дишење – Вистина.мк

Доктор советува: Неколку вежби со кои ќе го зајакнете капацитетот на белите дробови по прележување на Ковид-19

Слободанка Илиева — Tue, 18 May 2021 13:40:40 +0000

Закрепнувањето по коронавирусот, па дури и доколку сте имале полесна клиничка слика од вирусот, може да трае неколку седмици, па и месеци. Поради тоа докторите препорачуваат личноста во периодот на закрепнување повеќе да одмора, да се храни здраво и да консумира витамин Д, Ц, цинк и магнезиум. Освен тоа докторите советуваат и вежбање кое има цел да го подобри капацитетот на белите дробови за дишењето да стане полесно и подлабоко. Со кои вежби да ги зајакнете вашите бели дробови по прележување на коронавирусот, советува д-р Предраг Радниќ. „Ова е мал сет вежби за зголемување на капацитетот на белите дробови“, вели тој. „Секоја вежба потребно е да ја повторувате неколку пати во текот на денот или пак онолку пати колку што општата состојба на вашиот организам ви дозволува. Престанете со вежбање доколку истото доведува до вртоглавица, болка во градите, ладна пот и аритмија“. Наведените вежби може да се прават во лежечка, седечка или пак стоечка положба. Ширење на лактите Ставете ги вашите прсти зад вратот, а потоа вдишете длабоко и ширете ги вашите лакти, па издишете и полека донесете ги пред вашето лице. Повторувајте ја постапката неколку пати. Кружење Со испружени раце правете кружни движења во зглобовите на рамениците, така што вдишувањето ќе го следи подигнувањето на рамениците, додека пак издишувањето спуштањето. Подигнување на рацете Подигнувајте ги рацете над главата и во исто време длабоко вдишете. Задржете ја таа положба неколку секунди, па потоа издишете и спуштете ги рацете покрај вашето тело. извор:точка.ком.мк

Постојано дишење на уста носи многу негативни последици

Елена Трајчева — Mon, 16 Dec 2019 13:30:55 +0000

Важно е да се напомене кои потенцијални опасности може да се појават кај лицата коишто најголем дел од времето дишат на уста, а може воопшто да не ги забележат сè додека истите не се развијат во сериозен проблем. Овие луѓе може да се контролираат да дишат на нос во текот на денот, но кога ќе си легнат, тие повторно се враќаат на дишењето на уста, што предизвикува неколку здравствени проблеми. Некои од вообичаените симптоми кои произлегуваат од константното дишење на уста се: - Суви усни - ’Рчење - Инфекција на дишните патишта, вклучувајќи ги и синусите, ушите, чести настинки - Хронично лош здив Дишењето на уста може да доведе до сушење на устата, што пак доведува до намалено производство на лигавица. Лигавицата е важна бидејќи таа ги неутрализира киселините и помага во неутрализирањето на бактериите, а без неа се зголемува можноста од појава на кариес. Покрај ова, дишењето на уста може да доведе и до болести на забите, коишто може да предизвикаат сериозни здравствени проблеми во телото, вклучувајќи ги и мозочниот и срцевиот удар. Што се однесува до естетиката, дишењето на уста после некое време може да доведе до неправилна положба на забите. Стручните лица советуваат да не го занемарувате овој проблем, бидејќи има многу негативни последици.

Како да доживеете оргазам со дишење?

Слободанка Илиева — Wed, 19 Jun 2019 13:15:34 +0000

Дишењето е „најновиот тренд“, а правилното дишење може да биде од помош за менталното и физичкото здравје. Истражувањата покажале дека просечните тинејџери и возрасни личности користат само третина од капацитетот за дишење. Дишењето е и принудно научено однесување, бидејќи кога го задржуваме здивот за да се справиме со емоциите и стресот, ги затегнуваме и мускулите што ни помагаат во дишењето. Задржувањето на воздухот кога сте под стрес дава спротивен резултат од посакуваниот, а најдобриот начин да се справите е да дишете со дијафрагмата. Знаевте ли дека вежбите за дишење кои се корисни за концентрација и подобра меморија можат да ви помогнат да го подобрите и сексуалниот живот? Покрај тоа, ова е навистина едноставно и потребно е само да дишете заедно со партнерот. Заедничкото дишење може да создаде поголема интимност и блискост. Држењето на воздухот додека се доближувате до оргазам е вообичаен инстинкт, но може да го намали количеството на кислород во телото и да го даде спротивниот резултат. За да доживеете навистина експлозивен оргазам, направете го следното: 1. Започнете со длабоко вдишување и издишување за да го зголемите дотокот на крв, но и чувството на интимност. 2. Кога ќе почувствувате дека се доближувате до врвот, продолжете со длабокото дишење. 3. Кога оргазмот ќе започне, обидете се да продолжите со длабокото дишење и опуштете се. На почетокот ќе се чувствувате чудно, но не се откажувајте. На овој начин не само што ќе го подобрите оргазмот, туку ќе се чувствувате и поблиско со партнерот. извор:кафепауза.мк

Оргазам може да се постигне и само со дишење

Слободанка Илиева — Mon, 01 Apr 2019 13:30:53 +0000

Вежбите за дишење кои се корисни за концентрација и подобра меморија можат да ви помогнат да го подобрите и сексуалниот живот. Потребно е само да дишете заедно со партнерот. Заедничкото дишење може да создаде поголема интимност и блискост. Држењето на воздухот додека се доближувате до оргазам е вообичаен инстинкт, но може да го намали количеството на кислород во телото и да го даде спротивниот резултат. За да доживеете навистина експлозивен оргазам, направете го следното: 1. Започнете со длабоко вдишување и издишување за да го зголемите дотокот на крв, но и чувството на интимност. 2. Кога ќе почувствувате дека се доближувате до врвот, продолжете со длабокото дишење. 3. Кога оргазмот ќе започне, обидете се да продолжите со длабокото дишење и опуштете се. На почетокот ќе се чувствувате чудно, но не се откажувајте. На овој начин не само што ќе го подобрите оргазмот, туку ќе се чувствувате и поблиско со партнерот. извор:република.мк