дина јашари – Вистина.мк

Дина Јашари со една порака му ги урна соништата – „Не сум твој сон“ (ВИДЕО)

Антонио Димитриевски — Wed, 22 Nov 2023 06:48:26 +0000

Дина Јашари (23) е млада и талентирана кантавторка која со нејзините авторски песни го освои Балканот. Ја доби наградата „Милан Младеновиќ“ која ја доделува истоимената Фондација од Белград која има за цел да поддржи млади артисти од регионот кои творат на својот мајчин јазик. Песните ги создава секаде, додека е во движење, на велосипед, во парк, автобус, автомобил, дома... Така барем изјави во едно од своите интервјуа. По „последна минаута“, „Зборови“, „Бои“, „Копнежи“, „Досада“, „Дома“.... Дина деновиве ја промовира својата нова песна „Не сум твој сон”. Автор на музиката и текстот е самата Дина, аранжманот го направија заедно со Драги Иванов кој исто така стои зад миксот. Не сум твој сон има и свој видеозапис режиран од Александра Костадиновска, снимен од Дарко Митев, монтажата е на Дарко и Александра. Главната улога во спотот (покрај Дина) ја игра Лука Тошев, кој надвор од оваа улога е клучен член во бендот „Дина и пријателите“ кој ја придружува пејачката на сите нејзини настапи во живо. Како звучи и изгледа кога Дина некому „ќе му го скрши сонот“, проследете во видеото за „Не сум твој сон“ , во продолжение:

Дина Јашари: „Јас сум единствената Македонка која двапати беше во шоуто на Зоран Кесиќ“ (ВИДЕО)

Антонио Димитриевски — Fri, 30 Sep 2022 07:03:46 +0000

Дина Јашари (23) е млада и талентирана кантавторка која со нејзините авторски песни го освои Балканот. Ја доби наградата „Милан Младеновиќ“ која ја доделува истоимената Фондација од Белград која има за цел да поддржи млади артисти од регионот кои творат на својот мајчин јазик. Јашари од вкупно 250 пријавени песни, влезе помеѓу 12 -те финалисти и успеа да победи. „Песната „Дома“ ја освои наградата. „Пресреќна сум што ме одбраа мене да ја добиам ова признаие, затоа што и целта фондација „Милан Младеновиќ“ е да се продолжи неговиот дух и творештво. Тоа е нешто што треба да постои, не сплотува на едно место артисти од различни земји од Балканот“, рече Дина Јашари во интервју за Репортер. Таа и лани влезе меѓу финалистите, но не победи. Затоа пак запознала нови пријатели, артисти, луѓе кои се дел од музичката индустрија. „Оваа година имав шаса доста да патувам, и секоја моја посета на Белград се гледав со тие луѓе, но и запознав нови. Сега Белград ми е како дома“ - рече кантавторката. Дина е првата Македонка која гостувала во најгледаното српско телевизиско шоу „24 минути со Зорак Кесиќ“. Таа досега два пати беше дел од неговата емисија. Дина е судент на Факултетот за музичка уметност, смер популарни жанрови - соло пеење досега требала да дипломира, но поради обврските кои ги имала, дипломирањето вели ќе почека за догодина. Песните ги создава секаде, додека е во движење, на велосипед, во парк, автобус, автомобил, дома. „Песната „Копнежи“ ја напишав додека возев точак, ми текнуваа работи и си ги снимав на телефон“, раскажа Дина. Розевата тетратка која ја добила на подарок од нејзина драга другарка е нејзиното музичко богатство каде своерачно ги меморира нејзините песни. „Кога ја видов си реков ова е местото каде што ќе ги напишам моите песни. Доста од песните ги имам напишано таму и тие кои што сум одлучила да ги споделам се претворија во песни. Практикувам да ми е рачно напишано се“ - вели Дина. Која е Дина Јашари приватно, дали оди во кафана, зошто розевата боја е нејзина омилена, за нејзиниот бенд „Дина и другарите“, зошто уку леле и е омилен инструмент, што најчесто прави на социјалните мрежи и што следно подготвува...? Дознајте од интервјуто со Дина кое можете да го погледнете во продолжение (КЛИКНИ ТУКА):

Македонската кантавторка и пејачка Дина Јашари годинава е добитник на интернационалната награда „Милан Младеновиќ 2022“ за песната „Дома“

Антонио Димитриевски — Thu, 22 Sep 2022 06:10:56 +0000

Младата кантавторка и пејачка Дина Јашари од Македонија ја доби наградата „Милан Младеновиќ“ за 2022 година за најдобра песна во регионот за песната „Дома“. Одлуката за доделување на оваа награда на Дина ја донесе регионалното стручно жири, кое годинава го сочинуваат: Миле Кекин (Хрватска), Соња Лончар (Србија), Матјаж Манчек (Словенија), Едо Плованиќ (Хрватска) и Драгиша Ускоковиќ Чима (Србија). Ова е и првпат наградата да ја добие уметник надвор од Србија. Претходните добитници на Наградата востановена во 2019 година беа Артан Лили со песната „D.E.P.R.A“, Драм со „Дај ми све“ и Ana & The Changes со песната „Ту“. Освен Миле Кекин, кој имаше обврски со матичниот бенд „Хладно пиво“, целото жири присуствуваше на церемонијата организирана од Фондацијата „Милан Младеновиќ“ по повод доделувањето на наградата „Милан Младеновиќ“ 2022 година, симболично, на роденденот на Милан, во белградскиот Дорќол Плац, на 21 септември. „Ова е голема поддршка за мене и за мојата музика и ви благодарам што ги поддржувате уметниците од нашата област. Минатата година бев и во финалето со уште една песна и добив навистина прекрасни коментари“, со возбуда рече Дина Јашари по добивањето на наградата Милан Младеновиќ 2022, чијшто лауреат е таа годинава. Фото: Zadužbina Milana Mladenovića /Jadranka Ilić

Дина Јашари прави музика за да „не умре“ од – „Досада“ (ВИДЕО)

Антонио Димитриевски — Thu, 01 Sep 2022 12:49:49 +0000

Дина Јашари деновиве ја промовира својата нова песна ,,Досада”. Целокупен автор на песната е Дина, аранжманот го направија заедно со Драги Иванов кој исто така стои зад миксот. Досада има и свој видеозапис режиран од Борјан Стојков, снимен од Мирослав Илиќ, монтажата и продукцијата се на Давид Николовски во соработка со Пирка АВХ. Главната улога во спотот (покрај Дина) ја игра Лазар Христов, а за момент се појавува и Лука Тошев. Стајлингот е на Сара Стојчевска, во соработка со Игралиште и Cactus Design. ,,Песната е направена помеѓу тие четири ѕидови каде што бев приморана да бидам, во мојата соба, во досада, во времето што застана и мислевме дека никогаш нема да се врати во нормала. Како што се гледа во видеото, правењето музика го користев како начин за убивање досада.” Како сето тоа звучи и изгледа кога Дина прави музика за да „не умре“ од „Досада“ во продолжение може да се погледа:

Дина Јашари умее да ви подари скриени, тивки -„Копнежи“ (ВИДЕО)

Антонио Димитриевски — Mon, 28 Jun 2021 12:21:20 +0000

Дина Јашари е дефинитивно најголемото освежување на новата македонска музичка сцена. Со извонреден пристап кон пишувањето на песни, прекрасните сонливи аранжмани, емотивни лирики, современа, модерна и свежа продукција и хипнотизирачките настапи во живо со полно право ја ставаат Дина на пиедесталот на новата локална музичка сцена. Деновиве го промовираше спотот за новата песна „Копнежи“ направен во соработка со Кокос Продукција. Режијата и камерата е потпишана од Кристијан Караџовски, а монтажата е на Андреј Ристевски. Спотот е снимен во месец април и мај 2021 година. Дина во моментов го спрема и своето прво EP издание, а наскоро публиката ќе има можност да ја види во живо во повеќе градови низ Македонија.

Дина Јашари ви нуди колоритна музичка палета од своите – „Бои“ (ВИДЕО)

Антонио Димитриевски — Mon, 02 Nov 2020 13:33:32 +0000

Младата и талентирана кантавторка и вокалистка Дина Јашари, по соработката со „Сирилик“ и нејзините две претходни соло песни: „Последна минута“ и „Зборови“, деновиве во етерот промовираше нова тема. Третата песна по ред, насловена е „Бои“ и проследена како и претходните две со видеоспот. Дина има навистина интересен и пријатен глас, и стилот на музика која ја пишува жанровски потсетува на Били Ајлиш, заради нејзиниот нежен, но моќен вокал кој доминира во нејзините песни. „Зборувам за боите на личност што веќе ја нема. Сепак живее преку тоа што го има оставено и пренесено. Има нешто многу убаво во тоа чувствата да ги претвориш во некоја форма на уметност, а за мене тоа е ,,Бои“ - ќе изјави неодамна Дина. Покрај неа како кантавтор, таа стои и зад продукцијата заедно со Драги Иванов, кој пак самиот уште се погрижил за снинмањето, миксот и мастерингот на песната. Видеото е уште една хенд-мејд работа на самата Дина и всушност е своевидно мобил видео, чии кадри кои самата ги снимила, кантавторката ги вклопила како визуелизација на својата нова песна, во што и помогнала Сара Панковска. Како звучат „Бои“-те на Дина Јашари и колку колоритно се прелеваат во видеото кое автентично ја бои нејзината музика, проследете во продолжение: https://www.youtube.com/watch?v=rHaE2C-ELbA&feature=emb_logo

Дина Јашари има нешто да ви соопшти со свои… „Зборови“ (ВИДЕО)

Антонио Димитриевски — Fri, 27 Sep 2019 09:27:40 +0000

Младата и талентирана кантавторка и вокалистка Дина Јашари, по соработката со „Сирилик“ и нејзината соло „Последна минута“ има нова песна. Темата „Зборови“ е уште едно нејзино авторско дело, овој пат компонирано и реализирано во соработка со Драги Иванов кој е коавтор на песната, а ги направил и миксот, мастерингот и продукцијата на истата. Дина инаку е студент на Факултетот за музичка уметност во Скопје, а на естрадата за прв пат и се претстави во едно од мноштвото музички талент шоу-а, па за неа по повод излегувањето на новата песна Сара Костадиновска (Мејс) ќе напише на својот Фејсбук профил: Темата „Зборови“ е проследена со едноставно, нискобуџетно, но, мошне ефектно арт видео кое ја следи приказната. Спотот режисерски го потпишуваат Милена и Ведран Маневи, а останатата екипа која учествувала во неговата реализација ја сочинуваат: ДОП - Били Д; Асистент на камера и видео едитор - Горан Симјановски; Шминка - Елена Кежароска и Јана Петрова. Како звучат и како изгледа визуелизацијата на нејзините најнови „Зборови“, проследете во видеото во продолжение: https://www.youtube.com/watch?v=F4e3CG7TOmA

Дина Јашари сака да ја сподели со Вас нејзината „Последна минута“ (ВИДЕО)

Антонио Димитриевски — Tue, 05 Mar 2019 12:53:33 +0000

По успешната соработка со братското електро поп дуо „Сирилик“, младата Дина Јашари ја претстави својата нова песна насловена „Последна минута“, на која самата се потпишува и како авторка на музиката и стиховите, а за снимањето, миксот и мастерингот и овој пат се погрижил стариот соработник на пејачката Иван Јованов – Ивајо.

Песнатае придружена во пакет со мошне едноставно, но необично видео во режија на Томислав Живковиќ, а како креатор на целиот проект е потпишан Томи Акимовски.

Освен Дина, во видеото се појавуваат и Давид Јашари, Дарко Ристовски, Дина Велкова, Кирил Костов, Марјан Наумов, Никола Панајотовиќ, Тамара Ангелова и Викторија Илиевска.

Талентираната кантавторка и овој пат се покажува во солидно издание, а нејзината музика е вистинско освежување на домашата сцена.

Како звучи и изгледа нејзината „Последна минута“ дознајте во продолжение.

(ВИДЕО) „Сирилик“ заедно со Ивајо и Дина Јашари со уште една одлична соработка насловена “Right Here”

Слободанка Илиева — Thu, 14 Jun 2018 11:19:55 +0000

По успешната соработка на "Feel Like" која што е издадена на „CDeep Music“ и беше одлично прифатена како од македонската така и од публика од надвор, прилепското дуо работеше на нов музички проект. „Сирилик“, Ивајо и Дина Јашари без никакви промени во тимот соработуваат и на оваа песна, овој пат насловена како "Right Here" исто така издадена на „CDeep Music“. Видео записот е дело на Зоран Зонде Стојановски, а како модел во истото се појавува Сара Дамчевска. Погледнете: https://www.youtube.com/watch?v=C6rUYIhUvOA

Дина те повикува… „Дојди со мене“ (АУДИО)

Антонио Димитриевски — Mon, 20 Nov 2017 11:08:38 +0000

По успешната „Вреди ли“, соработката со Cyrillic на песните „Во тебе се гледам“ и „Feel like“ Дина ни го најавува новиот сингл со наслов „Дојди со мене“. Полека но сигурно младата пејачка си го обезбедува местото на музичката сцена и се наметнува како една од поактивните млади изведувачи.

Дина која исто така се појави и на акустичната верзија на Eye Cue – Мојот крал, како придружен вокал, успева да се снајде на повеќе фронта и да ја изненади публиката со нова и свежа музика. Таа го напиша текстот на песната, а како и на претходните песни и овој пат соработува со својот продуцент Бојан Трајковски (Ај Кју) со кој заедно ја напишаа музиката, а тој стои и зад аранжманот и продукцијата на песната.

Песната е снимена во студиото „Music House“ и за истата е изработено и lyric видео, а Дина во соработка со својата продукција најавува музичка активност и во периодот што следи. https://www.youtube.com/watch?v=KaELHUCKu4o