димитар андоновски – Вистина.мк

Ламбе Алабаковски со своја верзија на една од неговите омилени македонски песни – „Дејгиди луди млади години“ (ВИДЕО)

Антонио Димитриевски — Mon, 25 Dec 2023 13:31:25 +0000

Ламбе Алабаковски оваа успешна музичка година ја заокружува со својата верзија на една од, како што вели, неговите омилени македонски песни „Дејгиди луди млади години“, која веќе е пуштена во етерот. Аранжманот е со потписите на Дарко Димитров и Никола Мицевски, Димитар Андоновски беше задолжен за виолините, додека Нина Јанева ги пее придружните вокали. Видеото, пак, кое носи една убава и емотивна приказна и е снимено во националниот парк „Галичица“ е со потписот на „Зага продукција“. „Песната е една од моите омилени и морам да признаам дека стоеше спакувана во фиока околу 12 години, некако ми требаше време и таа, но и јас да созреам. Ете некако сега мислам дека е вистинското време за да ѝ ја претставам на мојата публика, но и на сите оние кои ја сакаат македонската традиционална песна“ на денешната промоција во кафулето „Минт“ и откри дека токму со ова песна сакал да ја заврши оваа успешна музичка година, но и да го најави сето она што ќе следува во годината пред нас. „Веќе се крчка новиот материјал, а мислам дека на крајот на следната година ќе ве поканам сите на еден убав концерт по повод мојот голем јубилеј – 20 години од почетокот на професионалната музичка кариера“, додава Ламбе. Меѓу присутните на промоцијата освен медиумите беа и голем број колеги и пријатели на Ламбе (меѓу кои Александар Тарабунов, Бојана Скендеровски, Николче Мицевски, Марија Спасовска, Мики Црнокрак, Иво Јанковски, Стефан Лазаров, водителот Димитар Атанасовски...) кои не го криеја задоволството од новиот проект, но и фактот дека публиката секогаш знае да го препознае квалитетот и дека кога нешто е добро - трае.

Димитар Андоновски пресреќен за привилегијата што преку својот наследник уживаше во патување низ времето (фото)

Слободанка Илиева — Thu, 04 May 2023 07:00:06 +0000

Телепортирање низ времето постои само во филмовите, но доколку во нашата фантазија сами го направиме тоа во даден момент, тогаш и ова е возможно. Една таква пријатна и несекојдневна прилика и привилегија имаше пејачот и композитор Димитар Андоновски. Во далечната 1994 година на детскиот фестивал „Си-До“, тој ги направи првите чекори на сцена и ги отпеа првите стихови за една Ема, а сега историјата се повтори. На негово место сега беше наследникот Михаил кој дебитираше на „Си-До“ во родната Битола, а тато горд и пресреќен ова го доживеа како тој да се гледа повторно како дете. „Денес Михаил дебитираше на фестивалот „Си - До“. Беше цел ден возбуден и среќен дека ќе пее. Кога го гледав на сцена како да се гледав самиот јас кога за првпат пеев на истиот фестивал во 1994 година. Крвта не е вода“ - напиша Димитар покрај фотографијата на која позираше со неговиот наследник. Чувството неописливо убаво, ежење и топење од љубов што може родител да ја чувствува, особено пак кога детето оди по неговите стапки и покажува слични или исти афинитети. Дали и Михаил ќе продолжи да ја сака музиката и пеењето, останува времето да покаже колку се силни гените од тато и дека тука ќе важи она „крушата под круша паѓа“. Инаку, освен Михаил, Димитар со сопругата Христина го има и синот Гаврил, кој во јануари оваа година наполни една годинка. фото:Инстаграм принтскрин/ Димитар Андоновски

Жена, мајка и негова кралица: За Димитар Андоновски сопругата е на пиедестал – „Ти си мојата мотивација!“ (фото)

Слободанка Илиева — Wed, 25 Jan 2023 09:08:59 +0000

Пејачот Димитар Андоновски е од оние мажи што сакаат и јавно да покажат љубов и почит кон својата понежна половина. Неговата сопруга Христина славеше роденден, а тоа беше само причина плус за Диме да и го направи денот уште поубав и посебен. Всушност, за Димитар не треба да има посебен повод за да ја стави на пиедестал неговата Тинче. Имено, тој честопати знае во фото-објавите на социјалните мрежи да напише дека таа е неговата кралица, да ја воздигне да сите да видат и знаат колку љубов зрачи во нивниот храмоничен брачен однос. -Среќен роденден моја Тинче, кусо напиша за нивната најнова заедничка фотографија, а потоа следеше и уште една со наследниците и славеничката. За секоја објава со Христина, Димитар има емотивен коментар, а во еден од многуте вели: „Не можеш да замислиш колку многу ми помогна да станам подобра личност, сопруг и татко. Ти си мојата мотивација да се борам секој ден“ – пишува Диме.

Кога една жена е задоволна и опсипана со љубов, тогаш таа зрачи, а во случајов кај убавата Христина тоа е евидентно.

За потсетување, Димитар и Христина се венчаа во 2015 година, а како плод на нивната љубов се родија синчињата Михаил и Гаврил. фото:Инстаграм/Димитар Андоновски

На оваа ретро фотографија се две македонски поп ѕвезди кои некогаш имаа свој бенд: На старата подизбледена слика едниот свири виолина, а другиот хармоника (ФОТО)

Антонио Димитриевски — Sat, 12 Nov 2022 08:10:39 +0000

Старите добри времиња... По нив сите копнееме... Ги паметиме, се сеќаваме, раскажуваме, се потсетуваме... И заради тоа што тие биле времиња на нашата младост, но и заради тоа што реално, вистински и многу поубаво се живеело. И заради стандардот, но и заради дружбата, другарството, искреното пријателство, сочувството, емпатијата... Заради сето она што се нарекува живот! Вистински, достоинствен, искрен, реален... А не како денешниов „крпен живот“, лажен, манипулаторски, бескруполозен, криминален, виртуелен, само од полза... Или просто кажано - „имитација на животот“ наместо вистински живот! Старите фотографии се еден од наједноставните начини да се сетиме токму на убавите времиња. И покрај појавата на дигиталната технологија, сите ние се' уште ги чуваме, некaде во некоја фиока, куферче, на некоја полица... Како ковчег со благо од „златни спомени“ на нашаето детство, младоста, убавите години, старите добри времиња... А по тоа ковчеже во кое се спакувани најубавите спомени од нашите изминати години, не ретко знаеме да посегнеме и да извадиме по некоја фотографија за да ја ублажиме сопствената носталгија или да се потсетиме колку убаво сме живееле. Овој пат истотот го направи ја и некои од познатите македонски личности или поточно две естрадни фаци. Обајцата школувани музичари, кои некогаш свиреле на исто место во ист бенд, денес секој од нив засебно позната македонска поп ѕвезда. Секој од нив пејач со кариера, грст хитови, дузина награди, многу настапи, концерти... На старата подизбледена слика едниот свири виолина, а другиот хармоника. Денес обајцата не ги свират своите инструменти, но затоа се познати популарни по своите песни. Ако се' уште не ги препознавате, еве да ви откриеме. На оваа ретро фотографија снимена пред еден нивни настап во Битола прд 21-на година се денес познатите македонски поп пејачи Димитар Андоновски и Влатко Лозаноски - Лозано. На сликата, првиот на виолина, а вториов на хармоника на некогаш нивниот заеднички настап, денес на нивното патување низ спомените од годините што изминале. Фото: Фејсбук и Инстаграм принтскрин/Lozano - Vlatko Lozanoski/dimitarandon

Ламбе Алабакоски го направи првиот чекор од своето естрадно враќање со – „На чекор од брегот“ (ВИДЕО)

Антонио Димитриевски — Tue, 12 Jul 2022 12:48:12 +0000

По осум години пауза Ламбе Алабакоски, поп-пејачот кој минатата година со семејството се врати од САД во Македонија, денес на пладне, објави новата песна. Ламбе на Инстаграм напиша дека излегува „На чекор од брегот“, и кажа дека изманитиов период бил тежок за него. „Мили мои, со многу љубов и ентузијазам работевме изминатиот тежок период на новиот проект „На чекор од брегот”. Нова песна и ново видео! Останете добро и очекувајте наскоро, 12/07/2022, 12:00 напладне“ - напиша Ламбе во објавата како најава на новиот проект. Песната е снимена е кај Димитар Андоновски, а музиката ја компонирал Александар Тарабунов - Тара кој заедно со колегата Димитар Андоновски го потпишуваат и аранжманот на песната. Текстот е на Зоран Стојановски - Зонде, познатиот уметнички фотограф и режисер кој го режирал и видеото за песната. Во неа покрај самиот Ламбе се појавува и Тара како артист кој ја свири акустичната гитара, која оригинално во темата ја отсвирил Александар Таушанов, додека трумпет делниците ги свири Сенад Усеин. Тој исто така е дел од видеото во кое уште свои улоги имаат танчарите Дора Китановиќ и Илија Кардакоски. Инаку музички темата делува мошне зрело и напревена е во латино стил, правец кој во последно време Александар Тарабунов како автор и изведувач и самиот го ползува и негува. „Оваа песна се направи во еден здив од сите, и така ќе ја пеат сите, верувам“ - изјави кусо Ламбе кој своето враќање на сцената го одбележа со, за едни инцидентот, за други „патриотски чин на покажување национална гордост и пркос“ со палењето на вратата на бугарскиот културен клуб „Ванчо Михајлов“ во Битола, за што се чека судската разврска. Во меѓувреме, премиерно проследете ја „На чекор од брегот“, новата повратничка песна на Ламбе Алабакоски:

Карлеуша со приватен авион дојде во Македонија, а еве кој наш пејач беше првиот што ја пречека (фото)

Слободанка Илиева — Fri, 17 Jun 2022 08:17:21 +0000

Српската поп-пејачка Јелена Карлеуша со приватен авион долета во Македонија, а поводот беше настап во еден кабаре клуб во Битола. Како што е во нејзина пракса, голем дел од секојдневните моменти ги објавува на Инстаграм, па таков беш случајот и со патувањето и настапот во Битола.

Од фотографии и видеа пред полетување, за време на летот, пристигнувањето, изборот дневениот стајлинг, некоја поза плус, за на крај вечерниот изглед за настапот.

Но ликот кој ја пречека во клубот каде настапуваше не се најде на нејзиниот профил туку на неговиот.

Имено, станува збор за нашиот познат пејач Димитар Андоновски кој веќе извесен период е креативен и уметнички директор на кабарето „Голд фелициа“ во Битола каде настапуваат и домашни пејачи, а од кај соседите досега дојде голем дел од српската естрада меѓу кои: Теа Таировиќ, Хурикејн, Милица Тодоровиќ, Пеѓа Меденица, Јелена Томашевиќ, Наташа Беквалац, и многу други.

Директорот Диме има фото спомен со сите и неговиот профил е полн со вакви фотографии.

Освен настапите и компонирањето музика, Андоновски има полни раце работа, а во ова скапо време секој плус е и тоа како добредојден.

фото:Инстаграм/Јелена арлеуша/Димитар Андоновски

„Мојата кралица“: Димитар Адоновски јавно ја воздигна сопругата, а за првпат го покажа и второто синче (фото)

Слободанка Илиева — Thu, 26 May 2022 10:08:37 +0000

Во екот на свадбените прослави, поп пејачот и композитор Димитар Андоновски и неговата сопруга Христина беа гости на една свадбена прослава. Повод за убаво расположение, свечена гардероба и секако емотивни и романтични моменти. Димитар токму бо една таква прилика сакаше да ја покаже својата понежна половина на сите и да ја воздигне неговат сакана пред следбениците.

-Мојата кралица, ја сакам мојата жена, гласи коментарот на Диме кој ја покажа својата романтична природа. Двајцата блескаа еден до друг, тој во костум, а таа во елегантен тесен принт фустан со голи раменици. Деновиве на профилот на пејачот осамна и првата фотографија од нивното второ синче Гаврил кое за првпат го покажаа јавно преку социјалните мрежи. Христина се породи пред пет месеци, а веќе може да се пофали дека се вратила во топ форма. За потсетување, Димитар и Христина по голгогодишна врска се венчаа во Битола пред седум години. фото:Инстаграм принтскрин/Димитар Андоновски

Посебно горд: На Димитар Андоновски му се оствари животниот сон (фото)

Слободанка Илиева — Mon, 09 May 2022 08:39:51 +0000

Димитар Андоновски на македонската публика и е познат како пејач и автор, но веќе неколку години сè поактивен е и како композитор на театарска музика. Дека успешно плови и во овие води, доказ е и тоа што отиде чекор подалоку со компонирање и на филмска музика. Ова за Диме е остварување на животниот сон, отакако гордо и со право се пофали дека ја работел музиката на филмот „ Денот на жената“ чија промоција се случи во кино „Милениум“.

„Денес сум посебно горд бидејќи ми се оствари животниот сон да компонирам музика за Филм. Денес се одржа премиерата на филмот "Денот на жената", во режија на Гоце Цветановски. Му благодарам на довербата, задоволството и радоста е голема да си ја слушаш својата музика на големото филмско платно.Се надевам дека ова ќе биде само добар почеток во својата кариера во областа на филмската уметност, пишува Андоновски. Објавата се најде на неговите профили на социјалните мрежи Фејсбук и Инстаграм каде деоби многу допаѓања и коментари со честитки што веруваме дополнително му го наполнија срцето. Инаку, во 2019 година Димитар ја доби наградата за најдобра музика на 54. издание на македонскиот театарски фестивал „Војдан Чернодрински“ во Прилеп. фото:Инстаграм принтскрин Димитар Андоновски

По раѓањето на синчето Гаврил, Димитар Андоновски повторно имаше повод за славење: Голема радост во домот на македонскиот пејач (фото)

Христина Ѓоргиевска — Fri, 25 Feb 2022 08:35:58 +0000

Димитар Андоновски пред повеќе од еден месец по вторпат се реализираше во улогата на татко. Имено, Димитар и неговата сопруга Христина повторно станаа родители и добија син за кој го одбраа името Гаврил. Синчето неодамна наполни 40 дена, а гордиот татко позираше заедно со семејството односно сопругата и двете синчиња. Деновиве, Димитар повторно имаше повод за честење и радување. Имено, неговиот поголем син, Михаил славеше роденден. По тој повод, сопругата на пејачот во кусите приказни на „Инстаграм“ објави фотографии од славеникот кој позира покрај роденденска торта во форма на коцка и украсена со роденденски украси од играта „Супер Марио“. Инаку, Михаил наполни пет години, па малиот позираше со балон во форма на бројот 5. Популарната двојка ужива во семејната хармонија со Гаврил и Михаил, а секој момент им е исполнет со љубов и убави моменти. Среќен роденден! фото: принтскрин/инстаграм/dimitarandon

Семејна фотографија: Димитар Андоновски ја објави првата фотографија со синчето Гаврил (фото)

Христина Ѓоргиевска — Tue, 22 Feb 2022 08:07:48 +0000

Пејачот Димитар Андоновски неодамна вторпат се реализираше во улога на татко. Имено, тој и неговата сопруга Христина повторно добија син за кој го одбраа името Гаврил. Овие радосни вести тогаш на социјалните мрежи ги сподели гордиот и среќен татко. -Ти благодарам предобар Господи што денес јас и Христина Андоновски по втор пат сме благословени, и од денес ќе му се радуваме на нашиот втор син.Добродојде сине Гаврил да ми си здрав жив и благословен да се радуваме заедно цел живот, напиша тој тогаш покрај објавата. По нешто повеќе од еден месец откако пејачот стана татко по вторпат, сега ја објави и прва фотографија со синчето. Имено, Димитар објави фотографија со семејството по одржаната молитва за Гаврил по 40 дена од неговото раѓање. Андоновски на објавата позира со сопругата, поголемиот син Михаил и синчето Гаврил, а во описот напиша: -На здравје молитва Гаврил, напиша тој. Под постот се нижеа честетки од неговите следбеници и пријатели. фото: инстаграм/dimitarandon