дезинфекција – Вистина.мк

Тамара Тодевска ја има формулата: Еднаш месечно и е доволно да топи што треба да стопи… она другото е од чисто задоволство (ФОТО)

Антонио Димитриевски — Sat, 25 Nov 2023 08:10:23 +0000

Дека Тамара Тодевска е една од најголемите македонски поп ѕвезди не треба да повторуваме, а дека е еден од најдобрите женски вокали во Македонија, па и пошроко, ич не треба да правиме муабет. Она за што најмногу и најчесто се зборува за неа е приватноста, која заради палавиот карактер на пејачката знае да биде и бурна и шокантна, на моменти несериозна, на моменти откачена, слободна... Со еден збор - немирна... ко' дете! Трансформациите на расположението можеби зависат колку од карактерот, толку и од моменталните околности, ама затоа физичката трансформација на пејачката зависи од неа самата... И секако од нечии туѓи вешти раце... И не само раце! Тамара телото го доведе до совршенство, па иако порано често ги менуваше килограмите, последниве години е некако прилично „стабилна во тежината“ со по некоја ситна вариција плус - минус... И сега логично дека јавноста ја интересира како тоа на пејачката и успева? Дали е во прашење некоја специјална диета, посебен режим на исхрана како на пример хроно, кето или автофагија, трчање, пливање, теретана... Или некој друг мастраф за пејачката да изгледа како „излиена без мана“? Тамара со една-две фотографии реши да ја одгатне тајната или барем дел од неа, како изгледа формулата за нејзината убавина... И однадвор и одвнатре! Расоблечена од половина надолу, ем ја покажа големата шарена тетоважа исцртана на половината што привилегија во посебна прилика имале да ја видат само одбраните, ем потврди дека еднаш месечно и е доволно да топи што треба да стопи... од килограмите! Она што случајно ќе остане нестопено, оди на топење од чисто задоволство... И многу извесно дека не само еднаш месечно!? Ова е тајната кога е во прашање детоксикацијата на пејачката, ама Тамара освен „прочистување однадвор“ перави и „прочистување одвнатре“... Или што би рекла самата - дезинфекција! Колку често ја применува истата до душа не кажа, ама затоа покажа колкава и е „пропишаната доза“. 6 Х 0,3 до 0,5 ml Текила со што „дезинфекцијата“ комплетна би била. И после тоа еве ти ја Тамара... Ко' „Торнадо“ и „Нијагара“! Фото: Инстаграм/tamaratodevska

Никогаш не го оставајте средството за дезинфекција во автомобилот: Експертите ја откриваат причината

Христина Ѓоргиевска — Mon, 17 Aug 2020 12:00:33 +0000

И пред здравствената криза, средството за дезинфекција на раце се наоѓаше во торбите на многу луѓе. Меѓутоа, со моменталната епиде*иолошка ситуација, миењето и дезинфекцијата на рацете никогаш не биле поважни и почести. Колку и да сте користеле вакви средства, веројатно досега сте ја направиле честата грешка на која ретко кој мисли. Никако не го оставајте средството за дезинфекција во автомобилот, пренесува B92. Центрите за контрола и превенција на болести (CDC) препорачуваат користење на средства за дезинфекција на раце кои содржат најмалку 60% ал*охол, за уништување на микробите. Меѓутоа, средствата за дезинфекција на раце на база на алк*хол обично содржат етанол кој “испарува на собна температура”. Значи, ако предолго го оставите во топло опкружување – како во автомобил – топлината ќе ја намали количината на алк*хол, активната состојка која ги уништува болестите. Така средството во основа станува бескорисно. “Дефинитивно е проблем ако го оставите средството за дезинфекција во автомобилот со денови и недели”, вели доктор Грег Бојс, професор на одделот за хемија и физика на Универзитетот “Florida Gulf Coast”. Извор: Курир.мк

Колку долго ве штити средството за дезинфекција на рацете?

Христина Ѓоргиевска — Mon, 11 May 2020 12:00:54 +0000

Во време на пандемија на коронавирусот, едно од најчесто поставуваните прашања е колку долго делува средството за дезинфекција на рацете, односно колку долго ве штити по нанесувањето? Препораката на експертите е често и темелно миење на рацете со сапун и вода барем 20-30 секунди за да спречите пренесување на вирусот, но во ситуации кога не сте во можност да ги измиете рацете, средството за дезинфекција со 60% алкохол во составот, најчесто во форма на гел, е следниот најдобар избор за заштита. Сепак, треба да се нагласи дека тие средства не нудат неограничена заштита по нанесувањето и дека најдобра опција е во најбрзо можно време потоа темелно да ги измиете рацете. Средствата за дезинфекција на рацете базирани на алкохол се добра алтернатива, но имајте на ум дека со миење на рацете буквално ги отстранувате нечистотиите, бактериите и вирусите и тие „завршуваат“ во одвод, а кога ставате средство за дезинфекција, тоа „убива“ сѐ што се наоѓа на вашите дланки во тој момент. Кога следен пат ќе допрете контаминирана или валкана површина, логично е дека рацете повторно ви се валкани. По миењето или дезинфицирањето, рацете ви се чисти неколку минути, освен ако навистина не внимавате да не допрете ништо. Сепак, пред да го допрете лицето или храна, секогаш мијте ги или дезинфицирајте ги рацете, иако сте го направиле тоа пред 10 минути. Ако користите средство за дезинфекција, потрудете се да ја исчистите целата површина на раката, исто како при миење: дланката, прстите, надворешниот дел на раката, палците и зглобовите. Имајте предвид дека ако рацете ви се видливо валкани, средството за дезинфекција нема да помогне. извор: Кајгана

Како правилно да го дезинфицирате автомобилот? (видео)

Христина Ѓоргиевска — Mon, 30 Mar 2020 12:30:22 +0000

Најголемата специјалност на Лари Косила е деталното чистење автомобили, па токму затоа, тој снимил видео со цел да ни објасни како правилно треба да ги дезинфицираме возилата за да се заштитиме од опасниот коронавирус. Тој споделува неколку трикови за ефикасно чистење на површините во кабината на автомобилот, а како што наведува, најважно е темелно чистење на воланот, на менувачот, кваките од вратите, како и појасите.

Како правилно да го дезинфицирате мобилниот телефон?

Слободанка Илиева — Thu, 26 Mar 2020 14:06:26 +0000

Меѓу повеќето основни препораки за заштита од корона вирусот кои е потребно да ги следиме со цел запирање на неговото проширување, спаѓа и дезинфекцијата на мобилниот телефон. Токму мобилниот го поставуваме на разни повшини и често го допираме со нашите раце, па затоа е потребно да знаеме како правилно да го дезинфицираме. Погледнете ги советите на микробиолог дадени во ова видео за Британскиот Би-Би-Си сервис: извор:готви.мк