris IDH, Derun, Elfenberg и Lannka ќе биде заокружен со настапот на Никос Диамантопулус. Во име на тимот на кафулето Интермецо, ви благодарам за одличната соработка и се гледаме на Intermezzo Music Rituals.

Intermezzo Music Rituals продолжува и оваа сабота – следува сетот на LANNKA

Антонио Димитриевски — Thu, 12 Sep 2019 10:12:02 +0000

Оваа сабота нашето музичко патување патување во рамки на Intermezzo Music Rituals продолжува со звуците на LANNKA, талентираниот артист кој доаѓа од Атина и е еден од творците на епските забави во култниот „Скорпиос“ на Миконос. Неговите сетови започнуваат од Ориентот, патуваат низ Блискиот Исток и кулминираат со дип бас линијата на Африка. Ум загубен во музика, ова би била перфектната дефиниција за Јоргос Караконстантоглу, попознат како LANNKA. Роден и пораснат во Атина на почетокот од 80-те години, како диџеј почнува да работи на 14-годишна возраст. Почетоците му се поврзани со клубовите во родната Атина, но набрзо негова дестинација станува и Миконос. Благодарение на стекнатото искуство на клупската сцена низ годините како диџеј и промотор во локални клубови, почнува да пишува и продуцира квалитетна музика. И конечно, после долги години и искуство, сликата во неговата главата за тоа што сака и треба да биде станува кристално јасна. Роден е Lannka! Набрзо го сретнува Валерон, а природната хармонија меѓу нив ги прави вистински пријатели и неразделни соработници. Почнуваат да продуцираат заедно, па како природен след на нештата се раѓа Bercana music. Во магијата на Lannka ќе уживаме оваа сабота, а веќе на 4 октомври е закажано гостувањето на неговиот пријател и соработник и еден од водечките диџеи во регионов и број 1 на Миконос – ВАЛЕРОН, човекот кој прави магична комбинација на звуците од традиционалните грчки инструменти и електронските битови. И тоа не е сè, дел од Intermezzo Music Rituals што стартуваше со сетот на Chris IDH, едно од најголемите имиња од соседството кога е во прашање хаус сцената, ќе бидат и Derun и Nikos. Тимот на Интермецо најавува незаборавни музички патувања и уникати сетови. Бидете со нас!

Нашите „Cyrillic“ имаат светски хит во „Break My Heart“ (ВИДЕО)

Антонио Димитриевски — Tue, 13 Aug 2019 12:27:03 +0000

„Сирилик“ важат за едни од најнадежните нови имиња на домашната сцена. Македонското електро-дуо составено од браќата Бојан и Андреј се сè повеќе е активнои како со авторска музика во песните како што се „Во тебе се гледам“ со Дина Јашари или „Доволни“ со Валери, но покажаа дека одлично се снаоѓаат и со ремиксите, како оној на евровизиската „Proud“ на Тамара Тодевска.

Талентираните прилепски музичари овој пат имаат нова сопствена музичка тема на англиски јазик, насловена „Break My Heart“.

Со продукција која звучи светски, совршено дотеран аранжман, испеглан саунд во кој користат модерни бои во звучни парчиња и ритам кој не те остава мирен, „Сирилик“ и во новата музичка тема покажуваат дека се еден од ретките македонски музички продукти кои се комплетно подготвени за извоз. Еднакво вредни ако не и подобри од она што ни го сервираат разно-разните, наводно светски познати ДЈ-и кои ја крстарат земјава по клубовите, дискотеките, плоштадите, летните фестивали...

Факт е дека „Break My Heart“ да беше направена некаде надвор од некое познато странско име, ќе беше голем светски хит.

Како и да е, музиката го наоѓа својот пат без оглед на географскиот хендикеп, па затоа и се надеваме дека „Cyrillic“ многу наскоро ќе се најдат на некоја од светските компилации и фестивалските сцени некаде по Европа.

Во меѓувреме, преслушајте ја песната и погледнете го нивното комбинирано лирик видео за „Break My Heart“. https://www.youtube.com/watch?v=C1OgRwHMGy4

Роденденска журка со Тод ван Беркел во Intermezzo Privé!

Антонио Димитриевски — Tue, 07 May 2019 11:19:15 +0000

Австралискиот диџеј, продуцент и забавувач Тод ван Беркел е овогодинешниот подарок кој Intermezzo Privé по повод својот роденден го подготви за сите редовни посетители.

Тод е полн со живот и позитивна енергија, привлекува во својата светска интеракција и со извонредните MC вештини, неочекувани акапели и незаборавен перформанс. Неговите патишта се испреплетни и водат низ отворено море. Како резидент долги години настапува по островите низ Грција, на Бали, Тајланд, Хрватска, најпознатите дискотеки во Кина, а неодамна за прв пат беше и во Македонија. Секако, тој е постојано присутен на забавите долж австралиските брегови, особено во неговиот роден град Мелбурн. Тод Ван Беркел беше поздравен како „opener of all openers“ на светски познатиот Far Out Beach Club во Иос, Грција, со барање да го отвори секое европско лето во текот на изминатите шест години, затоа што тој совршено го разбира јазикот на музиката, а на публиката и нуди комплетно акустично доживување, сам или како поддршка на светски познатите Vini Vici, Timmy Trumpet, Nervo, Will Sparks, Joel Fletcher, Tigerlily, Stafford Bros & Ben Nicky.

Роденденската забава на најубавото и воедно омиленото скопско кафуле е закажана в петок. Добредојдени сте на незаборавната журка со единствениот акустичен перформанс на Тод ван Беркел!

Овој петок: Познатиот DJ George R. во „Intermezzo Prive“ во Скопје

Антонио Димитриевски — Wed, 21 Nov 2018 10:52:34 +0000

Еден од најпознатите грчки и европски ДЈ-и, DJ George R. овој петок, 23 ноември 2018 ќе биде специјален гостин во клубот „Intermezzo Prive“ во Скопје. Ова реномирано име е всуштност еден од нај познатите и најбараните ДЈ во Грција, кој освен во најпознатите клубови во родната Атина, настапувал и во најреномираните елитни клубови ширум Грција како што се оние во големите градови и светски познатите туристички дестинации: Миконос, Солун, Санторини, Крит, Лариса, Волос, Патра итн.

Инаку Џорџ Р '(Џорџ Раптис) е роден во Атина, Грција на 16 јуни 1986 ... Тој е вистински вљубеник во хаус музиката уште од 15-годишна возраст, кога почнал да собира и да свири многу Класик / Чикаго / Детроит хаус плочи. Покрај тоа, тој имал среќа да живее во Атина и да може да оди и да присуствува на сите настапи на денс-музиката од 2001 до денес ... Неговиот брат, ака музичарот QUELL (познат по изданијата на Ibadan Records These Days and 8Bit) и неговиот добар пријател ARGY (Cadenza,Ibadan,Cocoon), кои ја напуштија Грција на почетокот на претходната деценија за да студираат и да продолжат кариера во музиката, исто така влијаеа врз кариерата на Џорџ.

Џорџ Р пуштал музика на локални забави и барови како млад и посветен музички фан и диџеј во текот на годините наназад. Во 2007 како ПР менаџер на забавите на Club Balux Club се запознал со DJ Jojo (Nuestra Musica), а резултатот од тоа пријателство доведе до тоа Џорџ да соработува со Џоџо за забавте Nuestra Musica во Dybbuk Club, главно, во центарот на Атина. Оттогаш, Џорџ, исто така, почнува да настапува низ целата земја и полека ја гради сопствената репутација како независен диџеј, кој имал настапи во многу центри на Грција во Атина, на Миконос, Солун, Санторини, Крит, Лариса, Волос , Патра итн.

Сега тој е резидент Dj во клубот Dybbuk секој петок, освен кога не е надвор од Грција и понекој четврток со CJ Jeff. Тој соработува со Rhythmetic (Cj Jeff) , Playground (Viton) и други агенции за промоција на настани и бројни најпознати грчки диџеи и луѓе од клаберскиот свет. Исто така тој игра со Глобал Фантазија, Нуестра Музика, Најдобрите тимови во Атина, Грција. Некои од клубските настапи на Џорџ Р во изминатите 9 години вклучуваат негови ДЈ перформанси во: DYBBUK / MAMACAS / BOLIVAR / MIKRO / SIXX (Колонаки) / BALUX (глифада) и уште многу други најдобри дискотеки низ цела Грција.

Тој исто така настапувал заедно со големите европски уметници како: Dennis Ferrer / Hot Since 82 / Tiefschwartz / Phonique / Argy / Noir / H.O.S.H / Andrea Oliva / Kolombo / Sharam Jay / No Artificial Colours and counting... Џорџ Р исто така е и музички продуцент. Многу нова музика од големите денс етикети доаѓа наскоро, затоа останете во контакт со него. .. и дојдете на неговиот настап во Скопје, во клубот „Intermezzo prive“, во петок, на 23 ноември 2018 на незаборавна журка.

ДЈ Џези Џеф во МКЦ

Антонио Димитриевски — Thu, 18 Oct 2018 06:22:06 +0000

По повод 14 години постоење SureShotz Entertainment, а во соработка со МКЦ, со гордост ви го најавуваме гостувањето на еден од најквалитетните хип хоп диџеи и продуценти на сите времиња Џези Џеф, кој доаѓа во рамки на светската турнеја “Where you add” и на која како специјален гостин му се појавува американскиот МС Рајм Фест – познат по соработката со Кање Вест. Настанот е закажан на 22 октомври (понеделник) во Денсинг салата на МКЦ со почеток од 21 часот. И ако за миг помисливте дека понеделник не може да биде убав ден за излегување, мало потсетување – 23 октомври е неработен ден.

Џези Џеф е еден од оние диџеи чие име прво ви паѓа на памет кога помислувате на хип хоп и забава во исто време. Оваа легенда на хип хоп културата е родена пред 53 години во Филаделфија, каде на 10-годишна возраст за прв пат се среќава со магијата на грамофоните. Поради својата младост, на почетокот на кариерата работел како “bathroom dj”, забавувајќи ја публиката во локалните клубови, кога resident диџеите оделе на пауза во тоалет. Тоа за него не претставувало проблем, бидејќи го користел секој момент да работи на својата техника. За себе вели дека токму таа работна етика во младоста била пресудна да прерасне во пионер на “transformer” и “chirp” scratch техниките, кои за прв пат ги среќаваме во 1998 година во мега хитот “Gettin` Jiggy Wit It” на Вил Смит. Џези Џеф и славниот актер и музичар се запознале на приватна забава во 1985 година и веднаш започнале да работат заедно под името Dj Jazzy Jeff and The Fresh Prince, нешто што подоцна се покажува како пресврт во кариерата на Џеф. Веќе наредната година ја освојува “Dj Competition” наградата на New Music Seminar и потпишува договор со продуцентската куќа Word Up Label. Двоецот во својата 10-годишна кариера објавува пет студиски албуми, а ќе останат запаметени по тоа што се првите рап артисти кои освоиле Греми награда (1989). По распадот на бендот (Jeff и Smith се уште се многу добри пријатели и работат на заеднички проекти), тој се посветува на својата продуцентска куќа “A Touch of Jazz”, преку која помага во развојот на кариерите на голем број квалитетни музички имиња меѓу кои Eminem, Jill Scott, Musiq Soulchild, Jewel, The Roots, Talib Kweli, Rhymefest и други. Покрај нив, во текот на својата кариера соработувал и со De La Soul, Dj Cash Money, Method Man, CL Smooth, Big Daddy Kane и Raheem Devaughn. Годинава беше актуелен како еден од судиите на RedBull Thre3Style натпреварувањето, а во октомври за прв пат ќе се претстави пред скопската публика.

Влезниците можат да се купат во Југотон, на билетарницата на МКЦ и преку продажната мрежа на Мктикетс. Локална поддршка се Shorty P, Irie Scratch, Geto Rudi и Druggy, и специјалните гости Dj Phat Phillie од Хрватска и Латин Принц од NYC/USA. И уште еднаш не заборавајте - 22 октомври, Денсинг салата на МКЦ, настанот стартува во 21 часот, а вратите на МКЦ ќе бидат отворени од 20:30 часот.

Македонскиот електронски проект „Типнотик“ објави ново музичко издание – макси-синглот „Trip Naughty“ (АУДИО)

Антонио Димитриевски — Thu, 09 Nov 2017 13:14:37 +0000

Македонскиот електронски проект „Типнотик“, зад кој стои продуцентот и диџеј Емил Хаџи-Панзов, деновиве го објави своето ново музичко издание. Макси-синглот „Trip Naughty“ е прво во низата изданија што ќе излезат во текот на следните месеци и ќе бидат своевидна најава за албумот што ќе се појави во втората половина на следната година. „Trip Naughty“ претставува стилско скршнување на „Трипнотик“ во неочекуван правец и е веројатно неговата најкомерцијална песна досега. Станува збор за необична комбинација, а спојот на електроника со рап го прави еднакво интересен за обожавателите на двата музички жанра. За реализација на ова издание, Хаџи-Панзов беше придружуван од неколку докажани музичари од светската хипхоп и електронска сцена. За вокалите на песната е задолжена њујоршката раперка Рел Рок, која е најмногу позната по светскиот хит „Keep It Movin“.