детски фестивал – Вистина.мк

„Поточиња“ на 13 и 14 април во Македонска Филхармонија

Слободанка Илиева — Tue, 05 Mar 2024 11:16:10 +0000

На 13 и 14 април во Македонска Филхармонија ПОТОЧИЊА по 21. пат ќе потечат и ќе донесат многу радост и насмевки на детските лица. Се најавуваат нови детски хитови и голема забава, а со игра и песна низ фестивалската приказна децата ќе ги води актерот Мартин Јорданоски во маската на популарниот водител Поки. Билетите се во продажба преку продажната мрежа на МК Тикетс и онлајн на следниот линк – https://mktickets.mk/event/potocinja2024/ по промотивна цена од 350 денари до 31.03.2024. Цената на билетите од 01.04.2024 ќе изнесува 450 денари. Фестивалските претстави се со почеток од 11:00, 13:00 и 19:00 часот во двата дена. Минатата година Поточиња со прекрасно издание го прославија својот 20-ти јубилеен роденден, а годинава се очекува забавата да продолжи на радост на сите деца.

„Поточиња“ влегуваат во финални подготовки за јубилејното 20 издание

Антонио Димитриевски — Wed, 26 Apr 2023 11:17:34 +0000

Големиот јубилеј од неверојатни 20 години постоење на македонската музичка сцена се наближува за детскиот фестивал „Поточиња“ и самите подготоки за истиот веќе влегуваат во напредна и финална фаза. Дечињата-носителите на детската песна веќе наголемо се подготвуваат за фстивалскиот настап играјќи ги и пеејќи ги новите детски хитови. Новото јубилејно 20-то издание ќе се одржи во Македонската Филхармонија на 13 и 14 мај, овие два дена ќе бидат вистински празник за македонската детска песна исполнети со по три претстави во денот од 11, 13 и 19 часот. Билетите се' уште се во продажба и можат да се набават ТУКА - https://mktickets.mk/en/concerts-en/potocinja13/ Фотографиите се направени на последните проби на Поточињата пред самиот Фестивал.

ЗАПОЧНУВА 11-ТО ИЗДАНИЕ НА БИТОЛИНО

Слаѓана Атанасова — Wed, 03 Aug 2022 11:32:14 +0000

Во Битола денеска почнува 11. издание на Интернационалниот детски театарски фестивал „Битолино“ кој годинава се одржува под мотото „Per astera ad astra“ или „Патот до ѕвездите е трнлив“. Фестивалот за прв пат ќе се одржи во нов формат односно претставите ќе се одиграат под отворено небо, на две сцени, на платото на Офицерски дом, дел од „Културен и информативен центар“ во Битола. Фестивалот е во организација на „Бабец театар“ а од оваа година е дел од Годишната програма за култура на Општина Битола и ќе се реализира во рамки на програмата на Битфест 2022. На првиот ден од фестивалот ќе се одржи театарска работилница за изработка на кукли од разни материјали под раководство на актерот Марјан Георгиевски. Театарската работилница за изработка на кукли ќе трае три дена и ќе претставува експресно брз процес за создавање на куклена претстава во која куклите раководени од самите деца учесници на работилницата ќе оживеат на сцената во една кратка куклена претстава која ќе се одигра пред публиката на последниот ден од Фестивалот, соопштија организаторите на „Битолино“. Извор:Курир

Детскиот фестивал „Поточиња 2022“ на 18-ти и 19-ти јуни во Македонска филхармонија

Антонио Димитриевски — Wed, 18 May 2022 10:57:56 +0000

Многу нешта ги радуваат децата, прегратки, шеги, игри, забава, другарување, но танцувањето и пеењето им се можеби омилените. На прагот од летото, детските желби ќе станат реалност, – „Поточиња 2022“” и официјално ќе се одржи на 18-ти и 19-ти јуни во Македонска филхармонија, најубавата вест за сите дечиња. Новото претстојно издание на „Поточиња 2022“, како еден од најпознатите детски музички фестивали, е време за повторно дружење на големата сцена. По три години, без никакви ограничувања и рестрикции, на „Поточиња 2022“ повторно ќе протечат и ќе се разлеат нови игри, песни, насмевки и радости на голема сцена и пред несомнено полна сала. Фестивалот ќе се одржи во три достапни термини на 18.06.2022 (сабота) и 19.06.2022 (недела), односно со почеток во 11:00 часот, 13:00 часот и во 19:00 часот. Билетите се веќе во продажба преку продажната мрежа на МК Тикетс, како и онлајн. За првпат во Македонската филхармонија и за првпат наместо да се пречека, детските песни ќе ја испратат пролетта со песна. Организаторите најавуваат голема забава и вистински детски спектакл. Најубавата вест конечно пристигна.

Детскиот фестивал „Поточиња“ на 3-ти јули на Школка во Градски парк – Скопје

Антонио Димитриевски — Thu, 01 Jul 2021 13:06:31 +0000

Во рамки на манифестацијата „Скопско лето“ 2021 ќе се одржи новото 18. издание на Детскиот фестивал „Поточиња 2021“. Влезот е слободен, а фестивалот ќе се одржи согласно протоколите за одржување на настани. Детскиот фестивал “Поточиња” на македонската сцена за првпат се појави во 2004 година. Своето прво издание го имаше во Универзалната сала во Скопје и со своите песни за кратко време ги освои срцата на најмалите љубители на музиката. Секоја година редовно со своето одржување ја најавува пролетта. Детскиот фестивал „Поточиња” им овозможува на децата преку песна да зачекорат во светот на семејството, училиштето, градинката, здравите навики, толеранцијата, природата, екологијата, бајките, сказните. Идејно и концепциски осмислен од страна на композиторот Мирослав Пап, ,,Поточиња” стартува како прв фестивал за деца од предучилишна возраст во Македонија. Успешноста и популарноста на првите изданија на фестивалот доведоа до голем интерес кај деца од училишна возраст за учество на ,,Поточиња” и фестивалот започнува да опфаќа деца – учесници на возраст од 5 до 12 години. Единаесет години Универзалната сала беше домот каде што Поточиња ги реализираа своите изданија, а по нејзиното затворање изминатите 5 години Поточиња своите изданија ги реализира во Македонската опера и балет. Детскиот фестивал „Поточиња” своето 16. издание го одржа на 30-ти и 31-ви март 2019 година во Македонска опера и балет кадешто беа реализирани шест претстави за публиката. ,,Поточиња 2019” беше посетено од 5 000 деца. Поради ситуацијата со коронавирусот , 17. фестивалско издание „Поточиња 2020” беше реализирано во онлајн формат, додека промоцијата на 18. фестивалско издание „Поточиња 2021” година ќе се одржи на 3-ти јули 2021 година на популарната „Школка” во Градскиот парк Скопје.

Одложен детскиот фестивал „Поточиња 2020“

Антонио Димитриевски — Wed, 11 Mar 2020 13:07:37 +0000

Поради настанатата ситуација со коронавирусот и согласно мерките од надлежните институции, Детскиот фестивал Поточиња 2020 закажан за 21 и 22 март во Националната опера и балет се одложува. Организаторите информираат дека новиот термин за одржување на фестивалот ќе биде дополнително утврден и објавен, согласно состојбата во државата, во период кој ќе биде апсолутно безбеден за децата и граѓаните. Сите кои набавиле билети ќе можат да извршат повраток на средствата на истото продажно место на кое ги купиле билетите.

На 30 и 31 март: Детски фестивал „Поточиња 2019“

Антонио Димитриевски — Thu, 07 Mar 2019 13:43:51 +0000

Популарниот детски фестивал „Поточиња“ по 16. пат ќе се одржи на 30 и 31 март 2019 година на сцената на Македонската опера и балет. Распеаните и разиграни учесници на публиката ќе претстават уште една нова фестивалска приказна исполнета со 15 нови детски песни. Програмата ќе биде збогатена со специјално изработени анимирани цртани филмови соодветни за секоја тема од песните кои ќе бидат изведени на фестивалот.

Домаќин на публиката и оваа година ќе биде актерот Мартин Јорданоски кој ќе ги води дечињата низ приказната на Поточиња во улогата на маскотата Поки.

Од организаторот, „Пап продукција“, информираат дека сѐ е подготвено за уште една голема детска забава и дека на репертоарот се закажани шест претстави со почеток од 11.00, 13.00 и 19.00 часот во двата дена. Билетите може да се набават во „Југотон“, билетарницата на МОБ и онлајн на www.jugoton.mk и www.babyshop.mk.

Претстои „Златно славејче 2018“

Антонио Димитриевски — Thu, 01 Nov 2018 11:57:38 +0000

Оваа година 48. издание на најстариот детски фестивал во Македонија, „Златно славејче 2018“ ќе се одржи на 16, 17, 18 и 19 ноември во салата на Македонската филхармонија, а сите претстави се со почеток од 11.00, 13.00 и 17.00 часот за сабота и недела. „Ветуваме одлична забава и атмосфера со специјални ефекти“, велат организаторите. Влезниците се веќе пуштени во продажба преку продажната мрежа на МК Тикетс и во „Југотон“.

Детскиот фестивал „Поточиња“ на 24 и 25 март прославува 15 години јубилеј

Антонио Димитриевски — Mon, 05 Mar 2018 13:36:51 +0000

Пролетта во Скопје традиционално е резервирана за детскиот фестивал „Поточиња“. Новото издание „Поточиња 2018“ ќе се одржи на 24 и 25 март 2018 година во Македонска опера и балет и воедно ќе значи прослава на 15 години јубилеј на овој реномиран детски фестивал. Организаторот „Пап продукција“ најавува специјално роденденско издание исполнето со нови песнички, прекрасни приказни, изненадувања и специјална роденденска програма. Домаќин на дечињата ќе биде популарната маскота „Поки“, која ќе ја води публиката низ ова јубилејно издание.

На репертоарот се 6 претстави со почетоJк од 11.00, 13.00 и 19.00 часот. Билетите се веќе во продажба на билетарницата на МОБ, „Југотон“ и онлајн на www.jugoton.mk.