дј шорти – Вистина.мк

„Посреќна“ на Врчак и ДНК е многу слушана, ама Панчо објави дека е посреќен од било кога заради една сосема друга работа (ФОТО)

Антонио Димитриевски — Thu, 23 Nov 2023 09:53:58 +0000

Новата заедничка песна на ДНК и Врчак - „Посреќна“ е многу слушана. од нејзиното излегување за миг стана ултрахит, со огромен број преслушувања, вртења по радиостаниците ширум Македонија иилјадници прегледи на Јутјуб и по социјалните мрежи. Полн погодок како и досега, со тоа што интересот за враќањето на Врчак на сцената кое сите долго го очекуваа, на Андреј и Панчо и дополнително им ја крена популарноста. Радоста секако неизмерна, а Панчо истата не ја криеше, па ја обзнани, како и благодарноста за поддршката до нивните обожаватели и фанови! Арно ама Владимир Блажев, како пшто му стои во личната карта или само Панчо како што го знаат на естрадата, кога не е ар ен би изведувач е и ДЈ и тоа познат под уште еден уметнички прекар како ДЈ Шорти! Кога нема обврски со ДНК, пушта музика. По кафулиња, ноќни локали, клубови, дискотеки, приватни забави... Секаде каде што ќе го повикаат. И додека добар дел од останатите ДЈ-и можеби ги бираат и селектираат настапите, Панчо покажа зошто периодов е неизмерно горд, радосен и среќен. Да, можеби „Посреќна“ на Врчак и ДНК е многу слушана, ама Панчо објави дека е посреќен од било кога заради една сосема друга работа. Имено, тој како ДЈ Шорти имаше свој настап на едно навидум сосема невообичаено место, иако студентските забави не се ниту непознати, ниту невобичаени и тоа наназад со децении. Можеби не е баш секојдневна појава некоја позната ѕведа на нив да се појави со своја изведба, сеедно дали е пејач, пејачка, група или ДЈ, кој е познато име и презиме на естрадата! А токму Панчо или во случајов ДЈ Шорти беше тој на кој студентите широко му отворија порти на нивната студентска забава во скопскиот студентски дом „Пелагонија“. Панчо не само што не ги изневери, туку и самиот беше изненаден, воодушевен и горд на својот настап токму на ваква локација за една нова студентска генерација, која како и тој покажа дека зне што е тоа добра забава и фантастична размена на позитивна енергија! По ДЈ сетот за студентите и забавата која долго ќе им остане во сеќавање и ним и нему, Панчо не одлеа приказната да не ја обзнани на социјалните мрежи, со свое видување и став околу неговиата одлука да биде ДЈ на студентска забава, па еве што на својот Фејсбук напиша: „Ми се смееја зошто сум прифатил да пуштам во студентски дом….. Тоа требало да ми биде испод чест со оглед на мојата репутација. Ја само им се насмеав и им кажав дека ќе им испратам видео од самото место. Обожавам вакви места, ја сум дете на народот и никогаш не сум се гледал повеќе од останатите луѓе. За мене сите сме исти. И да бидам искрен, сите кој беа присутни беа дојдени за да се забавуваат и ширеа само љубов и позитивна енергија. Студенти бре, чисти души! Местото е мало но има поубава енергија од најубавите и најскапите локали низ Македонија, а најбитно од се, и покрај малата квадратура, евтината карта и пијачка, дечкото што ме покани (Благојче) не се ценкаше за хонорарот за разлика од некои “големи газди“ ! Студентски “ПЕЛАГОНИЈА” ве ОБОЖАВАМ!!!“ - споделил во својот емотивен статус Панчо по неговиот прв, се надеваме не и последен, студентски ДЈ сет. Фото: Instagram/djshortypofficial/ Видео: Facebook/Vladimir Blazev

Некогаш даваше чесен Титов пионерски збор, а денес е музичка ѕвезда која дава се од себе на сцената за својата публика: Можете ли да го препознаете, денес е ДЈ и 1/2 од познатото македонско ар-ен-би дуо? (ФОТО)

Антонио Димитриевски — Tue, 10 Oct 2023 07:54:04 +0000

Детството е велат, најубавиот дел од животот. Уште ако е исполнето со семејна топлина, љубов и радост, безгрижно и среќно, е тогаш навистина нема ништо поубаво отколку да си среќно дете. А повеќето од нас тоа и биле, па со радост неретко си го враќаат филмот, патуваат по спомените и сеќавањата на годините кога зачекорувале во животот и светот на возрасните. Тогаш како слатки мали момчиња или девојчиња, подоцна секој по својот пат, со својот к'смет, умеење и знаење, низ трње до ѕвездите, некои за жал и обратно... Оформувањето на личноста и карактерот доаѓа со воспитанието од дома, едукацијата на училиште, друштвото на улица, искуството... Ама затоа пак трансформацијата на ликот е природен процес чија метаморфоза зависи од годините, возраста, генетиката, животните околности во кои си растел, си се развивал, си живеел... Некои и денес личат на себе или барем потсетуваат во ликот, па не е тешко да ги препознаете, некои баш и не, зашто физички тотално се промениле. Ако се' уште не успеавте да го препознаете оваој мал „жолтоклунец“ - некогашен Титов пионер, да ве потсетиме дека денес изгледа прилично поразлично... Можеби не пораснал многу во височина, ама затоа пораснал до небо кога е неговата музичка кариера во прашање. Затоа, ако некогаш даваше чесен Титов пионерски збор, денес е музичка ѕвезда која дава се од себе на сцената за својата публика. Без оглед дали ќе се појави на истата таа сцена како клубски ДЈ или како 1/2 од познатото македонско ар-ен-би дуо! Еднаш е ДЈ Шорти, друг пат Панчо, ама секако во документите за лична идентификација е Владимир Блажев, кого сите го знаат како од ар-ен-би дуото ДНК! А кога сме веќе кај детството и генетиката... Можеби на сликава ќе пепознаете некој што многу личи на оној малиот „пионер“ од старата фотографија погоре, односно на овој во средина со сончевите очила? Фото: Инстаграм/djshortypofficial

„Што ти даде Господ“: Панчо – ДНК покажа дека не му недостасува „редовна тезга“ (ФОТО)

Антонио Димитриевски — Tue, 27 Jul 2021 08:10:39 +0000

Естрадниоит живот колку е сладок, толку е суров, колку и да изгледа убав, толку е и тежок, колку што може добро да се заработи, за миг може и се да се изгуби, па дури и она највредното... Живот на тркала, во постојана трка со времето, конкуренцијата и вкусот на публиката... Растргнати помеѓу желбите, можностите и околностите, животот на естрадните уметници, воопшто не е розов како што навидум изгледа.Растежите и падовите се дел од него, хитовите и промашувањата исто така, настапите за паметење и борбата за „тезга повеќе“ - вечни... Токму сето ова, како мал дел, како мала илустрација од тоа што значи естрадна кариера и тоа речиси две децении, македонскиот ар ен би артист и ДЈ Панчо - ДНК или ДЈ Шорти, како сакате, го сведе на НЗС во неколку реда на социјалните мрежи па напиша: „18 години се брзам како диџеј и промотор во оваа сурова игра. Многу жртви, пот, крв, солзи, добри и лоши моменти.... Илјадници километри по патиштата. Стекнав многу пријатели кои стануваат семејство, многу непријатели, фанови и хејтери. Тоа е само дел од играта и да, никој не рече дека ќе биде лесно, но ако некогаш се пак се родам и треба да изберам што да правам во мојот живот, ќе го направам истиот избор. Ова е она што сум јас, ова е мојот ЖИВОТ. <Го сакам тоа и ќе го правам сè додека срцето не застане. Благодарност до сите вас кои ме поддржувавте низ целата моја кариера. Моето семејство @sureshotz_mk, навистина ве сакам сите. На оние кои секогаш се обидуваа да ме турнат надолу, вие сте моја вечна инспирација и ве сакам повеќе отколку што можете да ме мразите. Но, Панчо не би бил тоа што е да не таков каков што го дал Господ... Без срам да ја работи било која работа. Затоа, иако можеби на „шега“, со најновата фото објава сите ги насмеа, но во суштина испрати и една поинаква, многу силна порака: Панчо - ДНК покажа дека не му недостасува „редовна тезга“! Ако не онаа на сцената, тогаш тука е онаа пазарската... На приколката полна со зрел бостан! Впрочем, Панчо добро знае дека лубеницата е како жена: Колку и да ја бираш, на крајот го добиваш она... Што ти даде Господ! Фото: Инстаграм принтскрин/djshortypofficial

Панчо исто како Тамара, со важна тетоважа, само на различно место и од различна причина – многу посилна! (ФОТО)

Антонио Димитриевски — Mon, 16 Nov 2020 07:59:43 +0000

Македонија на Европско, фудбалерите на ЕУРО 2021... Историски успех, за прв пат нашата А селекција е на завршницата на едно големо контионентално фудбалско натпреварување. нацијата во делириум, еуфорија низ целата земја, се радуваат сите... И оние кои се „изгорени по фудбалот“, пасионирани љубители на “најважната споредна работа на светот“, фудбалските фанатици, од најголемите патриоти, до најмалите и децата, од обичните граѓани до познатите и јавни личности... буквално сите. Владимир Блажев, познат како ДЈ Шорти или уште попознат како Панчо од ар ен би дуото ДНК, голем спорстки фан, уште поголем патриот во душата и срцето, личен пријател со некои од најголемите и најпознатите македонски спортисти, меѓу кои и фудбалските репрезентативци, реши на посебен начин да го овековечи пласманот на Македонија на Европското првенство во фудбал. И тоа трајно, засекогаш! Ионака познат како љубител на украсување на своето тело, Панчо исто како и колешката Тамара на себе стави важна тетоважа... Само на различно место и од различна причина - многу посилна! Ако на Тамара беше заради еден вид „грижа на совест“, тетоважата на Панчо е заради овекувечување на исполнетиот детскиот сон. И додека Тамара ги тетовираше „промашените“ стихови од химната, Панчо на себе ги истетовира имињата на целиот национален состав кој обезбеди пласман на Европското првенство, заедно со селекторот Игор Ангеловски, а имињата на златните момчиња се испишани врз македонското знаме иако некои му забележија дека и тој како Тамара, нешто „утнал“... Во прашање е датумот, односно годината, па наместо 2020 стои 2021...? „Кога ќе ти се исполни детскиот сон, моментот мора да се овековечи. Оваа тетоважа ми е една од позначајните кои ги имам на моето тело и сум горд на истата исто толку колку што сум горд и на нашите репрезентативци кои ни ја приуштија оваа неопислива радост. Ни покажаа и докажаа на сите нас како со сплотеност и верба се постигнува успех. Браво момци, херои наши. МАКЕДОНИЈА на европско 2021“ - напиша Панчо покрај споделените фотографии од тату чинот на овековечување на детскиот сон и дополни: ПС: За оние малкумина “познавачи” и “експерти” кои се грижите за тетоважата и “погрешниот” датумот во кратко да ви образложам зошто е ставена 2021 за да не ви стои терет на душа Факт, турнирот е ЕURO 2020 ( следен EURO 2024 ) , но е преместен во 2021 ( јуни 11 - јули 11 ) од познати причини. Значи логиката вели дека турнирот и онаа репрезентација која ќе го освои ќе биде запишана во 2021 ( јбг слично на euroleague сеозна 2020/2021 ) , МАКЕДОНИЈА игра во 2021 не во 2020 ( ФАКТ ) и на крај најбитно е што ќе се памтиме сите: која година требало да се игра или ќе го памтиме победникот на турнирот и која година е освоен истиот ? Исто така никогаш не би ја ставил оваа малерозна 2020 како бројка на телото евер. Што значи не се препукавајте меѓусебно, уживајте во историскиот успехот на нашите фудбалери, поддржувајте ги и величете ги нашите спортисти, музичари, уметници и најбитно ширете љубов и позитива. Јас еве повторно јавно кажувам дека ако се пласираме на светско 2022 или било која наредна година иде тетоважа на десната нога, чувам простор. Живели“ - појасни Панчо. По ова , сега сме и естрадно-патриотски комплетни: Химната ја имаме истетовирано, знамето - исто така, составот е тука, уште да „изненандиме“ на ЕУРО 2021... Кој знае што ли тогаш ќе тетовираат на себе македонските музички ѕвезди? Тамара за малку не победи на Евровизија, можеби Панчо со ДНК треба да ја преставува еднаш Македонија, а зошто да не? Па да видиме тогаш, дали со понекоја тетоважа ќе возвратат и фудбалерите?

Панчо -ДНК со описна (пре)порака до министерот Филипче: „Ова мене ми испаѓа слично она – не го ставај цел, само до пола“! (ФОТО)

Антонио Димитриевски — Fri, 13 Mar 2020 08:45:15 +0000

Коронавирусот од зараза стана пандемија од светски размери. Светот се бори со неа, барајќи начини како да се справи. Вакцината против „Ковид 19“ е се' уште само „мисловна именка“, а додека бројот на заболени расте, се' повеќе од нив завршуваат фатално. Логичнио, заразата и паниката одат рака под рака, па маркетите и аптеките експресно се празнат, медиумите 24/7 известуваат со најразлични вести, социјалните мрежи оддамна се зовриени. Секој со свое мислење и размислување, рецепти и „100% ефикасни лекови“, упатства за превентива, пофалби и критики, пораки и препораки... И до населението и до оние кои се одговорни за заштитата на неговото здравје. Македонската влада и нејзиниот министер за здравство Венко Филипче со се' порадикални мерки и активности во превенција од ширење на вирусот. По воспитно-образовните институции и забраната за јавни собири, министерот го лимитираше и работното време на кафулињата, кафеаните, меаните, угостителските локали, клубовите, дискотеките... само до 18.00 часот. Меѓу реакциите на сите „обични смртници“ и оние, „необичните“, или поточно, познатите и популарни личности од различни сфери, па и од естрадата со коментари и (пре)пораки до народот и мерките на Владата. Еден од првите кои се најгласни, Панчо - ДНК. Имено, популарниот ДЈ Шорти се огласи со свој коментар на социјалните мрежи. На Панчо мерката на министерот за здравство за затворање на локалите и угостителските објекти од типот: „фифти-фифти“ не му се допаѓа. Особено не, познавајќи го менталитетот на нашиот народ, а Панчо добро го познава, зошто „цел живот“ лебот си го заработува во истите тие локали забавувајќи го истиот тој народ. И ако тргнете по она што Дј Шорти го тврди, неговата реакција има логика. Од 08 до 18 часот локалите отворени, а потоа фајронт? Излегува како „Ковид 19“ преку ден да спие, па се буди попладне и почнува да делува после 18 часот? А народот она што му е забрането му е најслатко, или поточно, она што не може навечер, го надополнува преку ден, па како што видовме уште веднаш „дневната шема - цвета“! Локалите преку ден полни како око, па излегува дека „попуста ти била Венко забрана, кога не е целосна“! Затоа Панчо на министерот Филипче и неговата експертска свита им предлага тотално затворање на угостителските локали со модус за целосно обесштетување на сопствениците, зашто „џабе паника“, кога ова нема логика! Или што би рекол Панчо-ДНК, описно: „Вака, мене ми испаѓа слично на она: не го ставај цел, само до пола“!

Сара Јо е новата регионална ѕвезда (ВИДЕО)

Антонио Димитриевски — Tue, 01 Oct 2019 08:33:10 +0000

Неодамна својот прв настап во земјава го имаше регионалната поп ѕвезда Сара Јо, која освен што ја воодушеви публиката со изведбата на своите хитови, направи и нешто што од неа никој не го очекуваше – се потруди првото гостување да биде незаборавно за сите. Освен провокативна модна комбинација, изнуди овации од публиката со тоа што реши дел од своите песни да ги преведе и отпее на македонски. Така, хитот „Без сна“ доби нова верзија. Во рамки на огненото крштевање во земјава Сара Јо гостуваше во Штип и Кавадарци, каде настапи со поддршка на диџеј Панчо од ДНК. Заради огромен интерес и барање на скопската публика го закажа и првиот солистички концерт во главниот град. Концертот кој ќе се одржи во Скопје во организација на Sure Shotz Entertainment, а деталите ќе бидат откриени наскоро. Во меѓувреме веќе најавено е и гостувањето во еден познат ноќен клуб во Струмица. „Реакциите на публиката ме оставија без зборови. Среќна сум што мојата музика се слуша ширум регионот и што имам можност да настапувам секаде. Јас сум најсреќна кога сум на сцената, кога имам директен контакт со публиката. Сакам што поскоро да се вратам во Македонија“ - вели Сара, чија желба наскоро и ќе се оствари и тоа со голем солистички концерт. https://www.youtube.com/watch?v=NHjYO0T-gpE

Панчо – ДНК се пофали: „Успеав во животот“! (ФОТО)

Антонио Димитриевски — Mon, 18 Mar 2019 09:36:37 +0000

Панчо од ДНК, кога не настрапува со својот компањон Андреј, настапува сам како ДЈ Шорти. Неговата агенда е речиси постојано исполнета. Нема град, клуб, дискотека... во Македонија, каде не го претставил свој ДЈ сет перформанс. Малку по малку, ДЈ Шорти станува познат и надвор од границите на нашата земја, па полека излегува и надвор од Македонија. Последното нешто со што се пофали се претстојното учество и настапот на еден од најголемите, ако не и најголемиот фестивал во Европа, популарниот „Егзит“ во Нови Сад.

На таканаречената „хип -хоп страна“ на фестивалот, ДЈ Шорти ќе настапи на една од фестивалските сцени, заедно со најголемите светски имиња, што е навистина голем успех. Арно ама и колку да е ова постигнување за пофалба, на Балканот во животот не си успеал ако не снимиш дует... И тоа не со било кого, туку со некој од оние чија музика „царува“ во регионот. Погодувате, во прашање е турбо-фолкот!

Епа верувале или не, ама и Панчо - успеа во животот! До душа успехот му е се' уште во најава, ама на добар пат е да го реализира наскоро. Имено, тој неодамна се најде во ист град - Штип, на исто место - ист хотел, само различна соба и различен клуб со српската фолк пејачка Сандра-Африка.

Атрактивното српско „мињонче“ кое поседува невиден сексапил, а и едно од најубаво извајаните га*иња на регионалната естрада, не само што на прва Панчо ја освои, туку и од прва се договорија за соработка. Падна договор за дует! Дали ДНК и Сандара-Африка или Сандра - Африка феат. ДЈ Шорти... ќе видиме и слушнеме! Важно е дека македонската „ар ен би“ и рап ѕвезда го зачини својот репертоар со турбо елементи. Па кога може МЦ Стојан што не би можел ДЈ Шорти?

А и некако на фотографијата со која Панчо се пофали дека „успеал во животот“ си одговараат со сексапилната Сандра - Африка... Ако не друго по височина. Компатибилни... по вертикала!

Панчо – ДНК прво ја покажа новата девојка, па ни долови како тоа изгледа „уметничко ВЦ“ (ФОТО)

Антонио Димитриевски — Mon, 10 Sep 2018 07:49:56 +0000

ДЈ Шорти или Панчо - ДНК меѓу останатото е познат и по своите шеги на своја сметка. Освен меѓу блиските и колегите, Панчо се почесто знае да направи зафрканција „на свој грб“ и на социјалните мрежи, споделувајќи по некоја интересна фотографија или пост. Така, неодамна „посилната половина“ на дуото ДНК (ова посилна - не дека Андреј не е машко, туку дека Панчо не излегува од теретана) постираше фотографија на својот Инстаграм профил на кој ја покажа новата девојка...

Така барем напиша во постот крај фотографијата, на која се фотографираше во атарот на едно тетовско село, крај кочината од која ѕирка портретот на споменатата „убавица“!

Како заврши „убавицата“ не знаеме, ама со каква шеговите фотографија повторно не насмеа Панчо, сега ќе дознаете.

Имено, неговата нова „фото смешка“ потекнува од пред неколку години, каде тој заедно со своите колешки Каролина Гочева и Елена Ристевска е фотографиран на некој заеднички настап. А во бекстејџот нормално, покрај другото логично е да има и тоалет... Само што овој е „уметнички“... И групен!

Така барем напишале организаторите, а Панчо само сакаше да се потсети на убавите времиња... Кога и ВЦ-ата беа... „уметнички“! Не разбравме само дали некој од славната тројка на фотографијата, таа вечер „ и ја потпиша уметноста со сопствено дело“ во вид на „интервенција во простор“, во посоченото „уметничко катче“?

Ова се двата најголеми фанови на Панчо од ДНК (ФОТО)

Антонио Димитриевски — Thu, 15 Mar 2018 09:47:02 +0000

Членовите на македонското Р'Н'Б дуо „ДНК“ постојано се активни. Андреј и Панчо или имаат настапи низ Македонија или снимаат нова песна и видео, акко што е последнава „Пола човек“ која ја промовираа пред 8-ми Март. Панчо во меѓувреме има густо набиена агенда и како ДЈ Шорти, пуштајќи музика низ клубовите и дискотеките ширум Македонија.

А кога си толку експониран, логично е да имаш и огромен број на фанови. Обожаватели и обожавателки - колку да сакаш... Сите сакаат да имаат заедничко селфи, автограм, да се запознаат со ѕвездата, со својот идол...

Ама како што секој од нас има своја музичка ѕвезда, свој музички идол, така и секоја ѕвезда од морето фанови, има свој омилен фан! Најверен, најголем, најсакан и најобожуван... од ѕвездата! Можеби ви звучи сето ова малку чудно, ама верувајте, така е!

Го имаат сите, па го има и тој - Панчо или ДЈ Шорти, како сакате!

Еден или поточно двајца! И тоа машки фанови! Ги сака и обожува исто, колку што и тие него! Едниот е малку помал, другиот малку поголем... Едниот се вика Андреј, исто како и неговиот компањон од ДНК, ама не е тој. Другиот се вика Марјан.

Обајцата засега се познати како двете синчиња на Владимир Блажев, алијас Панчо од ДНК или ДЈ Шорти... Засега е така, ама времето бргу лета, па веќе наскоро, која да знае?

Можеби ќе биде она: „Еј го знаеш фраеров, нели? Оној ма, татко му што беше ДЈ и што пееше у ДНК?!“