дијамант – Вистина.мк

Кога таа ќе блесне, блеска како дијамант: Александра Трајчевска е новата македонска поп-рок ѕвезда… што се раѓа (ФОТО+ВИДЕО)

Антонио Димитриевски — Thu, 09 Nov 2023 10:20:50 +0000

Годинешното издание на фестивалот „Макфест 2023“ годинава донесе мноштво музички освежувања, нов бран, нов естраден ветерн кој некои нови деца го вдахнаа на македонската музичка сцена. Долго по заврпшувањето на „Макфест“ наголемо сe зборува дека најголемите годинешни хитови токму ги донесе младата гарда изведувачи чии песни се промовираат зашто навистина не само што г привлекоа на прва, туку и го задржаа вниманието како кај публиката, новинарите и кај целокупната македонска јавност. „Блу“, Тијана Периќ, Драгана Јовановска, Џокер, Бони, Теона, Јасмин, Марија, Малена... несомнено се свежата крв вбризгана во македонското поп-рок, ар ен би, трап... или какво и да е жанровски музичко ткиво, но една млада дама несомнено отскокнува со сето она што го поседува. Александра Трајческа беше една од оние кои ја оставија публиката без зборови... И сво својот божествен вокал, ангелски изглед, ненаметлив, а толку впечатлив имиџ, зрело сценско однесување, сигурен настап... Едноставно црвенокосата прилепчанка беше и онаа - убавата, оргиналната, талентираната, емотивната... речиси совршената на сцената на домот на културата во макфестовски Штип. Александра со својата композиција „Не сакам“, комплетно дело на композиторката Ана Пандевска, ја освои и штипската публика и ТВ гледачите на МРТВ и жири-комисијата за да се најде и на втортата ревијална макфестовска вечер! „Прекрасна публика, совршена организација и преубава сценографија. Задоволна сум од тоа како ја изнесов песната и благодарна сум на штипската публика која како публика со изграден музички вкус ме награди со своите гласови, и се разбира на луѓето од фестивалотза пружената можност. Слушнете ја мојата песна и пишете ги вашите впечатоци. Вашата поддршка за мене значи непроценлив поттик. Ви благодарам од срце“ - кажа младата пејачка. Иако пее од мали нозе, уште со појавата на детските фестивали станува јасно дека малечката е повеќе од обичен талент. Како течат годините со учеството на некои од локалните натпревари на музички таленти и помалку или повеќе познатите домашни и интернационални фестивали, сега веќе 19 годишната Александра покажува дека каде и да се појави извесно е дека ќе победи. Првите места и паричните награди на „Заблескај“ или „Езерски бисери“ само ја „подотворија школката во која лежи музичкиот бисер“ огледан во младата прилепчанка која одново заблеска на последниот Макфест 2023. А кога таа ќе блесне, блеска како дијамант, зашто Александра Трајчевска е несомнено новата македонска поп-рок ѕвезда што се раѓа. Таа во Прилеп и прилепските кругови е позната како силен и моќен вокал и членка на една од најпознатите македонски блуз групи, реоформените - „Crossroad Blues Band Reloaded“ предводени од еден од најдобрите гитаристи не само во Македонија, туку и пошироко, Давид Нешкоски. Александра вокал кој што може да ја отпее речиси секоја песна, од кој и да е жанр, иако очигледно, џезот, блузот и рокот најмногу и лежат. Во продолжение, погледнете го нејзиниот настапот од втората ревијална макфестовска вечер каде Александра повторно ја отпеа својата „Не сакам“. Фото: Фејсбук/Aleksandra Trajceska и Инстаграм/alexcheska Видео: Јутјуб

Таа е спрската Барби: Јами секое лето мами воздишки, а и во шестата деценија пејачката е врв во бикини (фото)

Слободанка Илиева — Thu, 10 Aug 2023 10:59:23 +0000

Јасна Миленковиќ Јами во деведесетите важеше за една од најубавите жени на јавната сцена. Јами моментално се одмара во Египет, каде следбениците на мрежите ги почести со фотографија од море, додека заводливо позира во плиткото.

View this post on Instagram

A post shared by Jasna Milenkovic Jami (@jamiofficial)

Таа во дводелен костим за капење ги покажа своите извајани облини, но и исончаниот тен што го доби на одмор. Да потсетиме, пејачката неодамна ја изненади јавноста со својот став, кога водителката на емисијата разговараше со гостите за подароците за Денот на вљубените.

View this post on Instagram

A post shared by Jasna Milenkovic Jami (@jamiofficial)

- Вниманието не ми е важно. Сакам да гледам цвеќиња само во цвеќарници. Не можам да поднесам цвеќиња, се згризувам. Нема цвеќе за сопругата, можеби за мајката, за бабата. Нешто што се сеќавам, нешто до крајот на мојот живот. Некој дијамант, за да го паметам засекогаш. Може да биде мало. Цветовите секнаа. Мојата колекција на дијаманти дома е скромна. Еден ден кога ќе остарам и ќе го отворам тој дијамант ќе биде како Титаник. Тој спомен останува засекогаш, а јас не се ни сеќавам на цвеќињата, затоа и не го сакам – призна Јами. фото:Инстаграм принтскрин

Најголемиот бел дијамант продаден за повеќе од 18 милиони евра

Слаѓана Атанасова — Mon, 16 May 2022 12:45:21 +0000

“The Rock”, најголемиот бел дијамант изложен некогаш на аукција, е продаден вчера за 18,6 милиони швајцарски франци, далеку под рекордот и бараната цена за масивни скапоцени камења. Аукциската куќа “Christie’s” се надевала дека ќе добие понуда меѓу 19,3 милиони швајцарски франци за дијамантот со совршен облик од 228,31 карат. Дијамантот бил пронајден и полиран во Јужна Африка пред повеќе од 20 години и е најголем скапоцен камен со бела боја и крушест изглед. Лицитацијата во женевскиот “Hotel Des Bergues” почнала од 14 милиони франци и траела 2 минути пред да биде продадена на купувач кој учествувал телефонски. „Овој многу редок скапоцен камен е ископан и полиран во Јужна Африка пред повеќе од две децении и најголем бел дијамант кој некогаш се појавил на аукција“, било соопштено од аукциската куќа “Christie’s”.

Мотивирачка порака на Елиф Елмас – лекција како се сака Македонија: Дијамантот блеска и кога не може да игра (ВИДЕО)

Антонио Димитриевски — Fri, 09 Oct 2020 07:06:31 +0000

Фудбалската репрезентација на Македонија е на чекор до историски успех. Пандев и другарите направија „квантен скок“ со победата над Косово од 2:1 и сега останува само уште да се направи последниот чекор, да се победи Грузија на гости и да се испише историја. На фудбалскиот терен никогаш не е лесно, особено не пред вакви важни мечеви кои се случуваат еднаш во животот. Шанса која не смее да се промаши, прилика која не смее да се пропушти... Победи, зашто кој знае кога друг пат ќе ти се пружи слична можност да ја одведеш својата земја за прв пат во нејзината историја на едно големо натпреварување. А, историјата тешко се испишува, легендите уште потешко се создаваат, но сепак и тоа е возможно. Македонските фудбалери ја потврдија тезата дека и малите нации можат да се најдат меѓу големите дивови, иако „невозможната мисија“ се' уште не е завршено, но... ќе биде! Сега веќе никој не верува дека нема да успееме. Колку и да е тешко, а ќе биде, како што беше на теренот на арената „Тодор Проески“ во Скопје против Косово! Императивот „мора“, понекогаш знае да биде тежок товар, страста ја убие силата, да ја согори во желбата, да ја отапи моќта, да го испразни набиениот набој... Но, знае да ти даде крилја и дополнителна сила, да те вивне над твоите можности, високо меѓу ѕвездите... Како што ги вивна нашите фудбалски момчиња, претворајќи ги во фудбалски херои, на чекор до остварување на сонот на нацијата, на дофат на испишување на нашата „фудбалска бајка“, во која сите веруваме дека - ќе биде! На фудбалерите, селекторот, стручниот штаб, ФФМ... им беше тешко, но нему му беше уште потешко. Еден од најдобрите, новата фудбалска ѕвезда, македонскиот фудбалски дијамант, нема да може да игра - беше грозната вест која пристигна од Неапол кога се дозна дека Елиф Елмас е позитивен на коронавирусот и неговиот настап со Косово со сигурност не е можен. Тешкотија за селекторот и стручниот штаб, проблем за екипата во која еден од главните „замаеци“ ќе недостасува, најтешко - нему, на младиот фудбалски „драгуљ“, Елмас! И заради здравствената состојба, но многу повеќе заради сознанието дека нема да биде во Скопје таа вечер на теренот, заедно со екипата, со своите другари, да помогне, да придонесе, можеби да го реши мечот со асистенција или погодок! За жал, од таа коже не се можеше, но затоа Елиф не би бил само блескав дијамант на фудбалскиот терен, туку е и златно дете, личност чиј пример е за „поклон до земја“, зашто големината е една во фудбалската вештина, но величината е сосема друга во човештината, која Елмас со само еден гест покажа дека кај него е голема како планина. Младиот фудбалер, ја вклучи камерата на мобилниот од карантинот, па на работ на солзи што не може да игра, собра сили и одржа мотивирачки говор, порака на поддршка за своите другари од репрезентација, за сите навивачи, за сите Македонци, за нацијата... Лекција за тоа, како се сака Македониј, со која Елиф Елмас потврди дека „дијамантот блеска“ и кога не може да игра! Погледнете ја мотивирачката видеопорака на Елмас пред натпреварот со Косово, кој тој ја сподели на своите профили на социјалните мрежи, порака за пример, за респект и длабок наклон:

Познатата пејачката си вградила дијаманти во телото и сега минува низ пекол! (видео)

Слободанка Илиева — Fri, 17 Jul 2020 08:59:33 +0000

Американската раперка Карди Б неодамна си вгради дијаманти во нејзиното тело, со што „крена голема прашина“. Овој пирсинг, не е било каков, туку микродермал анкор техника за пирсирање вметнување дијаманти под кожата, најчесто во пределот на јазолот, цервикалниот 'рбет или коските. Овој метод станува сè попопуларен кај младите, но носи и свои ризици.

View this post on Instagram

Cardi B otpao dijamant iz tela

A post shared by @ estrada.srbija on Jul 16, 2020 at 6:35am PDT

Сепак, пирсингот не се покажа како што очекуваше раперката, затоа што еден дијамант излезе од кожата и скоро испадна, а за тоа и се пожали на своите фанови на Инстаграм. „Еве како ми изгледа пирсингот овие денови“ –кажа таа.

Се сврши Аца Лукас: Иако се’ уште не се развел од Соња, пејачот и подари веренички прстен на новата девојка Јована (ФОТО)

Антонио Димитриевски — Fri, 16 Aug 2019 09:45:13 +0000

Аца Лукас сè уште не се развел од сопругата Соња, а веќе планира свадба со новата девојка Јована Дорошки. Поради закажани настапи, тој изнајмил апартман во еден хотел во Будва на еден месец, а кога настапува во друга држава, во него престојува неговата девојка Јована Дорошки. Деновите ги поминува на плажа, а навечер претежно е во собата. Кога Аца е тука, тие излегуваат на вечера и заедно и шетаат низ градот. Можете да ги видите и евидентно е дека се сакаат, а Аца тоа гордо го покажува на сите“ - вели извор за српски „Свет“.

„Минатата недела тие беа во Порто Монтенегро нашопинг, а потоа застанаа кај еден златар, каде што Аца и купи прстен. И тоа едно од најскапите парчиња накит - бело злато со дијамант. Таа најпрвин не сакаше да прифати толку скап подарок, па се расправаа сè до Будва. Се согласи да го земе прстенот на романтичната вечера, дури откако Аца и објасни дека тоа всушност е венчален прстен“ - заклучил изворот.

Инаку, Аца одлучи да го промени комплетно својот животен стил поради Јована. Тој не сака повеќе да се расправа со Соња, сега е важно за него добро да функционираат заради ќерката Викторија. Фото: Немања Николиќ

Ѓердан од 28 милиони: Лејди Гага го носеше дијамантот кој претходно беше на вратот на Одри Хепберн (фото)

Слободанка Илиева — Tue, 26 Feb 2019 10:28:50 +0000

Популарната пејачка Лејди Гага целосно брилираше на 91-то издание на Оскар во Лос Анџелес. Освои статуетка за песната „Shallow“, која во филмот „A star is born“ ја пее заедно со актерот Бредли Купер, а за нивниот емотивен настап многу се зборува и пишува. Имено, планетарно популарната Лејди Гага посвети внимание на секој детаљ на вечерта.

Носеше црн фустан од Александар Меквин, во стилот на 20-тите години.

Покрај нејзиниот беспрекорен изглед, внимание на сите им привлече скапоцениот ѓердан на нејзиниот врат вреден неверојатни 28 милиони фунти.

View this post on Instagram

A post shared by Y A F A VINTAGE SIGNED JEWELS (@yafasignedjewels) on Feb 25, 2019 at 5:17am PST

Во прашање е Тифани, жолт дијамант од 128.54 карати кој славната стилска икона Одри Хепберн го носеше на филмот “Breakfast at Tiffany’s“, 1961 година. фото: Guliver Getty Images, Инсатграм

Крал без круна и дијамант: Денес над Македонија се раѓа… ново дуо од соништата? (ФОТО)

Антонио Димитриевски — Thu, 07 Jun 2018 06:59:12 +0000

Едниот важи за македонски фолк бисер. За еден од најдобрите македонски фолк пејачи на сите времења. жива легенда на македонската естрада, кој иако не така возрасен, зад себе веќе си обезбеди место во историјата и музичките фолк антологии иако има уште долго да пее.

Другиот нешто слично како првиот, само од друг правец, од тотално друг жанр. ДЈ, ар ен би изведувач, една половина од најпопуларното македонско дуо.

на првиот народната музика и фолклорот му се во вените, на другиот ар ен би-то и рапот му се во генетскиот код. И замислете сега кога ќе се спојат навидум такви два „неспоиви спојки“ , македонскиот фолк „крал без круна“ и македонскиот „ар-ен-би дијамант“ се добива... Или поточно, денес над Македонија се раѓа... ново музичко дуо од соништата?

Миле Кузмановски и Панчо - ДНК заедно во нов проект? Или само пријателска средба, срдечен поздрав и добра пријателска дружба?

ДНК го покажаа својот нов – „Дијамант“ (ВИДЕО)

Антонио Димитриевски — Tue, 29 May 2018 10:32:55 +0000

Вчеравечер, понеделник, 28 мај, ар ен би дуото „ДНК“ пред голем број преставници од македонските медиуми, колеги од естрадата, јавни личности, пријатели, соработници, спонзори… го промоираа својот нов видеоспот за темата „Дијамант“, чија музика заеднички ја потпишуваат Панчо и Лазар Цветковски, а првиот ги напишал и стиховите, додека вториот го направил и аранжманот за песната.

Истата како и обично е визуелизирана со интересно видео, чија режија ја потпишува Александар Ристовски-Принц, а во него во главните улоги појавуваат: кошаркарката на КК Врадар, македонска репрезентативка и мис фитнес модел -Едина Муса,

...кошаркарите на МЗТ Скопје, Маркус Гинијард и Џордон Кравфорд заедно со неговата девојка Тифани Росарио...

...потоа Андријана Илиоска, Давор Минцоров, како и познатиот Буцо – Битбокс.

Видеото е снимено во фитнес Парк клубот, а во хотелот Парк, односно терасата на „Фоур“ беше направена и промоцијата на видеото кое можете да го погледнете во продолжение. https://www.youtube.com/watch?v=5kLeRL_eRXs

ДНК го заслужија епитетот „Дијамант“ на македонската естрада (ФОТО)

Антонио Димитриевски — Tue, 29 May 2018 08:59:46 +0000

Пред голем број преставници од македонските медиуми, колеги од естрадата, јавни личности, пријатели, соработници, спонзори... ар ен би дуото „ДНК“ вчеравечер, понеделник 28 мај, го промоираа својот нов „три во едно“ проект.

Видеото за песната „Дијамант“, новиот „Најдоброто од...“ албум и ДВД од концертот одржан минатата година во „Метрополис арена“ и сето тоа по повод нивниот јубилеј – 15 години од постоењето на ДНК.

Промоцијата ја водеше Лила Филиповска, а Андреј и Панчо им изразија благодарност на сите кои придонеле сиве овие години дуото да стане она што е денес, ги претставија „бест оф“ албумот, DVD-то и новиот видеоспот, и посебно им се заблагодарија на верните фанови, кои ги следат од самите почетоци и како публика раснеа со ар ен би двоецот.

Хуманиот гест на Андреј и Панчо, ги разнежни срцата на присутните и на промоцијата и даде благородна нота. Имено, наместо да ги даруваат, како што е вообичаена пракса, тие решија цедињата да ги поделат за финансиски надомест по принципот: да плати кој колку може, а средствата собрани на самата промоција ги донираа за девојчето по име Ања од Штип, на која и претстои сложена операција на трансплатација на срце и рехабилиација по истата.

Секој можеше да земе цеде и да донира колку што сака, за што Ања и лично им се заблагодари на присутните за собраните 48.286 денари, ветувајќи дека ќе биде тука на нивиот концерт по повод 20 години постоење на ДНК.

Посебена благодарност Андреј и Панчо му укажаа на нивниот композитор, проверениот хитмејкер Лазар Цветковски, именувајќи го како „трет член на ДНК“, кој е заслужен за повеќето од нивните хитови.

Инаку, режијата на новиот видеозапис за темата “Дијамант“ ја потпишува Александар Ристовски-Принц, а во него во главните улоги појавуваат кошаркарката и мис фитнес модел Едина Муса, кошаркарот на МЗТ, Џордон заедно со неговата девојка Тифани Росарио, како и познатиот Буцо - Битбокс.

Во живо од промоцијата на новиот албум на ДНК - ‘Best Of’ и нова песна и спот ‘Дијамант’.?
Posted by DNK on Monday, 28 May 2018

Фото: Инстаграм/Фејсбук - принтскрин и Женски магазин