Џамбо Агушев – Вистина.мк

Вешта, креативна, талентирана: Убавата сопруга на Џамбо Агушев на дело се покажа во што е најдобра (фото)

Слободанка Илиева — Sat, 03 Feb 2024 08:10:25 +0000

За кралот на трубата Џамбо Агушев, познато е дека е голем романчичар, а оваа негова особина редовно знае да ја покаже на социјалните мрежи. Но, личноста, односно дамата која успева максимално да ја извади оваа доблест од него, е сопругата Асена. Независно дали е нејзин роденден, годишнина од брак, па и ден без повод, Џамбо секогаш знае да покаже дека е романтичар во душа и заљубен до уши во неговата русокоса која му го украде срцето. А кога љубовта царува во домот, тогаш и се’ останато полесно функционира. Џамбо е посветен на музиката, а пак Асена нема јавна професија, но работи со луѓе, односно таа е стилист за шминка. Па така, креативната работа е дел од нејзиното секојдневие. Иако е мајка на четири деца, Асена секогаш изгледа средено од глава до петици, а за она примарното, шминката, на неа мора да биде совршена, а потоа и на нејзините клиентки кои безрезервно им веруваат на вештите раце и креативноста. Асена не многу е активна на социјалните мрежи, но профилот каде ја презентира својата работа, редовно се полни со нови објави. Инаку, Асена по националност е Турчинка која пред да го сретне Џамбо живеела со нејзините родители во Германија. Тие се запознале за време на еден настап на Агушеви во Германија, а набргу потоа се родила голема љубов која се уште трае. „Додека свирев ја видов во првиот ред, убава, русокоса, и додека таа танцуваше јас попчнав да и намигнувам. По концертот се сретнавме и побарав телефонски број и… така тргна се“ – раскажа „кралот на трубата“ во една прилика за тоа како се запознале со неговата сопруга. Инаку, Џамбо и неговата сопруга Асена во брак се тринаесет години, а плод на нивната љубов се ќерката Севги, синот Мерт, ќерката Мелина и најмалата Алина која ја добија минатата 2022 година во месец мај. фото:Инстаграм принтскрин/Фејсбук Џамбо Агушев

Перо Антиќ славеше наголемо, а Џамбо Агушев ја крена атмосферата до плафон (фото)

Слободанка Илиева — Wed, 05 Apr 2023 07:51:39 +0000

Поранешниот кошаркарски репрезентативец, Перо Антиќ, деновиве беше реизбран за претседател на Кошаркарската федерација на Македонија, а неговиот нов мандат не помина само со изборната седница и гласањето, туку продолжи во кафеана. Претседателот и членовите кои го изгласаа се собраа да прослават и тоа наголемо со најдобрата труба, Џамбо и Агушеви. Познатиот струмичанец беше оној што сподели моменти од атмосферата, а со тоа и јавно сакаше да му честита на Перо за реизборот. -Една слика милион зборови. Благодарност до Перо Антиќ за поканата да бидеме дел од неговата прослава за реизборот за претседател на КФМ. Човек со големо срце, Македонец кој си ги сака и почитува своите луѓе. Ти благодарам за прекрасниот подарок – дрес. Честитки и многу успеси во иднина, напиша Џамбо кој се пофали и за дресот подарок од Антиќ кој веднаш го имаше на себе. Инаку, Антиќ на чело на КФМ дојде во 2019 година, откако претходната 2018-та ја заврши кариерата во дресот на белградска Црвена Звезда и веднаш по пензијата седна на претседателското столче во мак-баскетот. Тој дојде на местото на уште една кошаркарска легенда, Петар Наумоски. Покрај реизборот , Антиќ деновиве е актуелен и со својот приватен живот и наводното раскинување на љубовната врска со манекенакта Катарина Ивановска. фото:Фејсбук/Џамбо Агушев

Сите го знаат како Џамбо, а ретко кој му се обраќа со вистинското име: Еве која позната личност му го даде прекарот на кралот на трубата…

Слободанка Илиева — Sat, 29 Oct 2022 08:00:55 +0000

Струмичкиот крал на трубата, Исеин Агушев, алијас Џамбо Агушев ретко која го знае по роденото име, а за тоа има еден виновник,неговиот колега и учител Ферус Мустафов. Џамбо беше гостин во пладневната емисија „Магазин“ на телевизија Сител каде зборуваше за својот живот, семејството, сопругата, децата, но и за своите почетоци. Тој откри дека на почетокот учел да свири на трубата која ја добил на подарок од својот татко, но бидејќи тој бил строг учител најмногу време и школа земал од својот чичко Кочо Агушев. Како семеен пријател тука бил и познатиот Ферус Мустафов кој всушност му го дал надимакот по кој денес сите го знаат- Џамбо.

Ферус беше кај нас на гости, како фамилија многу си живееме. Ја почнав нешто да свирам, а тој вика, ајј како свири и ме зема кај него сакајќи да ми направи албум. Тогаш имав 11 години, а со мене свиреа врвни музичари, многу бев среќен. Кога завршивме ми вика:„Како да ставиме надимак , ти си брз како џамбо џет авион, ќе ти ставам надимак Џамбо да ти биде“ и така остана.

Повеќе од она што Џамбо го кажа пред камери можете да погледнете од линкот во продолжение: фото: Фејсбук, Џамбо Агушев, Магазин Сител

Џамбо Агушев стана татко по четврти пат: Со новородената ќеркичка Алина и сопругата Асена на прва заедника фотографија (ФОТО)

Антонио Димитриевски — Mon, 30 May 2022 06:29:55 +0000

Познатиот македонски музичар, трубачот Џамбо Агушев деновиве стана татко по четврти пат. Џамбо кој својот приватен живот го чува далеку од очите на јавноста, овој пат на својот профил на Фејсбук сите ги изненади соопштувајќи ја преубавата вест. Тој објави неколку фотографии од породилиштето во кое неговата сопруга Асена на свет го донела нивното четврто чедо, а јавноста беше изненадена, особено затоа што музичарот веќе има три деца: ќерката Севги, синот Мерт и ќеркичката Мелинам што ја добија во 2020 година. Џамбо покрај фотографиите на кои се гледаат сопругата и бебенцето, соопшти и дека во прашање е ќеркичка и дека веќе решиле таа да се вика Алина, споделувајќи и една слика на која се гледа малото стапало на неговата тукушто родена принцеза. Инаку неговата сопруга Асена по националност е Турчинка која пред да го сретне Џамбо живеела со нејзините родители во Германија. Тие се запознале за време на еден настап на Агушеви во Германија, а набргу потоа се родила голема љубов која се уште трае. „Додека свирев ја видов во првиот ред, убава, русокоса, и додека таа танцуваше јас попчнав да и намигнувам. По концертот се сретнавме и побарав телефонски број и... така тргна се“ - раскажа „кралот на трубата“ во една прилика за тоа како се запознале со неговата сопруга. Нека им е со среќа приновата во семејството на Агушеви. Фото: Фејсбук принтскрин/ Џамбо Агушев

Џамбо Агушев јавно ја воздигна својата сакана и не се штедеше да ја искаже својата љубов (фото)

Слободанка Илиева — Wed, 24 Mar 2021 07:16:49 +0000

Наделеку е добро познато дека македонскиот музичар Џамбо Агушев е маестро на труба, ама сега се покажa и како маестрален романтичар кога е во прашање неговата сопруга. Тој сакаше сите да ги видат, слушнат и разберат неговите силни љубовни емоции кон суопругата по повод годишнината од бракот. Џамбо објави неколку романтични фотографии заедно со жената на неговиот живот и се расплени со своите љубовни чувства во описот на објавата: -Секогаш се молев да ја најдам вистинската љубов и моментот кога прв пат те видов, сфатив дека ми се исполни желбата. Годините никогаш не ги смениле моите чувства кон тебе. Мојата среќа се зголеми со зближување и од твоја страна и ќе продолжи да се зголемува секоја година. Среќна годишнина од свадбата, мојата драга сопруга, убавата мајка на моите деца. Многу те сакам!- пишува Џамбо. Инаку, Џамбо и неговата сопруга Асена се во брак повеќе од десет години. Плод на нивната љубов се ќерката Севги и синот Мерт, и ќерка Мелинам која се роди во месец септември минатата година.

Трета среќа за Џамбо Агушев – доби наследничка и веднаш ја покажа (фото)

Слободанка Илиева — Wed, 02 Sep 2020 06:35:41 +0000

Македонскиот трубач од светска класа, Џамбо Агушев доби трета среќа, стана татко на уште една ќерка. Тој гордо ја сподели оваа вест на својот профил на Фејсбук. „Фала му на Бога, мојата ќерка Мелинам се роди. Добредојте во нашето семејство, моја убава ќерко!“ – напиша Џамбо на неговиот фејсбук профил. Инаку, Џамбо и неговата сопруга Асена се во брак десет години. Плод на нивната љубов се ќерката Севги и синот Мерт, и новородената ќерка која го доби името Мелинам. За потсетување, неодамна Џамбо Агушев, се пофали дека неговиот албум „Brasses for the masses“ е прогласен за најдобар албум според престижната “German Record Critics” за 2020 година.

Џамбо Агушев му свиреше на увце: Вака Перо Антиќ го славеше 38-от роденден (фото)

Слободанка Илиева — Thu, 30 Jul 2020 07:11:47 +0000

Актуелниот претседател на Кошаркарската Федерација на Македонија, Перо Антиќ, вчеравечер 29-ти јуни го прослави својот 38-ми роденден. Додека беше во брак, тој и неговата поранешна сопруга Ружица, го славеа роденденот заедно, бидејќи се родени на ист ден, но овој пат Перо славеше со најблиските и пријателите во еден скопски бар. На славеникот на увце му свиреше Џамбо со Агушеви, имаше голема торта со бројот 12 на неа, секако тоа не беа годините, туку бројот на дресот од црвено-белите. Перо дуваше свеќи, се веселеше и го славеше животот! На забавата беа и Тамара Тодевска и нејзиниот сопруг Александар, па токму пејачката беше онаа која ја сними атмосферата на роденденот и на објави на своите „стори“ на Инстаграм. Еве како беше:

Сања Цинцева по теркот на Маја Беровиќ и Теодора Џехверовиќ – Модерна и секси во „Барбика кралица!“ (видео)

Слободанка Илиева — Wed, 29 Jul 2020 11:38:19 +0000

Фолкерката Сања Цинцева го промовираше видеото за темата „Барбика кралица“ која што ја сними заедно со Џамбо Агушев. Станува збор за рефрен кој што го потпишуваат Борче Нечовски и Дејан Момировски, додека, пак, видеото е дело на Дарио Јанковиќ. „Темата е модерна, летна и сите прогнози се дека ќе прерасне во вистински хит. Се надевам дека на публиката ќе и се допадне ова што го сработивме заедно со тимот, станува збор за нов звук, нешто што досега кај нас го немало и сигурна сум дека ќе имаме позитивен фидбек“, вели Сања која во спотот се појавува во неколку провокативни комбинации, а задолжени за стајлинзите и изгледот беа Викторија Петров Бурсаќ и Даниел Николовски. Сања вели и дека искрено се надева оти наскоро ќе може да им се врати на настапите и потенцира колку многу и недостасува дружбата со публиката. „Се надевам дека наскоро ќе се врати се во нормала и дека публиката ќе има можност да ја чуе во живо „Барбика кралица“, додаде пејачката.

Струмичката Барбика во секси долна облека во новиот спот: Во високи чизми и секси руба качена на хауба (ФОТО)

Антонио Димитриевски — Wed, 01 Jul 2020 09:18:05 +0000

Фолкерката Сања Цинцева – Барбика деновиве го снимаше видеоспото за нејзината нова музичка тема која се' уште нема добиено официјален наслов, а е авторско дело на Дејан Момировски и Борче Нечовски. Откако од црнка, одново се му врати на стариот имиџ повторно престорувајќи се во русокоса, фолкерката сподели неколку фотографии на социјалните мрежи од снимањето на видеото, на кои се гори од сексапил. Во секси руба качена на хауба: црвено спортско боди и бели високи чизми над коленици, во жартиери и само по бели најлон чорапи, градник и гаќички од тантела легната во постела или само во месо боја корсет, струмичката Барбика изгледа како оние, големите музички ѕвезди од белиот свет. Нова трансформација за еротска имагинација за која биле задолжени мејкап стилистот Даниел Николовски и Викторија Бурсаќ - Петров. Спотот се снимал во Скопје, а зад камерата и режисерската палка стои познатиот уметнички фотоограф и видео „магионичар“, Дарио Јанковиќ. Инаку, новата песна на Барби е всушност дуетска тема со музичкиот волшебник на труба, Џамбо Агушев и неговиот оркестар, кој пак за прв пат публиката ќе има можност да го види во улога на рапер. Нешто како Бијонсе и Џеј Зи, само што нашиве се само музички соработници, а не и брачни сопружници или љубовници и секако, во прашање е сепак мешавина на аре ен би, рап и најмногу балкански фолк.

Сања Цинцева конечно влезе во студио: Барбика подготвува нов хит со Џамбо Агушев (ФОТО)

Антонио Димитриевски — Tue, 16 Jun 2020 11:20:52 +0000

Пејачката Сања Цинцева или како што многумина ја знаат, Сања - Барбика , после подолга музичка пауза деновиве влезе во студио. Имено, сексапилната струмичанка наскоро ќе ја изненади публиката со нова песна, а темата е снимена во студио ХЛ на Дејан Момировски. Сања на социјалните мрежи објави неколку фотографии преку кои откри како минува снимањето, а друштво во песната и прави и маестралниот Џамбо Агушев со кој Сања е добра пријателка долги години наназад. Текстот на песната го потпишува теекстописецот Борче Нечовски, а пејачката накусо ни откри дека за фановите подготвува големо изненадување, но не сакаше да открива дополнителни детали. „Со добар тим успехот е неизбежен, а за успехот многу наскоро ќе слушнете. Џамбо и Барбика – Хит мејкери!“, напиша пејачката под заедичката фотографија од тимот на „Инстаграм“. Инаку, пејачката е доста актуелна и во соседна Србија каде имаше низа гостувања, а сними и неколку песни на српски јазик кои поминаа прилично забележително. https://www.youtube.com/watch?v=TAIPl_iRtWM