Димитар Митровски – Вистина.мк

Виртуозот на хармоника Димитар Митровски и даде своја нота на животната хармонија во – „LIFE HARMONY“ (ВИДЕО)

Антонио Димитриевски — Tue, 26 Dec 2023 11:15:42 +0000

Младиот македонски инструменталист и виртуоз на хармоника Димитар Митровски, со своја авторска композиција го најави неговиот трет албум. Темата носи наслов „LIFE HARMONY“ чиј комплетен автор (музика и аранжман) е самиот тој. Покрај него, во обликувањето на истата свој музичи придонес дале и Петар Христов - сопран саксофон, Ангел Ќосев - пиано, Иван Петровски - гитара, Горан Гешовски - бас гитара, Гоце Илиоски - тапани и ратко даутовски - перкусии. Музички продуцент на темата е Ангел Ќосев која е снимена во неговото студио “Подрумот”. Во видеозаписот кој го осмислил и режирал Даниел Јовески, снимен во урбаниот централен дел среде сообраќајна врвулица и метеж во македонската престолнина, покрај двајцата инструменталисти на хармоника и сопран саксофон се појавуваат уште и танчарите Бобан Русески и Анастасија Данчевска. Видеото го потпишува „Sustain Production“. „Драги пријатели, сакам да го споделам со вас емоционалниот момент во кој мојата најнова композиција го најде светлото на денот. Се надевам дека ќе ја доживеете, како што јас го доживеав додека ја создавав. Преку маестралниот талент на режисерот Даниел Јовески, оваа композиција стана нешто повеќе од звучен експеримент. Стана аудио визуелно патување преку темпото на нашиот брз и динамичен живот, каде што секоја музичка нота и видео кадар раскажува приказна за нашиот секојдневен брз ритам и животната хрмонија. Се надевам дека ќе уживате во ова музичко искуство и ќе се впуштите во магијата што ја носи. Благодарам за вашата поддршка и се надевам дека ќе ви се допадне овој проект“ - споделил во најавата младиот автор и музички виртуоз. Како оваа музичка фолк-џез партитура звучи и сето ова визуелно обликувано изгледа, проследете од видеото вопродолжение:

Маестро Димитар Митровски со нова музичка креација на хармоника – „Cabaret“ (ВИДЕО)

Антонио Димитриевски — Wed, 08 Mar 2023 13:39:24 +0000

Маестро Димитар Митровски има нова композиција и видео запис. Втора композиција од неговиот трет албум што треба наскоро да се појави. „Инспириран од брзината на нашето секојдневие каде сите некаде брзаме , преку музичкиот стил етно-самба-џез направив композиција за хармоника и за истата снимивме диманичен видео запис“, вели тој. Тој упатува голема благодарност до Даниел Јовески и „Sustain Production“ за виртуозниот видео запис, како и благодарност до неговите колеги Марко Дениќ, Гоце Илиоски, Горан Гешовски, Иван Петровски за нивната виртуозност. Димитар упати благодарност и до аудио продуцентот Ангел Ќосев „Thebasementstudios“ за овај светски звук: „Dance Studio“ „Expose“, Бобан Катароски, како и Ана Марскоска, „Gold Felicia“ за отстапениот простор каде што се снимаше видео записот и сите негови другари и пријатели што беа дел од овој проект. Проследете како звучи и изгледа неговата „Сabaret“ музичка креација во видеото во продолжение (КЛИКНИ ТУКА):

Димитар Митровски успеа да направи „Balkan Fusion“ (ВИДЕО)

Антонио Димитриевски — Fri, 23 Feb 2018 12:04:13 +0000

Младиот македонски виртуоз на хармоника Димитар Митровски има нова музичка тема и за неа нов видеоспот.Се работи за инструменталната тема „Balkan Fusion“, која како шпо кажува и самиот наслов е своевиден спој на повеќе правци и стилови: класика, џез... во кои е вткен стилизираниот фолклор на балканските народи. Интересна фузија која звучи единствено, за која музиката ја напишал самиот Димитар Митровски, а ранжманот е заеднички со Кирил Стојчевски.

Сето тоа е снимено во студиото „Гимел“, додека на темата свират - Хармоника: Димитар Митровски, Пиано: Кирил Стојчевски, Бас гитара: Коста Стевановски и Ударни инструменти: Трајче Ивановски.

Видеото го изработил познатиот Тома Влашевски-Кубата во неговото “КУБА ВИДЕО”.

„Голема благодарност до сопствениците на КАМАРИТЕ кои несебично ни овозможија видеото да го снимиме во кафе-барот. Благодарност и до ЛИНКЕСТИ кој ни помогнаа околу гардеробата што ја носиме на видеото. Поздрав и до најстариот и најоргиналниот шанкер во Битола - СОКЛЕ и сите кои на било кој начин ни помогнаа видеото да изгледа вака како сто изгледа“ - напишал авторот во постот под видеото на Јутјуб, кое можете да го погледнете во продолжение. https://www.youtube.com/watch?v=DqgHMft4gN4&feature=youtu.be