диско треска – Вистина.мк

Василичарски концерт во МОБ: Диско вечер која ќе се памети

Антонио Димитриевски — Mon, 14 Jan 2019 14:10:02 +0000

Македонската опера и балет новата година ја започна со извонреден василичарски концерт и преполна сала во која се бараше место повеќе, токму поради изведбата на безвременски диско хитови од 70-тите години чиј избор на присутние им овозможи незаборавно музичко уживање. Аплаузите и реакцијата на публиката на првиот од двата концерти (12 и 13 јануари) во режија на Дејан Прошев, беа доволен доказ дека вакви концерти се секогаш атрактивни и привлекуваат огромно внимание. Диско треската во салата на МОБ ја започна пејачот Ѓоко Таневски кој ја изведе познатата нумера “Grease”...

По него на сцената во наредните два часа се менуваа хитовите “Why did you do it”, “Sunny”, “Upside down”, “We are Family” “It’s Raining men”, Ain’t nobody”, Dancing queen”, “That’s the way like it”, “Don’t stop till you get enough” “Night fever”, “Hot stuff”, “Staying alive”, и многу други популарни хитови на Глорија Гејнор, Дона Самер, АББА, Би Џиз, Мајкл Џексон, Бони Ем, кои ги изведоа Горан Наумовски, Наде Талевска, Маја Саздановска, Александра Јанева, Елена Петреска, Дани Димитровска, како и Лина Пејовска, Ана Мицковска, Полина Тасева, Лена Заткоска-Маротова, Лина Авшар и Александар Тарабунов кој присутните ги потсети на хитот “Celebration”. Извор: Скопјеинфо.мк Фото: Вечер/Фејсбук

„Диско треска“ во МОБ за Василица и диско изглед на нашите пејачки (фото)

Слободанка Илиева — Sun, 13 Jan 2019 10:16:18 +0000

„Диско треска“ („Disco Fever“) е традиционалниот концерт што по повод празникот Василица традиционално се одржа и вчеравечер во Македонската опера и балет. Диригент на концертот беше Бисера Чадловска, додека режисер, Дејан Прошев. Публиката имаше можност да ги слушне најдобрите диско хитови од 70-тите години од минатиот век во целосно нови симфониски аранжмани. Беа изведени хитовите „Staying Alive“, „Night fever“, „Hot stuff“, „Upside down“, „Ain’t nobody“, „Dancing queen“, „That’s the way like it“, „Don’t stop till you get enough“ и многу други популарни хитови на Gloria Gaynor, Donna Summer, ABBA, Bee Gees, Michael Jackson, Boney M и останати диско изведувачи во живо со оркестарот на МОБ.

На концертот настапија Дани Димитровска, Наде Талевска, Ѓоко Танески, Александра Јанева, Елена Петреска, Маја Саздановска, Лина Пејовска, Александар Тарабунов, Ана Мицковска, Горан Наумовски, Полина Тасева, Лена Заткоска-Маротова, Лина Авшар. Специјален гостин беше Кире Ѓоревски.

View this post on Instagram

Sunny - Boney M ❤️ @boban_todorovski_ @atelierkocareva @fashiongroupmacedonia @guess @fashionandfriendsofficial #vasilicarskikoncert #singer #sunny #boneym

A post shared by PEJOVSKA LINA (@pejovskalina) on Jan 12, 2019 at 12:23pm PST

Тематски беше и изгледот на пејачките учеснички кои се одлучија на себе да имаат претежно металик комбинации или детали кои асоцираат на диско периодот. Наде Талевска пак остана доследна на својот препознатлив сценски изглед во свечена тоалета со светкави детали.

Василичарски концерт во МОБ: „Диско-треска“

Антонио Димитриевски — Fri, 04 Jan 2019 10:45:56 +0000

„Диско-треска“ или „Disco Fever“ е темата на годинашниот традиционален концерт по повод празникот Василица, кој ќе се одржи на 12 и 13 јануари во МОБ. На двата гала-концерти публиката ќе може да ужива со изборот од најдобрите диско-хитови од седумдесеттите, во целосно нови, симфониски аранжмани, соопштија организаторите. Почетокот за двете вечери е закажан во 20.00 часот, а влезници можете да набавите во билетарницата на МОБ.