девана нардели – Вистина.мк

Македонската пејачка со стомак до заби летуваше во Охрид, па доби незаборавен одмор – стана мајка! (фото)

Слободанка Илиева — Wed, 26 Aug 2020 08:40:17 +0000

Македонската пејачка Девана Ѓорѓиевска, попозната како Девана Нардели стана мајка на женско. Изминатите неколку деца на својот профил на Фејсбук, таа постојано објавуваше труднички фотографии каде позира со нараснатиот стомак во костим за капење. Овој одмор во Охрид ќе го памети по доаѓањето на свет на нејзиното прво чедо кое го опиша на необичен начин: -24 часа по овие факман-трудноохридски слики, 24 часа по одлуката со стомак до заби да не одиш со кајче релација Биљанини - Канео - Биљанини, туку да се размрдаш пеш и 24 часа по јадење кубанска телетина и ориз, свеж лук со сол, чоколадна торта со пина-колада (еднаш неделно дозволено во бременост, добиваш поклон во форма на мало човече, кое не го покажувам се уште, суеверие, 40 дена да пројдат. Инаку Девана и нејзиниот избраник Дејан се свршија минатиот месец, а сега се веќе во проширен состав. Честитки!

Девана Нардели, некогаш девојка на покојниот Ѓумар, сега драга на најдобриот другар на Драги – „Шпага“ (ФОТО)

Антонио Димитриевски — Wed, 27 Mar 2019 08:36:02 +0000

Македонската пејачка со класична наобразба Девана Ѓорѓиевска попозната како Девана Нардели многумина ја знаат по нејзините настапи по кафулињата и клубовите во Скопје, но на пошироката јавност таа и стана позната откако пред неколку години најпрвин јавно го разголе телото...

...А подоцна и јавно „ја разголе душата“ со отвореното писмо што го објави за својата тага по изгубената љубов, во која беше извесно време со предвреме починатиот диригент, маестро Саша Николовски – Ѓумар!

Според тогаш објавеното, изгледаше дека покојниот македонски диригент и бил најголемата љубов на пејачката, која за жал, како и сите вистински љубови имаше тажен крај! Но по се' изгледа дека времето ги лекува раните, па и оние што се длабоко во нас. Девана од неодамна почна се почесто постојано да се појавува на фотографии на социјалните мрежи во друштво на еден човек, кој исто така не и непознат на јавноста.

Но, откако стана јасно дека не е во прашање роднина или само пријател на пејачката, туку дека тука има и нешто повеќе од обична дружба, истата таа јавност ја заскокотка кој тоа со Девана ја дели „хемијата“?

Оние малку повозрасните го знаат од скопската градска кафе и клубска шема... Дејан О. - човекот кој заедно со неговиот тогаш најдобар другар, подоцна познатиот ТВ и не само ТВ лик Драги - „Шпага“ чудно се облекуваа во „ѕвонарки“ и зебра костуми, носеа перики ала Мајкл Џексони, бакенбарди ала Елвис Присли и чудни очила за сонце како Елтон Џон, па беа впечатливи и препознатливи уште оддалеку.

Подоцна стана сопственик на еден од првите ЦД продавници во Македонија, ЕМИ ЦД шоп, која потоа почна да продава и техничка стока и...

Драги - „Шпага“ од победник во реално шоу наеднаш стана „Валијант“ актер...

...А, неговиот компањон наеднаш како да го снема, како да исчезна од јавниот живот!?

Години подоцна еве го повторно во љубов со пејачката, која и самата ја потврди на социјалните мрежи. И нема ништо лошо во тоа, напротив! Љубовта на сите ние потребна.

Само, прашањето е дали Девана го избрала него зошто физички потсетува на нејзината прва голема љубов, покојниот Ѓумар?

Дали навистина првата љубов заборав нема, па се' друго е само „копија верна на оригиналот“ или новата љубов допрва ќе стане најголема, останува да покаже времето!? Важно е да се љуби!

Македонската пејачка е или многу чудна или малку трудна? (ФОТО)

Антонио Димитриевски — Fri, 11 May 2018 08:33:10 +0000

Иако многумина ја знаат по нејзините настапи по кафулињата и клубовите во Скопје,м акедонската пејачка Девана Нардели на јавноста и стана позната откако јавно „ја разголе душата“ со отвореното писмо што го објави за својата тага по изгубената љубов, во која беше извесно време со предвреме починатиот диригент, маестро Саша Николовски - Ѓумар!

Оттогаш младата уметница која е и членка на Македонската опера и балет, како да не можеше да се помири со реалноста, па тешко ја прифаќаше стварноста, тонејќи во депресија... Вечерните настапи веројатно беа лекот за душата, која тешко се лекува, но барем на момент ја враќаа во живот, онаков каков што треба да живее една млада 24 годишна девојка.

Девана уште претходно имаше и пејачки и манекенски, па и пишувачки обиди... Останаа запаметени нејзините разголени фотографии од неколку провокативни фотосесии кои тогаш младата Девана ги направи покажувајќи го сиот свој телесен потенцијал.

Привлечна, пожелна, секси... некои ја нарекоа македонската Лолита.

Деновиве Девана има нова фотосесија...

За почеток, како најава за излез од депресијата и комплетен влез на естрадата...

Ама тоа ќе се случи, најверојатно од септември! Откако ќе го скрчка, она што го крчка во музичкото студио.

Стриктно свртена кон градењето на кариерата, како што самата вели, за нова љубов се' уште не е подготвена?! Или можеби Девана сепак нешто крие, и покрај тоа што „ги разголе“ и душата и телото?

Особено, ако ја погледнете една од новите фотографии кои самата ги постираше на своите профили и го прочитате статусот што го постави крај неа, излегува дека пејачката е или многу чудна или малку... трудна?

Нежен допир-тажен поглед… Еве Викторија Лучевска чија рака посака да ја милува: Кој ли ти гали образи? (ФОТО)

Антонио Димитриевски — Wed, 14 Feb 2018 10:36:08 +0000

Македонската манекенка и топ модел Викторија Лучевска до скоро постојано постираше статуси на својот Фејсбук профил кои постојано асоцираа на љубовно незадоволство. Арно ама, изгледа дека во последно време згодната прилепчанка „си ги нареди картите“, па љубовните жалопојки по нејзините статуси повеќе ги нема.

До душа, нема ни фотографии или било каква друга најава која би наговестила или потврдила дека на згодната Викторија во љубовта и „цветаат рози“, освен по некоја срамежливо постирана...

Токму на една од нив, Викторија во крупен план и една рака која нежно ја милува по лицето... Налик машка, средена... Мора да е типот метросексуалец... Допирот нежен, љубовен, ама што ако... Кога погледот на Лучето е тажен! Една рака нежно ја милува по лицето, ама по се изгледа тоа не е таа... И да не беше коментарот подолу под сликата, не ќе знаевме Викторија Лучевска чија рака посака да ја гали?

Твоите нежни допири на моите бели образи... Или, кој ли ти гали образи? Можеби најдобро: кога те нема, зар може некој да те замени?

Македонската пејачка Девана што и да фати-добро го држи, а и добро и стои… Од микрофон, пиштол, до рогови… (ФОТО)

Антонио Димитриевски — Wed, 31 Jan 2018 09:16:36 +0000

Македонската пејачка Девана Ѓорѓиевска, попозната под уметничкото име Девана Нардели покрај професионалните ангажмани и обврски како пејач во Македонската опера и балет,често настапува и по ноќните локали во Скопје и Македонија.

Девана исто така постојано постира фотографии на социјалните мрежи... Само што нејзините не се исклучиво врзани со професијата. Секако ги има и оние од настапите, на кои како што е познато покрај гласот потребен е и добар алат, во случајов микрофон! Затоа Девана неодамна се пофали дека „без добар Шур, нема добар жур“, па гордо покажа како стручно и цврсто го држи „Шурот“ в рака!

И тоа е нормално и разбирливо за на фотографија. Ама, само некој ден потоа, ете ти ја пејачката со нова играчка в раце... И тоа опасна! На неа не се пее... Може само да ти го „свирне“... Во чело или некаде во тело и толку. Ама Девана не е таква. Таа се дружи со „опасната алатка“, само заради мерки на претпазливост... Или предупредување!

Иако изгледа како „опасна девојка“, таа со потенцијалните „ривалки“ е солидарна! Така барем самата вели! И се однесува... Па од солидарност кон жените со „набиени рогови“ кои гордо си ги носат, и самата си стави рогчиња на глава... За да ги потсети со постирана фотографија и статус во стилот: „Ти кажувам ќерко, сети се снао“! Која во нејзината приказна се најде потсетена и погодена, само таа знае! И веројатно онаа, на која пораката и е упатена!

Како и да е, од досега приложеното едно е сигурно: Девана што и да фати - добро го држи, а и добро и стои... Од микрофон, преку пиштол, до рогови...! Само, пазете на што ќе налетате!

Пејачката Девана Нардели откри две нешта: Каква скара душата и бара, а и дека без добар „Шур“, нема добар жур! (ФОТО)

Антонио Димитриевски — Mon, 25 Dec 2017 09:35:05 +0000

Македонската пејачка Девана Ѓорѓиевска, попозната како Девана Нардели покрај професионалните ангажмани и обврски како пејач во Македонската опера и балет, наоѓа време паралелно да и се посвети и на онаа другата своја музичка кариера како кафеанска и клубска пејачка.

Девана се почесто настапува по ноќните локали, а опусот на нејзините песни е комбинација на повеќе жанрови, зашто младата пејачка се труди да ја задоволи масата народ која има различни вкусови.

Иако до сега не се изјаснила што повеќе и лежи: забавното или народното, оние што биле да ја слушнаат велат дека убавата пејачка поодеднаково добро се снаоѓа во обата правци.

А како што е познато без добар алат, нема добар занает... Затоа Девана цврсто го грабна в раце новиот алат, па со него се пофали на социјалните мрежи: „Без добар Шур, нема добар жур“ - вака отприлика би можело да се каже за новиот микрофон на пејачката, кој навистина е екстра класа! Да ти е мерак на него да пееш... па Девана и не го испушта од рака, кога е на сцена! Лакот на ноктите е само... екстра декор!

А кога сме веќе кај меракот, младата пејачка е голема мераклика уште на нешто... што се вика полна маса!

И тоа со добра софра! Затоа исто како што се пофали со микрофонот, Девана на Инстаграм се пофали и со своето омилено парче... скара! Формата запазена, а за квалитетот... прашајте ја пејачката!