Димитар Андоновски: „Благодарение на карантинот мојот брак е уште поцврст“

Христина Ѓоргиевска — Wed, 29 Apr 2020 07:21:10 +0000

Димитар Андоновски како и повеќето, деновите во карантин, самоизолација ги поминува во својот дом во друштво на неговата сопруга Христина и синот Михаил. Тој во интервју за ммс. мк вели дека е човек кој сака да биде дома, па така оваа ситуација му дошла како бесплатен одмор. Пејачот ужива со својата сопруга и синот и максимално го користи времето сега кога нема обврски да ужива во семејството и во неговите најмили. Андоновски вели дека токму карантинот позитивно влијае на неговиот брак кој во оваа ситуација е уште поцврст. -Благодарение на карантинот мојот брак се зајакна и стана посилен. Уживаме во секој миг со Михаил и Христина и му благодарам на Бог што ми благословил да се баш тие дел од мојот живот. Бракот се состои од вистинска и чиста љубов и мислам дека само таквите бракови ќе се зајакнат и ќе опстанат во сите искушенија. Како викаат: “Оној што е силен и истраен во тешко време, станува уште посилен кога ќе помине“, вели пејачот и објасни колку е тешко на неговиот син Михаил да седи дома. „ Михаил е многу послушно и паметно дете и иако е само 3 години е свесен за целата ситуација во која се наоѓаме. Ете во вишокот време што го имаме му посветуваме повеќе време и благодарение на мојата жена која што воедно е просветен работник го подучува и го едуцира. Го учи на буквите, ги учи бројките, црта, пее и така едукативно преку игра го поминува цело време од денот“, додава тој за ммс.мк Андоновски освен што ужива со своите сакани, тој има време да твори и да создава, односно неодамна ја објави своната нова песна „Надеж“. “Ова е проект кој започнав да го работам од неодамна за мое лично задоволство. Инспириран од ситуацијата во која се наоѓаме, вишокот слободно време го искористив да се посветам и да почнам да го реализирам. Се работи за обемен и долг проект, процес на кој му треба време, но се надевам дека еден ден ќе го чујам на голема сцена со голем број солисти како музичко сценски перформанс. Затоа решив да споделам дел од музиката и со вас”, изјави Димитар. Пејачот истакна дека му недостигаат настапите и дека едвај чека да се врати на музичката сцена за да и тој се забавува со своите фанови. Целото интервју прочитајте го тука.

диитар андоновски – Вистина.мк

Димитар Андоновски: „Благодарение на карантинот мојот брак е уште поцврст“